رواية قسوة عشق (كاملة جميع الفصول) حصريا عبر دليل الروايات بقلم ملك عبد اللطيف
رواية قسوة عشق الفصل الثامن والثلاثون 38
البارت الثامن والثلاثون
رواية قسوة عشق
بقلمى /ملك عبد اللطيف
زياد بصدمة وهو يقرأ هويتها
_ايه انتى….. لمار السيوفى اخت چانسو معقول كنت مفكرك مش من عيلتهم وخدعتينى هههههههههه بس القدر جابك ليا برجليكى ياحلوة والفرصة دى لازم استغلها
ليقول كلامه بشر وتوعد لها ثم يضع هويتها مكانها ويخرج من الغرفة بسرعة واثناء سيره رأى فى وجهه يزن وهو يتجه نحوه
يزن بأستغراب
_ايه يازياد انت بتعمل ايه هنا
زياد بتوتر وكذب
_هاا.. لا مش بعمل حاجه اصلى… ضيعت طريق اوضتى وكنت بدور عليها
يزن بضحك
_انت نسيت ان اوضتك جمبى ايه اللى موديك عند اوض البنات تعالى اوريك السكة
زياد بتوتر وهو يمشى معه
_ماانا كنت بدور عشان كدة وصلت لغايت هنا
يزن
_طب يسيدى اوضتك اهى انا رايح اقعد مع الشباب ماتيجى تقعد معانا
زياد برفض
_لا مش هقدر يايزن روح انت انا هخش انام
يزن بأستغراب
_ماشى براحتك تصبح على خير
ليمشى يزن ويدخل زياد غرفته ويمد جسده على فراشه وهو يفكر فى الذى سيفعله مع لمار حتى يستغل بها چانسو
اما فى غرفة حياة كانت جميع البنات عندها وكل واحدة تسألها سؤال وتريد ان تعرف مالذى حصل معها ومع كنان
حياة بضحك
_ماتهدى يافضولية منك ليها سبولى فرصه اتكلم
سيلين بغمزة
_ايوة احكيلنا ياحياة اول لما قالك بحبك عطاكى ب#سة زى الافلام كدة هااا
ليضحك جميع من بالغرفة بصوت عالى فيسمع الشباب صوت ضحكهم بالغرفة التى بجانبهم
احمد بأستغراب
_مالهم دول بيضحكوا على ايه صوت سيلين واصل لغايت هنا
كنان بضحك
_تلاقيها بتتكلم عليك هههههه
احمد بغضب
_وليه بقا هوا انا نكتة طب والله لأقوم اشوف بيقولوا ايه لينهض ويقف بالشرفة لأنها بجانب شرفة حياة فمنها يستطيع سماع حديثهم بسهولة فيلحقه الجميع امير وكنان ويزن حتى عمرو ليسمعوا هما ايضا مالذى يقوله البنات عنهم
حياة بخجل وغضب
_عاااااارفة ياسيلين لو ملمتيش نفسككك همووووووتككككك
سيلين بضحك خطفت قلب احمد وهو ينظر لها من البلكونة
_هههههههههه يبقا با#ها يبنات بدال وشها احمر كدة طب دى اول حاجه عرفناها وبعدين هااا
امير بغمزة لكنان من الجهة الأخرى فهو سمع حديثهم أيضاً
_ايه يسطااا شكلها سيلين معاها حق
كنان بحمحمة
_احم احم ركز بس فى اللى هتسمعه ملكش دعوه بينا هااا
ليضحك امير ويسمع حديثهم
حياة بضحك
_سيلين قووومى من هنا عشان مقتلكيش النهاردة
لمار بغمزة
_ياحياة متضحكيش علينا بقا ده احنا اخواتك قوليلى بتحبيه صح
حياة بخجل
_بعشقه
لينظر جميع الشباب لكنان بغمزة فيدق قلب كنان على هذه الكلمة وتصفر لمار عندما سمعت كلمة حياااة
نادية بضحك
_ايوة الله يسهلوووووو يسطاااا
سيلين بضحك
_ويسهلووو انتى كمان يختى
نادية بأستغراب
_قصدك ايه
سيلين بغمزة
_قصدى سى روميو عمرو وجولييت نادية بجد لايقين على بعض والله
نادية بخجل
_سيلين اتلمى
لمار بضحك
_عاوزة تفهمينى انك مبتحبهوش
ناديه بضحك وخجل
_ممكن يعني
ليصدم عمرو من اجابتها هل تحبه فعلاً ليغمز له الشباب بضحك
سيلين وهى تصفر
_ايوة بقا شكله النهاردة يوم العلامى للحب حياة وكنان ونادية وعمرو مين يزود
نازلى بسخرية
_سيلين واحمد مثلاً
سيلين بأستغراب
_قصدك ايه ياست نازلى
نازلى
_قصدى اللى انتى فهمااه يعنى عاوزة تفهمينا انك مبتحبيش احمد
ليصدم احمد بشدة فيلاحظه كنان ليقول
_خلاص يجماااعة بقا يلا نمشى كفيانا تسنيط عليهم ميصحش
احمد بغضب
_هوا انت تسمع حبيبتك بتقول ايه عليك واحنا منسمعش يعنى انا عاوز اعرف سيلين هتقول ايه
لمار بضحك
_صحيح يابت سيلين هوا انتى بتحبى احمد؟
سيلين بغضب
_بس ياناااازلى ايه الكلام الفارغ ده واصلا ليه متقوليش انك انتى ويزن بتحبوا بعض
نازلى بضحك من كلمتها
_ههههههههههههه احيه بمووت انتى اتهبلتى ملقتيش غير انا ويزن ده حتى مفيش مابينا لحظة رومانسية واحدة علطول بنشد فى شعر بعض
نادية بضحك
_فى دى معاكى حق يانازلى لأن بالزات هيا ويزن مينفعش يتحطوا فى مكان واحد ممكن يخربوه من كتر مهما مبيطقوش بعض ولو حصل وحبوه بعض يبقا حبهم من عجائب الدنيا الثامنة ههههههه
يزن وهو يحك شعره بضحك
_اخص على الاحراج منك لله يانازلى يعنى كلكم يتقال عليكم اشعااار وانا اتبهدل من الحيوانة دى
كنان بضحك
_معلش تعيش وتاخد غيرها
نازلى بضحك
_ملقتيش غير يزن من كل شباب مصر وتقوليلى بحبه ههههههه
سيلين بأستغراب
_وليه بقا ماله يزن ده حتى عنيه زرقة وشعره اصفر
نازلى بضحك
_انا مليش فى الاشكال دى يبقا عشان كدة بتحبى احمد عشان عنيه خضرا
سيلين بغضب
_متقووووليش بحبه واصلا ده شكله لنسز مش عنيه
احمد بضحك ليزن
_اشمعنا انت اللى صدقت انك عينك زرقة وانا لا هههههه
يزن بضحك
_انا طبيعى يبنى من يومى
لمار
_متنكريش ياسيلين انك بتحبيه باين عليكى اووى
سيلين بضحك
_للدرجادى مفضوحة هههه بس لا حتى لو انا معجبة بيه مستحيل احمد يكون كدة ده احنا عاملين زى النار والبارود مع بعض ومختلفين خالص
چانسو بضحك
_لا فى دى ملكيش حق المفروض كنتى تيجى تشوفى كنان وحياة كانوا عاملين ازاى
حياة بضحك
_بصراحه اه انا مكنتش بطيق كنان فى الاول وكمان هوا مختلف عنى فى كل حاجه واهو حبينا بعض يعني عادى يبنتى
سيلين بضحك
_لا مع احمد مش عادى لأنه بجد مش بيطقنى
لمار
_يعني قصدك انتى بتحبيه وهوا لا
سيلين
_لا مقدرش اقول انى بحبه لأنى ساعات مببقاش طيقاه من عصبيته عليا وساعات بحس انى مش عاوزة اسيبه شعور متلغبط كدا بس برضو مقدرش اقول انى مبحبهوش
احمد بصدمة
_معقول سيلين تكون بتحبنى
كنان بضحك
_يبنى انت عامل رعب فى حياة البت حرااام عليك
يزن بأستمتاع
_اسكتوا بقا خلينا نسمع
عمرو بضحك
_اروح اجبلك فشااار عشان تتسلى ياخويا ههههه
حياة بضحك
_يعني انتى لو قولتى لأحمد انك بتحبيه ممكن تبقا ردت فعله أيه مثلاً
سيلين بضحك وهى تقلد احمد فى حركاته وصوته
_انا احمد يحبك يامجنونة انتى مبتعرفيش تعملى بيضاية هقهقهق
أمير بضحك
_هههههههه احيه عليك يااحمد ده انت معقد البت فى حياتها
ليدخل احمد ويتركهم بحزن وهو يفكر فى كلام سيلين وهم مازالوا واقفون يستعمون لحديثهم
حياة بضحك
_خلاص يبنات كفيانا نميمة عليهم بقا كل واحد على اوضته يلا الوقت اتأخر
سيلين وهى تعطيها شئ
_خدى ياحياة دى هدية مننا كلنا بمناسبة عيد ميلادك
حياة بسعادة وهى تعانقها
_كنت متأكدة انكم مش هتنسونى شكراً ياسيلين
نازلى وهى تنهض
_يلا بقا وبطلوا محنكم ده وكل سنة وانتى طيبة ياحياة وخلينا نمشى عشان تعبت من الكلام على العشاق بتوعكم دول منك ليها
حياة بضحك
_انتى الوحيدة اللى مريحة دماغك تصبحوا على خير
الجميع وهو يخرج
_وانتى من اهله
ليخرج الجميع وكل واحدة منهم تتجه لغرفتها ويدخل الشباب أيضاً ويذهب كلا منهم إلى غرفته
لتدلف حياة إلى الحمام وتأخذ شاور وتبدل ملابسها ثم تمدد جسدها على فراشها وهى تفكر فى الذى صار معها ومع كنان وتضحك على كلامه ومغازلته لها ثم تحاول ان تنام فلم تعرف فقررت ان تخرج لتشم هوا امام الشاطئ فنهضت واخرجت ملابسها وارتدت بنطال جينس كارجو وبادى كات بنى وتترك شعرهاا البنى ينسدل على ظهرها بعشوائية
لتبدوا فى غاية الجمال كعادتها ثم تهبط لأسفل وتتجه للشاطئ لأن الاوتيل مطل على البحر فرأت امامها كنان يجلس على الرمال وينظر للبحر وهو يعطيها ظهره فأبتسمت بخبث واتجهت نحوه ببطأ حتى لايحس عليها ووضعت يدها على عينيه من الخلف
كنان بخبث وهو مغمض العنين
_جيتى ياحبيبتى كنت مستنيكى
حياة بأستغراب وهى تزيل يدها من على عينه وتنظر له بغضب
_نعمممم ياخويااااا مين دى اللى كنت مستنيها ياكنان
كنان وهو يمثل التوتر
_ح..حياة انتى ايه اللى مصحيكى فى الوقت ده وايه اللي جابك هنااا
حياة بغضب وغيرة
_جيييت عشاااان اشوف حبيبة القلب اللى مستنيها ياخااين مين دى ياكنان اللى انت جيت هنااا عشااانها هااا مين
لتقول كلامها وهى تضربه فى صدره بغضب وتكاد تبكى فيمسك كنان يدها بضحك
_اهدى ياهبلة هيكون مين يعني اكيد انتى هههههه
حياة بأستغراب
_قصدك ايه انت مش مستنى حد
كنان بضحك
_لا طبعاً انا جيت هنا اشم شوية هوا وحسيت بيكى جاية من ورايا فقولت اضحك عليكى حبة
حياة بغضب وهى تضربه
_اتصدق انك باااااارد والله كنت هقتلك واقتلهااا لو طلع ده بجد
كنان بضحك
_هوا انا اقدر ابص لغيرك ياحبيبتى اهدى بس عشان انتى اتحولتى فجأة لمصاص دماء ههههه
حياة بضحك وهى تجلس
_نننييينى عيل كلح صحيح وقعت قلبى والله
كنان وهو يجلس بجانبها ويعانقها
_سلامة قلبك يسطاااا وبعدين انتى ايه اللى مصحيكى لغايت دلوقتي
حياة وهى تعانقه أيضاً
_مش جايلى نوووم مش عارفة ليه
كنان
_وانا كمان برضو شكله الحب أثر علينا
حياة بضحك
_لا خفهه ياااض اممم تعالى نلعب لعبة نضيع بيها الزهق ده
كنان وهو يرفع حاجبه
_قاعد مع بنت اختى انا ولا ايه قولى يختى هنلعب ايه
حياة
_تعالى نلعب لعبة سؤال وجواب يعنى انت تسألنى وانا جاوبك والعكس ايه رأيك
كنان بضحك
_ماشى يستى موافق وانا هبدأ
حياة بتذمر
_لا انا اللى هبدأ الاول دى فكرتى
كنان بضحك
_ماشى يهبلة ابدئى
حياة بتفكير
_اممم ايه هوا لونك المفضل
كنان بأستغراب
_هوا ده سؤالك طب لونى المفضل الاسود وبكره الازرق بصراحة
حياة بضحك
_لا كمان بتقولها فى وشى طب دورك
كنان بتفكير
_اممممم ايه اكترر حاجه كان نفسك تعمليها ومعرفتيش
حياة بحزن
_انى ابنى ملجأ للأيتام بأسم ماما عشان ده كان حلمها
كنان بأستغراب
_ومعرفتيش ليه تعمليه
حياة بحزن
_انا مبفهمش فى شغل الملاجئ ومعرفش مين هيديره ملقتش حد عشان يساعدنى فى الموضوع ده يعني الامكانيات مش عندى….فكك وانت طب ايه اكتر حاجه نفسك تعملها،ومعرفتش
كنان بضحك
_انتى ياحياة
حياة بأستغراب
_يعني ايه مش فاهمة
كنان بضحك
_قصدى ان اكتر حاجه كان نفسى فيها انك تحبينى زى مابحبك وكنت فاقد الامل بصراحة
حياة بضحك
_امممم اظن دلوقتي لا طبعاً
كنان وهو يضمها له
_اه مكنتش اعرف بقا وكنت مغفل صحيح فيه سؤال عاوز اسألهولك
حياة بأستغراب
_وايه هوا بقا؟
كنان بخبث
_إمتى اول مرة حسيتى انك بتحبينى فيها وقولى بصراحة ومتتهربيش من السؤال هااا
حياة بخجل
_هوا انا هتهرب ليه يعني بس معرفش بصراحة
كنان
_شوفتى اديكى بتتهربي اهو
حياة بضحك
_والله معرفش اممم يمكن لما كنت بتمثل عليا انك موووت فى اليخت ساعتها عرفت انى بحبك
كنان بضحك
_هههههههه اه وانا برضو عرفت ساعتها هههههه
حياة بأستغراب
_قصدك ايه….؟!
كنان بضحك
_اللى انتى متعرفهوش انك لما كنتى فى اليخت وبتعاكسى فيا وبتحسبينى نايم ساعتها مكنتش نايم اصلا وسمعت كل حاجه
حياة بصدمة
_ايييه سمعت الكلام اللى قولته كله
كنان بضحك
_بصراحة اه هههههههه
لتخجل حياة وتضع يدها على وجهها بسكوف فيضحك عليها كنان ويظلوا يتحدثون كثيراً وهم يضحكون حتى تغفل عينيهم ويذهبوا فى نوم عميق على الشاطئ
ـــــــــــــــــــــــــــــــــــــــــــــــــــــــــــــــ
اما على الناحية الاخرى فى مصر كان حازم يتحدث فى الهاتف مع احد
حازم بغضب
_اعمل زى ماقولتلك يابيومى اخطف جورى وجبها عندى لأن صحر اتمادت اووى فيها المرادى وانا هخليها تندم على اليوم اللى فكرت تغدر بيا
بيومى بأستغراب
_وانت هتخطف بنتك ليه ياباشا هتستفاد ايه
حازم بغضب
_يمحاااار هستفااااد انى بهددها بيها وكمان اظن انه جاه الوقت اللى التوأم بتاعت انجى تظهر فيه اعمل اللى بقولك عليه انجز
بيومى
_حاااضر ياباشا
ليقفل معه ويتصل حازم على شخص آخر
حازم بشر
_هااا وصلت أمريكا ولا لسة
الشخص على الجهة الأخرى
_وصلت ياحازم بيه واعتبر الموضوع خلص خلاص
حازم بخبث
_ماشى وانا واثق فيك
ـــــــــــــــــــــــــــــــــــــــــــــــــــــــــــــــ
…. فى صباح يوم جديد بأمريكا…….
وخاصة على الشاطئ افتحت حياة عيناها الجميلتان ببطأ فرأت كنان بجانبها ويحاوطها بزارعيه وينام على الرمال فضحكت حياة بخفة على نفسهم ان النوم تغلب عليهم وناموا على الرمال فحاولت ان تفك يده عنها حتى تنهض فلم تعرف لأنه يده تحاوط يدها بشدة فأقتربت من أذنه بخبث وقالت بصوت عالي
_بحبااااااااااااااااااااااااااااااااكككككككك
لينتفض كنان بفزع من صوتها الذى خرم أذنه فتنهض حياة وهى تضحك عليه
كنان بغضب وهو يفرك عينيه
_يخربيييت فصلانككك يشيخة فى حد يعمل كده على الصبح
حياة بضحك
_بدال انا عملت يبقا فيه هيخوهيخوهيخو
كنان وهو يجرى ورائها
_طب والله ماانا سايبك
لتجرى حياة بسرعة وهو يجرى ورائها بضحك فيمسكها بسرعة قبل ان تفلت منه ويحملها من خصرها ويدور بها بضحك
حياة بضحك
_اعاااااااااا نزلنى ياكنان
كنان وهو يحملها
_لا مش هنزلك غير لما تعتذرى منى
حياة بتمثيل
_آسفة والله خلاص مش هعمل كدة تانى
لينزلها كنان من على كتفه بضحك
كنان بضحك
_ايه مفيش صباح الخير
حياة بخبث
_طب هاات ودنك كدة
ليقترب كنان منها على اساس انها ستقول له شئ فتقترب حياة منه وتقول فى أذنه
_توووووووووووووووووت
لتقول جملتها وتجرى من امامه بسرعة فيلحق بها كنان بغضب وضحك فى نفس الوقت ظلوا يجرون حتى وصلوا لللأوتيل ووصلت حياة امام غرفتها
حياة وهى تلهث من كثرة الجرى
_خلاص سمااااح يابيه والنبى مش هعمل كده تاانى
كنان وهو يقترب منها
_سمااااح ماتت يحبيبتى
ليقاطعهم صوت من خلفهم
احمد بحمحمة
_احم احم ياعصفير العشق انتو نحن هناااا
لتنظر له حياة بفزع فتدخل غرفتها بسرعة وتقفل الباب
كنان بغضب
_عيل فصييييل ايه اللى جابك هنااا
احمد بخبث
_قطعت عليك اللحظة هههه جاى اشوف سيلين هتروح الكلية ولا لا
كنان
_مظنش انها هتروح اكيد هتقعد مع البنات وانت خد أجازة يأخى واقعد معانا
احمد
_معاك حق ملهاش لازمة الكلية النهاردة هروح اشوفها فين واقولها
ليذهب احمد ليبحث عن سيلين التى ذهبت للكلية صباحا لأنها ظنت انه ذهب أيضاً فقررت ان تحضر محاضرته ثم تعود للأوتيل مجدداً
كنان وهو يطرق على باب غرفة حياة
_حياااة افتحى والله ماهسيبك على اللى عملتيه ده
حياة من الداخل
_مش فااااااتحة ياكنان خليك واقف كدة
كنان بضحك
_طب مش هنفطر سوا يعنى خلاص وانا اللى كنت هعزمك على الفطار خليكى
حياة من الداخل بسرعة
_لا لا هاجى استنى هغير هدومى واطلع
كنان بضحك
_ماشى وانا كمان هروح اغير هدومي واجيلك تكونى انتى خلصتى
اما على الناحية الاخرى فى كافيه الكلية كانت سيلين تجلس وتنتظر احمد حتى يأتى
سيلين بتذمر
_اوووف اتأخر كدة ليه ده لو انا اللى كنت اتأخرت كدة كان زمانه بهدلنى
لترى رزان وهى تشاور لها من بعيد فتنهض سيلين حتى تذهب لها فتفاجئ بأحد من الخلف يمسك يدها ويشدها
سيلين بغضب وهى تلتفت للشخص
_انت ازااااااى تمسك ايدى كدة……..ايه ده هوا انت
ملحوظة:فاكرين الواد يجماااعة اللى عاكس سيلين قبل كدة فى النادى اليلى واحمد ضربه هوا ده واسمه مايك خليكوا فاكرينه بقا
مايك بالأنجليزى
_نعم انه انا من الجيد انكى تتذكرينى
سيلين بأستغراب
_وعاوز ايه ياعم النحنوح انت بعد اللى عملته
مايك بأستغراب
_تكلمى بالانجليزي ارجوكى انا لا افهمكى
سيلين بالانجليزي
_اقول لك لماذا جئت إلى هنا وماذا تريد منى
مايك وهو يمثل الحزن
_جئت حتى اعتذر منك انا حقا آسف لم اقصد ان افعل ذلك
سيلين بطيبة قلب
_لا مشكلة واعتذارك مقبول
ليتفاجئ انها سامحته بهذه السهولة فيضمها بسعادة ويشكرها فتصدم سيلين وكانت ستدفعه وتضربه على الذى فعله ولكن جاء من سبقها
احمد بغضب وهو يبعده عنها ويلكمه فى وجهه
_انت بتعمل ايه هنااا ياروح حمممككك مكتفتش من علقت المرة اللي فاتت ولا ايه
سيلين وهى تمسك يده حتى لا يضربه
_لاااااا يااحمد متضربهوش ده ميستاهلش كنت بحسبه بيعتذر بجد اتاريه نيته سودة شبهه
احمد بصدمة
_هوا انتى كمان سبتيله فرصة يعتذر اتصدقى ياسيلين معاه حق يعمل كدة واكتر معاكي كمان
سيلين بغضب
_قصدككك ايييييه ياااحمد ماتعدل كلامك
احمد بغضب
_مش هتفرق بقااا انا ماااشى وهسيبك انتى تتصرفى معاااه لأنى كل مرة بدافع عنك فيها بتظهريلى انك متستحقيش ليقول كلامه ويذهب بغضب فتنظر له سيلين بصدمة ودموع وتجرى بسرعة للحمام فيضحك مايك بخبث وييشير لأحد بعينيه بمعنى نفذ
اما سيلين ظلت تبكى فى الحمام ثم غسلت وجهها وخرجت من الكلية فقابلت رزان امامها
رزان بأستغراب
_مالك يبنتى فيه ايه كنتى بتعيطى ولا ايه
سيلين بدموع
_انا تعبت يارزان بجد تعبت كل مرة يهينى فيها وانا اسامحه بس المرادى لا
لتقول كلامها وتبكى فتعانقها رزان حتى تهدئها فيصدح صوت رسالة على هاتف سيلين فتسمح سيلين دموعها وتمسك هاتفها لتفتح عينيها بأتساع وصدمة من الذى ارسله لها مايك على هاتفها
ـــــــــــــــــــــــــــــــــــــــــــــــــــــــــــــــ
انتهى البارت يارب يكون عجبكم وبقالى كتير اهو بكتب كوميدى وضحك عشان تستعدوا للى جاى جامد وهيصدمكوا والاحداث طويلة لسة باااى
•تابع الفصل التالي “رواية قسوة عشق” اضغط على اسم الرواية