رواية جبروت حماة الفصل العشرون 20 – بقلم نورا فريد

خلود كانت بتردد اسمه بصوت هامس و متقاطع:- ه هارون 

خلود فتحت عيونها ببطء بصت حواليها و بعدين بصت لدكتورة غمضت عيونها تاني و فتحتهم:- انا فين 

الدكتورة بهدوء:- وقعتي قلبي يا بعيدة كدا تقعي من اول قلم 

خلود بصت لفراغ الدكتورة بابتسامة:- مش عايزة تشوفيه 

خلود بصوت مرهق و شبه مسموع؛- هو مين 

الدكتورة:- هارون الى عمالة تقولي اسمها بقلك ساعة 

خلود دموعها نزلت بوجع لم افتكرت اخر كلام بينهم:- مش عايزاه ولا عايزة اشوف حد 

الدكتورة قامت طبطبت على راسها:- حمدالله على سلامتك يا حبيبتي 

خلود بخوف دموع :- عيالى يا دكتورا 

الدكتورة بمزح و عفوية:- قرود ولا حصلهم حاجة تصدقي لسه متولدوش بس خايفة عليكي منهم اه والله…. اطمني يا سلمى بخير 

خلود بتعب:- خلود يا دكتورا اسمي خلود 

الدكتورة:- انا هخرج اطمنهم 

الدكتورة خرجت و طمنتهم انها فاقت و منعت ان حد يشوفها مغمضة عينيها و سرحانة في كمية الكوابيس الى عاشتها تقريبا الكل زعلها عد يومين 

سحبت ايديها من ايديه :- طلاقني يا هارون 

هارون بصلها بصدمة:- اي 

خلود لفت وشها الناحية التانية:- انا مش عايزك….. تعبت و مش عايزة اكمل اظن ان من حقي اقول كفاية مش عايزة 

هارون قرب منها بعصبية:- انتي بتقولي اي هااا بتقولي اي بصلي و انا بكلمك 

خلود لفت وشها الناحية التانية و اكنها بتهرب من عينيه غمضت عيونها بألم دموعها نزلت بوجع:- ارحمني يا هارون حرام عليك سنين عايشة في وجعك و بجي على نفسي علشانك استحملت كتير اوى ذل و كلام زى السم و كله علشان خاطرك و في الاخر انت عملت اي طردني من حياتك و اكني جارية عندك تخدها وقت ما تحب و ترميها وقت ما تحب بس لا يا هارون ملعون ابو الحب الى يخليني تحت رحمتك و لو على قلبي ف اطلع و اديه بالجزمة امشي يا هارون انا مش عايزك بكرهك بكرهككك انت اناني مش بتحب غير نفسك و لغيني من حياتك دي اسباب كفاية ولا عايز اسباب تانية 

قالتها بصرخ و انفعال هارون كان مصدوم دموعه نزلت بحسرة و ندم خرج من اوضتها و هو سرحان و بيفتكر لحظاتهم مع بعض حتي اصعب ايامهم عدا اسبوعين خلود اتحسنت و روحت بيت اهلها عملت لهارون بلوك و قفلت تليفونها عفاف رغم انها تعبانة لكن بتروح لخلود و بتترجاها بالدموع انها ترجع عن قرارها لكن مفيش فايدة محمود بقا قطع رجل حسني و اسلام من البيت حتي امين قاطعه تماما هارون بقا بقا حزين و مهموم ندمان و حاسس بالذنب متخيلش انه ممكن خلود تفكر تسيبه أو يقول ليها مش عايز اكمل معاكي بس قرار انه ينفذ طلبها علشان متكرهوش اكتر من كدا 

كانت نايمة على السرير و ضمة نفسها الباب خبط 

صابرة:- اجهزي علشان المأذون في الطريق 

خلود مسحت دموعها بتحاول تطلع صوتها طبيعي:- خمس دقائق و هكون جاهزة 

صابرة بحزن:- طيب على مهلك 

صابرة راحت الصالون:- حاولت بس مفيش فايدة… ما تتكلم معاها يا هارون 

هارون بحزن:- خلود الى في دماغها بتعملوا يا خالتي لو وقفت قدامها هتكرهني 

عفاف قامت بغضب و تعب خرجت من الصالون اتجهت لاوضة خلود 

خلود من جوا:- ادخل 

عفاف فتحت الباب دخلت قعدت على السرير 

خلود كانت بتلف طرحتها 

عفاف بابتسامة حزينة:- طول عمري بحاول افرق بينكم بس معرفش ان اول حد يتوجع بفراقكم هو انا…. صحيح كنت لا ظالمة و قاسية بس خرب البيوت صعب يا بنتي خصوصا لو معاكي عيال…. هارون بيحبك 

خلود:: الحب مش كل حاجه يا خالتي خلاص طريقنا مع بعض صعب يوصل بينا احنا الاتنين الطلاق هو انسب حل 

عفاف قعدة مربعة رجليها و بتضرب على رجليها:- الناس خبيتها السبت و الحد و انا خيبتي الاتنين و ما وردت على حد…. يا بنتي ربنا يهديكي و يكملك بعقلك… فكري تاني علشان خاطر عيالكم ذنبهم اي يتولدو يلقي كل واحد منكم في زفت ناحية 

خلود كانت بتلف طرحتها لفت وشها لعفاف و قامت بابتسامة باهتة:- نصيب بقا يا خالتي انا و ابنك مش نفعين ولا مناسبين لبعض اتكتب علينا الفراق و بعدين انتي كنتي بتتمني اننا نطلق اهو هطلق و اختفي من حياتكم 

عفاف قامت من على السرير اتجهت ليها مسكتها من دراعها:- هو كان اي حصل لكل دا … اسمعي بقا انا استحملت منك كتير لكن لحد هنا و استوب .. طلاق مبارك ان شاء الله مبروك مقدمة على الطلاق 

قالتها بسخرية بعد ما سبتها و خرجت خلود قفلت الباب سندت راسها عليه بصت لفراغ و مسحت دموعها قبل ما تظهر في عينيها 

خرجت و اتجهت لصالون قعدت قصاده فتحت الفون و بقت بتلعب عليه بتعمل اي حاجة علشان عينيها متقبلش عينيه شوية و المأذون جاه سابت قامت وقفت:- انا مش عايزة اطلق يا عم الشيخ احنا الاتنين مش عايزين الطلاق 

المأذون بتسال:- اي انتوا بتهزرو هو انا عيل علشان تهزور معايا 

خلود بعصبية:: اي بهزر دى احنا نعرفك علشان نهزر معاك كونا عايزين و رجعنا في قررنا… انت حضرتك بتكتب اي انا مش عايزة اطلق والله ما عايزة 

المأذون أو الى بيمثل انه مأذون:- عارف و سمعت انا بعدل مشهد 

خلود:- افندم 

المأذون و هو بيبص لهارون و يوسف بتوتر:- م مستر هارون جوز حضرتك قالي تعال جرب تمثل في برنامج هو مش دا برنامج اكتشاف المواهب الصاعدة و انا مقدرش استاذي يقولي حاجة و اكسر كلامه عيب اقوله لا …….. انا راشيد من كام سنه كنت تلميذ من تلامذته…. اي راي حضرتك في تمثيلي…..

خديجه وقفت على الكرسي سقفت بفرح و صفرت:- برافوووو 

محمود برق ليها بغضب و حادة على تصرفها:- خديجة مكانك 

خديجه قعدت مكانها 

هارون مكنش مصدوم لانه حفظها اكتر من نفسه 

صابرة:- اخر كلام ولا نشوف مأذون تاني 

هارون بص لصابرة:- لا يا خالتي ابوس ايدك كفااية مأذون اي انا اد فلوس المأذون على راي عامر خليني حريص 

خلود بتحاول تكون هادية:- عامررر 

عفاف:- بيهزر مش قصده 

خلود بعصبية:- و يهزر معايا ليه هو انا اعرفه 

يوسف :- معلشي يا خلود امسحيها فيا يختي…. 

محمود؛- روح يا ابني بيتك و هى لم تروق تعال خدها 

خلود اتجهت ناحيته و وقفت جانبه:- اي يروح دى لا طبعا هروح معاه رجلي على رجله مش يمكن بيخوني 

هارون اتعصب من طريقتها لكن فرح انها هتروح معاه و بالفعل خلود روحت مع هارون بعد وقت طويل في بيت هارون 

خلود نايمة على السرير و حضنه المخدة قامت قعدت ربعت رجليها هارون قعد قصادها 

خلود دموعها نزلت بوجع:- بسبب كلامك… اتذليت من اخواتي….. ا انا وقفت قدام الدنيا كلها علشانك عفرت و تعبت و استحملت معايرات امك و كتير اوى علشانك في الاخر تيباعني و في الاخر جايبلي عيل عمل نفسه مأذون لدرجة دى شايفني ساذجة ولا من غير شخصية شايفني اي بالظبط 

هارون بوجع:- مكنش قصدي اقولك كدا ولا قصدي ان ابعدك عني 

خلود بجنون و هى بتشد في شعرها:- اوماللل قصدك ااااي مش قادر اكمل بعد السنين و الى حصلنا تقولي كدا و قدام حسني……

كملت بوجع و قهرة:- ا انا حسيت اني رخيصه اوى بالنسبة ليكم كسرتوني يا هارون 

هارون بدموع:- مكنتش عايزك تشوفيني مكسور. اهلي كسروني يا خلود 

هارون دموعه نزلت غصب عنه:- مكنتش عايزك تشوفي كسرتي لانكي بتستقوى بيا هتبقي قوية بيا ازاي و انا اتكسرت بكل الطرق اوية بيا ازاي و انا معرفتش اجبلك حقك من اكتر حد اذاكي

خلود بعتاب و حنية:- بس انا مش عايزة حقي من اختك انا عايزك انت يا هارون الإنسان الى حبيته و صبرت و حربت الدنيا علشانه انا مش عايزة غيرك يا هارون والله العظيم ما عايزة حاجة من الدنيا غيرك 

هارون حضنها و بقت بتعيط بانهيار و وجع من كل حاجة هارون دموعه بتنزل بوجع و قهرة من غير صوت الاتنين انكسرو من اقرب الناس ليهم اتوجعو و اتذلو من اهليهم

 أما  في الفيوم في مكان تاني 

مرات امين:- عايزها تتعذب اضعاف عذبي…. عايزها تتمرمط و تتذل جوزها يخونها يسيبها خالص معاها و مش معاها 

الدجال:- جبتي حاجة من إطارها 

مرات بابتسامة طالعت صورة خلود يوم فرحها قالت بشر 

:- اهي….. و اهمهم يا شيخنا تصح بعلقة و تنام بعلقة زى ما بيحصل فيا يحصل فيها هى السبب في بعدا جوزي عني و السبب في قهرتي يبقا البادي اظلم ………