رواية احببت من لا يراني الفصل السابع 7 – بقلم سحر السحرتي

حلقة ٧

*في صباح يوم الفرح استيقظت سماء وقامت بتشغيل اغنيه ايه اليوم الحلو ده وهتفت من البلكونه

:اصحوا يا ناس النهارده فرح ست البنات احلى عروسه في الدنيا

*لم يتفاجئ ادهم من تصرفها فقد فهم ان ذلك تعبير عن فرحتها ولكن يستعجب كميه الفرحه لديها لزواج اخته وقال في نفسه

: لمياء نفسها لو كانت هنا ما كانتش هتفرح بالشكل ده لسماح و هي بنت عمها حقيقي الحب مش بال-دم

*دخلت اميره على سماء وهي تمسك كالعاده الشبشب

:انت ما صدقت ان يبقى عندنا بلكونه كل يومين عامله هيصه فيها

*تدخل ادهم :خلاص يا طنط عشان خاطري واضح انها فرحانه لسماح

سماء :فرحانه قوي رغم اني زعلانه انها هتبعد عني

: تبعد ايه هتلاقيها هنا واكله شاربه نايمه بحجه انها اخر سنه و بتدرس

: احسن … انت نازل تذب-ح مع بابا ما تنساش بقى

: عارف عظم ست بسبوسه

:يا سلام على المفهومية يا سلام على الإنسانية بحبح ايدك بقى اصلها حامل

:هي الكلبه دي بتحمل كام مره في السنه

*وجهت كف يدها أمام وجهه

: قول ما شاء الله هي ام زغلول هيبقى لها منافس

: كدة طب امشي مفيش عظم

:لا ربنا يخليك ده انت احسن معلم في كل المعلمين … اجري اشوف العروسه قبل ما البخ ثاني

*ضحك ادهم على شقاوتها وسرح قليلا

:اعقل يا ادهم انت بتحب لمياء ومخلص لها انت بس مشدود عشان شخصيتها اول مره تعدي عليك

*ارتدت سماء فستان من تفصيل وتصميم والدتها وتزينت بمكياج رقيق كانت من اجمل فتيات الحفل وكانت نعم الاخت والسند لسماح

*طوال الحفل كان الكثير من الشباب معجب بها وذلك ما أثار غيره ادهم غير من طلبوها للزواج من سلطان

*الا ان هناك من يطاردها طوال الحفل واصبحت علامات الضيق مرسومه على وجهها

كريم: سماء ازيك

: الحمد لله يا معلم كريم

: انت ما لقيتيش غير الفستان ده تلبسيه

: ماله وحش

: اه وحش قوي

: وحش ازاي وكل الناس بتقول عليه تحفة

: ما هو وحش عشان كده

: ازاي يعني

: وحاشته انه مخلي كل الناس تاخد بالها منك ومن جمالك

: شكرا على مجاملتك اللطيفة عقبالك

: انا وانت

: في المشمش

: ليه بس يا سماء

: من غير ليه… عن اذنك اشوف العروسه

: استني بس

: اسفة مقدرش اقف معاك أكثر من كدة

: طب عايز اقولك كلمتين استني

*تركته وانصرفت فاض بها فذهبت لامها

:شوفي لك حل في الاستاذ كريم عشان انا جبت اخري منه و هعمل فضي-حه في الفرح

:ما انت عارفه انه بيحبك من زمان وطلب ايدك مني كتير وافقي بقى الراجل داخ السبع دوخات

:انا مش عايزه اتجوز دلوقتي غير اني مش بحبه

:يعني عايزاني اعمل ايه

:كلميه يتلم عشان فرح سماح يعدي على خير

:ما اقدرش اعمل حاجه هو ما اتجاوزش حدوده وهو طول عمره مؤدب ومحترم

: عشان هو على مزاجك ماشي هتصرف انا

: خودي يا بت اوعي تزعليه بكلامك الدبش

: مش هتكلم معاه اصلا

*ذهبت الى سلطان ووضعت يدها في ذراعه وكان يقف بجانب ادهم

:بقول لك يا بابا خليني واقفه معاك شويه

: مال القمر بتاعنا شكله متن-رفز لما تعرفي كام عريس طلبك مني مش هتصدقي

:مش عايزه اعرف انا جايه هربانه من كريم تقول لي كام عريس

:هو كريم كمان صحيح انا نسيت امك قالت انه اتقدم كثير وانت بترفضي حتى مسمينه مجن-ون سماء

: هو مفيش حد يحميني منه زهقني في عيشتي كمان بيتدخل في الفستان اللي لابساه

:لا ما لوش حق ده حلو قوي عليك ايه بقى اللي مش عاجبه فيه

: بيقول زيك كده انه حلو قوي عليا وان كل الناس معجبه بيا

:طب ما توافقي عليه انا سمعت انه بيحبك قوي ومن زمان

:لا اخلص تعليم الاول

ادهم :انت مش موافقه عشان هتبقي دكتوره وهو دبلوم و بيشتغل جزار مع والده

:لا طبعا بس مش بحبه

:يعني لو حبيتيه هتوافقي عليه

:اكيد المهم الاخلاق الشهادات سهله بقت مع اي حد وهو الحقيقه مؤدب اي نعم مزهقني بس ما يمنعش اعترف أنه اخلاق وجدع كل الشارع بيشكر في جدعنته

سلطان :جدعه هي دي بنتي طب هكلمه

:بس بالراحه عشان خاطري

:خاي-فه عليه

:خاي-فه على مشاعره الحب مش بايدينا مش عايزه اك-سر بخاطره

:حتى وهو بيض-ايقك

:هو مفكر انه بيعبر عن حبه وحاولت اشرح له اني مش ببادله نفس الحب مش بيسمع

:حاضر هروح اكلمه

*قبلته من خده

:تسلم لي يا حبيبي

*رأى ادهم علامات الحزن على وجه كريم وهو يتحدث مع عمه وعندما عاد سلطان سأله

:قلت له ايه

:طيبت خاطره وقلت له انها لسه صغيره واكيد يوم ما تفكر يشرفنا طبعا نسبه وانها مش رفضاه شخصيا هي رافضة المبدأ

*انتهى الحفل ومرت الايام التحقت سماء بالكليه التي احبتها وكانت تذهب لتتمرن مع عمار … الذي استغل الفرصه وظل يشكر فيها لدى ادهم

*تحقق كلام ادهم عن سماح وكانت تبقى كثيرا عند والدتها لتهرب من اعمال المنزل … وعمار يدعمها حتى لا يشعر انه بزواجه منها قد قام بتعطيلها عن الدراسه واحيانا كان يبيت عند والدتها معها

بقلمي سحر السحرتي

*كثرت لقاءات ادهم مع سماء في البلكونه لان كان معها دائما حيوان تقوم بعلاجه … فقد سمح سلطان بدخولهم لكن في غرفتها … واميره لم تسمح لها سوى بدخولها البلكونه

*كان ادهم دائما يسمعها تحدثهم وكأنهم يفهمون عليها

*مر العام الاول لها في الجامعه ونجحت بتقدير عالي وايضا سماح

*عادت لمياء لقضاء اجازه نهايه العام ونفذ والد ادهم مخططه وذلك ادى الى ثوره لمياء

:نعم يعني ايه نكتب الكتاب مش لما ارجع

:وفيها ايه ما احنا هنتجوز السنه اللي جايه

:في ان مش عايزه حاجه تشغلني عن الدراسه

:وايه اللي هيشغلك وانت مسافرة هيبقى وضعك زي ما هو… على الاقل وانا بقرب منك يبقى حلال ما احسش اني بسر-ق او بخ-ون عمي

: يوووه بقى يا ادهم اصلك فاجئتني ومش محضره حاجه البسها

:كل دي حجج دي مش دخله ده مجرد كتب كتاب نشتري فستان من اي مكان

*حاولت التهرب ولكن امام اصراره هو ووالدها وافقت

*علمت سماء بالخبر وصعدت الى السطح مع كلبها عنتر وظلت تبكي وهي تحتضنه

:خلاص يا عنتر هيتجوز كان عندي امل … امال كلامه ومعاملته ليا معناها ايه .. كان بيعلقني بيه ليه

*شعر عنتر ان احدا يصعد فقام بالنباح لينبه سماء

*مسحت دموعها لكنها كانت سماح شعرت بها وصعدت كي تواسيها

:بتعملي ايه عندك يا سماء

:بكشف على عنتر حاسه انه تعبان

: انت بتك-دبي احنا اخوات مش أصحاب

*انهارت سماء داخل حضنها

: اه يا سماح انا ك-ذابه بلاش تساليني انت عارفه ليه

:ما تزعليش يا حبيبتي ما يستاهلش حبك وعلى فكره انت احسن منها و اتمنيتك انت له بس هو اع-مى العين والقلب

: ما تقوليش عليه كده

:رغم انه هيتجوز واحده ثانيه لسه بتحبيه

: الحب مش بايدينا وهو عمره ما لمح لي بحاجه ولا وعدني بشيء انا اللي حم-ارة رغم اني عارفه انه بيعشقها حبيته

*شعرت لمياء أن اختفاء سماح وسماء على السطح لسبب ما فأرادت معرفته فصعدت في صمت

*استمعت لمياء لحوارهم وقامت بتخمين من المقصود

:طيب يا سماء بقى انت بتحطي عينك على حاجه بتاعتي حتى لو انا مش عايزاها مش هسيبهالك مش كفايه بابا اللي اكلتي عقله … اما حس-رتك اكثر

بقلمي سحر السحرتي

*طلبت سماء من سماح ان تجعل عمار يقوم باستدعائها يوم الحفل الى المزرعه حتى لا تحضر وتشاهده وهو يتزوج من أخرى

*ذهبت سماح لتفاتح عمار في طلب سماء

عمار :وانا اعملها ازاي دي وانا نفسي هبقى هنا جنب ادهم

:ما اعرفش احنا السبب انها اتعلقت بيه ولازم نساعدها كده ك-سره قلبها هتزيد وهي بتشوفه بيتجوز قدامها لو سمحت اتصرف

: حاضر هحاول غرق-ينا بأفكارك الجهن-مية وبعدين اتصرف يا عمار

: اعمل ايه انا كان نفسي من قلبي يتجوز سماء لانها احسن في حاجات كتير وهتسعده

: وادى النتيجة قلت لك محدش هيخ-سر غيرها ما سمعتيش كلامي

*وفي يوم الحفل اخذ عمار سماء وذهب بها الى المزرعه بحجه انهم يحتاجون اليها وعاد إلى المنزل وحده

سلطان :انت رجعت لوحدك على هنا ليه وسبت سماء لوحدها هناك

:عشان شغلها لسه ما خلصش

*سحبه ادهم وهمس بنرف-زه

:شغل ايه دلوقتي

:اصل في طور اع-مى هيم-وت نفسه وهي كان نفسها تلحقه

: ما يغ-ور الطور في داه-يه

:وهي اهميتها هنا ايه هي هناك لها لازمه بتلحق الطور اللي هناك انما المشكله في الطور اللي هنا محدش عارف يلحقه

:نعم قصدك ايه

:ولا حاجه انت محتاجها في ايه هنا

:انا ابدا عشان تبقى جنب لمياء

:لمياء مش محتاجه حد جنبها وعموما سماح موجوده واصلا مش بتحب سماء وانت عارف العد-اوة اللي بينهم….كده احسن

:طب كانت تبقى جنبي انا

: ليه يا ادهم تبقى جنبك … ليه

:عشان .. عشان بنت عمي

*نظر له عمار بح-سره على حاله

:لا مش بنت عمك يا ادهم كمل اللي انت بتعمله و سيبها في حالها

:يعني ايه اسيبها في حالها

:قصدي سيبها لشغلها هي بتحب تعالج الحيوانات بتفهمهم و يفهموها عكس البني ادم اوقات بيقلب حما-ر والغ-باء بيتربس في تروس مخه

:عمار انا مش فاهم منك حاجه

:وانت من امتى بتفهم

:هو في ايه بالظبط

:مفيش يلا يا عريس عشان تتجوز

*لم يجد ادهم الفرحه على وجوه من حوله كما فعلوا مع سماح .. حتى لمياء لم تكن سعيده بهذا الزواج مثلما كانت سماح

*شعر ان هناك خطب ما ولكنه اغمض عينيه و استمر في اتمام الزواج

*بعد كتب الكتاب ضم لمياء الى حضنه

:مبروك يا حبيبتي انا اسعد انسان دلوقت … مالك مش بتردي ليه

: من السعاده مش عارفه انطق

*كانت ترتسم على وجهها ابتسامه صفراء وليست ككل العرائس

*عادت سماء بعد انتهاء الحفل وعيونها منتفخه من البكاء فزع ادهم

:مالك يا سماء في ايه

:مفيش الطور رفص-ني وانا مش واخده بالي

:تحبي نروح للدكتور

لمياء :دكتور ليه ما هي زي القرده قدامك

:صحيح دكتور ليه وحبيبتي احسن دكتوره اكشفي عليها يا لمياء

سماء :شكرا مش محتاجه انا كويسه

لمياء: ايه ما فيش مبروك

:مبروك معلش ما اخذتش بالي من الخبطه

:هي الخبطه كانت فين

: في قلبي

:نعم

:قصدي في صدري جنب القلب

:معلش بكره تخفي وتبطلي تبصي للي في ايد غيرك

:افندم مش فاهمه تقصدي ايه

*لم ينقذها من هذا الحوار سوى نداء ام زغلول

: يا ضاكتوره سماء … يا ضاكتورة سماء

:نعم يا ام زغلول

:ينوبك ثواب تعالي شوفي ابني سخن و تعبان قوي

:حاضر هغير خمس دقائق واحصلك

لمياء :نعم انت رايحه فين انت دكتوره بهايم ازاي هتكشفي على طفل

:عادي الاختلاف بينهم مش كبير ودي سخن بس اكيد التهاب

: لا طبعا ما ينفعش انا ممكن اروح بدالك

:ما انت كنت واقفه وهي بتنادي عليا وشافتك وما رضيتش تطلب منك عشان عارفاك مش هتوافقي تدخلي بيتها المتواضع

:اكيد طبعا مش هوافق بس ده لاني لسه ما اتخرجتش مش ممكن امارس المهنه من غير ما اخلص لكن انت مستحيل تكشفي على البني ادمين مفكره نفسك دكتوره بصحيح

: انا مش مفكره نفسي حاجه انا رايحه ابقي بلغي عني قولي لهم دكتوره بهايم بتساعد الناس الفقراء

*تركتها وذهبت تمو-ت من الغي-ظ

*في اليوم التالي اتصلت لمياء على كريم المتيم بحب سماء لان ادهم كان قد حكى لها عنه … واتفقت معه ان تساعده على اقناع سماء بالزواج منه … لكن عليه ان يتقدم لها يوم الخميس صباحا ويتحدث مع والدها بهذا الشأن

كريم: الو

لمياء: الو معلم كريم معايا

: ايوه حضرتك مين

: معاك دكتوره لمياء سلطان مش فاكرني جارتكم بنت المعلم سلطان

: اه اهلا وسهلا اقدر اخدم حضرتك ازاي

: غريبة طريقتك رسمية قوي في الرد

: عايزه طريقتي تبقى ازاي واحنا مفيش تعامل بينا غير واحنا صغيرين بنلعب في الشارع غير اني مش فاضي

: عموما مش هعطلك وكلامي عشان تفك شويه ونعرف نتكلم وتفهمني

: افهم ايه بالظبط

: انا عرفت انك بتحب سماء وتتمنى تتجوزها وهي رفضتك كثير

: كل الناس عارفة الكلام ده ايه الجديد

: الجديد اني هساعدك تتجوزها

: المقابل … ما اعتقدش انك بتشتغلي في الجمعيات الخيرية عشان تساعدي واحد ما تعرفيهوش اكيد عايزه حاجه او لك مصلحة

: ليه أسبابي مش انت كل اللي يهمك مصلحتك

: لازم اعرف لاني مش هقبل اي شيء يضر سماء خصوصا لو جوازي منها

: يبقى مش عايز تتجوز

: استنى انا قلت عايز افهم

: اعتبرني واحده بتغ-ير على خطيبها

: من سماء

: امال من مامتها

: بس انا متأكد من اخلاقها

: هو انا قلت لك انها بتعمل انا بقولك بغ-ير

*اغلقت معه الهاتف بعد أن تركته في حيرة من كلامها لكنه سعيد انه سيتقرب من محبوبته فهو يريد فرصه واحدة معها

بقلمي سحر السحرتي

*دخلت لمياء الى اميره لتبدأ اول خطوه في تنفيذ الخطة

:ممكن يا طنط نعزم ادهم واهله يوم الخميس مش اي عروسه بتعزم اهل عريسها

:طبعا يا حبيبتي عينيا

:شكرا انت بدل ماما

: اكيد وكله من خير ابوكي

*جرت الامور كما خططت لها لمياء

*بعد الغداء كانوا جميعا مجتمعين …. ذهب ادهم ليجري اتصال فحاولت لمياء استف-زاز سماء

: صحيح يا بابا هو مين الشاب اللي كان واقف معاك في المحل الصبح وحسيت انه شويه و هيبوس ايدك هو كان طالب حسنه

:لا حسنه ايه فكرتيني ده ابن معلم كبير … تعالي يا سماء يا حبيبتي اقعدي جنبي

: نعم يا بابا خير

:كريم النهارده جالي وفتح معايا موضوع جوازكم تاني

سماح :مش ده اللي كان بيض-ايقك في فرحي

:اه هو بس انت عارف يا بابا انا مش بفكر في الجواز غير لما اخلص تعليم

: قلت له وهو موافق على كل طلباتك

:اعتذر له يا بابا لاني رافضه وكمان انا لسه صغيره

:ما تقعدي معاه و اسمعيه يمكن تقتنعي ونعمل خطوبه على ما تخلصي

: لا اسفه

لمياء :مش موافقه ليه واحد و بيحبك وابن معلم كبير ولا حاطه عينك على حد ثاني

: حد ثاني زي مين انا مش بتاعه الكلام ده واحترامي نفسك معايا

:حد يمكن يكون اتكتب كتابه من اسبوع مثلا عشان كده ما حضرتيش الحفله ورافضة تتجوزي

: انت بتقولي ايه انت واعيه للكلام او يمكن الاكل كبس على نفسك الدم ما طلعش لمخك فبتهلوسي

*احتد النقاش بينهم وعليت الاصوات

: اخرسي تنكري انك روحتي المزرعه يومها عشان زعلانه ان ادهم اتجوزني

عمار :في ايه يا لمياء هي راحت لان كان في شغل مهم وانا اللي موصلها بنفسي وما فيش مجال للكلام بتاعك لان ادهم زي اخوها الكبير

سماء :وبعدين خطيبك مش من نوعي المفضل

لمياء :امال نوعك المفضل ايه هو … تفتكري مين هيفكر يتجوزك ولا عشان دخلتي طب وهيكون لقبك دكتوره الناس هتنسى انك بنت واحد حش-اش … احمدي ربنا ان كريم اتقدم ومصر يتجوزك رغم اللي يعرفه عنك

*سماء بعص-بية وغض-ب

:اخرسي اوعي تتكلمي عن ابويا او تقولي كلام فارغ عليه

:مش هي دي الحقيقه انه مش عايز يشوفك ولا يعرفك الى الان لانه دائما مش فايق يعني حش-اش او م-دمن

:قلت لك اخرسي

*سلطان بحدة :في ايه انتم هتت-خانقوا قدامي

لمياء: ايه يا بابا مش دي الحقيقه ان ابوها على طول مس-طول وكفايه انك اتجوزت امها ولمتهم من الشارع

*فقدت سماء سيطرتها على نفسها وقامت بجذب لمياء من شعرها ولفت ذراعها حول رقبتها وض-غطت على حنجرتها

:كلمه ثانيه عن ابويا اقسم بالله تم-وتي فيها انا ما اعرفوش بس مش هسمح لحد يغلط فيه

*حاولوا جميعا فك زراع سماء من حول رقبه لمياء لكنها كانت متمكنه من مسكتها

:مش هسيبها غير لما تعتذر

*سلطان بق-وه

:سماء سيبيها بقول لك

*تركتها وهي ما زالت غاض-به

:حاضر هسيبها عشان خاطرك بس

*امسكت اميره شبشبها كي تقوم بض-رب سماء على فعلتها لولا أن سماح منعتها

:معلش يا طنط هي اتعص-بت عملت كده من غير قصدها

:بقى تض-رب بنت الراجل اللي خيره علينا ايه يعني قالت كلام وهي عارفه انه مش صح تفوت أو ترد عليها بالكلام

سماء : لما تقول إنه لمنا من الشارع يبقى ايه الكلام ده معناه ايه … سيبيها يا سماح خليها تض-رب بس لو الشبشب لمسني هروح للحش-اش اللي هي بتقول عليه واسيبهالك

سلطان :اهدي يا سماء وانت يا اميره نزلي الشبشب بنتك رد فعلها طبيعي للكلام اللي سمعته … لمياء اعتذري لاختك واخر مره اسمعك تقولي الكلام ده

*في تلك اللحظه دخل ادهم

: في ايه صوتكم عالي وانا بتكلم في التليفون

*في هذه الحظه ايضا استغلت لمياء وجود ادهم و بدأت دموع التماسيح وتنفيذ باقي الخطه

: الحقني يا ادهم شفت ض-ربتني ازاي دافع بقى عن مراتك اللي ابوها نفسه عايز يضيع حقها

*نظر اليها ومن حالتها المزريه

:مين اللي ض-ربك بالشكل ده

*سماء بكل ح-ده

: انا اللي ض-ربتها ولو قالت نفس الكلام هض-ربها تاني ومفيش حد ..

*قبل ان تكمل كلامها كانت تتلقى صف-عه على وجهها من ادهم

:وانا مفيش حد يمد ايده على مراتي وانا عايش على وش الدنيا ولو عرفت انك رفعت صباع عليها مرة ثانية همسحك من على وش الارض

سلطان :ايه اللي انت عملته ده يا ادهم مش تعرف الاول مراتك عملت ايه قبل ما تمد ايدك عليها

: مهما عملت يا عمي محدش يعمل فيها كدة وانا موجود

*حاول سلطان ان ياخذ سماء داخل حضنه لكنها رفضت

*حتى اميره الا انها ابعدت الجميع … والغريب انها وجدت عنتر ينبح خارج باب الشقه كأنه ينده عليها لانه شعر انها حزينه

*اسرعت وفتحت الباب و احتضنته وبكت بح-رقه فرفع احد قدميه خلف ظهرها وكانه يطبطب عليها

سلطان :خدي عنتر على اوضتك يا سماء وادخلي

*نفذت ما طلبه منها وجلس سلطان معاتبا لادهم ما فعله … وشرح له ما حدث

*الا ان ادهم كان في عالم اخر امام دموع لمياء

:برده يا عمي ما كانش ينفع تمد ايديها عليها

اميره :انت صح يا ابني كان المفروض انا اللي امد ايدي لانها اهأنتها اكثر من مره قدام الناس وانا سكت عشان خاطر المعلم سلطان وكنت هاجي عليها واض-ربها برده قدام الناس …. كفايه على بنتي كده اهانة بعد اذنك يا معلم ….

$ ماذا ستطلب أميرة من سلطان ؟ وهل سيمر ما فعله ادهم مرور الكرام ؟

يتبع الفصل التالي اضغط على (احببت مكن لا يراني) اسم الرواية