رواية صغيرة ولكن الفصل الثالث عشر 13 – بقلم الهام رفعت

(صغيره ولكن ..)

نهض من علي مقعده ، التقط مفتاح سيارته وأسرع للخارج ، اصطدم بصديقه ، فسأله بعدم فهم :

– مالك يازين ، بتجري كده ليه .

لم يتوقف عن الركض فلحقه الأخر علي الفور ، دلفوا سويا داخل المصعد فأعاد سؤاله قائلا:

– متقولي يا زين بتجري كده ليه .

أجابه بإنزعاج :

– نور مقبوض عليها .

حسام بصدمه :

– ايه! ، تابع متسائلا: وعرفت ازاي؟

زين بانزعاج شديد:

– كلمتني ، وبتقول اتخانقت مع بنت زميلتها .

تفهم صديقه موقفه وخطرت علي باله فكره ما فأردف بتعقل:

– معتز في شرم ، أعتقد يعرف يتصرف .

زين بانتباه :

– ايوه عندك حق ، هو معتز مافيش غيره .

اخرج هاتفه وقام بمهاتفه صديقه ، اتاه رده فأردف سريعا:

– معتز ، كنت عايز منك طلب 

أجابه الأخير بقلق:

– فيه ايه يا زين 

زين بضيق :

– نور عندك في شرم ، ومقبوض عليها .

معتز مطمأنا اياه :

– خلاص متخافش انت ، قولي بس مكانها وانا هروحلها هناك .

أملي عليه عنوان الفندق ، فطمأنه الأخير مره أخري ، أغلق هاتفه وتنهد بارتياح ، فسأله حسام بلهفه:

– قالك ايه يا زين .

زين وهو يتوجه لسيارته :

– معتز هيروحلها ، وقالي هيتصرف .

حسام بارتياح :

– طب كويس ، علي ما تجهز ، وتشوف ميعاد طياره قريب ، يكون هو اتصرف .

دلف داخل سيارته واردف :

– لو بابا سأل عليا ابقي قوله.

__________

ظلت تفتري عليها أكثر ، فأنزعجت الأخيره مما تقوله في حقها قائله بغضب :

– هيا اللي غلطانه ، حتي اسألو أصحابنا 

مروه متصنعه البكاء :

– شايف حضرتك ، بهدلتني وتقول عليا كلام محصلش ، انا مش هسيب حقي .

الضابط : .ب…

قاطع حديثه ولوج معتر فنهض الآخر مرحبا به بحراره قائلا :

– معتز باشا ، منورنا ، تابع مشيرا بيده علي المقعد :

– أتفضل سيادتك .

معتز بابتسامه : متشكر يا روؤف .

رؤوف بغمزه :

– خير ، مش معقول جاي تشوفني .

ابتسم له ووجه بصره نحوها ، فنظرت له بحزن ، هي تعرفه جيدا ، حمدت الله انه أتي لإنقاذها فهو صديق زوجها ، تشدق قائلا بمعني :

– جاي علشان نور هانم .

رؤوف ناظرا اليها :

– أنت تعرفها .

معتز مؤكدا :

– بنت عم واحد صديقي ، زين ما انت عارفه .

رؤوف رافعا حاجبيه :

– زين فاضل ، طبعا غني عن التعريف .

معتز بمغزي :

– عايزك تظبط الموضوع كده ، وكمان لازم تمشي معايا دلوقتي.

رؤوف غامزا :

– اعتبره حصل يا باشا .

أحست مروه ان كل ما فعلته ضاع هباءا ، فدائما ما تفشل في ايذائها لذا صاحت قائله بغضب :

– معناه ايه ده ، دي ضربتني .

رؤوف بضيق :

– أقعدي أحسن ما ألبسك قضيه آداب .

صدمت مما قاله للتو ، تراجعت للخلف تلقائيا ،فحدجها بمغزي قائلا :

– أصحابكم قالو أنتي الي بدأتي معاها وأفتريتي عليها ، تابع مضيقا عينيه :

– ورد فعل طبيعي تديكي علقه سخنه وتابع محذرا ايضا :

– أحسنلك تتنازلي ، لاني مش هسيبها تتحبس علي حاجه هايفه

معتز بابتسامه :

– متشكر يا رؤوف .

حدجته بحقد دفين ولم تعلق ، فنظرت له نور قائله بامتنان :

– ميرسي بجد 

معتز بابتسامه عذبه :

– علي ايه ، زين لما كلمني جيت علي طول ثم تابع حديثه لزميله :

– خلاص يا رؤوف ، انا هخدها معايا وانت اتصرف بقا 

رؤوف بتأكيد : 

– متشلش هم يا باشا ، زي ما قولت لحضرتك أعتبره أنتهي .

أخذها معه ودلف الي الخارج ، بينما الأخيره ظلت تتابعه بغضب دفين ، وتوعدت لها .

______________

دلف الي غرفته مسرعا لتجهيز ثيابه ، فموعد طائرته بعد قليل ، حيث ساعده أحد معارفه علي استقلال أقرب رحله لشرم الشيخ، دلف للخارج فوجد اخته فسألته قائله :

– جاي بدري كده ، وجهت بصرها تجاه حقيبه يده قائله :

– وايه الشنطه دي رايح فين .

أجابها بايجاز : رايح شرم عند نور .

سلمي باستغراب : ليه 

زين ناظرا لهاتفه :

– فيه مشكله هناك ، وأنا رايح لها .

سلمي بقلق : ممكن اجي معاك .

زين بضيق :

– انا مش ناقص تأخير، لازم أمشي دلوقتي .

أجابته سريعا :

– ما فيش مشكله ، انا لابسه وجاهزه .

زين باستغراب : وهدومك .

سلمي بايجاز : هجيب من هناك ،يلا بينا

دلفا الي الخارج واستقل سيارته متجها للمطار ، رن هاتفه فأجاب علي الفور ، وجده صديقه الذي طمأنه علي الفور بإنهاء تلك المسأله ولا داعي للقلق، تنهد بارتياح لإطمئنانه عليها وتابع طريقه.

___________________

علمت ميرا بوجوده في غرفه مكتبه ، تنفست بهدوء وتهيأت نفسيا لتلك المقابله جيدا ، فلا مجال للرجوع ، فهي لن تسمح لأحد بمضايقه والدتها وانهيار اسرتها ، دلفت خارج غرفتها متجه لمكتبه .

طرقت الباب بهدوء ، دلفت للداخل بعدما سمح لها بالدخول ، وجه بصره تجهها قائلا بابتسامه :

– تعالي يا حبيبتي ، عاوزه حاجه .

تقدمت منه بثبات قائله :

– أيوه يا بابا ، كنت عايزه حضرتك في موضوع مهم .

أردف باستغراب : موضوع ايه .

أخذت نفس عميق وزفرته دفعه واحده قائله بملامح خاليه من التعبير :

– هو حضرتك تعرف واحده علي ماما .

_________________

كانت منهمكه في انهاء بعض الأعمال الضروريه ، لم يعد غيرها فقد حان وقت ذهابها ، دلف اليها والدها قائلا بحنان:

– مش يلا بقي يا مريم .

نظرت اليه بابتسامه قائله :

– معلش يا بابا عندي شويه شغل هخلصوا وأمشي علي طول .

فاضل بابتسامه :

– ماشي يا بنتي ، هبقي ابعتلك السواق علشان يوصلك .

شكرته علي ذلك ثم دلف للخارج وتركها تكمل عملها ، تطلعت مره اخري علي الاوراق غير منتبه للواقف قبالتها ينظر اليها ، رفعت راسها عفويا ، فوجدته امامها ، حدجته باستغراب شديد قائله :

– نعم ، عاوز ايه ، جاي تطلع عليا كلام جديد ، ولا مش فاضي غير ليا .

_________________

أعتلي وجه الصدمه ، فكيف عرفت ، لم يعرف احد بزواجه سوي صديقه المقرب ، الجمت الصدمه لسانه ، لا يعرف ماذا يقول ،

جدجته بجمود منتظره اجابته علي سؤالها ، تأخر في الرد عليها فتابعت :

– مرديتش عليا يا بابا 

اجابها بتوتر :

– عرفتي منين 

نظرت له بابتسامه جانبيه، فهو لم يماطل معها في الحديث بل قرر المواجه ايضا ، حدجها هو بحزن فلا داعي للإنكار وعليه تعديل الموضوع .

فقالت بثبات : شفتك معاها في النادي ، صمتت قليلا تم تابعت باستفهام :

– متجوزها يا بابا 

طأطأ رأسه في أسي قائلا : ايوه 

اغمضت عينيها لثواني ثم فتحتها ببطء قائله :

– وهتعمل ايه 

نظر لها قائلا بثبات : هطلقها 

ميرا بمعني :

– ماما لو عرفت مش هيحصل كويس 

أوما براسه قائلا :

– أمك اغلي حاجه عندي ، وجوازي من الست دي كنت مجبر عليه وكانت ظروف .

نظرت له بحسره قائله :

– توعدني يا بابا تطلقها 

أقترب منها وامسك بكتفيها قائلا :

– انتو اغلي حاجه عندي ، وأمك حب عمري ، وعمري ما هحب غيرها .

أحتضنته بقوه وأردفت :

– واحنا كمان بنحبك يا بابا ، ومش عايزين حاجه تفرقنا عن بعض.

ابتسم لها قائلا :

– أن شاء الله ما فيش حاجه هتفرقنا .

لم ينتبه ايا منهم ، للذي يستمع الي حديثهم بحسره واسف…

_______________

جاب المكان ببصره فأستغربت هي منه نظر لها قائلا :

– الكل روح ، مش هتروحي .

حدجته باستغراب شديد قائله بثبات : وأنت مالك .

صدم من ردها الوقح معه ، كتم غيظه قائلا :

– عادي بسأل ، مش اخت صاحبي .

أردفت باستنكار : نعم 

أجابها بايجاز : يلا علشان اوصلك 

أبتسمت بسخريه قائله :

– متشكره ، السواق هيوصلني ، وقولتلك قبل كده خليك في اللي يخصك بس .

تفهم علي الفور ما ترمي اليه ، نظر لها بغضب قائلا :

– انتي حره ، سلام .

نظرت له بتعالي واردفت في نفسها :

– ولسه ، استني بس عليا .

_____________

هبطت الطائره بسلام ، سعد زين بإصرار صديقه لإستقباله ، دلف خارج المطار وجده بانتظاره ، استقلوا سيارته فاردف معتر:

– حمد الله علي السلامه .

زين بابتسامه : الله يسلمك .

وجه بصره تجاهها عبر المرآه الأماميه قائلا :

– حمد الله علي السلامه يا انسه سلمي .

اجابته بتوتر : الله يسلمك .

اردف زين بامتنان :

– متشكر قوي يا معتز ، مش عارف من غيرك كنت عملت ايه

معتز معاتبا :

– متقولش كده يا زين ، احنا اخوات مش اصحاب .

زين بابتسامه :

– حبيبي يا ميزو ، مغلطش لما اخترتك صديق .

بعد وقت ليس بقليل وصلو الي الفندق ، ترجلوا منها وأعتذر معتز بأن لديه أعمال كثيره ، فتفهم زين ذلك وشكره مره أخري علي ما فعل ثم انطلق بسيارته ودلفا الإثنان داخل الفندق ….

_____________

جالسه في ردهه الفندق ، يتملكها الغيظ والحقد معا ، هداتها صديقتها عزه ولكن لا جدوي ، فأصبح الإنتقام أشد ، نظرت امامها وجدته يدلف الي الفندق ومعه فتاه ما ، حدجتهم بتفحص ، ازدادت غيرتها اكثر فقد جاء من اجلها .نظرت الي حالها بحزن بائن وتوعدت لهم .

علم من الأستقبال رقم غرفتها، فأقترحت أخته حجز غرفه لان الوقت متأخر وعليهم الراحه اليوم ، أرضخ لطلبها وحجز غرفه بجوارها . دلفوا للمصعد متجهين للطابق المنشود .

فقال زين بجمود :

– انا هروح الأوضه اللي حجزتها ، خليها تجيلي هناك .

لم ينتظر ردها وتركها وذهب ، دلفت هي الي مكان غرفتهم ، طرقت الباب ففتحت لها ساره ، فقالت بابتسامه :

– ازيك يا سرسوره .

ساره بسعاده : واو سلمي .

ما ان سمعت صوتها حتي اسرعت اليها فأحتضنتها الأخيره بقوه قائله :

– عامله ايه ، كويسه .

أجابتها بحزن : أيوه ، وجهت بصرها عفويا خلفها فلم تجده ، فتفهمت الأخيره وقالت :

– في الأوضه اللي جنب دي ، روحيله .

أعتلت السعاده وجهها لأنها ستراه وقد أتي من اجلها ، دلفت سريعا للخارج ذاهبه اليه .

طرقت الباب فازدادت ضربات قلبه تلقائيا ، ذهب سريعا ليفتح لها ، ما ان رأته امامها حتي ارتمت في أحضانه ، فهي تشعر بالأمان معه ، أحتضنها هو الأخر جاذبا اياها بقوه اليه ، نظرت له بحب قائله : 

– وحشتني قوي .

ملس علي ظهرها بيده واردف :

– وانتي كمان وحشتيني .

ابعدها قليلا قائلا بجديه :

– قوليلي بقي إيه اللي حصل بالظبط