رواية جبروت حماة الفصل السابع عشر 17 – بقلم نورا فريد

الدكتورة:- البقاء لله 

عفاف بصتلها و هى مش مستوعبه ولا مصدقة الي سمعته:- اي…. بتقولي اي البقاء لله في مين 

الدكتورة بشفقة:- ربنا يربط على قلبك بالصبر و يرحمها عن اذنكم 

عفاف مسكت في الدكتورة و قالت بعصبية و مذلة مش مصدقة:- تعالي هنا 

صابرة بتحاول تبعدها عن الدكتورة:- عفاف عيب ميصحش كدا 

عفاف بعصبية:- هو اي الى ميصحش و هى يصح برضو تفول على بنتي انا بنتي عايشة و انتي اياك اياك اشوف وشك هنا تاني لا بخير ولا بشر 

صابرة زقتها بعيد عن الدكتورة الى خرجت جري من الاوضة لا من الشقة كلها عفاف بقت بتصوت و تضرب على وشها:- لاااااااااا بنتيييي لاااااا قومي يا حنين قومي علشان خاطري انا ملحقتش افرح بيكي اااااااااااااه يا بنتي 

بالليل في بيت ابراهيم كانت الشقة مليانة  من الاقارب و الجيران و الميكروفون مسمع في كل مكان رغم ان السوان في الشارع و برضو همس و عائلتها كانوا موجودين 

 خلود دخلت اوضة عفاف كانت نايمة على السرير دموعها على خدها و بتبص لفراغ و بتنادى على حنين بسملة قعدة جانبها و بتعيط خلود خرجت بسرعة قبل ما تعيط هى كمان 

خرجت قعدت راضية 

راضية:- ماما عاملة اي 

خلود بحزن:- الوضع ميطمنش انا خايفة يجرلها حاجة …. ربنا ما يوجع قلب ام على ابنها 

هدير اتنهدت بهدوء:- ربنا يرحمها ويغفر لها كانت…. ولا بلاش 

بعد وقت العزا خلص و كل واحد راح بيته عد اسبوعين على وفاة حنين عفاف طبعا اخدت سحر تعيش معاها و برضو زعلانه من هارون و باقي اخواته حتي بسملة ابراهيم طبعا فاق و رجع البيت و منتظم على الأدوية و الجلسات 

في العمارة الجديدة 

كانوا التلاتة قعدين على السلم و بيشربو قهوة 

هدير:- بس الست سمر دى جدعة اوى طب دى ام صاحبتك اومال عايدة دى تكون مين 

خلود؛- مرات ابوها و كانت السبب في جوازها من المخفي مروان 

راضية بعدم فهم:- اومال حيدر دا مين 

خلود:- جوزها 

راضية ضربت على قلبها بصدمة:- متجوزة اتنين 

خلود بملل:- الموضوع مش ناقص دماغك يا راضية ما تقوليها يا هدير انا دماغي مش ناقصة 

هدير:- طب ما تحكيلنا علشان نفهم 

خلود:- لا دى اسرار ناس مش تطلع برا جوزها رئيس مباحث مش ناقصين الله يكرمكم دا موضوع يطول شرحو لم تجي تبقا تحكي ليكم 

هدير:- بس عسلو و مسهوجة في نفس الوقت ازاى انتي من الفيوم و اخدي الثانويه العامه هنا 

خلود شربت القهوة:- سبق و قولت ان زمان كان التعليم هنا كان احسن اقصد مدارس ثانوي ف بابا اخد شقة هنا قعدنا فيها لحد ما خلصت تعليم 

هدير بسخرية و هى سندة على السور و بتلعب فى شعرها:-  حاا و اتجوزتي 

كملت بجدية و غيظ:- بقا يا ولية يا مجنونه في واحدة عاقلة تسيب التعليم علشان راجل اي يختي المحن دا 

خلود هزت راسها:- و ضيف عليهم قبل ما اسيب التعليم كنت مخطوبة تلات سنين يعني لم كنت في ثانوي كنت مخطوبة 

راضية:- مرارتي يما انا مش مستحملة اي المرار الطفح دا ليه يا بنتي تعملي كدا في نفسك 

خلود بتقلد نفسها لم كانت صغيرة و هى بتلعب فى شعرها:- و الا اي انا معاك فين ما تكون يا هارون فدك يا حبيبي مليون فرح مش مهم الفرح طلاما انت معايا و مالو يا نقعد في بيت العيلة امك خالتي و اخواتك اخواتي 

كملت بجدية و ضحك:- صح فكرة ان بلاش فرح كانت فكرتي.. تو يا جدعان واحد لسه بيبدا حياته و طالع عين اهلو قولت مش لازم فرح ولا شقة من الغالية…. هو عيبه اخواته و امو امووو الى سقط القناع بتاعها من تاني اسبوع جواز عمري ما هنسا لم فتحت باب الشقة و احنا نايمين 

راضية رمشت عينيها بصدمة هدير ضحكت:- و عملتها معايا بس من تالت يوم كونا خارجين من البلكونة لقينا دى الى في وشنا و العبيط بتاعي بيكلمها اكنه عمل مصيبة مرتبك و خايف و من هنا اكتشفت اني متجوزة ابن امو 

راضية:-طب عرفنا رد الاستاذ عامر هارون اي نظامو ساعتها 

خلود سرحت 

فلاش 

في شقة هارون في الصالة 

كانوا نايمين على الارض لكن سمعوا صوت عفاف 

عفاف:- ولله عال طب اتكسفو على دمكم و رعو انكم في بيت عيلة 

هارون فتح عينيه شاف امو قدامه قام و هو بيفرك عينيه 

خلود اتسعت عينيها بصدمة لم شافت حماتها قدامها قامت و هى متنحة:- خ خالتي 

عفاف بابتسامة خفيفه:- اي يا عيون خالتك شوفتي عفريت 

هارون بص لخلود:- روحي اعملي المواعين يا خلود 

خلود بصتله بغباء و عدم فهم:- مواعين اي و احنا تلاتة الفجر 

هارون بين سنانه بصوت واطي:- روحي شوفي المواعين يا خلود و طولي متخرجيش على طول

خلود استغربت و راحت المطبخ و هى متعصبة سندت ايديها على الرخامة لكن سمعت صوت خفيف 

برا 

هارون بهدوء عكس الغضب و الضيقة الى جواه من حركة عفاف:- حضرتك حد قالك اني عايش في الشارع ولا في زريبة 

عفاف بدموع خفيفه:- بتعلي صوتك عليا يا ابن بطني كل دا علشان طالعة اصحيك و اطمن عليك دا جزاتي 

هارون:- كنتي اتصالتي بيا أو تخبطي في باب موجود بيتخبط عليه 

عفاف بدموع مزيفة:- مكنتش عايزة ازعاجكم الحق عليا 

هارون:- لا يا امي انتي الوحيده الى تقدر تزعجني براحتها… بس حضرتك لازم تعرفي ان ليا خصوصياتي مينفعش الى حصل…. و كمان خلود ليها خصوصياتها… صحيح دى شقتها و من حقها تعمل فيها الى هى عايزاه ان شاء الله تنام في البلكونة هى حرا سامعني يا امي 

عفاف بصتله بغضب و صدمة و نزلت اما في المطبخ خلود ابتسمت غصب عنها باطمان و حطت ايديها على قلبها مكنتش متخيلة انه هيرد على امو صحيح متخنقش ولا قل ادبه أو لسانه بس حط حدود بهدوء بس للاسف عفاف مكتفتش بكدا و حطت خلود في دماغها 

باك 

راضية سندة ايديها على خدها:- الحمدلله محصلش معايا الموقف دا و كله من المجنون ابن المجانين الى انا متجوزاه 

خلود بضحك:- طب والله لحكيلكم على موقف عملته يوم الفرح اقصد كتب الكتاب يييه اليوم الى اتجوزت فيه  

هدير:- عجبني ثقتك دى 

راضية بفضول:- احكي بقا 

خلود سرحت 

فلاش 

يوم فرح خلود و هارون في شقة عفاف 

عفاف قعدة على الكنبة و تحت رجليها طبق معايا دافية و منشفة على الكنبة جانب عفاف الى سندة ايديها على الكنبة 

عفاف بابتسامة:- دى يا قلب خالتك يا صغننة بتاعتنا عادات وتقاليد و لازم تعمليها ياما ربنا يغضب عليكي لو خلفتي و عصيتي كلام حماتك و انا مبالك خالتك و حماتك هتعصي كلامي و تغضبي ربنا عليكي يا خلود 

خلود بتبص حواليها حاسه باحراج كبرياها مانعها تعمل كدا في نفس الوقت مش عايزة ربنا يغضب عليها لو زعلت حماتها كانوا التلاتة واقفين بيبصولها بتراقب هزت راسها و قالت بابتسامة:- و انا ميرضنيش زعلك مني يا خالتي انتي امي التانية برضو 

عفاف ابتسمت بخبثة و بناتها كمان طبعا خلود كانت صغيرة و مكنتش تعرف نواي خالتها و انها مش بتحبها و مستحيل تحبها عفاف حطت رجليها في طبق الماية 

خلود بصت حواليها بخجل نزلت على الأرض و لسه هتحط ايديها في الماية ايد هارون سابقتها مسك ايديها و قومها و قال بابتسامة و غضب مكتوم:- اي الهزار التقيل دا يا امي 

بسملة :- احنا بنهزير معاكي يا خلود دائما واخدة الأمور جد على قلبك 

سحر بابتسامة و غل مداري:- براحة على نفسك يا خوخو بلاش تخدي كل حاجة على اعصابك لتموتي صغيرة 

حنين بمزح يحمل حقد:- دا احنا هنريوكي 

بسملة بحماس:- طب نلعب لعبه تانية 

هارون بملل منهم:- بلا لعبة بلا عادات يلا يا بت 

خلود :- طب استنا اسلم على خالتي 

هارون و هو بيبص لاخواته و امو مردش عليها شدها من ايديها و طالعو على بيتهم 

باك 

راضية انفجرت في الضحك:- هموت مش قادرة 

هدير بضحك:- كنتي هبلة اوى يا خوخو 

خلود بغيظ:- قصدك كنت عبيطة و مش فاهمة 

راضية بتقلد حنين:: دا احنا هنريوكي يا شابة 

خلود:- كنت حاسة انى في ريا وسكينة بس حاسه ان هارون مش طيقني 

هدير:- ريحي هما كلهم مش طيقين و اكننا احنا 

خلود بحدة و حذر:- هديررر الى راح مينفعش نتكلم فيه الى مات مات خلاص هما في حالهم و احنا في حالنا 

جاه طفل صغير:- طنط خلود ماما بتقول لحضرتك ممكن الجردل و المقاشة علشان تكنس و تمسح 

خلود بابتسامة:- ممكن طبعا ثانيه واحدة 

خلود دخلت شقتها راحت غرفة المنظفات جبت الجردل و المقاشة خرجت عطيتهم لطفل:- قول لماما بعد ما تخلص تنزل تقعد معانا 

الطفل اخد الحاجة منها و قال بابتسامة:- شكرا يا طنط 

و طلع يجري 

طفلة تانية طالعت و في ايديها طبق حلويات :- خالتو خلود ماما بتقولك كل سنة و انتي طيبة اتفضلي 

خلود اخدته منها بابتسامة:- يا روح خالتو شكرا 

الطفلة:- هو ينفع العب بى البيانو شوية يا خالتو 

خلود:- طبعا بس بلاش تجي ناحية البلكونة 

الطفلة:- حاضر 

الطفلة جريت على شقة خلود 

خلود:- طب يلا لحسن حد يطلع ولا ينزل و احنا كدا و مش عايزة اسيب شيري لوحدها لتقع أو تعمل حاجة 

هدير:- يلا 

التلاتة دخلو الشقة و بعدين خلود راحت المطبخ جابت اطباق الحلويات خرجت حطيتهم على التربيزة و دخلت تاني جابت الحلويات و العصير عطت كل واحدة الطبق بتاعها و كاس العصير و طبعا شيري معاهم و قعدو يتكلموا و بيسمعو عزف شيري بنت جيرانهم و طبعا طبق الجيران لفاف على كل العمارة مع اختلاف النوع الى فيه 

شوية و الجيران نزلو يقعدوا معاهم بالليل 

في شقة عامر 

على السفرة 

عامر:- انا جايب اتنين كيلو مانجا….. ناقص اتنين منهم راحوا فين 

هدير و عيالها بصو لبعض قالت و هى بتقلب في الشوكة:- كلتهم يا حبيبي 

عامر و هو رزع المعلقة في الطبق:- كدا ازعل يا حبيبتي و انا زعلي وحش و ترجعي تزعلي انتي عارفه كيلو المانجا بكام ٦٠ جنية يعني انا دافعة ١٢٠ جنية فى مانجا عايزاها تكمل معانا الشهر اه مش موت و خرب ديار 

حمزة:- يعني هنشمها يا بابا معقول 

عامر:- اه اه نشمها و منشمهاش ليه اتعود تبقا حريص بلاش ايدك تكون مخرومة زى امك المفترية انتي والله مانا عارف هتروحي من ربنا فين من استهتارك دا تخلصي كيلوووو رز في اسبوععع ليه بتطبخي لعشيرة المفروض يقعدو اسبوعين معاكي 

جنة بغيظ؛- و دا ازاى يا سي بابا ناكل معلقة طول اليوم ولا رزاية و نقوم 

عامر بعصبية:- انتي تخرسي خالص كفاااااية عليا مصاريف مدرستك الجديدة هو مش انا يا بت منبه عليكي تقولي ان عمك هارون 

هدير انفجرت:- نهارك اسود انت عايز تعلم عيالك على قافة اخوك يا عامر مش كفاية بيجيبهم من المدرسة كمان عايز يخصمو الفلوس الشهرية 

عامر:- انا ياما وقفت جانبه ميجرش حاجة لم يقف جانبي مرة…. الفرخ دى متدخلش بيتي 

هدير:- دى بلدي 

عامر:- مانا عارف مالها الفرخ البيضة قصرت معانا ما امي طول عمرها بتعملها و بتكون زى العسل 

جنة:: ييييع 

عامر:- ها تتسخطي علشان متعفرتة على الاكل كل واحد هياكل نايبه على يومين لحد ما اعوض الخساير الى حصلت بسبب امكم 

حمزة قام:- الحمدلله 

حمزة راح التواليت غسل ايديه و بعدين نشفها بى المنشفة إلى على الفواطة قلع الشبشب و الشراب طالع من الشراب مية جنية قال بابتسامة:- اما انت ناصح يا بابا متعرفش ان ابنك ناصح و بيسمسر المصروف من وراك 

اما برا على السفرة 

عامر بيقلب في الطبق:- و اي كل السمنه دى انتي ناوية تجيبي اجلي 

جنة:: حاضر يا بابا نطبخ بزيت 

عامر:: و مالك بتقوليها بتريقة مالو الزيت دا غالي حتي 

هدير كلت بغيظ:- بقولك اي يا روحي 

عامر:- ربنا يستر قولي يا روحي 

هدير و هى بتلعب فى شعرها:- زهقت من لون شعري و عايزه اصبغو 

عامر:: خدي عشرين جنية و اصبغي لنفسك احسن من الكوفيرات الى بياخدو فلوس اد كدا و بيبوظه 

هدير بغيظ و حماس:- لا ما البت خلود هتجيب الكوافير البيت يعملها شعرها هى و راضية و 

عامر رزع المعلقة :- هى مش بتتهبب تتهد ليه المفروض حامل يبقا تلم نفسها و تتهد انتي عارفه الكوافيرة بتاخد كام في الكوافير نفسه مبالك بقا لم تيجي البيت دول بنات مش متربيين بنات… مش عايز انطق دول هيولعو في جهنم من كتر المصاريف الى بيصرفوها خصوصا خلود البت دى متقعديش معاها كتير لتبوظك 

هدير سقفت بردح:- جرا يا راجل ما تلم نفسك انت بتغلط في اصحابي قدامي ما تقول انهم شمال بالمرة اهو دا الى ناقص انت اتجننت والله ما حد عايز التربية غيرك اي الارف دا اول و اخر مرة تغلط في اصحابي اصحابي الى نوروني 

قالتها بعد ما قامت عامر قام:- ايوة بقا اظهر على حقيقتك و انهم هما الى لعبو في دماغك و ضميرك و قالو تقولي عايزة شقة بعيد عن العيلة 

هدير:- ااااااخ 

اخدت الاطباق و دخلت المطبخ الى برضو في وش الصالة 

اما في بيت هارون في اوضة مخصصة لصلاة 

كانوا خلصو صلاة و بيدعو 

خلود بتعد على صوابعها بصوت عالي و بدون وعي:- يارب انا مش عايزة بنات يارب ارزقني بولد و عايزة هارون يتعمي عن الستات كلها و ميبصش برا و يفضل ثابت على مبداه معرفش هو اي بس يفضل ثابت يارب ارزقني بولد ميكنش مجنون زى عمه الصغير ولا حريص زى عمه الوسطاني او يكون ابن امو يارب يحبني انا اكتر حد و يطلع ظابط 

هارون بيسمع باستغراب لف وشه:- انتي بتدعي ولا بتعملي اوردر ولا بتختاري عريس مالك يا خلود…. بتعدي على صوابعك كمان 

خلود بتوتر و غيظ:- انت بتجسس عليا 

هارون:- انتي الى صوتك عليا و بعدين اي قلت الادب دى 

خلود بصدمة و حزن:- انا قليلة ادب ليه غلطت فيك 

هارون:- استغفر الله العظيم يارب يارب ثبت عقلي علشان معملش جريمة خلود انتي بتتهبلي على كبرا ولا عندك خال اهبل افهم بس….

خلود:- لا متجوزك انت و دا كفاية 

هارون هز راسه مسك ايديها 

خلود اختفت ابتسامتها بخوف:- اي يا هارون هتقتلني بجد ولا اي 

هارون بجدية:- نتكلم جد شوية ولا لسه خلود الشريرة هترجع 

خلود بصتله بعصبية بص في عينيها بحب:- خوخة يا حبيبتي انتي كدا بتسئ لربنا استغفر الله العظيم…. بتطلبي و بتتكلم اكنك….. اكنك اي اكنك اي اه اكنك بتتكلمي مع صاحبك و ربنا مش صاحبك علشان تدعي و تتكلمي بالطريقة دى ربنا سبحانه وتعالى هو الى خالق الكون كله 

خلود:- انت بتكلم بنت اختك مانا عارفة 

هارون:- ف لم نطلب من ربنا حاجة نطلبها بأدب و لم ندعي برضو ندعي بأدب و على فكرة ربنا سبحانه وتعالى بيستجيب في الحالتين…. يعني لو الحاجة الى انتي دعتي بيها لو خير بتحصل بأمره و لو الحاجة الى بتدعي بيها طول عمرك لو شر بيرحمك منها لانها شر ليكي ف بيحوشها عنك حتي لو روحك فيها ربنا ادر منا بالصالح لينا ف بلاش التكبر والغرور مع ربنا و الدعاء انا مش عارف اي الى بيحصلك الفترة دى و بعدين واد او بنت مش فارقه المهم الصالح و التربية يعني قولي يارب لو ولد اجعله ولد صالح يكون معايا و سندى في حياتي و يدعيلي في مماتي و لو بنت اجعلها ابنه صالحة و احفظها من كل شر اي الصعب في كدا المهم التربية ممكن يجي ولد. و منعرفش نربيه ممكن بنت و تكون احسن من مليون ولد انا كل الى يهمني انكي تكوني بخير 

خلود بتفرك في ايديها بتوتر و خجل:- لا مانا مش مش عايزها بنت علشان التربية كدا كدا هسيبها ليك تربيها بطريقتك انا مش عايزة تجي بنت…..  على بالطة يا هارون علشان مش انا الى تسمي بنتها عفاف و اعمل الى تعملو هاا 

خلود قامت لمت سجادة الصلاة بتاعتها حطتها مكانها و خرجت شالت الطرحة من على شعرها و غيرت هدومها 

هارون بص لطيفها باستغراب:- يا بت المجنونة خرج وراها كانت في المطبخ بتعمل السلطة سند على باب الاوضة بضحك:- والله انتي مسخرة يا حبيبتي 

خلود ضربت قطاعت الخضار بالسكينة بصتله بطرف عينها:- إذا كان عجبك يا روحي 

هارون بحزن مزيف::- مضطر لانى شربتك للاسف 

خلود سابت الى في ايديها و سندت على المطبخ :- فاكر يا هارون ايام الامتحانات 

هارون:؛ ايام سودة بعيد عنك 

خلود ابتسمت و هى بتبص لدبلة الى في ايديها:- كنت كل ما اتوتر من سؤال ابص لدبلة توتري يختفي عارف ليه 

هارون:- ليه يا حياتي 

خلود قربت منه و حطت قرن فلفل حار في بؤه بابتسامة:- لانى لبستك يا روحي 

خرجت من المطبخ:- هات الاطباق بقا انا طبخت و انت هتجيب الاطباق 

خلود خرجت و هارون قعد ياكل الفلفل بغيظ و صداع منها لانها بقت رغاية و مجنونة عكس طبيعتها بعد شوية كانوا قعدين على الركنة كانت سندة راسها على كتفه:- الى قوليلي يا حبيبتي….. من اسبوعين بعد العزاء شوفت بسملة 

خلود مغمضة عينيها:- ما اكيد هتشوفها مش اخوات يا هارون 

هارون بهدوء:- اكيد بس الغريب انها كانت عاقلة و قالت كلام غريب شكرا انك فاكرني و مكنش في داعي تكلف نفسك و تجيب الحاجات الى بعتها مع خلود…… افهم بقا 

خلود و مذل مغمضة عينيها:- يا هارون بسملة بجد محتاجلكم و محتاجة تحس ان ليها اهل ف روحتلها و اخد معايا بوكس هدايا اي الغريب في كدا قولت انت الى قولت ليا انى اروحلها لانك قبل ما تتخانق معاها كنت عايز تروح ليها الى حصل حصل خلاص بقا متكبرش الموضوع 

هارون:- خلود واحد غيري كان قتلك اول ما شاف الزفت و لولا ان دماغي شغالة و فكرت قبل ما اتصرف كنت دفنتك مكاني 

خلود بعدت عنه:- يييييه بقا….. والله هى ندمت و تابت كفاية بقا انت حتي ابوهم التاني 

هارون بحدة:- انا مش اب لحد و تاني مره متعمليش حاجة من ورايا انا مطلبتش منك تجملي صورتي قدامهم اقولك انا يهودي انا عايزهم يشوفوني يهودي اي مشكلتك بقا 

خلود عيونها دمعت بعدت عنه و قامت قعدت في الصالون اخدت كتاب و بقت بتقرا 

هارون شد الكتاب من ايديها قعد جانبها خلود جت تقوم علشان تسبله المكان شدها من ايديها و خلها تقعد:- بس بقا….. انتي اي حكايتك دلوقتي من اي كلمة تعيطي لدرجة دى تقيل عليكي 

خلود بصت لفراغ:- لا تقيل ولا خفيف مفيش حاجة 

بصتله:- و بعدين انا مغلطش في الى عملته اختك اجهضت و كان لازم تحس ان ليها اهل و ربنا الحمدلله مسوعها علينا يبقا ليه البخل 

هارون بصلها بهدوء و عتاب:- بخل…. ربنا يسامحك الموضوع مش فلوس و انتي عارفة دا كويس و بعدين زمان و احنا صغيرين و كونا في بداية حياتنا و الوضع مكنش احسن حاجة عمري ما بخلت على حد حتي هما كانوا بياخدو الى عايزينه انا بتكلم عن الصندوق الى كان في حاجات….. افرض كنتي اجهضي أو تعبتي 

خلود ببساطة:- اشتريت الحاجة و ركبت التاكسي على طول و بعدين اختك في الدور التاني و السلم مريح 

هارون بصلها:- غلبوية دول عمرك يا بت خالتي مبعرفش اخد منك حق ولا باطل….. طب و اليوم الى استاذ امين شرف فيه 

خلود بعفوية:- ما خلاص بقا يالا مالك ما قولت انى مش انا الى اتصلت بامك ولا اعرف ان الزفت جاي 

هارون:- و نزلة قرب الفجر لوحدك ليه يا خلود لا و الطرحة على رقبتك اقسم بالله العظيم لو تقررت تاني لحلقلك شعرك الى فرحانة بيه ورايني ساعتها هتحطي الطرحة على رقبتك ازاى…. انا اتعصبت من حركتك احمدي ربك انى اتعصبت و قلبت بس مهببتش حاجة تاني 

خلود:- مانا من خوفي عليك حط نفسك مكاني واحدة شافت جوزها اضرب بالسكينة قدام عينيها و جريت من قدامي حتي من غير ما تفهمني اي الى حصل محستش بنفسي غير ان لبست العباية و الطرحة على رقبتي نسيت الفها 

هارون هز راسه بهدوء:- متكررش تاني….. صح انا و اخواتي يكش نولع في بعض اوعي تدخلي بينا 

خلود بعصبية:: كان هيموتك 

هارون:- اخر مرة ترفعي صوتك في وش عمرو لم اموت ابقي اعملي الى على مزاجك… عصبيتك و تهورك ممكن يخسروكي كتير خلي بالك الايام دى بقيتي عصبية زيادة بسبب و من غير سبب 

خلود ودت وشها الناحية التانية لف وشها له بحنية :- خلاص بقا مكنش حبة عصبية الى يزعلكي مني….. انا اتعصبت من خوفي عليكي 

قبل جبينها و ضمها له ابتسمت غصب عنها و غمضت عيونها تاني برضو هارون و خلود مش مثاليين بيتخنقو كل شوية بس في حاجتين عمرها ما حصلوا في خناقتهم 

عمروا ما خلها تغضب عند اهلها أو حتي تفكر انها تسيب البيت عمروا ما مدا ايديه عليها أقصى غضبه يزعق و يتعصب و برضو مش العصبية الى تكرها فيه خلود مش بترد عليه أو بتتكلم معاه لم بيتجنن 

اما في شقة عمرو 

عمرو كان مسك المبرد و بيعمل لراضية ضوافرها:- حلوين كدا 

راضية بتبص لضوافيرها ببرود:- مممم مش بطل 

عمرو:- و احنا هنفضل في العك دا كتير 

راضية:- سبق و قولت طلاقني 

عمرو بعصبية و غيظ:- و انا سبق و اعتذارت مليون مرة لحظة شيطان و غضب 

راضية قامت:- شيطان تشك و تقول شيطان ليه انت شايفني اااي يا عمرو هااا ما هو لم الراجل يشك في مراته يبقا مفيش غير حاجة واحدة انها رخيصة عنده و ملهاش قيمة 

عمرو مسح على وشه باختناق:: راضية انا والله تعبت اعتذرت و عملت البدع علشان تسامحي اعمل اي تاني 

راضية :: تطلاقني و فورا 

عمرو:- و قدرتي تقوليها يا راضية جالك قلب تطنقيها 

راضية دموعها نزلت:- زى ما انت جالك قلب تشك فيا و وجعتني 

عمرو قبل ايديها بندم و دموع:- حقك عليا يا روح قلب عمرو و عقله سامحيني يا حبيبتي 

راضية دموعها نزلت:- مشكلتي ان مبقدرش ابعد عنك يا عمرو أو اعيش من غيرك 

عمرو قبل ايديها شالها و لف بيها بفرح و عدم تصديق انها سامحته اخيرا 

عد اربع شهور في بيت عفاف 

عفاف بتبص لخلود و لهارون بغيظ:- والله كتر خيرك يا حبيبي انك افتكرت انى امك و واجب تيجي تشوفني مش يمكن موت 

هارون:- ربنا يديكي طولة العمر يا امي حقك عليا انا فعلا مقصر معاكي اوى بس الشغل و كمان خلود الفترة الى فاتت كانت تعبانة اوى 

عفاف مطت شفايفها بغيظ:- حيكم و بعدين يا حبيبتي انتي مش اول واحدة تتعب حمدالله على سلامتك 

خلود بصت لهارون بمعني عجبك كلام امك و قالت في سرها:: ربنا يسامحك يا همس هو دا الى ودي حماتك مش عايزة تفهمي ليه انها مستحيل تحبني ولا تعملني حلو انا مني لله ياريتني كنت سمعت كلامك يا هدير 

خلود ابتسمت غصب عنها بتحاول تكون هادية:: الله يسلمك يا خالتي برضو مش هتفكري تيجي تقعد معانا 

هارون بصلها بهدوء و عدم رضا:- صحيح يا امى ما تيجي تقعد معانا انتي هتنوري البيت دا بيتك برضو 

عفاف:: البيت بيت اصحابه و على رايى المثل يا سايب بيتك و رايح لجيران يا نايم و انت متهان كدا احسن عايزيني تجيو غير كدا لا… 

هارون:- تخيل يا امى اني هبقا ام لتلات بنات مرة واحدة 

عفاف:- علشان كدا الهانم لوي وشها 

خلود بتحاول تكون هادية:- ما برضو تربية البنات مش بالسهل يا حماتي 

عفاف بحنان؛- ربنا يباركلك فيهم يا حبيبي 

هارون:- مكنتش متخيل ان حضرتك هتكوني مبسوطة 

عفاف:- هو في احلي ولا احن من البنات و بسم لله ماشاء الله ربنا رزقك بتوأم…. 

هارون:- الحمدلله 

عفاف:- عايزني ارضا عنك سميهم على اسامي اخواتك….. بسملة و حنين و سحر 

هارون اتصدم خلود حست انها مش عارفه تتنفس و ان الدنيا بدور بيها بمجرد ما سمعت كلام عفاف 

هارون بابتسامة:: طبعا يا امى هو انا اطول انى ابقا اب لسحر و حنين و خلود باذن الله هسمي بناتي زى ما حضرتك عايزة بس حضرتك تكوني راضية عني 

خلود في عالم تاني 

بالليل في شقة هارون 

خلود مربعة ايديها:- بقا عايزة تسمي عيالك على اسامي اخواتك والله لو كنت اعرف كنت موتهم و والله العظيم يا هارون لو دا حصل لولع في نفسي هاااا 

هارون حاوط وشها بايديه:- حبيبتي ممكن تهدي….. خلود انا كنت بهدي الموقف بس مش معنى كدا انى هعمل زى ما قالت.. انتي امهم و من حقك تسميهم لانك انتي الى تعبانة و لسه لم يتولد  و يكبروا 

قبل جبينها:- ممكن تهدي بقا…. يا خلود انتي مش عارفني امبارح انتي ليكي كل الحق انكي تسميهم و انا عارف دا …. عايزك تعرفي ان مستحيل اظلمك 

مسح دموعها :- بطلي عياط بقا ممكن 

خلود حضنته:- انا بحبك اوى 

هارون ضمها له اكتر:- و انا بموت فيكي يا روحي 

بعدها عنه:- يلا علشان اتاخرنا على الدكتورة 

بعد وقت في عيادة الدكتورة 

الدكتورة بتغني 

خلود:- طب الالبوم هيخلص امتي دكتورة والله عندنا اشغال و هو عنده مدرسة الصبح 

الدكتورة:- ماشاء الله كبير و بتروح المدرسة 

هارون بقلق و عصبية خفيفة:- يا دكتورا بعد اذنك سيبك من الأغاني و ركزي معانا… مراتي فيها حاجة 

الدكتورة:- مراتك زى القردة قدامك…. غريبة اول مرة اتلخبط و الجهاز يهنج…  امبارح قولت انكي حامل في تالت بنات 

خلود:- للاسف يلا الحمدلله على كل حال 

الدكتورة:- انتي حامل في تلاتة بس تلات ولاد …………

اما في بيت عمرو كان قعد على الفون 

فونه رن:- الو 

صاحبه:- الو يا عمرو هو اي الى حصل 

عمرو بعدم فهم:- اي الى حصل في اي مش فاهم 

صاحبه:- اختك طالعة لايف و بتتكلم عنكم 

عمرو اتصدم قفل الفون في وشه فتح الفيس بوك و اتصدم لم شاف سحر في اللايف ……..