رواية عودة عاشق الفصل الثالث والعشرون 23 – بقلم منه الله الجزار

مر يومين وحمزة يفكر بتلك المصيبه الجديدة ولا يعلم ماذا يجب ان يفعل بها

محمد: انا متشكر ياعمر انك رجعت فكلامك ومش هتقسم الشركه

عمر : العفو عن اذنك

ويخرج من مكتبه يدخل رجال الشرطه لمكتب محمد بالقوة

محمد: ايه ده فى ايه

الضابط : حمزة فين

محمد : افندم وانت عايز ابنى ليه

الضابط : مطلوب القبض عليه

محمد بصدمه : نعم ابنى انا

الضابط: اه

محمد : ليه عمل ايه

الضابط: متهم فقضيه قتل

محمد: قتل ايه

الضابط : ابنك فين

محمد : معرفش

الضابط: عموما هنلاقيه

ويخرج رجال الشرطه من المكتب ياخذ محمد مفاتيحوا ويخرج من الشركه بسرعه يعود للبيت ويجد نجوى تبكى بقوة وساميه تقف بجانبها تؤاسيها

محمد: نجوى

نجوى بعيط : شوفت يامحمد ابنك بقا قاتل البوليس بيدور عليه يامحمد

محمد : انتى عرفتى

نجوى : جم هنا دوروا عليا قتل جومانا يعنى يخون نور معاها وبعدان يقتلها

محمد: هو فين

نجوى : معرفش مجاش البيت من امبارح

محمد: حسبى الله ونعم الوكيل ابنك عايز يموتنى ناقص عمر

________________________

تجلس نور على الاريكه تسمع الاخبار كالعادة وترى صورته على شاشه التلفزيون وهو متهم فقضيه قتل جومانا

المذيع : ابن رجل اعمال مشهور متهم فقضيه قتل فتاة صديقته بعد ان خان زوجته معاها يوم عرسها فهل هناك سبب لقتلها هذا ما تبحث فيه الشرطه انتظروا بعد قليل الاخبار المؤكدة ….

تغلق نور التلفزيون وهى مصدومه من ما سمعت

نور بصدمه : لا حمزة ميعملش كده حمزة ميقتلش

يدق باب البيت تفتح وتجده يقف امامها وهو ينزف دماء من راسه وذراعيه يشعر بدوران ويسقط على كتفها مغمى عليه

نور بصدمه : حمزة

وتسحب للداخل وتغلق الباب تضع على الاريكه وتحتضر مياة ومطهر وقطن وشاش طبى وتمسح دماءه وتطهير الجرح وتربط الجرح جيدا تضع يديها على جبينته وتجد حرارته مرتفعه تجلب لها المياة وتفعل له كمادات لتنزل من حرارته تجلس بجانبه وهى تمسك يديه فرغم مافعله بها فهى مازالت تحبه ومازال قلبها ينبض له هو فقط رغم كل ما فعله ورغم انه لم يبحث عنها يستقيظ صباحا وهو يشعر بتعب يجدها تجلس على الارض وراسها على طرف الاريكه نائما كالملاك الصغير وتمسك بيديه يتحرك بهدوء ليجلس تستقيظ هى الاخرى وتترك يديه وتقف

نور بتجاهل : انت كويس

يشير لها بنعم

تضع يديها فوق جبينته لتجد حرارته عاديه تبعد يديها عنه ليمسكها هو

حمزة : نور انا

تسحب يديها منه

نور: اسمع ياحمزة انا معرفش انت ايه اللى جابك هنا ولا عايز ايه ولا مين عمل فيك كده لكن اللى اعرفه انك هربان من البوليس واتمنى انك مطولش هنا وتروح بسرعه من هنا مش كمان هدخلنى السجن بسببك كفايه اوى اللى عملته فيا لحد كده

تمشى خطوتين من امام ليوقفها صوته

حمزة : خلاص اللى بينا بقا كده بس

نور باستهزاء: اللى بينا احنا اللى بينا مات خلاص وانت اللى قتلته مش انا لا انا اللى هربت من الفرح ولا انا بردو اللى خونتك ولا انا اللى جرحت قلبك وكرامتك ولا انا اللى حطط شرف ابوك فالطين لما عريس يسيب عروسته يوم الفرح يبقى ليه سمعت كلام ناس عمرى متوقعت انه يتقال عليا وسكت وكل ده بسببك انت وجاى تقول اللى بينا

حمزة: نور انا مخونتكش ولا هربت من الفرح انا ركبت معايا عشان توصلنى للقاعه بعد ما العربيه عطلت وبعدها مش فاكر اى حاجه ولا حتى حصل ايه غير انى صحيت لاقيتك قدامى وهى جنبى غير كده معرفش

نور بعصبيه : انا مش عايزة اسمع مبررات ولا اعذار سيبنى فحالى وكفايه كدب لحد كده

حمزة: نور انا فمصيبه ومحدش هيعرف يساعدنى غيرك

نور: اسفه

حمزة بحزن : متشكر

ويتجه نحو الباب ليخرج

___________

يدخل الضابط المكتب معه تقرير الطب الشرعى

الضابط (احمد ) : كانت حامل

الضابط (طارق) : السؤال دلوقتى الواد ده ابن مين

احمد : معروف جدا انه ابن حمزة ده عروسته قفشته معاها يوم الفرح

طارق: هنعرف لما حمزة يجى معرفتوش هو فين

احمد: لا

طارق : مش حمزة بس المشتبه فيه كمان نور متنساش انها بتحب حمزة والغيرة عند الستات ممكن تدفعهم لاى حاجه ان جومانا تاخد حمزة من نور ده كافى لقتلها

احمد : بس نور مختفيه من يوم الفرح

طارق : لازم نلاقى نور وحمزة

احمد : ماشى

_____________

كاد ان يصل لباب ولكن يوقفه صوتها

نور : استنى

يلف لينظر لها

نور : ممكن تقعد هنا بس سؤال انت فعلا قتلتها

حمزة : لا والله مقتلتش حد

نور: امال هم متهمينك ظلم

حمزة: هحكيلك اللى حصل

#فلاش_باك

حمزة: انتى بتقولى ايه

جومانا: اللى سمعته انا مش هستنى كتير انت لازم تجوزنى وبسرعه

حمزة : جواز ايه يام جواز هو انا هتجوز واحدة رخصيه نامت معايا

جومانا : رخيصه طب اسمع ياغالى انا عندى سي دى يهمك ويهم شرف عيلتك نص ساعه لو مكنتش عندى هنشر على النت والعالم كله يتفرج

وتغلق الخط

يذهب حمزة لها شقتها

حمزة: فين السى دى

جومانا : مش لما نتكلم الاول

حمزة : خير

جومانا: طبعا انت عارف ان الفوتوشوب دلوقتى معروف جدا ومتطور يعنى مثلا فيديو زى ده

وتفتح الشاشه له ويكون عبارة عن فيديو فتاة مع شاب فالسرير

حمزة: ايه القرف ده

جومانا: لو شيلنا وش البت دى وحطنا القمر بتاعك اسمها ايه …اه نور هتبقى فضيحه

حمزة بعصبيه: اخرسى يابنت الكلب قسمأ بالله لو عملتى كده هقتلك ياجومانا هقتلك نور مش رخصيه يارخصيه

جومانا: والله لوريك الرخصيه دى هتعمل ايه ياواطى ياحقير

يمسكها من شعرها

حمزة: وانتى بتكلمى معايا تحترمى نفسك ولما تكلمى على مراتى تكلمى باحترام فاهمه

جومانا: مراتك ايه ده انت هارب من الفرحه يامحترم بيه

يدفعها لتصدم راسها بالترابيزة ويخرج من الشقه ……..

_________________