رواية رواسي الدهر الفصل الثالث 3 – بقلم روح الدليمي
➰➰➰➰➰➰➰➰➰➰➰
ما اعرف ليش حجيت هيج، بس كل
الاعرفه لازم اخلي يثق بيه و يرجعني لاهلي..
بقه مركز عيونه بعيوني و گال
رسيم:تحبيني؟
رواسي:اي اي
ضحك مستهزء و گال بعصبيه
رسيم:ببالج اني جااهل تقشمريييني بهذا الحجي؟؟
سحبني من تيشيرتي بقوه و قربني عليه
و اردف بنفس النبره..
رسيم:اذا ترديني اصدكج تتزوجيني و هسه!
رجفت بخوف من عنده، ما ناوي يتركني بحالي
بقيت متررده شنو اجاوبه؟
اذا گلت اي راح ابقى هنا، و اذا گلت لا راح يعذبني اكثر
عاط بيه فززني
رسيم:جاوبييينييي رواسييي
درت وجهي عنه و گلت
رواسي:اخر انسان ممكن اتزوجه هوَ أنتَ، يا ننننذل يا حيوااااان
صفن بعيوني ثواني، حك لحيته و گال
رسيم:تردين مسكن؟
رواسي:اي راسي يريد ينفجر
رسيم:تدللين هسه يجيج احسن مسكن بالدنيا كلها
بقيت اباوع عليه حايره، ما اعرف شنو يريد مني
و لا ليش مبقيني يمه لحد هسه
طلع من الغرفه شوي و رجع بيده حبايه
و كلاص مي، باوعتله بشك و گلت
رواسي:شنو نوعية هذا المسكن؟
رسيم:ما اعرف اسمه بس كلش خوش مسكن اخذي و ادعيلي
بقيت متردده بس استسلمت اريد اي شي
يفك الوجع عني.. اخذت الحبايه من ايده و مدلي كلاص
المي اخذته شربت من عنده و رجعت راسي على المخده
رفعت عيوني شفته يباوعلي مركز بيه
و مبتسم.. اخذ الگلاص مني و طلع من الغرفه
مرت ساعتين و حسيت كل جسمي
خدر، حسيت بشعور غريب كلش.. طايره من الدنيا مو بيها
صرت اضحك و ابجي بنفس الوقت
بشكل هستيري، على صوتي انفتح باب الغرفه
و دخل رسيم ضحك و گال
رسيم:خوش حبايه هاي
رواسي:شسويت بيه يااا نذل شنطيتني أنتَ
رسيم:السعاده كلها
رواسي:اريد اهلي رجعنيييي
رسيم:بس يصير الاريده ترجعين
حطيت راسي على المخده و صرت ابجي
شنو الي ديصير بيه ما اعرف، شنو هاي الحبايه الي گلبت احوالي كلها بساعتين بس
مرت ايام و اني على نفس وضعي، الصداع صار يزيد عندي اذا ما اخذ الحبايه.. اذا ارفض اخذها يضربني ابره بالوريد مباشره و يضربني بكل عنف و بدون رحمه.. لحد ما يغمى عليه
تغيرت كلش و زني نزل بشكل مريب، عيوني حمر دم
و بشرتي شاحبة اللون.. تصرفاتي صارت عدوانيه و صرت اميل للعنف.. اطلع كلشي بروحي
أاذي نفسي، و اضرب بروحي بس حتى ارتاح و اذا رسيم يمي اطلع حرگتي بي هوَ يضربني و اني اضربه..
و صرت انام هوايه كل وقتي نايمه
رجع يبقيني بالغرفه و يقفل الباب مجرد يجيبلي اكل
و يطلعني للحمام.. و يرجعني للسجن مالتي
گطع عني الحبوب و حالتي تدهورت اكثر
و ميقبل ينطيني الا اوافق اتزوجه..
كل عقله يريدني اتزوج واحد مثله، ماعنده ذره رحمه
عنيف بشكل مخيف.. ملامحه الحاده تخوفني بمجرد ما اشوفه ينظرلي
الم و دوخه فضيعه براسي، كل جسمي يرجف
متهستره.. اريد اخذ العلاج مينطيني
وكفت يم الباب و صرت ادك عليه و ايدي ترجف
بالكوه اضرب بيدي على الباب..
رواسي:تعاااال افتحلييي الباب، تعبت اريد العلاج جيبه راسي راح ينفجر
سمعت صوت خطواته قريبه من الباب
ابتعدت عن الباب لما فتحه و دخل للغرفه، صار يباوعلي
بنظرات ماعرفت افسرها.. ضحك مستهزء و گال
رسيم:كتلج ما انطيج لحد ما توافقين
تقدمت عليه رفعت ايدي اريد اضربه، بس سبقني و لوه ايدي وره ظهري و همس ب اذني..
رسيم:تردين الحبوب، وافقي تتزوجيني و اشبعج بيهن
رواسي:انته واحد نذل تعرف بروحك
فرني عليه و عصرني من خصري بقوه
و گال
رسيم:تموتين على الانذال
رواسي:عوفني خليني اموت، ليش هيج دتعذبني ؟
قربني عليه اكثر و همس ..
رسيم:لان احبج
ضربته على صدره ضربه خفيفه، ماعندي قوه
بجيت و عطت بي ..
رواسي:متحبني متحبنييييي
رسيم:والله احبج، حبيتج ماعرف شلون بس دخلتي گلبي
رواسي:اذا تحبني صدك رجعني لاهلي
رسيم:تزوجيني و شوفي اذا ما رجعتج
صرت احوس بين ايده اريد افلت روحي من عنده
نظراته الي خوفتني.. بس شد قبضته عليه
و سحبني اكثر لزگني لزگ بي
حط گصته على گصتي و گال بهدوء..
رسيم:تعبتيني رواسي شوكت تحسين؟
عرگت كلش و گلبي احسه راح يطلع
من صدري بسبب التوتر، ملت راسي على جهه ابعده عني و گلت
رواسي:انطيني الحبايه
رسيم:وافقي اول
بقيت اباوع بعيونه حايره ما اعرف شنو
اجاوبه.. منا اريد اهلي و منا اريد الحبايه
و بنفس الوقت ما اريد اصير على ذمته..
ابتعد و دار وجهه عني و راح
قبل ليطلع التفتلي و گال
رسيم:بالطيب لو بالغصب اليوم تصيرين مرتي
سد الباب و قفلها، ما اعرف شسوي
وين اروح.. وگعت بين نارين و ثنينهن يحركن بيه
وكفت يم الباب و صرت اضرب راسي بالباب
بكل القوه الموجوده عندي.. الصداع ذبحني ذبح
على صوت الضرب انفتح الباب و اندفع بقوه
وكعت و انضرب راسي بالگاع، على اثرها
اغمى عليه..
حسيت بلمساته على خدي، فتحت عيوني
شفته واكف فوك راسي
اول ما شافني فتحت عيوني، جرني من ملابسي
و رفع ايده ضربني بكل قوته على وجهي
و عاط بيه
رسيم:عاجبجججج تنضربيييين أنتِ، خو كوليلي و اني ما اقصر وياج
رواسي:موتني موتني اني اريد اموووت
رسيم:كومييي كدامي يلا
رواسي:ماااا اكوووم، وين تريد تاخذني
سحبني من ايدي وگعني من الجربايه
ظهري تزلغ من الحافه، عضيت على شفتي بقوه
شاغت روحي
نزل روحه لمستوايه و عصر شفتي عصر
بيده، و همس
رسيم:راحتي كلها بيهن اذا تعضين شفتج بعد راسج اكسره
رواسي:شكد شايفه انذال بس مثل نذالتك بعمري و حياتي ما شفت..
سحبني من ايدي كومني و گال
رسيم:گتلج تموتين على الانذال ما صدكتيني
سحبني من ايدي و طلعني من الغرفه
وجه نظراته عليه و گال
رسيم:السيد گاعد جوه هسه يعقدلنا
رواسي:ما اريدك اكرهكككك اني اكرهكككك
رسيم:تموتين عليه روسيه
نظرتله بقرف و ضربته على وجهه
و حجيت بعصبيه..
رواسي:تخسيييي احب واحد مثلك
لزم ايدي و فرها وره ظهري، قرب
روحه عليه اكثر، نزل راسه برگبتي و همس
رسيم:ما اسويلج شي هسه، خلي نعقد و اشوفج العقاب على اصوله
طبع بوسه برگبتي و ابتعد عني، كل جسمي
كزبر من بوسته و الحراره صعدت لنافوخي
خفت و توترت شنو المنتظرني بعد ؟
اجه عليه انطاني شال، حطيته على راسي
و دخلنا سوه جانو اكو رجال جبير بالعمر و ثنين يطلعون بعمر رسيم
بلش السيد يعقدلنا و اني احس راح اموت
ب اي لحظه، متأكده موتي راح تكون على ايد
“الرسيم”
خلصنا عقد و اني بالي مو وياي
كل تفكيري ب اهلي و شنو راح تكون ردة فعلهم لما يعرفون تزوجت الشخص الي خطفني و دمر حياتي
فزيت من افكاري لما دفعني على القنفه
باوعت حواليه ماكو احد بس اني و هوَ
ردت اكوم بس منعني لما صار فوكي، حضن وجهي
بين ايده و صار يطبع بوساته على كامل وجهي و
شفتي…
دموعي صارت تنزل ويه كل لمسه و حركه يسويها
ويايه.. سحبني من ايدي و اخذني للغرفه
يحرك بيه كأني لعابه بين ايده..
تقرب مني و اخذ الي يريده اول ما ابتعد عني
انفجرت بالبجي لفيت روحي بالغطه
و طلعت من الغرفه اني و دموعي و خيبتي
الم و خيبه و قهر كلهن التمن عليه
فتت للحمام فتحت المي و وگفت جواه
المي بارد ثلج، بس ما برد نار گلبي و روحي ..
بقيت هواي واكفه جوه المي و ابجي
اتذكر اهلي و ازيد بالبجي، لمساته و قربه
مني خلتني اقرف من روحي و حسيت روحي مسويه خطيئه جبيره
اندك الباب بقوه و اجاني صوته
يحجي بعصبيه..
رسيم:رواااسي فتحي الباب احسن الج
سبحت بسرعه و لفيت روحي بالمنشفه
و طلعت، بقه صافن عليه يباوعلي و اكلني اكل
بنظراته..
دخلت للغرفه و سديت الباب متجاهله كلشي
بدلت هدومي و شلت الجراجف كلها بدلتها و شمرتهن بالگاع، تمددت على الجربايه و استسلمت للنوم
اهرب من الواقع.
حسيت على حكه قويه بجسمي، صرت احك
بشكل مو طبيعي دوخه و صداع ما فاركني و لا لحظه
عطت بصوت عالي ب اسمه فتح الباب مخترع
لما شاف حالتي ركض عليه قيد ايدي بحضنه
و گال
رسيم:كله يروح وداعتج، بس تحملي فتره بعد
رواسي:انطيني الحبايه جيبهاااا أنتَ كتلي بس تتزوجيني انطيج، راااح اموووت ولكككك انطيني
رسيم:انسيها ماكو بعد مستحيل اشش
صرت الوب بين ايده، كل جسمي يحكني
و الرجفه محتله جسمي و الصداع صار ايام ما فاركني
عطت بي احس انتهيت
رواسي:كذبتتتتت عليهههه يا نذل، وخرررر عنيييييي
رسيم:بس تحملي كلها فتره و تتعالجين صدكيني
رواسي:اتعالججج من شنووو فهمنييي
رسيم:الحبوب و الابر الي جنت انطيها الج هيَ مخدرات، بس والله بعد ما انطيج ابد
رواسي:ليش هيج تسوي بيه اني بشنو اذيتك فهمنييي بشنو اذيتك!!
رسيم:وعد احجيلج كلشي بس مو هسه، تعالي نامي راح اجيبلج علاج يهدي الحكه شوي
عافني و كام من مكانه طلع من الغرفه، صرت
اضرب على راسي تخبلتتت
كل هاي الفتره اني اشرب مخدرااات و صرت مدمنه عليهن بسببه، رفعت ايدي و دعيت بصوت عالي
رواسي:يااااا رب مالي غيرك، ساعدني و خلصني من عنده اريد ارجع لاهلي تعبت ياربي تعبت
انفتح باب الغرفه اجه عليه فتح العلبه طلع منها الشريط
مال حبوب، سحبت الباكيت من عنده و كعدت
اقره الاسم و كلشي مكتوب
تأكدت انو ما بي شي اخذت العلاج و شربت
مي و تمددت، تمدد يمي و سحبني لحضنه
باسني من راسي و گال
رسيم:بعد ما تشوفين مني شي مو حلو
و اخليج تحبيني بس جري عدل وياي
رواسي:عوفني ما اريدك و لا اريد حبك، أنتَ عذبتني
صار شهرين يمكك اني ما بقيت شي ما سويته الي
رفعت التيشيرت من يم زندي و اردفت…
رواسي:هذا الاثر كل ما اشوفه راح يزيد الحقد الي بداخلي تجاهك اني مو بس اكرهك تعديت مرحله الكره و صرت امقتك، لا تفكر بيوم راح اعتبر روحي زوجه الك لو شما تسوي
اخذت ايديناته بيدي و فتحت اصابعه و گلت
رواسي:لو تشعل اصابعك العشره شموع هم ما راح اشوفك غير الشخص النذل الي خطفني و دمر حياتي
رسيم:هاي صلافتج و عدم خوفج هيَ الي خلتني اوگع بغرامج روسيه
بعدت روحي عنه قرفانه من روحي، شلون وافقت و تزوجته شلوووون!
كمت من الجربايه و سحبت الغطه و المخده مالتي
و طلعت من الغرفه كلها، رحت انام بالصاله
اسمع صوته ينادي عليه بس تجاهلته و تمددت على القنفه
غمضت عيوني بقوه بسبب الصداع دمرني دماار
ما حسيت غير جرني من شعري و سحبني من مكاني
و صار يضرب بيه، ملخني تملخ حسيت روحي راح تطلع… رفعت ايدي على راسي و حجيت بتوسل
رواسي:عوفنييي كافييي الله يخليككك، ساعدووننننيييييي
رسيم:كدامييييي للغرفه يلاااا
دفرني على بطني و ابتعد عني، بقيت نايمه بمكاني
بالكاع و الوب من الوجع
كسرني تكسر، كسر بيدك يا نذل
رجع اجه يمي و بيده تلفونه، باوعت لايده الثانيه
السلاح بيها
رفعت عيوني عليه و حجيت بخوف
رواسي:شتريد تسوي بيه؟
رسيم:اخذ روحج، كومي يلا
سحبني من زندي و كومني وياه، طلعني بَره
شال تلفونه و اتصل على شخص بقه ينتظر شوي
لحد ما رد، فتح سبيكر و سمعت صوته
هذا ابويه حبيب روحي و سندي بهاي الدنيا
راشد:وينهااا رواسي خليني احجي وياها
رسيم:تؤتؤتؤ متحجي، نفذت الطلبته منك؟
راشد:اذا مترجع رواسي لبيتها و تكون بخير مستحيل انفذ اي شي تطلبه مني
عطت من يمي حتى يسمع صوتي و گلت
رواسي:بابا ساعدنييييي راح يموتني
سد التلفون و شمره بالكاع، سحب اقسام
و صار يمشي ب اتجاهي خطوه خطوه..
كل ما يتقدم عليه ارجع ليوره
وجه سلاحه تجاهي و گال
رسيم:امنعيني روسيه
رواسي:اذا چان الموت طريقه نجاتي الوحيده، ف اني راضيه بالموت… يلا رسيم موتني و خليني ارتاح
شمر السلاح جوه رجلي و گال..
رسيم:موتيني و لتخليني أاذيج
نزلت روحي على السلاح، اخذته و وجهته عليه
كل حيلي يرجف من الخوف و دموعي تنزل على حالي
بقينه واحد يباوع على الثاني
ركزت بنظراته اريد اعرف شنو تعني هاي النظرات
بيها كسره و خوف، حب وقلق، كره و حب للانتقام
خطه اول خطوه تجاهي و لا ارادي ضربت طلقه
استقرت بصدره، عطت بخوف و شمرت السلاح من ايدي
كعد بالگاع و ايده على صدره يضغط عليه و الدم يجري رفع عيونه عليه و گال بالم
رسيم:روحي رواسي، روحي قبل ليجون
تقدمت عليه و علامات الخوف و القلق واضحه
بوجهي، مديت ايدي على صدره اشوف الجرح
ضغطت عليه و گلت
رواسي:الطلقه لازم تطلع، خابر هدى خلي تجي تساعدني
حط ايده على ايدي و عيونه صارت تنگلب ديفقد الوعي ، گال بحروف بالكوه تطلع من عنده..
رسيم:روحي روسيه
رواسي:ما اروح اسند روحك عليه خلي ادخلك جوه يلا
غمض عيونه و صار ميرد عليه، صرت اطبطب على وجهه بخفه حتى يصحى ماكو.. مديت روحي على التلفون شلته من الكاع فتحته بس حاط رمز
بقيت اجرب و بقتلي محاوله وحده بس
لو ينفتح لو ينقفل، سحبت نفس احاول اهدي روحي
و رجعت كتبت “روسيه” رأساً فتح
كعدت ادور بين الارقام على رقم هدى
اول ما لكيته دكيت عليها بنفس الثانيه جاوبتني
هدى:هلا رسيم
بجيت و حجيت بخوف
رواسي:تعالي راح يموت تعالي ساعدي
عاط بيه و حجت بتساؤل
هدى:لججج منو أنتِ رسيم وينه
رواسي:مو وكت الحجي تعالي اني رواسي، رسيم تصاوب وحدي اني كلشي ما اكدر اسويله
سدت التلفون بوجهي بدون متحجي شي
رجعت اخذت راسه خليته بحضني و صرت احجي وياه بلكي يسمعني
رواسي:اسفه والله مو قصدي، ما اعرف شلون ضربت الطلقه.. رسيم فدوه كوم
دقايق بس و انفتح باب الكراج و دخلت سياره اشرت بيدي حتى تستعجل نزل من سيارتها و ركضت عليه
دفعتني بكل قوتها عن رسيم و سحبته لحضنها
و گالت و هيَ تبوس براسه
هدى:رسيم اني احبك لتعوفني فدوه، صحصح وياي يلا حَبيبي
رواسي:خابري الحرس وينهم خلي يجون
هدى:ميقبل رسيم مستحيل، كومي ساعديني ندخله جوه
بقيت صافنه عليها، رجعت عاطت بيه يلا كمت
سندناه ثنيناتنه و دخلنا للبيت
الغرفه الي اني بيها اول غرفه رأساً حطيناه على الجربايه
عافته و ركضت بَره، جابت جنطه فتحتها
كلها مغذيات و عده دكتور كامله
طلعت كانونه و اخذت بطل مغذي، ربطت ايده
سويتله التورنيكا متت علما لكيتله وريد
ركبت الكانونه و رفعت عيوني على هدى تباوعلي مستغربه
رواسي:ترا اني ادرس تمريض مرحله اخيره
هدى:كملي شغلج لعد
كملت الكانونه و المغذي خليته ينزل على البطيئ
هيَ طلعت الطلقه من صدره، و گالت
هدى:تعاي عقميلي المواد بسرعه
رحت يمها و صرت ارش كحول طبيه على العده
الي راح تستخدمها، صارت تخيط بالجرح بكل دقه
و لا كأن هيَ مو بالمستشفى
سوت شغلها على اتم وجه و بدون اي غلط
الظاهر متعودين على هاي السوالف
خلصت من عنده و كعدت بالكاع صارت تبجي
لزمت ايده و صارت تسولف وياه
حسيت موقعي غلط يمهم، عفتهم بالغرفه
و طلعت..
باوعت لباب البيت هاي فرصتي انو انهزم من عنده
مشيت على كيفي اريد اطلع بس…
يتبع..
- يتبع الفصل التالي اضغط على (رواية رواسي الدهر) اسم الرواية