رواية غرام اولاد الديب الفصل الثالث 3
روز : بصوا جبت ده كمان تحفه اوي صح …
سيلا بحماس : الله ده خطير بجد عسل اوي …
لين بحماس : يلا بقى نزين البيت بسرعه …
البنات كلهم بصوت واحد : يلا نزين البيت …
قال أسر : متيلا يا شباب نطلع نزين البيت اصل هياخد وقت ..
غسان : يلا بينا ياباشا …
صهيب قام وهوا بيبص على سيلا الي مبسوطه …
سليم : العضمه كبرت يا عيال بس ميمنعش ان هاجي اتفرج انا ونوري ….وبص على نور الي ضحكت بكسوف ….
قاموا الشباب و البنات و طلعوا و بداوا يزينوا البيت كان واقفه اسر على السلم و قصادوا صهيب ….
سيلا بحماس و عفويه: لا لا جمبها هنا شويه هتبقي احلى يا صهيب بقى يوه …
صهيب بسرحان: يا عيون صهيب عاوزه ايه انت ؟
سيلا اتكسفت و احمرت خدودها و مردتش و قال أسر : يبني انت عاوجها ليه اعدلها اه كده حلو اوي بس يلا انزل من على ام السلم ده….
نزل أسر و وقف جمب روز و مسك ظهروا و صهيب قرب من سيلا الي مكسوفه اوي و مسك أيدها وهمس : مالك يا سولي ؟
سيلا بتوتر و كسوف : مفيش مافيش حاجه …
صهيب ضحك عليها و قعد جمب غسان الي قاعد على الأرض وقال : ما تعالوا نشرب حاجه و نكمل بعد شويه كدا …
اسر و انضم ليهم وقعد جمبهم ونام على الأرض : اه خلونا نريح حبه كدا ..
روز : لا لا قوم بقى لسه حاجات كتير. اوي يا أسر قوم علشان نلحق الله بقى ؟
لين بنفي: لا لا لا غسان قوم بقى…قام غسان وقرب من لين وقال : ده انت اوامرك ياكبير …
لين اتكسفت…
بص أسر على غسان بقرف وقام قرب من روز وقال : قمت يا حببتي…
صهيب نام على الارض و حط رجل على رجل وقال : احححح ايوه كده السنجله جنتله فعلا معنديش حد يقولي قوم …
اتكلمت لين بتوتر : هوا ممكن يعني مممكن ….مكملتش كلامها لان صهيب قام بسرعه علشان خاطرها
صهيب حم حم : احم يلا ياشباب نكمل …
الكل ضحك عليه و قال أسر وهوا بيطلع حبال الاناراه على شكل فوانيس و هلال رمضان : تعالوا نعلق دول على الشجر هيبقى شكلهم حلو جدا بليل …
روز بحب و فرحه : اه اوي ….
سيلا بحماس : انا عشغل اغاني رمضان …
صهيب : شغل يا جميل …
لين بسرعه : بصي ادخلي جوه في سماعه كده هاتيها شغلي عليها يلا …
سيلا بفرحه و حماس : حاضر و دخلت بسرعه و جابت السماعات و قالت : ها اشغل ايه ؟؟
روز : امممم شغلي اول مره في رمضان …
سيلا بابتسامه جميله و حماس : حاضر و شغلتها و بداوا يغنوا كلهم مع بعض في جو عائلي حلو اوي و الفرحه و البهجة و السعاده ماليه البيت..
كانت قاعده نور مع سليم على كرسي بيتفرجوا على الاولاد بحب كبير قالت نور بفرحه : شكلهم حلو اوي يا سليم ربنا يخليكم و يحفظهم و يبعد عنهم الشر يارب …
سليم قبل أيدها : يارب ياقلب سليم ..و اكمل بمشاكسه والله مافي حاجه اجمل منك و لو كترت الحاجات الجميله هتفضلي انت اجملهم و احلاهم يا جميلتي ….
ابتسمت نور ليه بحب و كسوف
في مكان تاني كان نايم على السرير و جمبوا فتاه من فتيات الليل فتح درغام التلفون ورن على واحد من رجالتوا و قال بضيق : تعالى خد الزباله دي وديها مطرح مجت …
وقام دخل التويلت و فتح تلفونوا شاف الاستوري الي منزلها أسر بص عليها بحقد وقال : بياخد كل حاجه كل حاجه حلوه هوا الي بياخدها حتى البنت الي انا حبتها هوا الي خدها و هوا الي اتجوزها …وأكمل بضيق كبير وشر وضحكه خبيثه…ومالو خليه يتبسط لوه يومين ..
نرجع في بيت الديب خلصوا تزين البيت كلوا و جابت سيلا التلفون و بدأت تصور كل حاجه بحب هيا من طبعها بتعشق التصوير…
كان بيبص عليها صهيب بعشق وهوا متابعها بعيونوا…
لين حست بدوخه شديده و قالت : غسان انا هطلع و جايه ..
•تابع الفصل التالي “رواية غرام اولاد الديب” اضغط على اسم الرواية