رواية من الذي احبه الفصل السادس عشر 16 – بقلم لولو وائل

=انا اللي هدمرك واعيشك في رعب يا خالتي الغاليه

شكر مراد اميره على قولها الحقيقه ولم تخفي عنه شيء وذهب الى المنزل وعندما خرج من المنزل اوقفت روح اميره ووقفت امامها وقالت= انتى قولتيلي يوم الخطوبه انك خايفه من مرام وامها عليا ليه مخبيه ايه يا اميره

=خفت عادي يعني عشان عارفه ان مرام بتحب مراد فخفت عليكى وقولت اكيد مامتها برضو عشان كانت عايزه تجوز بنتها لمراد فقلت ممكن تاذيكي هي كمان

=لاخر مره هسالك يا اميره انت مخبيه ايه انا ما بحبش اللف والدوران قولى اللي عندك يا اميره متخافيش مش هعملك حاجه

=مامة مرام هي اللي قتلت بنتها عشان بنتها كانت عارفه حاجات عنها خطيره وهي خافت ان بنتها تقول اي حاجه وبنتها هددتها علشان كده امها موتتها بس انا افتكرت انها ممكن تكون امها بتهدد بس ما اعرفش انها ممكن توصل انها تموتها

صدمت روح مما استمعت له=انت بتقولي ايه ام تموت بنتها طب ازاي اكيد في حاجه غلط او انتى فاهمه غلط

=لا يا روح انا مش فاهمه غلط انا شفت كل ده بعينيا واللي اكدلى انا ممكن الست دي فعلا تكون هي اللي قتلت بنتها انها قتلت اهل فريد ويوسف

=كمان شكلها ست مش طبيعيه ممكن تكون خطر على مراد لو قرر ان هو يواجهها ممكن تاذيه

=خطر على الكل هناك خطر على مراد وخطر على يوسف ومي وفريد وخطر على مامه مراد خطر على الكل هناك حتى مرام ذات نفسها خاطر عليها

=والحل

=مش عارفه بس احنا بنحاول نجيب دليل عليها بس معرفناش ولا انا ولا فريد هنجيب دليل ازاي

=موضوع زي ده عايز تخطيط بحرص عشان لو اي غلطه بموته مش بفوره

=ربنا يستر في اللي جاي

راجعه مراد الى منزله ولكن قبل الدخول الى المنزل وقف لحظه وتذكر ما قالت له ميار (عايزه اقولك خلي بالك يمكن معرفش اقولهالك الكلمه دي تاني بس كل انا عايزه اقولهولك خلي بالك من امي )

=انا ازاي نسيت حاجه زي دي قالتلي ان انا اخلي بالي من امها وكانت بتقولها وكانها بتودعني كانت حاسه ان امها ممكن تعمل حاجه زي كده بس انا مش هسكت الا لما اجيب حقها

وكان سوف يدخل مراد ولكن اوقفه فريد بالخارج وهو كان يتنفس سريعا بخوف عندما راى مراد هكذا شعر بالقلق=مالك يا فريد بتنهج ليه ايه اللي حصل

=انا عرفت الحقيقه اميره كان كلامها صح خالتك هي اللي قتلت ميار موتت بنتها عشان ما تهددهاش يعني فعلا كده خالتي هي السبب في موت اهلي وهي اللي اخذت الفلوس وهي اللي جتلنا الشركه عشان تاخد الشركه غصب طب اهلي عملولها ايه وبنتها ذنبها ايه هي ليه عملت كده اصلا 

=اديك قولت خدت الفلوس كانت عايزه تاخد الشركه كانت بتعمل كده طمعا اكيد لما اخذت حقها خسرته عشان كده قررت انها تشوف الفلوس اللي مع الباقيين بس ما تخيلتش انها ممكن تقتل عشان خاطر الفلوس 

=انا مش هسيب الست دي في حالها لازم اخد حق اهلى اللي موتتهم وحق ميار اللي ملهاش ذنب غير انها كانت عايزه الحق يظهر والست دي قررت تخفي الحقيقه تاني عشان تعيش وسطنا وتظهرلنا انها بتحبنا بس هي بتقتل كل واحد ورا الثاني ومحدش فينا بيشك فيها 

=عندك حق بتقتل قتيل وتمشي في جنازته وانا مش هسكت الا لما اوري الست دي كل انواع الخوف والعذاب انا هدمرها خليها تجيلنا بتعتذر منا كلنا واحد واحد حتى الاعتذار مش هيكفي غير لما اشوفها وهي بتتشنق قدامي 

=طب وهنعمل كده ازاي احنا حتى معناش دليل 

=مرام بنتها اكيد تعرف حاجه 

=مرام مش وحشه يا مراد هي بس جبانه وحبت عشان كده يمكن تشوفها وحشه بسبب انها كانت عايزاك ليها طبيعي اي واحده بتحب واحد بتبقى مش عايزاه لغيرها بس محدش وقف جمبها وعرفها الصح من الغلط لان امها ذات نفسها مبتعملش حاجه غير الغلط مين هيعرفها ان الى هي بتعمله ده غلط احنا ممكن نكون ظلمناها عشان دايما كنا شايفينها بتتعصب دايما شايفينها وهي طالعه اوضتها مش طايقه حد بس دي بتبقى غيره حاول تصارحها يا مراد وتتكلم معاها مره ومن غير ما تخوفها او تحسسها انها وحشه جرب وهي هتقولك كل حاجه يمكن لو معاها دليل تساعدنا بيه 

=ده من امتى الاشعار دي يا فريد انت بتحبها 

=حب ايه انا بعتبر مرام زي اختي مفكرتش فيها حاجه ثانيه بس اديك شايف يعني واحده متربيه مع ام زي دي وابوها ميت مين هيبقى معاها واحنا كلنا شفنا الوحش اللي فيها ومحاولناش حتى نصلح او نقف جنبها فده اللي مضايقني ان احنا كلنا كنا بعاد لدرجه ان احنا خسرنا واحده منهم مش عايزين نخسر الثانيه كمان 

=ماشي هطلع اتكلم معاها ان شاء الله نلاقي دليل 

ذهب مراد الى مرام ولكن اوقفته سوزان 

=خير رايح فين 

=رايح لبنت خالتي عندك مانع 

=انت من امتى بتروح تتكلم مع مرام انت مش سبتها وروحت خطبت واحده ثانيه 

=مش معنى اني مخطبتش مرام ابقى بكرهها مرام زي اختي وانا عمري مكرهتها وعايز اتكلم معاه عادي اى المانع في كده 

=طب اختك الثانيه اللي ماتت مش هتجيبلها حقها 

=قريب متقلقيش اصل انا عرفت مين اللي عمل فيها كده والشخص ده هيتدلع اوي قريب 

شعرت ببعض القلق=وانا مش من حقي اعرف انا امها ولازم اعرف

=وانا مش هعرف اذكرلك اسمه بس ممكن اقولك شويه جرائم حلوه عملها الشخص اللي قتل ابو فريد وامه هو هو اللي قتل ميار دوري بقى واعرفي هو مين سلام 

شعرت بالخوف الشديد ان يكون مراد قد عرف شيئا ويخفي عنها=مراد لو عارف مش هيسيبني في حالي بس حتى الدليل الوحيد اللي كان موجود وكان هيفضحني قطعته هيكون عارف من مين مفيش غيرها مرام ماشي يا مرام حسابك تقل معايا اوى

ذهب مراد الى غرفه مرام وطرق على الباب الى ان فتحت له

=مراد جاي ليه 

=مرام انا عرفت كل حاجه ومتخافيش انا مش مشيلك ذنب اي حاجه من ده وانا اسف لو كنت حسستك انك وحشه او حسستك بزعل مني او كمان عشان سبتك وخطبت بنت تانيه بس انت غاليه عليا يا مرام زيك زي ميار انتو اخواتي انا يمكن معرفتش احبك زي ما انت حبتيني بس عمري ما كرهتك ودايما كنت معتبرك اختى الصغيره ما تزعليش مني حاولي تقبلي فكره ان انا خاطب بنت تانيه حاولي تفتحي قلبك لحد تاني مش ليا ما تحسسنيش ان انا السبب في البعد ده 

=زي ما انت غلطان انا كمان غلطانه يمكن انا كنت متعشمه ان انا اكون معاك وانك تحبني وان انا هعمل اي حاجه عشان تحبني يمكن لما حاولت ان انا افرق بينكم في الخطوبه في   خطيبتك اثبتتلي ان مهما حاولت شكلي هفشل شكلها بتثق فيك اوي وبتحبك جدا انا كان نفسي يكون حبك ده ليا مش ليها وبحاول ان انا ارضى بده بس من جوايا والله مش عارفه غصب عني صح هو الحب مش بالعافيه ولا الجواز بالعافيه بس انت الوحيد اللي بحبك الوحيد اللي جوايا وقلبي معرفتش افتحه لغيرك لما كنت بروح لحد عشان يساندني بحس ان هو بيحبطني حتى امي كانت بتقولى ايه بقى سيبي مراد وروحي لفريد لان فريد معاه فلوس كثير اكثر من مراد امي شافتني وسيله ان انا اجبلها فلوس مش بنتها حتى بنتها التانيه لما وجهتها في وشها موتتها واكيد امي لو عرفت ان انت عرفت او فريد عرف اكيد هحصل ميار هي مش هتسيبني انا اسفه يا مراد لو كنت ضايقتك متزعلش مني انا هحاول ان انا انساك 

=انا مبسوط ان انت ندمتي على ده عشان كده انا عايز اساعدك وعايزك تعرفيني الحقيقه كلها وانا مش هخليكى تقعدي في البيت ده بالعكس انا هخليكي في حته ثانيه امان عشان امك متاذكيش 

=طب وانت والباقي ومي وخالتي كلكم في خطر 

=انت الوحيده اللي هخفيكي الباقيه مش هقدر اخفيهم لسبب انا مش عايزاها تحس ان في حاجه بس عرفيني الاول يا مرام كل حاجه ولو معاكي دليل ساعديني بيه عشان انا محتاج اي حاجه دلوقتي عشان اقدر اكسر الست دي 

=بس انا مش هعرف احكيلك هنا هي ممكن تكون بتتصنت علينا في اي حته 

=جهزي شنطتك وكل حاجتك ونزلي حاجتك واحده واحده وانا هخلي مراد يستناكي ورا عشان ياخذ منك حاجتك ويحطها في العربيه وانا هاجي اخدك احنا مش عايزينها تشوفنا ولا تشوفك ولو سالت هنتصرف ساعتها 

=ماشي خمس دقائق واكون مجهزه كل حاجه 

=وانا هروح ابلغ فريد 

ذهبت مرام الى الداخل وجهزت كل شيء وكان مراد اخبر فريد بان ينتظرها عند الشباك الخلفي كي ياخذ اغراضها حتى لا تراها سوزان وانتهت مرام من تجهيز كل شيء وكانت تسلم فريد حقيبه حقيبه الى ان انتهت وخرجت من غرفتها وبدات تمشي بهدوء حتى شعرت بيد امسكتها بقوه وكانت والدتها سوزان 

=بتتسحبي ليه يا مرام خايفه من حاجه ولا رايحه لحد

=مش رايحه في حته انا ماشيه عادي 

=هو انت فكرك يا مرام بعد ما تشككى اللي حواليا فيا هسيبك عايشه 

=انا مشككتش حد فيكي ولا قولت حاجه سيبيني في حالي معملتلكيش حاجه 

=كذابه مش مصدقاكى

=متصدقيش براحتك 

=انتى اللي جبتيه لنفسك يا بنتي انتى اللي جبتيه لنفسك 

واتى مراد في هذه اللحظه لكي ياخذ مرام 

=مالك يا خالتي سيبيها انا عايزه رايحين مشوار عندك مانع 

=المشوار اى إلى انتو رايحينه يا مراد 

=سر مش لازم تعرفي سر خاص بي انا ومرام

=سر خاص فيك انت ومرام ايه انت حبيتها فجاه 

=مش مضطر ارد يلا يا مرام

=مرام مش هتخرج معاك اكيد مش هتخرجي يا مرام وتسيبي امك زعلانه على اختك ولا انت مزعلتيش على اختك 

=سيبنالك الزعل كله يا خالتي سيبي مرام 

=مش هسيبها يا مراد بنتي هتبقى معايا مش هتروح في حته 

=لا ما هي هتيجي معايا بمزاجك او غصب عني هتيجي معايا وانتى هتشوفي احلى ايام في حياتك اليومين الجايين دول ايام عمرك ما هتنسيها 

=انت بتكلمني كده ليه 

=انا عايز اعوضك عن زعل بنتك يعني بخرج مرام بفك عنها  شويه وبعدين هخرجك انتى

=ماشي يا مراد ماشي 

اخذ مراد مرام وذهب الى الاسفل وركب سيارته وانطلق الى منزل روح وسلمى

وابلغ مراد روح في الهاتف انه قادم برفقه ضيف ووصل مراد الى المنزل وطرق على الباب وتفاجأت روح عندما فتحت بوجود مرام 

بضيق =هو ده الضيف يا مراد 

=ممكن ندخل بس ونتكلم 

=ماشي ادخل 

ذهبوا الى الداخل واغلقت الباب وراءها وجلس بالداخل وكانت مرام صامته موجهه نظرها الى الارض 

=جايبها هنا ليه يا مراد وانت عارف ان هي مبتحبنيش ولا بتقبلني حتى 

=مرام مينفعش تقعد في البيت البيت بقى خطر عليها امها مش هتسيبها 

=طب هي امها ممكن توصلها هنا 

=لا محدش يعرف بيتكم غيري محدش هناك يعرفه المهم دلوقتي تقدري تتكلمي يا مرام تقدري تقوليلنا كل حاجه المكان هنا امان مفيش حد بيراقبك اتكلمي يا مرام

=الحكايه كلها بدات يوم ما جدي الله يرحمه وزع الفلوس علينا كلنا بالتساوي انت عارف ده وطبعا جدي كان غرضه من توزيع الفلوس عشان احنا نكبرها مش عشان احنا نصرفها وانتم فعلا كبرتوها واهل يوسف وفريد كبروها بشركات وفيلا وسافروا بره ووبقو اغنيه وانتم كمان يعني قدرتوا انكم تكبروها لكن احنا ما عملناش كده او مش احنا بالظبط امي خدت الفلوس دي كلها وصرفتها ضيعتها ما اديتش فرصه لابويا حتى انه يفتح مشروع كان ممكن ينجح ويكسب كانت  بحياتنا هتبقى احسن من كده بكثير بس هي موافقتش على ده بسبب صحابها اللي معاهم فلوس واغنيه راحت اشتريت بيت ما لوش لازمه كان كبير واشترت عربيه وحاجات كثيره اوي عشان تظهر وسط صحابها قد اى غنيه لحد ما خلصت كل الفلوس وبقينا مديونين ابويا شغلته كانت على قدها بسببها مع انه كان ممكن يكبر ويفتح شركته تانى بس النصيب ورجعنا للفقر تاني واضطرينا ان احنا نبيع الفيلا عشان نسدد الديون اللي علينا وعيشنا في شقه صغيره كلنا لحد ما ميار جالها عريس كويس ومعاه فلوس وكانت بتحاول تبعده عن امى ومكنتش بتقولها ان هو معاه فلوس كانت بتقول ان هو مقتدر بس لكن مش غني لحد ما سافرة و هي قالتلي انا بس وانا طبعا مرضيتش اقول حاجه لامي ولما سافرت ميار امي عرفت ان هو غني ومعاه ملايين وزعلت من بنتها وكانت بتكلم خالتي مامتك يا مراد مامتك قالتلها ان انتو حياتكم بقت حلوه ازاي بحسن نيه وان اختهم الثالثه و جوزها اغنيه وعايشين بره ومعهم شريكات وفلوس طبعا ده قهر امي ازاي كلكم معاكم فلوس وهى لا وشافت ان هي ما اخذتش حقها وان كل الفلوس اللي معاكوا دي حقها هى و ابويا منعها كتير 

فلاش بالك

=اللي انتى بتعمليه ده غلط يا سوزان الفلوس دي مش من حقك اخواتك هم اللي شقيو وتعبوا عشان يكبروا الفلوس دي لكن انتى ما اديتنيش فرصه ان انا اكبرها عشان تظهري وسط اصحابك انك معاكي فلوس صرفتيها وضيعتينا ودلوقتي بصه  فى مال اخواتك وتقولي انه حقك 

=مال اخواتي لا طبعا مش مال اخواتي اشمعنا كلهم بقى معاهم فلوس كثيره وانا لا انا مضيعتش حاجه انا حاولت اعمل زيهم ويبقى عندي بيت وعندي عربيه وعندي حياه زي الاغنيه اشمعنا هم بقى معاهم فلوس واحنا لا انت متخيل هم ممكن يكونو فعلا اشتغلو وكبروا الفلوس اكيد بابا اداهم فلوس اكتر مني وانا ليا في الفلوس دي زيهم 

=فلوس اى الى ليكي فيها حق ابوكي قسم عليكوا كلكم بما يرضي الله بس في فرق بين ناس شغلة الفلوس وكبرتها وناس صرفتها على ولا حاجه 

=قصدك ان انا ضيعتها يعني انت كنت هتعمل اى كنت فاكر نفسك انك هتقدر تكبر الفلوس دي انت راجل فاشل وانا غلطانه ان انا اخذت واحد زيك اصلا 

=دلوقتي بقيت راجل فاشل مش انت اخذتيني لما كان عندي شركات وفلوس وصفيتي كل الشركات كانت فرصتنا ان احنا كان ممكن نوقف الشركات تاني على رجليها وكنا هنكسب اضعاف لو كنت اديتيني الفلوس وكنا كبرناها زي ما اخواتك كبروها بس انت ما عملتيش كده انت شوفتى نفسك ده حتى بناتك ما شفتهمش مدخله بنتك الكبيره من غير جهاز خليتها تتجوز واحد خدها بشنطه هدومها حتى مجبتش هدوم جديده لجوازها بس عشان هو ابن اصول وبيحبها وافق ياخدها زي ما هي معملتيش حتى لبنتك فرح ولا خطوبه وبنتك الثانيه هتعملي فيها ايه هتعملي فيها نفس اللي عملتيه في الاولى انت مفكرتيش في بناتك ولا فيا انت فكرتى في نفسك وشوف النتيجه دلوقتي احنا ممعناش جنيه احنا بقينا بنشحت كل ده بسببك بسبب طمعك وعايزه تروحي تاخدي فلوس اخواتك ده انت جاحده 

=انا مش جاحده انا بتكلم في الحق والاصول 

=وانت ولا بتفهمي اصلا في الحقوق ولا في الاصول ولا بتفهمي في حاجه انا لو سمعت انك فكرتي تاخدي فلوس حد منهم مش هتلاقي غيرى قدامك انتى حره يا سوزان بس انا مش هسيبك تدمري حياه حد زي ما دمرتي حياتنا وحياه عيالك 

=ماشي هنشوف مين فينا اللي هيعمل اللي في دماغه 

 بالك

=انا كنت واقفه وسمعه كل حاجه كانت بتحصل بينهم بس ما بينتش ده كان عندي 10 سنين يمكن كنت مستوعبه الى حد ما وياريتني مستوعبت حاجه لان امي مسكتتش كانت بتدور باي طريقه عشان تاخد الفلوس ابويا حاول يوقفها كتير حاول يمنعها بس هي مرضيتش بده مصممه انها تعمل ده لحد ما جي يوم اكثر يوم انا عمري ما نسيته اليوم اللي حسسني اني يتيمه في اليوم ده ابويا سمع امي وهي بتكلم حد في التليفون عشان يصفرها بره عند اختها ودخل عليها واخذ التليفون وكسره مد ايده عليها وقال لها لو خرجت بره البيت ده انا هموتها بس انا ابويا ما بيعملش كده هو بيهدد بس لان هو عمره ما يؤذيها بس هو مكانش بيعرف ان الاذيه كانت هتجيله من اقرب الناس ليه خرجت وراه من الاوضه كانت عينيها كلها غضب وكره وراحت خدت سكينه من المطبخ موتته قتلته بدم بارد بس عشان خاطر تاخد فلوس اختها وتسافر انا شفت كل ده بعيني شفت امي وهي بتقتل ابويا كنت خايفه أوى ومرعوبه كلمت المستشفى بسرعه بس هي كانت هربت مشيت مقعدتش في البيت روحنا المستشفى الدكتور سألني 

فلاش بالك

=فين مامتك يا حبيبتي 

=ماما مشيت معرفش راحت فين

=طب ما تعرفيش مين اللي عمل في بابا كده 

=ما اعرفش وبابا هيقوم ويبقى كويس صح 

=انا مش عارف اقولك ايه بصراحه طب انت مالكيش حد طيب 

=ليه هو بابا كويس قولى طيب 

=باباكي ما استحملش الضربه اللي اخدها ومات 

بدموع=متضحكش عليا طب انا هروح مع مين مين هيخرج معايا وينقذني من غضب ماما هو انت بتعمل فيا مقلب صح 

=انا اسف يا بنتي 

=لااااااااااا

بالك

=عارفه يعني ايه طفله 10 سنين في المستشفى لوحدها معاش حد واتوفى ابوها وعلى ايد امها حتى لما سالني الدكتور مين اللي عمل كده انا معرفتش اجوبه معرفتش اقول ماما اللي عملت كده روحت عند ستي قعدت عندها فتره قولتلها ان امي مسافره بس ما اعرفش فين لحد ما جه اليوم سافرت بره وعرفت ساعتها ان اهل فريد ماتوا بنفس الطريقه اللي ابويا مات بيها والفلوس اتاخدت في الشركه كانت عايزه تاخدها عرفت ان هي اللي عملت كل ده سافرت البلد دي بس معرفتش اروح لهم طبعا بس كنت بدور على دليل اتاكد ان هي اللي عملت كده فعلا ولا لا ولقيت دليل واحد بس كان السواق اللي إلى كان بيودينى فيلة يوسف وفريد كنت راكبه معاه بالصدفه وكان بيحكيلي عن ست باين عليها الغضب وكانت بتزعقله عشان يوصلها البيت بسرعه وحاجات كتير بتنطبق عليها  وانا قررت ان انا اوريه صورتها وطلعت هي وكان بيوصلها اخدت رقم السواق ده يكون معايا احتياطي قررت ان انا ارجع تاني هو مكنش دليل كبير بس ممكن يساعد وانا اللي حكيت لميار على كل حاجه بس هي متعرفش ان بابا مات بسبب ماما واديها مسلمتش من امي هي كمان 

=انا مش مصدقه الى انا سامعاه بجد هي في واحده ممكن تعمل كده في بنتها

=تعرفي يا روح لو مراد النهارده مكنش جابني عندك هنا كنت هبقى عند ابويا واختي على ايديها برده 

=هتقعدي معانا هنا لحد ما الست دي تتحبس او تموت 

=انا مش عارفه اقولك ايه بصراحه انتى طلعتى كويسه اوي معايا وانا كنت شخصيه مريضه معاكي بس كان غصب عني والله 

=اللي انتى مريتيى بيه مكنش قليل وانا عذراكي 

=مرام انتى هتقعدي عند روح واقفلي تليفونك او اديهوني احسن لا تكون حاطه فيه اي حاجه عشان توصلك بيها لحد ما انا هتصرف مع الست دي كويس اوى وهجيب اخرها 

=ماشي خد بالك منها عشان هي مش هتسيبك 

=ولا انا هسيبها 

ذهب مراد الى الفيلا مره اخرى ووجد الجميع مجتمعين امامه وكانت سوزان بينهم وكانت تبكي بشده والشرطه كانت موجوده 

=في ايه اي اللي حصل 

ردت والدة مراد=سوزان بتقول ان هي شافتك وانت بتقتل بنتها قال الكلام ده يا مراد 

=بقتل مين انا هقتل ميار انت عارفه ميار كانت قريبه مني قد ايه انا استحاله اعمل كده 

ردت سوزان بتمثيل=كداب يا باشا انا شفته بعيني وهو بيموتها حاولت اداري عشان هو ابن اختي بس لما خطف بنتي الثانيه قررت اني مش هسكت 

=اظهري على حقيقتك بلاش التمثيل ده مبتعرفيش تمثلي هتفضلي فاشله في كل حاجه كده 

=شفت يا سعادت البيه بيعاملني ازاي 

وامر الضابط ان ياخذ مراد معهم ولكن اوقفهم فريد سريعا 

=استنى حضرتك انا معايا دليل على اللي قتل ميار 

يتبع………

=استنى حضرتك انا معايا دليل على اللي قتل ميار

اجاب الضابط=دليل اى إلى معاك 

=معايا تسجيل بيوضح فيه ان اللي قتل ميار مش مراد 

بس التسجيل اللي اتبعتلي ده كان من تليفون هو من تليفون كان مهنج فسبحان الله بجد ان هو سجل الكلام ده بالصدفه

=سمعني التسجيل 

المحتوى الذى بالتسجيل 

=انتى قولتى حاجه لفريد

=محصلش

=لو طلعتى بتحوري يا مرام هتزعلي اوى

=ما انا عارفه هتعملي فيا اى في الاخر زي ما عملتى فى بنتك حسبي الله ونعم الوكيل

=انتى بتقولي ايه انا اكيد مش هعمل كده في بنتي

=بصي ريحي بس وبطلي شويه الصعبانيات دى قدامي عشان عارفه وشك الحقيقي وعارفه ان انتى السبب في موتها وان انتى اللي قتلتيها عشان محدش يكتشف سرك وهتعملي فيها دور الغلبانه اللي متعرفش حاجه

=وانتى عارفه كويس اوي ان لو حد عرف هتلاقي نفسك مكان اختك خدي بالك من كلامك

انتهى التسجيل 

=زي ما واضح عند حضرتك في التسجيل ده تسجيل بين مرام ومامتها مدام سوزان وكده باين ان مدام سوزان هي اللي قتلت بنتها وان مراد ملوش اي ذنب 

صدمت سوزان مما استمعت له =التسجيل ده متفبرك انا استحاله اقتل بنتي في ام بتقتل بنتها 

رد مراد يسخريه=صعبتي عليا والله دموعي مش قادره اوقفها من كتر البكا متبطلي كدب بقى 

=انا مش بكذب انتى اللي كذاب انت اللي قتلتها ومفابركين التسجيل عشان تسجنوني ظلم 

=يا ستي انا كذاب شوف الباقي ردهم اى

كان الجميع تحت تأثير الصدمه مما استمعو له 

=انتى يا سوزان تقتلي بنتك طب ازاي انتى كنت بتعيطي ومقهوره عليها كل ده كان تمثيل طب ليه عملتى كده 

=متصدقيش الكلام ده انا مستحيل اعمل كده ده بيكذب عليكى

=انا مش قادره اصدقك 

=مش قادره تصدقى اختك انت تعرفي ان اختك ممكن تقتل اصلا ويوم ما تقتل هتقتل بنتها 

رد فريد =مبتعرفيش تقتلي بجد صعبتي عليا جدا قلبي الصغير لا يتحمل هذا النفاق ما كفايه بقى انت لسه هتحوري انتى مبتعرفش تقتلى ده انتى القتل بقى عندك وظيفه 

=بس بقى بطل كدب انا حتى مااقدرش اقتل صرصار 

=انا هنا هسيب رد مراد الى يرد مش هرد انا 

=شكرا يا ابن خالتي على ثقتك الغاليه فيا بصي يا خالتي الغاليه هتعترفي بكل حاجه ولا نعترف احنا احنا بس قولنا انك قتلتي بنتك كلهم اتصدموا فيكي لو عرفوا بقيت بلاويكي هتعملي ايه 

=بلاوي ايه انا مليش بلاوي 

=طيب انا هوجه كلامى لحضرت الظابط حضرتك كانت في جريمه قتل كانت بتاعه رجل اعمال مشهور مات هو وزوجته في الفيلا بتاعتهم بطريقه بشعه صح ولا انا غلطان 

=بس الجريمه دي اتقفلت 

=اتقل عليا وكان في جريمه قتل تانيه كانت في شقه المتهمه دي وكان جوزها برضو مقتول بنفس الطريقه البشعه اللي مات بها رجل الاعمال ومراته صح ولا انا غلطان 

=صح بس انت عايز توصل لايه 

=اللي قتل الراجل الغلبان زوج مدام سوزان هي هي مدام سوزان بنفسها اللي قتلته وكمان اللي قتل رجل الاعمال ومراته مدام سوزان عشان تاخذ الفلوس بتاعتهم كمان راحت الشركه بكل بجاحه عشان تاخدها غصب صح ولا انا غلطان يا خالتي 

صدم يوسف مما استمع له وشعر بالغضب الشديد 

=انتى اللي قتلتى امي و ابويا وكمان بكل بجاحه رايحه للشركه عشان تاخديها 

=بيضحك عليك يا يوسف ده كداب

=هو يمكن اه انا معيش دليل على ده بس معانا شاهد شاهد كبير قوي شاف جريمه قتل باباه قدامه واعتقد اللي شاف حاجه بعينه يحكيلك احسن من اللي انا بقولو

=ممكن يكون الشاهد ده مرتشي ويقول اى كلام كده وخلاص عليا 

=هرشى بنتك طب ازاي 

=انت عارف ان بنتي بتحبك ممكن تعمل اي حاجه عشانك 

=بنتك بتحبني ما بتحبنيش مفيش حد بيحب حد اكتر من امه بنتك انا ما اديتهاش حاجه ولا وعدتها بحاجه يعني الكلام اللي هتقولو هيكون من عندها هي انا ولا اجبرتها تقول حاجه ولا اديتها حتى فلوس على حاجه يعني بنتك مش طماعه زيك 

=بس انا محتاج دليل كبير انت قولت دلوقتي ثلاث جرائم قتل حصلت قتل بنتها وزوج ومراته وكمان قتلت زوجها انت دلوقتي جبت لي دليل واحد بس على قتل بنتها لكن الباقى محتاج دليل عليهم مش محتاج كلام من حد عشان تقدر تثبت عليها فعلا واقدر اسجنها لانها ممكن بكل سهوله بسبب الشاهد ده ممكن تكدب بنتها تطلع بنتها مريضه وتطلع وانا ساعتها مش هيبقى في ايدي اي حاجه غير ان انا اطلعها لازم دليل قوي 

=خدها دلوقتي بس بجريمه قتل بنتها عقبال مانقدر أن احنا نكمل الباقي بس انا مش هسيبك مش هسيبك لحد ما تتعدمي قدامي 

=تمام خدوها 

ظلت سوزان تصرخ حتى لا ياخذها احد وتقول انها بريئه الى ان ذهبت الى مركز الشرطه واخبر الضابط مراد انه سوف يخبره بكل المستجدات في هذه القضيه ارسل مراد رساله الى روح بما حدث الان 

كانت والده مراد تبكي غير مصدقه ما فعلته اختها لقد قتلت شقيقتهم الثالثه وقتلت زوجها وزوج شقيقتها وايضا ابنتها كيف ان تفعل كل هذا كيف 

اقترب مراد من والدته وحاول تهدئتها حتى بدات بالهدوء وجعل مي ان تاخذها الى غرفتها حتى ترتاح وجلس كان يفكر كيف سوف يثبت جرائم القتل على سوزان حتى يتخلص منها واقتربى يوسف وهو غاضبا بشده ونظر الى مراد الذي جالس والى فريد الذي يقف بجانبه 

=انتوا الاتنين مخبيين عليا كنتو عارفين ان هي اللي قتلت ابويا وامي صح 

اجابه مراد=لو كنا عرفناك كنت هتعمل ايه كنت تروح تعمل مشاكل صح بس يا يوسف الحاجات دي بالذات ما فيها عصبيه ولا انك تروح تقتلها ولا انك تاخد بتارهم لان ده بالذات عايز عقل عايز تفكير والجرايم دي اتعملت بمنتهى الذكاء مفيش دليل واحد عليها فاحنا لازم نثبت كل اللي اتعمل منها وندور على ادله دلوقتي عشان ناخد حقهم مش نفكر ازاي نتخانق ازاي نتعصب 

=حتى لو ما حدش فيكو قالي ليه 

=لا الجمله دي متتقالش ليا تتقال لاخوك اخوك اصلا كان عارف كل حاجه قبل ما انا اعرف بس مقالش حاجه 

=الكلام اللي بيقول مراد ده صح انت كنت عارف 

=ولو نفترض اني كنت عارف ما انا ما كنتش اقدر اقولك حاجه من غير اثبات لاني معرفش اذا كنت انت هتصدقني اصلا ولا

=انا هكدبك ليه يا ابني 

=مفيش حد يصدق ان خالتو ممكن تقتل امه يعني ام تقتل اختها يعني ازاي كان لازم اجيبلك دليل عشان اوريهولك بس مالقيتش دليل 

=خلاص يا جدعان انتوا الاتنين مش وقته دلوقتي احنا لازم نفكر الست دي نخليها على طول في السجن ازاي وتتعدم ازاي وناخد حق الناس دي كلها ازاي لازم ندور على دليل انت لازم تسافر يا يوسف لازم تسافر انت وفريد عشان تدوروا في بيتكم او في الشركه على اي دليل وانا هدور هنا في شقتها اشوف دليل موت جوزها 

واجابه يوسف=تمام هحجز طياره وهشوف اول طياره هنسافر فيها انا وفريد 

=تمام 

في اليوم التالي ذهب مراد الى مركز الشرطه حتى يتابع قضيه سوزان وعندما دخل الى مركز الشرطه طلب مقابله الضابط واتته الموافقه وذهب للداخل 

=ازيك يا مراد اتفضل 

=اهلا بحضرتك وليد بيه كنت عايز اعرف اخر المستجدات بتاعه قضيه سوزان 

=بص عشان ابقى واضح معاك طبعا بالنسبه للتسجيل احنا حجزنا سوزان اربعه ايام على ذمه التحقيق لحد ما نتأكد فعلا اذا كان التسجيل فعلا حقيقي ولا متفبرك في حاله اذا كان طالع حقيقي هتتعرض على النيابه وهتاخد اقصى حاجه هتبقى مؤبد مش هتاخد اعدام رفقا بسنها لانها ست كبيره 

=ايوه بس في جرايم تانيه كتير عملتها المفروض تاخد اعدام 

=ده بقى في حاله انك لو اثبتت فعلا الجرايم دي وان الجرايم دي عن تعمد كده فعلا هتاخد اعدام ومفيش رفقا بسنها ولا حتى بمرضها بس لازم تثبت ده 

=تمام يا وليد باشا شكرا ليك

=طبعا انت عارف يا مراد انى بحاول اساعدك واى حاجه هعملهالك انت صاحبي وعشره عمري ومرضيتش حتى ان انا اظهر ده قدامها عشان متقولش احنا متفقين مع بعض بس ما فيش صداقه في الشغل وانا مقدرش اعملك اي حاجه بدون اثبات لازم تثبت ده 

=بنحاول والله بنحاول وان شاء الله هنلاقي الدليل عليها 

=ان شاء الله وانا متابع القضيه بنفسي لحد ما نشوف اخرها ايه 

=كل خير ان شاء الله كل خير 

ذهب مراد الى منزل روح وطلب مقابله مرام 

=ازيك يا مراد 

=الحمد لله وانت عامل ايه 

=الحمد لله دلوقتي انت قولتى انك معاكي رقم السواق اللي وصلك وهو هو اللي وصل مامتك للفيلا صح كده 

=اه معايا بس معرفش هو يعني لسه معاه هو ولا غير خطه 

=انا كل اللي عايزه منك انك تبعتيه لفريد او يوسف اي حد فيهم وتقوليلهم كل الكلام ده في رساله وهم هيجربوا يمكن يارب يطلع شغال 

=ماشي هعمل كده 

واجابته روح=ايه اخر مستجدات القضيه 

=واخده اربع ايام على ذمه التحقيق لحد ما يثبتوا صحه التسجيلات اللي بعتناها ثواني كده مرام هو انت اللي بعتى التسجيل لفريد 

=بصراحه اه تليفوني لقيته مسجله بالصدفه وروحت بعتها لفريد 

=هو تليفونك ده مسجلش غير اللحظه دي بس يعني مثلا اي لحظه من اعترافات امك عن الجرام الثانيه متسجلتش 

=ده الوحيد اللي انا لقيته عندي والله 

=ماشي هنتصرف ان شاء الله كله خير 

رجع مراد الى المنزل ولكن تفاجأ بوجود اسر امامه 

=ازيك يا اسر في حاجه حصلت ولا ايه في الشغل 

=لا كله تمام الشغل زي الفل وانا ماسكه لحد ما انت ترجع بالسلامه وروح وسلمى برده بينزلوا وشايلين معايا الشغل ودعاء وادهم يعني متقلقش كله تمام 

=انا مبقيتش عارف اعمل ايه يا اسر انا تعبت حاسس ان الدنيا بدات تقفل في وشي مره واحده مش عارفين نثبت عليها اي حاجه انا مش عايزها تاخد مؤبد انا عايزها تتعدم 

=بس برضو مؤبد مش قليل 

=اللي زي دي ميتامنلهاش انها ممكن تقعد في السجن ممكن تهرب او حد يهربها لكن الست دي مش مضمونه 

=والعمل 

=انا مستني بس اي خبر منهم تعرف حتى الفكره اللي جت في دماغي قولت مثلا يمكن السكينه اللي قتلت بيها ميار موجوده حتى دي مختفيه مش سايبه اي اثر حتى صغير وراها انا مش متخيل هة بتفكر ازاي بجد 

=كله هيتحل باذن الله متقلقش 

=اتمنى 

ذهب اسر وظل مراد يفكر فيما سيفعله 

في مكان اخر كان يتحدث مع احد رجاله ويتابع اخر مستجدات القضيه 

=اتصرف انا عايزها تخرج 

=مش هينفع حتى الكفاله مش هتنفع الجرايم إلى زي دي ما فيهاش كفاله خصوصا لو تم اثبات صحه التسجيل 

=هربها 

=تمام بس انت مقولتليش يا كبير انت عايزها فى اى دي حته ست كبيره ولا هتفيدك في حاجه 

=ست كبيره اه بس دماغها الماظ تفكيرها حلو وهتنفعني 

=انا مبقتش فاهمك يا كبير والله 

=لما تكبر هتفهم نافذ اللي قولتلك من دون نقاش 

وتحرك رجاله واستطاعوا ان يهربوها من السجن واحضارها اليه 

=اهلا بيكى في مملكتي يا سوزان هانم 

=انت مين وهربتني ليه 

=احنا زمايل وقريب اوي هتعرفيني 

كان جالس مراد شارد حتى اتاه اتصال من صديقه وليد 

=الو يا وليد في حاجه جديده حصلت 

=سوزان هربت يا مراد 

صدم مراد وهما واقفا =انت بتقول ايه