رواية سلطانة الزين الفصل السادس 6 – بقلم نورة عبد الرحمن

ارتبكت و وشها احمر من تلميحاته ليها و قربه المهلك منها و قلبها كان هيقف و لسا هترجع خطوتين ورى مسكها و منعها و هو محاوط وسطها بتملك و قال  اي رأيك نتمم جوازنا دلوقتي بلعت ريقها بتوتر اما هو 

كان محاوط خصرها و هو بيبص في عنيها بتفحص بيبص لملامحها البريئه ..

ردت بارتباك : ااانت بتعمل ايه يا زين ابعد عني انت مقرب كده ليه ..

زين بجرأة  : مش انتي عاوزه تحاسبيني على الرايحه و الجايه انا بديكي الحق انك تحاسبيني لكن نتمم جوازنا الاول. 

سلطانة حركت اديها بصعوبه و بعدته عنها بالراحه و هي بتقول : زززين ارجوك ابعد 

زين سابها براحتها و هو بيبص ليها بابتسامه خبيثه و قرب منها و نزل لمستواها و هي بتبص حوليها بتهرب من انها تبص في عنييه ..سمعت صوته يقول : يبقى متسأليش عن حاجه تخصني تاني ماشي يا قمر قرص خدودها بخفه و داخل الحمام أما  هي قعدت على سريرها مش مستوعبه اللي حصل من شويه مصدومه وقلبها بيضرب جامد مشاعر متلخبطه سيطرت عليها مش عارفه تحدد هي ايه 

************

نزلت سلطانة عشان تهرب من مواجهة زين  و كانوا الكل على سفرة الاكل 

سلمت بكسوف : صباح الخيرر

الكل رد عليها و الجد قالها : تعالي يا ست البنات اقعدي هنا جنبي يا غاليه …

ابتسمت و قعدت جمب جدها 

سالت سماح بخبث : هو زين منزلش معاكي  ليه ..

سلطانة : هياخد شاور و ينزل 

سماح : هممم و الله زين ده أمره غريب من ساعة ما رجع من القاهره و هو يخرج من البيت مش بيرجع لأخر الليل احنا قلنا لما هيتجوز يعقل لكن مش باين كده أنهت كلامها ببصه خبيثه و قالت شكلك معرفتيش تسيطري كويس يا سوسو 

مسكت سلطانه المعلقه و ضغطت عليها بغيظ و مكنتش حابه ترد قدام جدها ..

الجد بغيظ : انتي عارفه زين عنده شغل

سماح بخبث : اه شغل قلتلي

الجد بهمس لحامد : لم مراتك يا حامد.

حامد لكز سماح عشان تسكت و قال : زين اكيد عنده شغل و رجعته الصعيد جت فجأه فالازم يضبط شغله..

سلطانة وقفت و كانت هتمشي وقفها الجد : على فين يابنتي

سلطانه بابتسامه: هطلع استعجل زين اتأخر

ضحكت سماح بخبث 

و سلطانة طلعت و هي متغاظه منها  دخلت أوضتها و اتصدمت بزين لابس بنطلون بس و صدره عريان اتكسفت و لسه هتخرج وقفها زين و قال : مالك داخله زي  القضى المستعجل..

سلطانه رجعت و بصت ناحيته بخنقه و قالت :انت بتشتغل ايه يا زين  

زين و هو بيلبس قرب منها و قال : هو انتي مش عارفه شغلي يعني

بلعت ريقها بتوتر من قربه و قالت : انت مش سبت شغلك 

زين باستغراب : انتي مالك بتسألي اسأله غريبه كده ليه

سلطانة بانفعال طفيف : انا مراتك و من حقى اعرف عنك كل حاجه.

ضحك زين بخسريه و قال : برافو و الله برافو انتي مراتي و عايزه تعرفي عني كل حاجه طب انتي اديتني ايه بصفتك مراتي.. ها قولي اديتيني ايه ..

سلطانة سكتت و دمعو عيونها ولسه هتخرج مسك ذراعها وقالها : استني  مالك ..

سلطانه عيطت و قالت : أنا هفضل كل شويه اسمع كلام من سماح

تتنهد بضيق و قال : سماح تاني انا مش قلتلك طنشيها وبلاش تسمعي كلامها.. 

سلطانه بخنقه :  دي حطاني بنفوخها مش عتقاني

زين لما شافها مخنوقه و متضايقه قال : طيب اهدي و اقعدي هنا  لحد ما اخلص

سلطانة : هتعمل ايه يعني هتتخانق معاها.

زين : تؤ انا هعرف اعمل حجات تانيه تغيظها اكتر الصبر يابنت خالي الصبر بس

سلطانة قعدت على الكنبه تستناه يخلص  و هو بيكمل لبس و يبص ليها و يضحك على ملامحها المتغاظه..

و قال:  على فكره شكله لذيذ اوووي و انتي متعصبه ..

سلطانة مسحت دموعها وقالت : عشان كده انت غاوووي تعصبني 

زين : و انا عملت ايه كل اللي عملته اني بروح شغلي ..

و اصلا احنا مكملناش أسبوع جواز .. على النكد ده ..

سلطانة : انا مش بنكد لكن أنا مش مستحمله كلام سماح اللي زي السم .

زين : خلاص ما قلتلك سماح انا هتصرف معاها يلاا انا جهزت خلص كلامه و رش من عطره و مد أيده ليها و قال يلاا 

اترددت سلطانة تمسك أيده لكنه قال : مش عايزه تغيظي سماح

هزت راسها بسرعه 

زين : يبقى تعالي بسرعه .

سلطانة مسكت أيده و خرجوا 

حاوط خصرها و هما بينزلوا 

سلطانة بهمس : انت بتعمل ايه ماسكني كده ليه

قرب منها و همس لها و قال : اهدي انا بعرف اعمل ايه و اتفرجي بس

سلطانة : طب ابعد شويه 

باس خدها و قال كل اما تقولي ابعد هبوسك  تاني فاتهدي بقى ….

سكتت و هديت بكسوف لما شافت الكل بيبص ليهم و سماح اتغاظت 

زين  صباح الخير و مشي ناحية جده و باس راسه 

الجد : اهلا بالغالي تعالو افطروا تعالو جنبي هنا 

زين : لا ياحج احنا هنفطر براا حابب أخرج سلطانه عشان زهقت من قعاد البيت

الجد بفرحه:  وماله يا بني ماله يا حبيبي اخرجوا واتفسحوا انتو لسا عرايس جداد ربنا يفرحني بخلفكم بسرعه يا رب …

اتحرجت سلطانة من كلام الجد 

زين أن شاء الله  بعد اذنكم احنا هنخرج ..يلاا يا روحي

و مسك أيدها و خرجوا كل ده قدام عيون سماح اللي كانت هتموت من غيرتها ..

***********

في المطعم 

سلطانة : انت جايبني هنا ليه 

زين : عشان نغير جو انا عارف اني انشغلت عنك الفتره اللي فاتت 

سلطانة بصت للاكل قدامها 

زين : هااا بقى احكيلي عن نفسك عاوزه تعملي ايه بتفكري بايه 

سلطانة سكتت و معرفتش تقولي ايه 

زين : ساكته ليه 

سلطانة : انت مستحملني ليه 

زين : يمكن عشان بنت خالي 

سلطانه : لكن انت مكنتش كده زمان 

زين اتعدل وحط ايده على الطاوله وبص باهتمام وقال : ليه انا كنت ازاي 

سلطانه : كنت شايف نفسك و مش بتتكلم مع حد و دائما وشك ناشف 

زين : همممم وغيره 

سلطانة : انت زعلت 

 زين : لا بس مستغرب 

سلطانة : من ايه 

زين : هو انا كنت وحش لدرجه دي

سلطانة : واكتر ده انت مكنتش تتكلم معانا ودائما مصدرلنا  وشك الناشف 

زين بضيق : اهاااا

سلطانة سكتت بحرج لما شافته اتضايق 

زين : بس انا لاحظت انك كنتي مركزه معايا اوووي زمان

سلطانة …

زين: وايه احكيلي كنت عامل ازاي

سلطانة بتهرب : خلينا ناكل احسن

زين: هناكل لكن ممكن تديني جواب يريحني

سلطانة بصت ناحيته و قالت : جواب ايه

زين : احنا ممكن ننسى اللي فات و نبدا من جديد 

سلطانة سكتت و بصت للأرض 

زين مسك أيدها و قال:  بصي انا هستنى لو في امل ان زواجنا ده يكمل و نعدي الفتره دي مع بعض أن كان مشكلتك الوحيده هي طبعي الحاد زمان لحد ما تعرفيني كويس .. إنما لو في حد تاني انا مستعد اتكلم مع جدي و خالي و ننهي الجوازه دي بعد مده 

سلطانة سحبت اديها و احمر وشها 

زين : انتي لو مش حابه نكمل في الجوازه دي فا ده حقك 

سلطانة بكسوف :  انا مش عارفه اقولك ايه حاسه ان عقلي مشوش الفتره دي

زين : يعني ايه قولي اللي انتي حساه عشان افهم انتي عاوزه ننفصل أو لا 

ردت سلطانة بسرعه: انا عاوزه وقت بس عشان اتعود عليك

زين حس بفرحه جواه و قال : انتي محتاجه وقت بس خدي راحتك و كل الوقت معاكي .. و انا هستنى

سلطانه ابتسمت على كلامه وقلبها كان فرحان اووي زين بيتهم بيها وبمشاعرها و هو ده اللي خلاها تنجذب ليه الفتره دي 

***********

في بيت الهواري 

سماح : انتي بنت عمي و انا جبتك هنا عشان تعرفي توقعي زين الهواري 

منى : بس انا مش بعرف اعمل ايه

سماح:  هتعملي ايه اتدلعي عليه وري له الستات اللي بجد عشان هو محروم و مراته مش عارفه تريحه.

منى : لكن يا سماح انا قلتلك اني معجبه بيه ازاي عايزاني اعمل كده هيقول عليا ايه 

سماح : هيقول البنت شرياني و بتحبني مش زي مراتي 

منى : لكن

سماح : انتي مش عايزاه تبقى مراته والا ايه 

منى : طبعا. عايزه 

سماح : يبقى تسمعي كلامي ..

منى : حاضر عايزاني اعمل ايه ..

سماح : هقولك …