رواية امرأة في عصمة صعيدي الفصل العشرون 20 – بقلم سلسبيل
اخر حاجة وقفنا عندها في الفصل ال19..
و بعدين لقوا حد بيخبط و بيدخل…
و الكل بصوله بصدمة…
ديما(بدموع):جاسر هو ده اللي كان خاطفني يا جاسر..
جاسر قرب من الشخص اللي قدامه و ضربه بوكس..
عامر(بابتسامة استفزاز):ايه ده وجعتني؟؟
جاسر مسكه من قميصه بغضب..
جاسر(بغضب):ايه اللي جابك يا عامر؟؟حسابك لسة مجاش بس صدقني حق مراتي مش هيروح كدة..فاهم؟؟
حسن:سيبه يا جاسر..
حسن(بحدة):قولت سيبه يا جاسر…
جاسر زق عامر بغضب..
خالد:جاي ليه؟؟
عامر(ببرود):تصدق عرفت تختار يا جاسر…جمال اناقة رقي فلوس و طلعت اصيلة اوي…
حسن:كلامي مع ابوك يا عامر امشي من قدامي..
عامر:ماشي…بس هأخد حق اخويا دم اخويا مش رخيص يا حاج حسن..
عامر كان هيمشي بس رجع تاني..
عامر:ناقصها القوة..و لما نيجي نذكرك في الموضوع ده مش هنلاحق صح يا جاسر..
عامر رمي بوكيه الورد اللي كان في ايده في وش ديما و سابهم و مشي بكل برود و استفزاز…
ديما(بعياط):هو هيرجع تاني؟؟
جاسر قرب من ديما و خدها في حضنه تحت نظرات سارة اللي لو كانت بتقتل كان زمان ديما و جاسر ميتين..
جاسر:يلا يا جماعة هنروح…
دنيا:هو فعلا ممكن يخطف ديما تاني؟؟
خالد(بعصبية):يعني احنا مش عايزين نخوفها انتي ايه نظامك..
دنيا:خلاص اسفة..
دعاء:ما احنا مجبناش هدوم ليها…
ديما:عايزة اشوف حازم…
خالد:هبات معاه النهاردة متخافيش..
فتحية:خلاص يا دعاء باتي مع خالد..
حسن:ليه؟؟
فتحية:برضو لو احتاجوا اي حاجة..
حسن:ماشي..
دعاء بصت بغيظ لمامتها…ديما قعدت علي السرير..
فيروز:طب و التحاليل مين هيشلها؟؟
علي:نادي الدكتور يا خالد..
ديما:لا لا هشيلها انا..
ديما بدأت تفك المحاليل من ايديها و نزلت دم..
ديما:هات مناديل..
جاسر مسح ليها الدم اللي علي ايديها…و ديما لسة هتمشي..
جاسر:استني..
ديما:ايه؟؟
جاسر قلع الجاكت بتاعه لبسه لديما و حط ايده علي خصرها و مسك ايديها و مشاها جمبه….
اسماء:حاسبي لتقعي يا بنتي..
جاسر:انا معاها…
علي:هنسبق احنا.. يلا يا ايمن..
و الكبار مشيوا قدام جاسر و ديما..و جمبهم فيروز و دنيا..
اما خالد و دعاء راحوا اوضة حازم و قعدوا جمبه..
جاسر:قادرة تمشي؟؟
ديما:اه الحمد لله..
جاسر:الزفت ده عملك حاجة؟؟
ديما(بعدم فهم):قصدك مين؟؟
جاسر:هيكون مين اللي خطفك..عامر..
ديما:اه اه فهمت…لا معمليش حاجة..
جاسر:احكيلي ايه اللي حصل؟؟
ديما:و النبي يا جاسر مش قادرة اتكلم..
جاسر:طيب..
الكل ركب العربيات و وصلوا للبيت…
جملات:يلا يا جاسر خد مراتك و اطلعوا علي فوق…
جاسر:ماشي..
سارة طلعت بكل غضب من قدامهم..و وراها عبير..
ايمن:بعتذر هتلاقيهم تعبانين بس..
حسن:مفيش حاجة..
علي:عن اذنك يا كبير..يلا يا اسماء..
اسماء:يلا يا حاج..
و الكل ابتدئ يطلع لاوضته..
فيروز:عايز حاجة يا جاسر؟؟
جاسر:لا شكرا..
دنيا:باي يا ديما لو عوزتي حاجة اتصلي بيا..
ديما:تليفوني مش معايا وقع مني للاسف..
جاسر:هبقي اجبهولك..يلا بقي..
و الكل طلع لاوضته و هو تعبان و مجهد..
_عند جاسر و ديما…
جاسر:اطلعلك هدوم؟؟
ديما:تمام شكرا معلش هتعبك معايا…
جاسر دخل و دور في هدوم ديما و مش عارف يجيب ايه..لقي ديما واقفة جمبه..
جاسر:ايه؟؟
ديما:مش هتعرف تختار ليا لبسي اخرج عقبال ما اختار هدوم…
جاسر:تمام..
ديما اختارت ليها ترنج…و قلعت الصندل و قلعت الحلقين و الدبلة و السلسة..و خدت هدومها و دخلت الحمام…
جاسر غير هدومه و لبس بنطلون و تي شيرت بيتي…
ديما خدت دوش و خرجت لابسة ترنج شتوي و لكلوك..
جاسر(برفعة حاجب):هو الشتاء جه و انا معرفش؟؟
ديما(باحراج):لا انا بس سقعانة اوي..
ديما جريت علي السرير و نزلت تحت البطانية و انكمشت علي نفسها و ودت ضهرها لجاسر..
ديما:بليز متنساش تطفي النور…
بعد دقيقتين لقت النور اطفي و جاسر بدأ يطلع علي السرير علشان ينام…و لقته حضنها و قربها منه..
ديما:ايه ده؟؟
جاسر:علشان تدفئ و انجزي نامي..
ديما لفت وشها لجاسر و خبت وشها فيه و حضنته لانها فعلا كانت سقعانة…
جاسر اتفأجئ من حركتها..و حضنها لغاية ما نامت…
جاسر(لنفسه):يا رب فكها من عندك…
………………………………………..
-في الصباح الباكر…
في المستشفي..
حازم كان بيبدأ يفوق و يفتح عينه..
حازم:في حد هنا؟؟
حازم:مين يعني هيعبرني؟؟.
دعاء:بتكلم نفسك؟؟.
حازم(بصدمة):انتي هنا؟؟.
دعاء:اه..
حازم:لوحدك؟؟
دعاء:لا خالد اهو نايم علي الكنبة اهو…و انا كنت نايمة علي السرير التاني…
حازم(بفرحة):و الله انتوا اجدع من ناس انا اعرفها…
حازم:ديما اخبارها ايه؟؟
دعاء:اللي خطفها جه هنا و اتخانق مع جاسر..و ديما يعني شبه كويسة و جاسر خذها و روحها..
دعاء:انت عايزني اعملك حاجة؟؟
حازم:لا شكرا..
دعاء:طيب هصحي خالد..
دعاء:خالد خالد خالد..
خالد(بنوم):ايه يا دعاء؟؟
دعاء:حازم فاق..
خالد قام و اتعدل و قرب من حازم….
خالد:اخبارك يا بطل؟؟
حازم:الحمد لله بخير..متشكر جدا ليكوا..
خالد:هغسل بس وشي و اروح انادي الدكتور…
حازم:و لا يهمك..
خالد غسل وشه و خرج من الاوضة..
حازم:انتي منمتيش من امبارح؟؟
دعاء:مبعرفش اتعود علي اي مكان بسرعة..
حازم:اسف خليتك صاحية..
دعاء:و لا يهمك انت زي اخويا…
الدكتور:صباح الخير..
حازم:صباح النور..
الدكتور:لا احسن من امبارح بكتير الحمد لله..تقدر تروح النهاردة..
خالد:شكرا يا دكتور..
حازم:متشكر لحضرتك..
الدكتور:علي ايه بس؟؟
دعاء:طب يلا…
و الكل جهز و خالد سند حازم..
حازم:هي رجلي اللي اتصابت و لا ايه؟؟
خالد:تصدق ياض انت مبيطمرش فيك اي حاجة..غور..
حازم(بضحك):ليه قفوش يا بيبي؟؟
خالد:بيبي!!!!!! انشف ياض..
و ركبوا العربية و وصلوا للبيت بعد فترة…
خالد:انزلي يا دعاء يلا خشي..
دعاء:تمام..
خالد:يلا يا ابني..
و دعاء اول حاجة نزلت و دخلت البيت…
حازم:اه اسندني يا خالد..
خالد:ياض بطل هزار شوية و خليك جد..
حازم:تعالي ليا بس و انا متعصب و لا و انا في شغلي..لا هعجبك علي فكرة..
خالد:طب يلا..
خالد و حازم دخلوا للبيت..
فيروز:حمد لله بالسلامة..
حازم:الله يسلمك…
جملات:نورت يا ابني..
حازم:بنورك يا طنط..
فتحية:يلا تعالوا ده احنا مكلناش بقالنا يومين..
حازم:اه و الله جعان..
اسماء:طب يلا حد يطلع يصحي جاسر و ديما..
سارة:هطلع انا..
سارة طلعت لاوضة جاسر و ديما..و خبطت الباب مرة اتنين تلاتة..
سارة(بغيظ):نوم الهناء منك ليها..
سارة خبطت تاني…
جاسر(بصوت نوم):حاضر ثانية..
جاسر لسة هيقوم لقي ديما مكساه و مش عايزة تسيبه..جاسر شال ايديها لقاها حضنته من خصره و نامت..
جاسر:ديما اصحي يلا..وسعي..
جاسر:مين؟
سارة(بغيظ):انا يا عرايس..
جاسر:طيب يا سارة جاي…
سارة:طيب..
جاسر:يا ديما قومي بقي…
ديما فتحت عين و قافلة التانية..
ديما:في ايه؟؟
جاسر:قومي مش عارف اقوم منك..
ديما(بوعي):ايه ده؟؟اسفة و الله اسفة لما بحضن حد و انا نايمة مبسبهوش اسفة….
ديما بعدت عن جاسر و نامت هي المخدة..
جاسر:ناوية تكملي نوم قومي..
ديما:طيب انزل انت و انا وراك..
جاسر:مش ضامنك..
جاسر قام غير هدومه..لقي ديما لسة علي السرير بس قاعدة عليه..
جاسر سابها و نزل…
جاسر:صباح الخير..
الكل:صباح النور..
جاسر:حمد لله بالسلامة..
فتحية:ايه ده يا ديما؟؟
ديما(بنوم):ها ايه؟؟
ديما راحت قعدت علي الكرسي اللي جمب جاسر و هي نايمة…
اسماء:حد يلبس شتوي في الصيف؟؟
دنيا:لا هي ديما ساعات بتسقع فجأة و من غير سبب..
ديما شاورت علي دنيا بمعني جيد”Good”..
حازم:الهبلة اهي..
ديما:ايه ده انت رجعت؟؟حمد لله السلامة اسفة لانك كدة بسببي…
حازم:و لا يهمك يا حبيبتي..
ديما بدأت تأكل و الكل بدأ يأكل..
تهاني(بتوتر):علاء بيه بره يا حاج…
حسن:فهمته يا ايمن؟؟
ايمن:اه يا كبير..
حسن:دخليه..
اول ما علاء دخل عبير جريت عليه حضنته…
عبير:حبيبي اخبارك بتأكل عامل ايه طمنني عليك يا حبيبي..
علاء:انا كويس يا اما”امي”..
ايمن:علاء..
علاء قرب من جاسر و ديما و وطي رأسه في الارض..
علاء:انا اسف يا ابن عمي..اسف يا بنت عمي..
علاء:يا ريت تقبلوا اعتذاري بعد اذنكوا..
ديما:و لا يهمك…
جاسر:تمام…
حسن:روح اقعد مكانك..
علاء راح و بدأ يأكل…
ديما:لقيت تليفوني يا جاسر؟؟.
جاسر:تليفونك فوق…
دنيا:انا كان عندي اقتراح ليك يا عمو حسن…
حسن:قولي…
دنيا:ايه رأيك حضرتك انت و طنط فتحية و عمو علي و طنط اسماء و عمو ايمن و طنط عبير تخرجوا تتفسحوا تسافروا بلاد العالم..
ديما(بفرحة):الله فكرة حلوة اوي..
فتحية:لا طبعا احنا كبرنا..لا لا..
حازم:ليه بس؟؟بلاد برة حلوة اوي و خصوصا لو سافرت سويسرا هظبطك انا بقي..
دعاء:فكرة حلوة اوي يا بابا..
فيروز:ايوه ايه رأيك يا بابا؟؟
حسن:هنبقي نفكر..
ديما(بفرحة):Yes…
جاسر:هما كانوا وافقوا؟؟
ديما:معني انه هيفكر يبقي الموضع في دماغه…و ممكن يوافق..
علي:هبلة انتي و الله..
ديما:بس طيوبة..
جملات:هخاف منك كدة..
ديما(بضحك):ليه بس؟؟
جملات:طيبة اه بس لما تقلبي هتقلبي..
ديما(بضحك):لا متخافيش و هقلب ليه…
حسن:تعالوا ورايا..
جاسر و خالد:حاضر يا حاج..
حازم:و انا كمان؟؟
حسن:اه…يلا..
كل الرجالة راحت علي اوضة المجلس..
اسماء:انا مش متفائلة خير…
سارة:انا هروح اجيب طلب..
عبير:راحة فين؟؟
سارة:مشوار مهم البت سعاد كانت محتجاني هروح ليها..
عبير:ماشي..
سارة طلعت لبست هدومها و خرجت من البيت..
سارة راحت للكوخ المهجور القريب من البيت..و كان فيه مازن..
مازن:اتأخرتي يا سارة؟؟
سارة:اسفة يا حبيبي..وحشتني اوي..
مازن خدها في حضنه و باس رأسها..
مازن:و انتي اكتر…اخبارك؟؟
سارة:مش بخير…بكدب علي جاسر و انا مش بحبه..
مازن:معلش يا حبيبتي علشان نعرف نكون مع بعض..
سارة:ماشي يا حبيبي..
مازن:علاء رجع؟؟.
سارة:اه و انا و اما”امي” فكرنا في حاجة حلوة..
مازن:ايه؟؟.
سارة:هنخلي ديما تخون جاسر مع علاء و جاسر يطلقها و علاء يتجوزها و نأخد فلوسها…
مازن:عفارم عليكي يا بنت جلبي..
سارة:هنتقم من ديما..الكل بيحبها و مش بيحبني..
مازن:و انا معاكي يا حبيبتي…
و بعد فترة رجعت سارة البيت و اتصدمت….
ديما(بمكر):تعالي يا سارة مش سعاد جت تزورنا…
سارة(بتوتر و ارتباك):بجد ده انا ملقتهاش هناك..كويس انها جت..
سارة(بابتسامة مصطنعة):وحشتيني يا سعاد يا حبيبتي…
سارة:هطلع و جاية تاني اوعي تمشي ها اوعي..
سارة سابتهم و مشيت…
دنيا:مالها البت دي؟؟
فيروز:مش عارفة مرة كويسة و مرة مش كويسة مبقتش فهماها…
ديما:ثانية و جاية…
ديما سابتهم و طلعت علي اوضة سارة فتحت الباب من غير ما تخبط…
سارة(بغضب):انتي مجنونة ازاي تخشي كدة؟؟
ديما دخلت و قفلت الباب وراها و قربت من سارة اللي كانت بتموت من الرعب..
ديما:مالك يا سارة عرقتي و الخوف طالع من عنيكي و بترتعشي يعني لا انا اخاف عليكي كدة…
سارة:متخافيش انا مجهدة شوية..
ديما(بمكر):شوفتي ده سعاد لما جت قولنا ليها انك رايحة ليها بس هي قالت انك مقولتيش..
ديما: عيب برضو نروح للناس من غير استأذان يا سارة و لا ايه؟؟
ديما كانت هتمشي بس قربت من سارة..
ديما:بس اقولك حاجة كل الكلام ده انا مش مقتنعة بيه..مش هكدب عليكي خلي بالك من نفسك بقي..
ديما سابت سارة و خرجت..سارة كانت عرقانة و ميته من الخوف..
سارة(بغضب):هوريكي يا ديما…و ربنا هوريكي..
- يتبع الفصل التالي اضغط على (امرأة في عصمة صعيدي) اسم الرواية