رواية عشقت مسلمة الفصل الثالث 3 – بقلم ندى المطر
عشقتُ مسلمة { بقلم / ندى المطر }
حل الصباح
استيقت واخذت أشيائها وقررت الرحيل حتى قبل امتحاناتها اخذت حقيبة ملابسها فقط وكتبها وذهبت الي شركة الجارحي…
_______________________
اما مبني الجارحي
كان عامر يصف سيارته حتى انتبهى انها تقف امام باب الشركة..
عامر باستغراب: بتعملي ايه هنا..
ندي: لو ينفع انقل من دلوقتي ي…
عامر بمقاطعة: اكيد يلا تعالى اوديكي البيت وتتعرفي علي عيلتي…
ركبت معه السيارة وذهبت معه…
عامر وهو يدخل قصره: يا نبع الحنان…
والدته: عامر انت مش مشيت يابني…
عامر: جبتلك هدية..
والدته باستغراب: هدية ايه دي..
عامر: فاكره البنت اللى قولتلك عليها…
والدته: ايوا يابني مالها..
عامر: معايا..
والدته: وسايبها برا يا ولااا…
عامر: ضاع الاحترام والهيبة ماشي يا ست الكل…
والدته: اطلع يا ولا هاتها…
ذهب عامر وثم عاد ومعه ندى…
عامر بمرح: اقدملك يا ست الكل ندى..
والدته: بس يا ولا يلا روح شغلك انت مع الف سلامة..
عامر: هو انا بطرد دلوقتي ماشي ماهو من لقى أحبابه نسى اصحابه..
وتركهم وذهب تحت ضحكهم…
والدته: تعالى يا حبيبتي اقعدي عامر حكالي عنك..
ندى: ازيك يا طنط..
والدته: طنط ايه بقى انتى زي نور بنتي الغيبوبة اللى مش بتبطل نوم دي اوعي تكوني زيها…
_______________________Nada
في قصر الدمرداش
استيقظ آسر وذهب الى غرفة ندى ليراها ولكنه تفاجأ بعدم وجودها..
نزل الى الاسفل ليبحث عنها ولكنها ليست موجودة
آسر لوالدته: ماما فين ندى…
والدته: بص يابني هي مشت وسابتلك الورقة دي…
آسر بغضب: يعني ايه مشت يا ماما..
والدته بحدة: انت مش ملاحظ ان صوتك عالي يا استاذ آسر واه هي مشت دا مش مكانها وكفاية اوى لحد كدا..
آسر بصوت عالي: لا دا مكانها دي بنتي انا اللى مربيها انتى فاهمه…
صوت الكف نزل على وشه من والدته…
والدته بغضب: الظاهر انك اتجننت على الاخر…
وتركته وذهبت..
اما هو كسر كل شيء حوله…
______________________Nada
في قصر الجارحي
نور وهي تنزل على الدرج…
نور بصراخ: مامااااا
فيروز: بتعلى صوتها زي الحمار انتى كان حد قالك انى طرشه يا بت…
نور بمرح: هو انت حد زيك يا عسل…
فيروز: يلا ياختي روحي افطري عشان دروسك..
نور: بتكروشينييي ماشي يا ست الحبايب يا نبع الحنان والحنية و…
قاطعتها فيروز: خلاص ياختي مش هنخلص انهارده انتهي هتتاخري..
كادت تذهب نور حتى رأت تلك التي تجلس بجانب والدتها لتصفر عاليا: الله الله ع الحلاوة والجمال والدلال و…
فيروز: خلاص يا بنت الجزمة يلا امشي..
نور: الله الوكيل مش هتنقل من اهنييييه إلا لما اعرف مين المووووزة…
ندى بضحك: أنا ندى..
نور: اي الرقة دي ياجدع دا انا ولد على كدا
فيروز: وانتى الصادقة يا قلب امك انتى راجل اصلا..
نور: كدا يا حااااج..
فيروز: اخلصي افطري عشان تاخدي ندى معاكي الدروس…
نور: بس كدا يلا بينا…
وسحبت ندى من يدها..
فيروز: يابت استنى افطروا الاول…
نور: متددقيش بقى هنفطر مع المستر…
ولم تنتظر لتسمع ردها بل ذهبت…
فيروز بقلة حيلة: ربنا يهدي..
______________________Nada
عودة الى قصر الدمرداش
آسر وهو يقرأ محتوى رسالتها: “أنا اسفة عارفه انك هتزعل مني بس انت عارف ان مينفعش افضل اكتر من كدا وبالاخص انى كبرت وصدقني عمري ما هنساك لان مفيش حد بينسى اهله وبالاخص باباه”
_ليه كدا يا ندى انا كنت هتصرف بس اللي يريحك يا بنتي انا واثق انك هتيجي في يوم تاني…
_______________________Nada
في سنتر دروس الثانوية…
المستر: بس يا نور انتى عارفه ان الامتحانات قربت مقدرش اقبلها…
نور: يا مستر عارفه بس ابيه عامر هو اللى قالي اقول لحضرتك كدا وبيقولك كمان انها ممتازة وتقدر تتاكد بنفسك..
المستر بتوتر: ما دام عامر بيه هو اللى طلب فانا موافق..
نور بهمس: ناس تخاف متختشيش..
ضحكت ندى على كلماتها…
وحضروا الدروس معا وكان يوم طويل بالنسبة لهم وبالاخص مع قرب موعد الامتحانات…
________________________Nada
في قصر الجارحي..
عاد عامر باكرا من شركته حتى يرى ندى وحتى تعتاد وجود عائلته..
عامر وهو يقبل يد والدته: حبيبة قلبي عامله ايه..
فيروز. بتضحك عليا يا واد مش من عادتك ترجع دلوقتي ايه السبب..
عامر: مفيش يا ستي عشان ندى بس على ما تتعود عليكم..
فيروز بمرح: انت حبيتها يا واد..
عامر بجديه: لا يا امي مستحيل ندى زي نور بالظبط عندي…
فيروز بحنان: عارفه يا حبيبي والبنت اصلا باين عليها انها طيبة وغلبانه قلبي ارتاحلها…
عامر: اومال هي فين كدا..
فيروز: راحت الدرس مع نور انت ناسي ان امتحاناتهم قربت..
عامر: بس أتاخروا يعني..
فيروز: طبيعي ايام مراجعه يابني…
مع نهاية كلماتها دلفت نور وندى معا…
نور بمرح: انا جيت أنا جيت نورت صح…
عامر: لا هي منورة من قبل ما تيجي..
نور: اخس عليك يا ابيه…
ندى: دي النور كله علفكره..
عامر: انتى لحقتي ياختي تقفي معاها….
نور: دي ندى حبيبتشي…
عامر: حبيبتشي بيئة اوى انتى..
نور: مش مشكله المهم تعالوا ناكل انا بطني بتاكل نفسها جوا واحكيلهم على اللى حصل انهارده..
بعد قليل على مائدة الطعام…
نور: وتشوف يا ابيه المستر اول ما قولت اسمك وشه اصفر وعرق وقال ايه ما دام عامر بيه قال يبقى موافق…
فيروز: يابنتي بطلي كلام على الراجل زمانه بيطلع في الروح…
نور: فشر هو يطول…
عامر: عيب كدا يا ام لسانين..
نور: بس انا عندي لسان واحد حتى شوف..
وطلعت لسانها ليه..
عامر: يابت هعلقك على باب القصر..
نور: ندى هتنزلني..
عامر: متخافيش هحطها جنبك..
ندى بمرح: الاه وانا مالي يا لمبي..
فيروز: بااااس بطلوا كلام ويلا كملوا اكلكم واللى هيذاكروا يلا الامتحانات الاسبوع الجاي وانت لو هترتاح ع اوضتك لو عندك شغل يلا من غير مطرود…
عامر: بت يا نور هي مالها بتطردنا ليه انهارده…
نور: معرفش ياخويا مالها…
فيروز: يلا يا بنت الجزمة وخدى ندى تنام معاكي..
ندى: لا يا طنط عشان تاخد راحتها…
فيروز: يا بت طنط ايه قوليلي زي البهايم دول وبعدين راحة ايه ومين دي دي جحشه…
نور: تسلم يا كبير على الحب دا كله وبعدين ياختي راحة ايه اللي اخدها على راي فرفر..
فيروز: يابنت الجزمه قولت متقوليش فرفر دي…
نور: بدلعك الاه حد لاقي دلع اليومين دول…
فيروز: يلا يابت منك ليها على اوضتكم..
ذهبت نور وندى…
فيروز وهي تنظر لعامر الذي يطالعها بسماجه: وانت يا عملي الرضي هتفضل قاعد…
عامر: باكل الاه…
فيروز: كل ياخويا كل يا قلب امك..
________________________Nada
في الاعلى عند نور وندى
نور: تقدري تاخدي راحتك هنا وتفكي الحجاب واطمني ابيه عامر مش بيجي هنا…
ندى وقد فكت حجابها: فعلا الجو حر اوى..
نور وهي باصه لندى بصدمة بعدما انسدل شعرها الاسود الطويل: يخربيت جمالك ايه دا انا لو واد كنت اتجوزتك..
ندى بضحك: لا انا كدا اخاف على نفسي منك…
نور: لا بجد ماشاء الله اي الجمال دا…
ندى: حبيبتي مفيش اجمل منك…
___Nada_______Almater____
