رواية سد خانة الفصل السادس عشر 16 – بقلم فيروز مغازي
حابس نفسه بين صورها فى شقتها اللى لسه فيها ريحتها الـمليانة دفىء وحنان افتقده، كل اتغيرت، الايام والسنة والشهور، حتا هو أتغير بس قلبه ده، رافض يتغير ويعيش بعدها، مش عارف يتعود عل فراقها رغم مرور 3 سنين على غيابها عنه، بيقلب، فى الصور وبيرجع نفسه لنقطة الصفر تانى، صعب يتخطى اللحظات الدافية الل عاشها معاه زمان.
حتى أنتَ كمان !!!
دانا كنت بقول عنك غيرهم.
دانا كنت بقول عنك انسان.
حتى أنتَ كمان !!
دانا لما حكتلك عن وجعى
من ناس كانوا قبلك ويايا
كان قصدى تطمنى ياطيب
مش تيجى وتعملها معايا.
تنهد تنهيدة طويلة وعيونه دمعت؛
– حتى أنتِ يا دليلة، مشيتى زيهم !!! مشيتى زى امى زمان، مشيتى زى ابويا، مشيتى زى نضال !! كنت متوقع من الكل البُعد الا أنتِ، عارف قسوتى وتقل قلبى عليكى، بس كنت محتاجلك تفهمينى، كنت مستنى فى كل سنة من التلاتة تيجلى، حتا تتطمنى ولو برسالة بس شكلى اتنسيت.
سمـع صوت طرق على باب اوضته قام بلهفة ظناً، منه انها هى ورجعلته من تانى.
فتح واتفاجى انها تقى بنت اخته، سابها ودخل.
تقى بحزن: هتفضل لامتى بتعمل كده !!!
معتصم: أنتِ جيتى هنا ازاى يا تقى! وعرفتى منين انى هنا فى الشقة دى !!
تقى: السواق جابنى انا قولتله، وعرفت منين، سهل جداً يا خالوو، أنتَ كل سنة فى نفس اليوم بتيجى هنا.
معتصم بمرارة: جاية تعملى ايه !!
تقى: جاية اقولك انك لاول مرة معرفتش تاخدلك قرار صح فى حياتك، ودفنت نفسك فى ذكريات،، هتزيدك وجع مش هتقلل حاجة.
معتصم: اعمل ايه !! قصدك اعيش مع تارا واتبسط، طب انا مش عارف اعيش مبسوط معاها.
تقى: ومين قالك تعيش مع تارا، انا قصدى ترجع من تانى تدور ع دليلة ومتفقدش الامل انت دايما كنت بتستنى هى الل ترجع، حاول مرة ترجعها.
معتصم: بانهى وش هروح ارجعها يا تقى !!
تقى: حاول وعافر عشانها ولو لمرة واحدة.
معتصم ابتسم بحزن؛ كانت بتحبك يا تقى.
تقى ابتسمت: وبتحبك أنتَ كمان بس حاول.
معتصم فتح دارعه: طب تعالى فى حضنى.
تقى جريت حضنته وابتسمت: بحبك اوى يا خالو،
معتصم: وانا كمان يا حبيبتي بحبك اوى.
تقى: حيث كده بقي عايزة منك طلب مهم.
معتصم: اه يا سوسة، فهمتك، عايزة ايه !!
تقى ضحكت ببراءة: عايزاك تسافر معايا اسكندرية، نغير جو انا وأنت وبس من غير تارا دى، اشطا؟
معتصم واتخنق؛ لازم اسكندرية يعنى؟
تقى ببراءة: ايوة، وفى الشاليه الل على البحر.
معتصم: بت أنتِ عارفة حاجة !!
تقى ببراءة: حاجة ايه مش فاهمه يا خالو.
معتصم تنهد: طيب ماشي ياستى نروح.
تقى بسعادة حضنته: يا جامد أنتَ يا عسل.
معتصم ضحك: بس يابت هتخنق اوعى.
تقى: شكرا اوى.
معتصم: لعلمك انا موافق عشان خدتى الاجازة.
تقى ابتسمت: فاهمة كل حاجة.
معتصم: طيب تعالى نرجع الڤيلة عشان نحضر كل حاجتنا، ونسافر على طول.
تقى بحماس: هيا بنا يا معلم.
وصل بيها الڤيلة لقى تارا قاعدة جمب جده، وفهم انها بتتكلم معاه عن الشغل لانها خلت كل حاجة باسمه وجده بقي المسؤل عن كل جنية بيدخل او بيخرج من شركاتها.
تارا ابتسمت: تعالى يا معتصم.
معتصم: تعالى أنتِ فوق عايزك.
تارا بتوتر: ماهو نتغدا الاول وبعدين نتكلم.
معتصم بحزم: أنا طالع، حصلينى.
تقى بحرج: طب أنا هطلع اجهز شنطتى.
ومشيت من قدامهم، انما معتصم طلع غرفته وتارا تبعته بتبلع ريقها بارتباك.
مجرد ما دخلت بصلها بقوة.
معتصم: الدكتورة قالتلك ايه عالحمل؟
تارا بارتباك: قالتلى انه مستقر.
معتصم بضيق: نفس الدكتورة !!
تارا بسرعة؛ أنا واثقة فيها متقلقش.
معتصم بانفعال: انا مش فاهم بقالنا 3 سنين متجوزين ولا حمل فيهم كمل ليه، مع ان هى نفس الدكتورة دى بتقولك انه ثابت.
تارا بخنقة: ماهى قالتلك الرحم عندى ضعيف ومش هيتحمل أكتر من شهرين أو تلاتة.
معتصم بضيق: طب ليه كل مرة بتحملى فيها. وتسقطى انا مبشوفش حاجة !!!
تارا دمعت بتعب: عشان انا مش بحب ازعج دماغك واوجعك على كل حتة منك بتروح.
معتصم: لا انا من حقى ابقي عارف، انا هنا معاكى دلوقتي وكملت عشان اشيل ابنى يا تارا، هو انا مش من حقى اشيل عيالى !!
تارا عيطت: مانا غصب عنى اعمل ايه !!!
معتصم نفخ بضيق: عموماً أنا مسافر مع تقى اسكندريه، كم يوم لوحدنا هفسحها هناك.
تارا: اجى معاك؟
معتصم: قولت لوحدنا، والمرة الجاية هنزل معاكى للدكتورة اشوف الموضوع ده.
تارا بوجع: ربنا يسهل، اجهزلك شنطتك؟
معتصم: ياريت انا هدخل الحمام.
دخل الحمام، وهى ابتدت تجهز الشنطة زى، ماهو قالها، لقت تليفونها بيرن ردت كان رقم مش متسجل وغريب.
تارا بجدية: ايوة مين !!
– معقول ناسية صوتى يا بنت عمى !!
تارا بضيق: أنتَ عايز منى ايه يا حسام !!
حسام: احنا مش اتفقنا انك تخليه يسيب ست الحسن والجمال دليلة وتتطلقى منه بعدها.
تارا ببرود: اه عشان تتجوزنى وتلهف فلوسى.
حسام بسخرية: انا معايا فلوس توزنك دهب، انا خايف عليكي يا تارا، معتصم مبحبكيش.
تارا بتعب: وانا بحبه وعملت حاجة عشاان اكون معاه، حل عنى أنت بقي، كفاية حقد.
حسام بسرعة: كتبتيله كل حاجه باسمه؟
تارا: ايوة مش هو جوزى؟
حسام بضيق؛ أنتِ غبية !! عشان كده مطنشة امى من ساعتها، بس ده مكنش اتفاقنا يا تارا أنتِ قولتيلى ساعدنى اطلقهم، وهتجوزك.
تارا ببرود: وغيرت رأئى، ليك حاجة عندى !!
حسام: خليه ينفعك بقا، هو مبيحبكيش اساساً ولسه بيحب دليلة وانا هوجعه وهوجعك بيها.
وقفل فى وشها، وهى غمضت ودموعها نزلت مش عارفة تلاقيها من حسام ولا من تجاهل معتصم وكرهه ليها !!! ولا تلاقيها من الخبر اللى سمعته وانها مش هتخلف تانى !!
لسوء حظها طلعت مبتخلفش، وده الل تاعب قلبها، وخافت، خافت تقوله يسيبها.
فاقت من شرودها لما طلع ارتبكت وايديها ارتجفت والفون وقع منها عالارض.
معتصم بشك: كنتِ بتكلمى مين!
تارا بتعلثم: ده ده رقم غريب.
معتصم مسك الفون لقى رقم مش متسجل فعلاً سابه، وخلص حاجته كلها وخد شنطة هدومه ونزل من غير ما يودعها حتى..
وخد تقى لرحلتهم لاسكندرية، وكانت طول الطريق بتكتب لحد عل فيس بوك..
معتصم: بتعملى ايه يا توتة !!
تقى ابتسمت: بكلم واحد صاحبى
معتصم بتريقة: صاحبك، الله يرحمك يا حسام كنت بتشرب الشوربة بالطبق.
تقى كشرت: وليه السيرة دى بس!
معتصم: سيرة زفت فعلاً.
تقى تنهدت: طب هو انت يا خالو لو شوفت دليلة هتعمل ايه !!
معتصم ابتسم بشوق: هخدها فى حضنى و..
انتبه لنفسه وبصلها بغيظ لقاها بتضحك.
معتصم بيأس: عفريتة بشكل.
تقى غمزتله: تربيتك يا كبير.
معتصم ضحك عليها وكمل طريقه..
وصل بيها للشاليه، وضب الدنيا معاها ورتب هدومها وهدومه وطلب اكل واتعشي وجت عليهم الساعة 6 يدوب الدنيا كانت بتغرب..
تقى بمحيلة: بليز يا خالو، ننزل نقعد عالبحر دلوقتي، والله شكل الغروب حلو.
معتصم: يا حبيبي لما تنامى وترتاحى.
تقى: لا عايزة انزل دلوقتي، ارجوك.
معتصم بيأس: طيب تعالى ننزل يا مصيبة.
ونزل معاها بجد، قعدت تتصور لوقت، وبعد شويه لقاها بردو بتكتب لحد.
سابها وشـردت عيونه فى البحر وافتكر، كل الذكريات الجميلة معاها، افتكر ضحكها هنا، وفى كل ركن فى الشالية، دمعت عيونه فى لحظة وبان عليها الحنين والشوق.
فاق على صوت تقى.
– أنا هروح أجيب حاجة من فوق وجاية.
معتصم: خلى بالك على نفسك يا حبيبتى.
تقى وافقته وهو رجع بص للبحر لشوية.
لحظات وسمع صوت طفل بيعيط حواليه، صوت خطف قلبه بجد، اتلفت حواليه بكل تلقائية بيدور على الصوت، لقى طفل سنه صغير اوى يدوب عنده سنين وشوية..
بيعيط و بيجرى من واحدة الظاهر مامته.
معتصم سنده بخوف عليه قبل ما يقع على وشه، وشاله لحضنه بيطبطب عليه.
معتصم بحنان: بس يا حبيبي، معلش.
البنت جت بتنهج: شكراً يا استاذ، هاته.
معتصم: هو ده ابنك !!
البنت باستنكار: لا طبعاً انا انسة.
معتصم بتعجب: امال ايه، ابن اختك!؟
البنت: لا وهاته عشان امشى بالله عليك.
معتصم بضيق: لتكونى خطفاه.
البنت لطمت: يا نهار اسود لا والله.
معتصم: امال بيعيط معاكى ليه؟؟
البنت بصدق: ده ابن الست الل شغاله معاها كنت جيباه مع اخوه افسحه.
معتصم: واخوه فين !!
البنت: مع السواق فى العربية مرضاش يجى معايا عشان كان عايز مامته تنزل معاها وهى رفضت لانها مشغولة جداً، اصلها بزنس ومن كبيرة اوى، وشاطرة وناجحة جداً.
معتصم باستنكار: أنتِ هتحكى قصتك، انا عايزك تكلمى مامته حالاً.
فى اللحظة دى جى السواق.
السواق بجدية وحزم: انسة تمنى، الست هانم اتصلت وبتقولك ارجعى بالولاد بعد ما عرفت، ان الباشا مضايق من غيرها.
تمنى بيأس: طيب اسبقنى انت انا جاية.
معتصم بحزم: كلميها قبل ما تاخديه.
تمنى طلعت تليفونها: من عينيا.
السواق بضيق: فى ايه يا استاذ أنتَ !!!
معتصم: فى انى مش مصدقكم الولد كان بيعيط معاها وسكت معايا، وده دليل انكم قاتلين قتلة وانا هروح فيكوا فى داهية.
تمنى: ابوس ايدك يا بيه، عايزين نمشي، هو بس مش بيسكت الا مع مامته.
السواق بجدية: كلمى الهانم يا تمنى.
تمنى اتصلت جالها الرد بعد وقت.
تمنى: ايوة يا هانم.
– أنا رضوان يا تمنى خير !!
تمنى: يا رضوان بيه فى استاذ خد منى فريد ومش عايز يسيبه مفكرنا خطافينه.
رضوان: طيب انا عارف انك سامعنى يا باشا، ممكن تسيب فريد لتمنى، لان مامته قلقانة.
معتصم: يعنى أنتَ ابوه !!
رضوان تنهد: انا فى مقام خاله، ابوه اتوفى.
معتصم حزن: البقاء لله، طيب ماشي.
تمنى قفلت وعايزة تاخده، معتصم حس انه مس عايز يسيبه، ونظرات الطفل البريئة دى هزت كيانه وحركت حاجة جواه..
تمنى: هاته يا بيه الله يخليك.
معتصم ابتسم: أنا قاعد هنا دايما لو فى اى حاجة تخصه ممكن تقوليلى.
تمنى: متشكرة جداً يا استاذ.
وخدت فريد منه ومشيت بيه، رجعت تقى لقته مسهم وعيونه بتبص فى اثر البنت..
تقى بحماس: كنت واقف مع حد !!
معتصم: واحدة معاها طفل جميل اوى.
تقى بتعجب: واحدة !! متعرفهاش !!
معتصم: وانا هعرفها منين !
تقى: والطفل اسمه ايه؟
معتصم ابتسم: اسمه فريد.
تقى بارتباك: متاكد انك متعرفش امه!
معتصم باستغراب: هى مش امه بس انتى بتسالى كده ليه كأنك عارفة حاجة.
تقى بارتباك: لا مجرد فضول بس يا خالو.
معتصم تنهد: طب اطلعى قدامى يا هانم.
تقى طلعت معاه، وهو دخل المطبخ علشان، يجهز ليهم العشاء وسابها فى اوضتها.
تقى مسكت الفون وابتدت تكتب لشخص..
– أنتَ مش قولتلى مامتك جاية؟
= مشغولة ومرضتش تيجى بعتتنى مع تمنى وانا اتخنقت ومرضتس اخرج مالعربية.
– حظنا زفت، دانا قولت جمعناهم اخيراً.
= امى بقي نعملها ايه، وفريد مبطلش زن.
– اكيد هتخليها تيجى فى يوم يا حمزة.
= اكيد يا تقى، دى بتحب بابا معتصم اوى.
– وهو كمان بيحبها، ونفسه يلاقيها.
= طب اقولها الكلام ده؟
– لا طبعاً متقولهاش، انا عايزاها تشوفه كده من غير مواعيد، فاهم قصدى.
= فاهم يا تقى، طب هسييك عشان ماما جت وشكلها متنرفزة اوى، وهتتخانق معايا.
وقفلت معاه مع دخول معتصم بالاكل.
معتصم ابتسم: عملتلك اكلة عجب.
تقى تنهدت: متشكرة يا خالو.
معتصم: مالك يابت مكشرة.
تقى بحزن: أبداً ماما وحشتنى.
معتصم بحزن: ربنا يرحمها.
تقى: ماما دليلة يا خالو.
معتصم: هى وحشتنا كلنا صدقينى.
تقى: يارب تلاقيها قريب، يارب.
معتصم: امين يارب.
«فى ڤيلة راقية جداً فى اسكندرية»
حمزة بخنقة: انا قولتلك انى مش عايز انزل لوحدى من غيرك، نفسي تفضيلى شوية.
دليلة: وانا اجيب وقت منين، انت عارف انا مشغولة ازاى، وتمنى خرجت معاك.
حمزة: بس انا بحبك أنتِ يا ماما، وعايزك أنتِ جمبى فى الخروجات زى زمان.
دليلة بحنان: هحاول يا حمزة هحاول.
حمزة بضيق: كل مرة بتقولى هحاول..
دخل رضوان بتعجب من وقفتهم ف رسبشن الفيلة بالشكل ده، وباين عليهم الضيق.
رضوان: فى ايه يا دليلة؟
دليلة: حمزة زعلان انى مبخرجش معاه.
رضوان: متزعلش انا هسيبها كم يوم تخرج معاك بس هى بجد مضغوطة يا حمزة.
حمزة بحنق: لما نشوف انا طالع انام.
وسابهم وطلع اوضته مبتسم بخبث.
رضوان بجدية: حمزة عنده حق يا دليلة أنتِ لازم تبقي جمبه، عشان ميبقاش اتحرم منك، ومن ابوه كمان، ده طفل لسه..
دليلة: أنتَ أكتر واحد عارف انى مش عارفة امارس حياتى الطبيعية من ساعتها، وعارف ادفن نفسى فى الشغل عشـان انا متخطتش وبحاول انسي..
رضوان بحزن: عارف بس ده مش حل.
دليلة: هحاول يارب ارجع تانى لنفسي.
رضوان: فريد فين !!
دليلة: نام من تمنى فى الطريق.
رضوان بتعجب: غريبة اوى اول مرة ينام مع حد غيرك يا دليلة، ده متعلق بيكى اوى.
دليلة: مانا استغربت، تمنى قالتلى انه فيه راجل شاله شويه وسكت معاه.
رضوان: ايوة فعلاً، ومكنش عايز يسبه.
دليلة: يلا ما علينا الحمدلله عدت على خير.
رضوان بتردد: أنتِ هتعيشى ابنك فريد بردو يتيم الاب يا دليلة!!
دليلة باقتضاب: احسن ما يلاقى اب خسيس وكداب ومخادع ويطلع زيه يا رضوان.
رضوان بحزن: بس ابوه حقه يعرف.
دليلة بضيق: عن اذنك، انا طالعة انام ياريت متفتحش الموضوع ده تانى.
رضوان: استنى بس يا دليلة.
دليلة: عشان خاطرى قفل عالكلام.
رضوان: الل تشوفيه، عايزة حاجة !!!
دليلة: فكر فى الموضوع الل كلمتك فيه.
رضوان: لا مش موافق يا دليلة.
دليلة: عشان خاطري، اعمل فيا معروف.
رضوان: حرام اللي بتطلبيه ده ومش ممكن هينجح يا دليلة، قفلى عل الحوار ده.
دليلة: فكر يا رضوان، ولو لمرة عشانى.
رضوان بياس: طيب عشانك.
دليلة ابتسمت: متشكرة اوى، عن اذنك بس هطلع اشوف نجوان لسه جاية من الشغل.
رضوان ابتسم: اتفضلى ياستى ربنا يهديكى، معرفش امتى بقيتى شريرة كده.
دليلة بمرارة: الدنيا بتعلم يا رضوان.
..أنا سبتك وانت متى، ندمانة للنهاردة، لو حتا غصب عنا مكنش لازم ارضى..
..انا بطمن عليك وانا من بعيد لبعيد بخاف لو روحت ليك القيك حبيت جديد مش من حقى العتاب مانا سبتك للعذاب
بتقلب فى الاكونت بتاعه وعيونها دبلانة كل نظرة فيها بتنطق وحشتنى، بس مين يرجعه ليها بعد ما خسرته بايدها وفارقته زمان !!
دليلة حزنت عليها: أنتِ الل عملتى فى نفسك كده يا نوجة، ليه ندمانة دلوقتي؟
نجوان بتعب: كنت مشتتة، بس هو مشي.
دليلة حضنتها: طيب ممكن متعمليش كده ف نفسك عشان خاطري بموت عليكى مالوجع.
نجوان بوجع كبير: مش قادرة والله.
دليلة بحنان: طب قومى اغسلى وشك.
نجوان: بصي صوره يا دليلة، شكل حب بنت تانية نسته كل حاجة عنى.
دليلة: مش دايما الل باين فى الصور حقيقة.
نجوان: خايفة يكون اتجوز يا دليلة.
دليلة: يعنى لو شوفتيه هترجعيله؟
نجوان بالم: ياريته لسه باقي عليا.
دليلة: سيبها ع الله، هتتحل والله هتتحل.
نجوان: ان شاءلله يا دليلة.
دليلة: طيب اهدى كده، انتِ قوية.
نجوان: انا كويسه صدقينى.
دليلة لقت تليفونها بيرن برقم مجهول.
دليلة: طب هرد وهجيلك يا نوجة.
ودخلت البلكونة وردت.
– عاش من سمع صوتك!
دليلة بضيق: حسام !! أنتَ مش هتبطل بقي تطاردنى، عايز ايه منى !؟
حسام: أنتِ مش عايزة تنتقمى من معتصم!
دليلة بسخرية: مش لما تاخد حقك انت منه.
حسام: احنا مع بعض قوة.
دليلة: مش فاهمة قصدك؟
حسام ابتسم بخبث: تتجوزينى؟
دليلة: هتتجوز، واحدة متجوزة؟
حسام: كده وكده، عشان ترجعى حقك، تارا بتقولى انه عايش معاه زى الفل وانت عندك بتندبى حظك عليه، وهو واطى.
دليلة اتالمت: أنتَ عايز منى ايه؟
حسام: عايزك تحرقى قلبه وتحسسيه انه ولا حاجة وانك عشتى بعده، حتى لو بالكدب.
دليلة: وانا اكتفيت بالل انا فيه.
حسام: خليكِ كده غلبانة ودايما دايس عليكِ وانتى خايفة تجرحيه.
دليلة بضيق: انا مش خايفة من حاجة.
حسام: يبقي تسمعى كلامى، أنتِ دلوقتي ف حتة تانية سيدة اعمال ليكى مكانتك، وعليا اخليكِ ترفعى مناخيرك فى السما وتدوسي، بكل قوتك عليه، وانا جمبك هبقي صورة.
دليلة باقتناع: مجرد تمثلية!
حسام: بالظبط، انا غرضي كمان اضايق تارا، ماهى المفروض كانت مراتى انا.
دليلة بحزم؛ تمام موافقة.
****************************