رواية حتى التقينا الفصل الثاني 2 – بقلم اروى
-مين قالك ان يحيى مش موافق انهُ يتجوزك؟
بصيتلها بصدمة
-هااا؟
-يحيى موافق يا شهد
-انتِ تعرفي منين؟
اتنهدت ماما و قالت بهدوء
-هو اللي قالي
-قالك انهُ موافق…
-ايوة
-انتِ بتهزري؟
بس ماما بصت ليا بجدية
-ازاي موافق و ازاي بيعاملني كدة؟……. حتى لو فعلا زي ما بتقولي انا مش موافقه
-ليه مالو يحيى؟…. ما انتو على طول انتو و صغيرين كنتو مع بعض
-ملهوش….. بس…. انا عمري في حياتي ما فكرت في يحيى كدة يا ماما طول عمري شايفاه صاحب و ولد الصغير اللي كنت بدافع عنهُ لما الولاد كانو بيضايقوا
و ساعات كنت بس بتعاطف معاه بسبب اللي حصله من والدتة…. وبعدين انتِ شفتي موضوع لما كنت بلعب مع يحيى وقتها ان احنا كدة نتجوز… احنا كنا اطفال وقتها يا ماما… اطفال
هديت شوية و قولت بهدوء
-ياريت تنسي الموضوع…. لو سمحتي
قولت كدة و دخلت اوضتي وانا مش مصدقة اللي ماما قالته
يحيى موافق ازاي؟….. طيب لو فعلا بيعاملني كدة ليه؟
و ليه ماما عايزاني اتجوزو دلوقتي؟…. ليه فكرت في الموضوع اصلا؟
الف ليه و ليه دخلو في دماغي و نمت من كتر التفكير
صحيت تاني يوم بدري قومت و اتوضيت و صليت طلعت شميز ابيض و جيبة و طرحة سوداء
نزلت تحت و استنيت يحيى لما يجي قعدت على العتبة اللي قدام العمارة
-اي اللي مقعدك كدة؟
قومت و نظفقت هدومي و قولت بعصبية
-كل دة تأخير
-استني هنا هروح اجيب العربية من الجراش
قال كدة و لف ومشي و رجع بعد دقيقتين
بصيت على العربية بأنبهار و قولت بذهول
-ايه العربية دي؟….. كل دي لوحدك
قولت كدة و لقيتو طلع من العربية و خمس في وشي
– قولي ماشاء الله العربية هتتقلب بيا و بيكي…. دي لسا عليها قساط
فتحت باب العربية و انا بضحك
دخلت جوة و فضلت باصة في كل ركن
-بتبصي كأن اول مرة تشوفي عربية مع ان اللي اعرفو إن مرات عمي معاها عريية
هزيت راسي بهدوء و قولت
-اة معاها
-ليه مجتوش بيها
-علشان تعب… ماما مش هتستحمل تسوق لحد هنا
بصلي بأستغراب و كمل كلامه
-و ليه انتِ متسوقيش؟
-مبعرفش
-متعلمتيش السواقة؟
هزيت راسي ببطأ و قولت بهدوء
-من ساعة ما بابا العربية اتقلبت بيه و اتوفى بقيت اخاف من العربيات و السواقة بس مع الوقت اتأقلمت على العربية بس لسا بخاف من السواقة
قولت كدة و بعدين سكت
عدة الوقت وسط السكوت لحد ما وصلنا للشركة بصيت عليها هي كمان اتجددت و اتغيرت غير لما كنت بشوفها زمان مع بابا
نزلت من العربية و يحيى راح يركن العربية مستنتهوش لحد ما يجي و دخلت للشركة وانا نظرات الانبهار لسا فيا طلبت الاسانسير و ركبتو و روحت للدور اللي فيه مكتب بابا هو كمان اتجدد قعدت على الكرسي وانا باصة حواليا
……..
نزلت من العربية بعد ما ركنتها و رجعت للمكان اللي سبت فيه شهد بس ملقتهاش دخلت الشركة و قابلت إبراهيم
-إبراهيم شوفت شهد؟
-ايه اللي هيجيب شهد هنا؟
-جبتها معايا
بصلي بأستغراب و قال
-ليه؟
-مش وقتو…. لازم نلقاها قبل ما تخرب حاجة
-هو انت فاكر شهد لسا صغيرة يا يحيى…. كبرت يا حبيبي كبرت
قال دة و طنشت كلامه و فضلت ادور عليها لحد ما لقيتها قاعدة في مكتب باباها و ساندة راسها على المكتب رفعت راسها لما فتحت الباب
-في حد يدخل على حد كدة؟
-كنت بدور عليكي
ابتسمت بسخرية
-ليه هتوه…. دة انا حافظة الشركة حتة حتة
قولت كدة و لقيتو طلع و قفل الباب
عدة الوقت وحسيت بالملل
روحت وفتحت الباب تبع مكتب يحيى
رفع وشه من اللاب توب
-مش فيه باب يتخبط عليه
قولت بعد ما شفط من عصير الموز بالبن
-البابان دي للعيال السيكي ميكي اللي عنديهم خصوصية إنما احنا متربين مع بعض
قربت منهُ خطوة و قولت بعد ما شفطت تاني
-عايز شفطة؟
-لا…. وابعدي البتاع دة مني
ابتسمت بسخرية
-البتاع دة!….. الله يرحم
قولت كدة و رجعت لورا بس اتعنقلت في الجيبة و وقعت واتكب العصير عليا
بصيت ليحيى وانا واقعة على الارض و لقيتو مشالش عينه من اللاب قولت بعصبية
-انت يلا…. مش شايفني وقعت؟
– و بعدين……
قومت و قربت منهُ وشديتهُ من ودانه و قولت بعصبية
-بقيت غليظ يا يحيى بدأت تعصبني على فكرة
مسك ودانه بوجع و قال
-شهد احنا كبرنا على الكلام دة….
خبط الباب و يحيى كان لسا ماسك ايدي اللي ماسكة بيها ودانه قولت نيابة عنه
-ادخل
قولت كدة و لقيت بنت بيضاء و عينها ملونة دخلت و ماسكة ملفات على ايديها و قالت بهدوء
-مستر يح….
مكملتش كلامها لما شافتني ماسكة يحيى من ودانه
بصلي يحيى بعصبية و بعدين سيبته و روحت الحمام غسلت العصير اللي اتكب على هدومي و بعدين رجعت تاني ليحيى
-ايه اللي غرقك كدة؟
-غسلت هدومي من العصير اللي اتكب
قولت كدة و هو بصلي و بص على هدومي وأداني جاكيت البدلة بتاعته
ابتسمت وأخدته منه و قولت
-مع انها يعني حركة زوق متطلعش من واحد زيك
مدلي ايدو وقال
-هاتي الجاكت
-والله ما يرجع
-هاتي….
-والله أبداً
قولت كدة و لبسته و هو رجع كمل شغلة
رفع وشه من اللاب بعد خمس دقايق و قال
-انتي هتفضلي قاعدة في وشي كتير
-اكيد مش من جمالك يعني… مش عارفة اعمل ايه
-روحي اشتغلي…. افتكر امبارح قولتي انك عايزة تروحي الشركة علشان تشتغلي مشفتكيش قعدتي نص ساعة على المكتب
-لا جاية بسخن بس و استكشف المكان
-مش كنتي من شوية حافظة المكان حتة حتة
-اسكت…. مش فقدت الذاكرة
عض في شفايفة بغيظ و رجع كمل شغله
-يحيى…. يحيى يحيى….. يا يحيى
قفل اللاب جامد
-مين البنت ام عيون قططتي اللي جات من شوية دي؟
-ملكيش دعوة
-بطّل رخامه يا يحيى… مين بجد؟
– ملك… السكرتيرة يا شهد
-امممم
قولت بخبث
-بس قمر البت دي ياض يا يحيى
-ياض؟
-قولي لو في حاجة كدة او كدة
قال بقلة صبر
-شوشو يا حبيبتي…
-لو عايز تحافظ على صحوبيتنا تبطل تقولي الدلع دة
-قاطعتها من بدري
-اي هي دي؟
-صحوبيتنا
-عارفاك حيوان و تعملها يا يحيى
-ايه رأيك تروحي ترازي في إبراهيم شوية؟
-ايوة صح هيما هنا انا ناسية انه هنا….. يلّا سي يو يا يحي
…..
عدة عشر دقايق و لقيت إبراهيم اتصل عليا
-الوو
-ايه اللي انت بعتهالي دي..؟
-مش دي اللي قولت عليها كبرت
-لا…. رجعت في كلامي تعالى خدها يا يحيى
-ابدا والله… معرفتش اشتغل منها
-و عايز مستقبلي يضيع يا يحيى؟
-امال لو قولت ليك انها هتنزل معانا كل يوم
-ايه؟…. لا وحياة جدك يا يحيى متعملش في الشركة كدة
-استحمل شوية دي مكملتش معاك عشر دقايق كانت قاعدة معايا اكتر من ساعتين
قولت كدة و قفلت الخط و كملت شغلي
……
عدة الوقت و نزلت مع إبراهيم شوفت يحيى و هو بيجيب العربية
-يحيى…. همشي مع إبراهيم
قولت كدة و يحيى مهتمش و ركبت في عربية إبراهيم
وصلنا لبيت جدو و دخلت لقيت عمتو و يوسف ابنها اللي مكنش فيه شبه من إبراهيم سلمت عليهم و بعدين قعدت
بصلي جدو بحب و قال
-اي اخبار الشركة انهاردة يا شهد
قولت بلهفة
-حلوة اوي يا جدو عايزة اروح كل يوم
رد إبراهيم بضيق
-لازم تكون حلوة ما انتِ معملتيش حاجة
-على فكرة قعدت في مكتب بابا نص ساعة كاملة
رد يوسف عليا بعد ما شهق
-يا مصيبتي نص ساعة بحالها
-شوفت و بيقولو عليا مشتغلتش
-ظلم يا بنتي ظالمين..
قربت من يوسف بهدوء و قولت
-ايوة طبل طبل متخلهمش يشمتو في بنت خالك
-عيب عليكي
قولت كدة و ابتسمت لأن يوسف كان اقرب حد ليا لأن احنا الاتنين نفس الدماغ من و احنا صغيرين
-اي رأيك نلعب كورة بعد العشاء برة
ابتسم بسخرية و قال
-بلاش علشان مترجعيش تعيطي زي ما كنتي تعملي انتِ و صغيرة
-عيب عليك… بقيت حريفة دلوقتي كنت في اسكندرية بشترك في نادي على فكرة
– وبعدين…
-مبعتبش بابه تاني
ضحك يوسف
-يبقى على بركة الله
قومت ساعدت ماما في الاكل و اتعشينا
قعدت برة مستنية يوسف لحد ما يشتري كورة من عم احمد اللي على اول الشارع بس شوفت روان جاية و كان معاها بنت لابسة تشيرت بيج و جيبة وطرحة بني
-شهد دي جنى…..
بصيت عليها بأنبهار
-كبرت صح؟
-اةةة
قولت كدة لأن جنى كانت اصغر مني انا و روان ب سنتين و كان الفرق واضح لكنها دلوقتي بقت من سنينا
-كويس جيتو في وقتكم
-ليه؟
-هلعب انا و يوسف كورة دلوقتي العبو معايا و هجيب يحيى و إبراهيم
قولت كدة و لقيت يوسف رجع و معاه الكورة و صفارة
بعد وقت من اقناع يحيى و إبراهيم انهم يلعبو معانا قسمنا الفريق تلاتة تلاتة انا كنت واقفة حارس و يوسف و روان هجوم ضد يحيى و جنى هجوم و إبراهيم الحارس و ماما كانت ماسكة الصفارة و قايمة بدور الحكم
بعد و قت من اللعب…..
-فول يا ماما فول….
ردت امي بأستغراب
-ايه هو اللي فول؟….. عايزة فول؟
ضرب يوسف وشه بضيق وقال
-قصدها فاول يا مرات خالي…. صفري يا مرات خالي
قالها كدة و ماما صفرت
عدة الوقت و كنا احنا اللي خسرانين عده يحيى و شاط الكورة و خبطت في وشي جامد لدرجة ان منخيري نزفت
حطيت ايدي على مناخيري و قرب مني يحيى
-انتِ كويسة
قال كدة و شال ايدي و شاف الدم
اتجمعو كلهم عليا و انا بدأت اهديهم
قلع يحيى التشيرت بتاعه ومدة ليا علشان امنع النزيف قولت بعصبية
-لا طبعاً هيتوسخ
بس هو مسمعنيش و شال ايدي و كتم بيها الدم و رفع وشي لفوق
…………………
-غريبة شهد
قالتها ناهد عمة شهد هي و بتكلم مع ابوها و قاعدين في البلكونة بيتفرجو عليهم
رد الجد
-ليه غريبة؟
-هي النقطة المشتركة فيهم كلهم…… و هي اللي رجعت و جمعتهم ببعض بعد ما كان كل واحد مشغول بحياته
انت كنت تصدق ان يحيى و إبراهيم يرجعو يلعبو كورة تاني مع يوسف
ابتسم و قال
-عندك حق هي فعلاً غريبة….. بتمنى لو احفادي يفضلو مع بعض كدة دايما
…………………….
طلعت لشقتنا و دخلت للحمام اغسل وشي من الدم وسيبت تشيرت يحيى اللي كان غرق دم
اتأكدت ان الدم وقف وبدأت اغسل في تشيرت يحي
…………………..
عند يحيى
-يحيى
-نعم يا مرات عمي؟
-كنت عايزاك دقيقة
قالت كدة و دخلتني للأوضة اللي كنت بقعد فيها زمان في بيت جدو و قفلت الباب
-في…
-انا عايزاك تتجوز شهد
قولت بصدمة
-هااا
-انا عايزاك تتجوز شهد و انا عارفة انك بتحبها….
-لا استني بس… انا مش بحب…
-متكدبش يا يحيى
-انا ام يا يحيى و دايما هعرف و اشوف امتى ابني او بنتي بيبحو…..
مسكتني من ايدي و كملت كلامها
-دة انا اللي مربياك….. بعرفك لما تكون خايف عليها لما بتبص عليها و هي بتضحك و هي بتتكلم و انت بترخم عليها من و انتو و صغيرين كل دة شفتو في عينيك يا يحيى….. كنت خايفة في الحقيقة إن لما نرجع يكون حبك قل لشهد بسبب خناقكم على طول و مبقتوش تتكلمو مع بعض بس انهاردة انت اثبت عكس دة
لما خوفت عليها و قلعت التشيرت علشان توقف الدم بيه….
كانت هتكمل كلامها بس قاطعتها و قولت
-انتِ فهمتي الموضوع غلط…. انا مش بحب شهد…. بتعامل معاها عادي و لو قلقت عليها ف دة شيء طبيعي لأن هي بنت عمي
قالت بهدوء
-ماشي يا يحيى هحاول اصدقك…. بس انا كنت عايزاك تتجوز شهد لمدة معينة و بعدين تطلقها لما ارجع من السفر
استغربت من كلامها و قولت
-ليه….. وبعدين انتِ مسافرة فين؟
قولت كدة ولقيتها جابت من درج المكتب كيس و طلعت منهُ اشاعات و مديتها ليا
فتحت الاشاعات و قرأت اللي فيها و بصيت ليها بصدمة
-انتِ عندك مرض في القلب؟
هزت راسها بهدوء
-اعتلال عضلة القلب…. الدكتور قالي انهُ محتاجة تدخل جراحي … زراعة قلب… في كندا و هسافر الاسبوع الجاي…… علشان كدة جبت شهد هنا….. علشان تقعد مع اصحابها و معاك و إبراهيم و يوسف و جدها طبعاً……. بس بردو مش هبقى مرتاحة لو حصلت ليا حاجة
مسكت ايدي برجاء و قالت
-لو سمحت خليك معاها…. و وافق انك تتجوزها…….
علشان خاطري يا بني…
قالت كدة و انا لسا مش مستوعب اللي هي بتقولو
-وانتي ليه تسافري لوحدك؟…. انا هاجي معاكي
-لا يبني مينفعش المستشفى اللي هناك حاجزة اوضة و هما هيعتنو بيا كويس الدكتور بتاعي وصاهم عليا
انا بس اللي عايزة اطمن عليها هي شهد
قالت كدة و عينها دمعت
-هي شهد تعرف؟
هزت راسها بنفي
-لا و أوعى تقولها يا يحيى…
-بس انتِ مينفعش تروحي لوحدك
-انا هبقى كويسة يا يحي…. بس عايزاك توعدني انك هتخلي بالك على شهد
قالت كدة و مدت ايدها
بصيت على ايدها و مسكتها بحب
-اوعدك
حضنتها بقوة لأن بعتبرها زي امي بالظبط
يمكن اكتر كمان هي اللي ربتني مع شهد كأني ابنها بالظبط بعد ما امي سبتني و راحت اتجوزت
طلعت من حضنها و هي اخدت الاشاعات و حطيتها في الكيس و كانت هتطلع وقفتها و قولت
-مرات عمي
بصت ليا
-نعم؟
-انا موافق اتجوز شهد
قولت كدة و لقيتها ابتسمت و هزت رأسها بحب
-شكرا
طلعت وانا قعدت على السرير بفكر ف اللي حصل
…………………………..
طلعت من الحمام بعد ما غسلت تشيرت يحيى و لقيت ماما دخلت الشقة
-اي بتعملي؟
-كنت بغسل تيشيرت يحيى علشان بقع من الدم
قولت كدة و بصيت على الكيس اللي في ايدها
-ايه دة؟
قالت بتوتر
-دة…. ورق.. ورق شغل…. كانو بيسألو عليكي تحت
-اة كنت نازلة دلوقتي
قولت كدة و روحت نشرت تشيرت يحيى و نزلت تحت
دخلت و سمعت صوت ضحك عالي جاي من جوة
-بتضحكو على ايه؟
قولت كدة و لقيت روان بصت ليا و قالت
-تعالي شوفي الذكريات الهباب اللي مع جدك
قالت كدة و بصيت على ايد جدو لقيت فيه اللبوم الصور اللي كنا متصورين فيه زمان
شهقت بصدمة و قولت انا وبجري عليه
-جدو كام مرة اقولك احرق اللبوم دة شكلنا وحش وقتها
ضحك جدو عليا و روحت قعدت جمبيه
و جات صورة كنا احنا الستة لابسين فيها لبس المدرسة
-لااااا…. اي المنظر دة؟
رد يوسف
-دة كان اول يوم مدرسة ليكي انتِ و روان صح؟
هزيت راسي بهدوء
قالت روان
-فاكراه اليوم دة لما بعد المدرسة روحنا و نصبنا على الراجل بتاع الكشك و جنى و إبراهيم اتمسكو علشان كانو بيتخجلو
قولت بحماس
-ايوة براڤو عليكي ساعتها جنى كانت لسا في الحضانة افتكرت
قولت كدة و فضلنا نضحك لحد ما عيني وقعت على صورة و حطيت عليها ايدي
-لاااااا…. لا.. لا
مسكت بأيدي تانية في كتف جدو و قولت
-انت ايه يا راجل انت….. كنت عايز تفضحني
قولت كدة و روان كانت بتشد ايدي علشان تشوف الصورة
-لااا… لا
قولت كدة بس هي شدتها جامد و هما شافو الصورة و ضحكو
-عجبك كدة يا جدو ….. اهو ضحكو عليا
-علشان باردين…. مالها الصورة….. ما حلوة اهي
-دي حلوة دي…. كانت نص اسناني واقعة وقتها
-كان اول سنتيِن يوقعو منك
– وأي الذكرة الحلوة انك تصورني بالمنظر دة
-انا شايف ان شكلك حلو وقتها
-ماشي يا جدو هبقى اخدها اقطعها بنفسي
قولت كدة و فضلو يضحكو اكتر عليا
قال إبراهيم و هو بيبص ليحيى
-مالك يا يحيى؟
رد يحيى بهدوء
-مليش
قال كدة و ساب فنجان القهوة على الترابيزة وقام
-انا هطلع انام…. انتِ هتباتي صح يا عمتو؟
-اة يا حبيبي
-طيب… إبراهيم و يوسف هياجو يباتو عندي فوق
قال كدة و هزت عمتو راسها و يحيى طلع
بعد ما طلع يحيى قعدنا و بعدين روان و جنى مشيو و بعديها يوسف و إبراهيم طلعو عند يحيى و عمتو دخلت نامت و مفضلش غير انا وجدو وفضلنا نكمل نشوف الصور و وسط ما انا بقلب شوفت صورة كنت انا و يحيى و مرات عمي ام يحيى بصيت على الصورة و اتضايقت لاحظ جدو وقال
-انتِ فاكراها؟
بصيت بسخرية و قولت بتريقة
-و مين مش فاكرها الحربوقة دي…
-عيب يا شهد؟
-ايه اللي عيب يا جدو؟…. دي يتقال عليها اكتر من كدة كمان
-يا حبيبتي حقها ان هي تتجوز
-انا مش بلومها يا جدو…. بس هي مخدتش ابنها معاها و سبتو علشان انت تربي…. هي دي يتقال عليها ام ازاي بقى…. اتخلت عنهُ بكل سهولة علشان خاطر راجل… بجد بجد يحيى اللي ميستحقهاش مش هي اللي متستحقهوش مفكرِتش حتى في مشاعر ابنها ولا ممكن يحصل ليه ايه ولا حتى شافت التريقة اللي الناس كانت بتتريق ليحيى….. دي حرفيا معندهاش قلب
ابتسم و وقال بهدوء
-يحيى استحمل اللي اي طفل ميقدرش يستحمله من حيث وفاة باباه و لما امه مشيت و سبته بس ربنا عوضه في حاجة تانية
بصيت بأستغراب
-ايه هي؟
-انتِ
بصيت بصدمة
-انا!….
هز راسة بهدوء
-مين اللي كان دايما بيوقف للعيال لما بياجو يتريقو على يحيى مش انتِ؟
هزيت راسي بهدوء
-اة
-و مين اللي كان اقرب حد ليحيى و دايما بيقضي معاه وقتو و بيحاول ينسي اللي حصل… مش كان انتِ
هزيت راسي تاني
-اة
مسك جدو ايدي بلطف
-انتِ عوض ربنا ليحيى يا شهد
بصيت ليه و بلعت ريقي و انا بفكر في كلامه و بعدين قولت بتمثيل
-اممم قول بقى يا جدو انك انت و ماما بتقنعي بيحيى انسى مش هنوبهالك ابدا
قولت كدة و ابتسمت و قفلت الاللبوم و اديتو لجدو و بوسته
-تصبح على خير
-و انتِ من اهله
طلعت لشقتنا و انا بفكر في كلام جدو
“انتِ عوض ربنا ليحيى يا شهد”
خبط على راسي و انا وبهزها
-لا لا لا… لا… اكيد لا… هما بيحاولو يقنعوني بالعافية
فتحت الباب و دخلت لأوضتي
و بصيت لصورة اسبونج بوب و قطعتها من الحيطة
-انا و يحيى عيال عم و بس…. و اكيد كنت مشفقة عليه مش اكتر
رميت الصورة في باسكت الزبالة و بصيت للأوضة و طلعت روحت لأوضة امي
دخلت الاوضة و لقيت ماما ماسكة راسها بتعب
جريت عليها و قولت بقلق
-انتِ كويسة يا ماما…. اي حصل
قولت كدة و قعدتها على السرير
-كويسة…. كويسة كنت بس دايخة شوية….
بصيت على المكتب و اللاب توب اللي كان مفتوح
-متتعبيش نفسك في الشغل يا ماما…. اعتبري نفسك في اجازة
قولت كدة و بوست دماغها و قعدت على الارض
-انا عايزة اغير شكل اوضتي
-ايه؟…
-مش عاجبني الوانها يا ماما و عليها صور طفولية انا كبرت دلوقتي… فقولت لنفسي اني اغير شكلها
-متتعبيش نفسك كدة كدة هتجوزي يحيى و هتروحي تسكني في شقته
ابتسمت بسخرية و قولت
-نامي يا امي…. انتِ تعبانة دلوقتي… هبقى اغير شكل الاوضة بعدين
ردت امي بجدية
-مش بهزر يا شهد…. وقولت ليكي ان يحيى موافق
-وانا هرجع اقولك نفس الرد…. انا مش موافقة
قولت كدة ولفيت و كنت هطلع بس امي وقفتني وقالت
-شهد انا مسافرة كندا……
____________________________
•تابع الفصل التالي “رواية حتى التقينا ” اضغط على اسم الرواية