رواية جبروت حماة الجزء الثاني 2 الفصل الحادي عشر 11 – بقلم نورا فريد

كانوا اتنين مكتفين ايديها ،  و مثبتين راسها علشان متقدرش تتحرك،  حطه ايديها على بؤها و، واحدة قعدة على رجليها بتضربها ، في بطنها بقسوة و غل ، دموعها نزلت بألم حتي الصرخة ممنوعة كانت  حاسه ان روحها بتتسحب منها ، شريط ، حياتها بيمر قدام عينيها غمضت عيونها ، استسلمت لموت . 

الست اتنهدت بارتياح و برود قامت بصت ليسرا باحتقار:- و ليكي عين تفرحي يا بجحة ، اتفخص عليكي و على تربيتك حامل من غير جواز يا رخصة .. 

باقي الستات قاموا بصقو في وش يسرا و اتجهوا لباب فتحه و خرجو ولا اكنهم عملو حاجة 

عند جنة 

جنة وقفت العربية قدام العمارة:- وصلنا 

سيندرا مسحت على وشها بنعس:- اوام كدا 

جنة بابتسامة غيظ:- تخيلي 

سيندرا:- طب ما تخليها هى تنزل انا ست كبيرة و مش قادرة 

جنة فكت حزام الامان بحادة خفيفة:- سيندرا انا مش ناقصة فزلكة يلا 

سيندرا:- خلاص اتعصبتي ليه نازلة اهو 

نزلو من العربية سيندرا كانت بتبص حواليها بخوف و اكنها متراقبة 

جنة بصتلها بقلق:- انتي كويسة 

سيندرا هزت راسها بهدوء:- كويسة 

جنة:- طب يلا علشان اتاخرنا عليها ميصحش 

سيندرا:- يلا 

دخلوا العمارة طالعو اول درجتين شافوا الستات سيندرا بصتلهم بخوف مسكت ايد جنة ضغطت عليها جنة شافتهم بصتلهم بعدم اهتمام وصلوا الدور الرابع كان باب الشقة موارب جنة خبطت:- يسرااا خلصتي 

سيندرا حطت ايديها على الباب برهاق:- انا لسه هستنا لم تاذن ندخل انا مش قادرة 

سيندرا فتحت الباب:- احنا مش اغراب برضو و 

مكملتش كلامها عينيها جت على يسرا صرخت بأعلى صوتها جنة اتجمدت مكانها بصدمة من المنظر و افتكرت نفسها و اكن التاريخ بيعيد نفسه بس مع يسرا سيندرا جريت على يسرا نزلت لمستواها حضنتها بخوف و الدموع اتجمعت في عينيها بقت بتضرب على وشها براحة:- يسرا يسرا قومي يسرا ردي عليا علشان خاطري ارجوكي اتكلمييي 

جنة اتجهت ناحيتها ببطء نزلت لمستواها حطت ايديها على راسها و هى بتترعش طالعت الفون من شطنتها فتحته و اتصلت بالاسعاف و هى بتفتكر نفسها 

في بيت صوفيا 

كانت على وشك الوقوع اتصدمت لم لقت ايديه على ايديها و مسكها بالايد التانية مرات ابوها عينيها احمرت بغضب كان نفسها صوفيا تقع بالصينية و تتحرج لكن محصلش 

صوفيا وشها بقا ألوان رفعت عينيها بخجل و توتر نظراتهم اتقابلو عيونهم بتلمع بحب اترسم على وشها ابتسامة غصب عنها و هو كمان و اكن العالم فضي من حواليهم و مفيش غيرهم :- استاذ يونس 

يونس فاق من سرحانه شال ايديه و بعد عنها قعد مكانه صوفيا حطت الصينية على التربيزة اتجهت لاهلو سلمت عليهم كانت مركزة على خلود بشرود 

حلم 

خلود بعصبية و هى مسكها من شعرها:- كنتي بتعملي اي مع راجل غريب بتخوني ابني يا خاينة .

صوفيا حطت ايديها على ايد خلود بوجع :- ياا يا ماما انا معملتش حاجة حضرتك فاهمة غلط دا دكتور معايا فى غرفة العمليات 

خلود رمتها في الارض بكل قسوة و جبروت:- و كمان بتردى عليا و بتبجحي طب والله مانتي قعدة على ذميته بعد النهاردة خدي كراكيبك و غوري من هنا يا خاينة 

مشهد تاني 

صوفيا بتغسل السجادة شهقت بمرارة و بقت بتاخد نفسها بالعافية لم خلود دلقت في وشها جردل الماية حدفت الجردل عليها حطت ايديها على خصرها بصتلها بشر و برود:- لسه متوسخة و عايزة تنضف عيدي عليها من تاني 

صوفيا بتعب؛- يا ماما ان 

خلود بقسوة و غل:- انا مش امك ساامعة و لو سمعتك بتقولي الكلمة دى هقطم رقبتك يلا اتنيلي اغسلي السجادة انتي هنا خدامة… و يونس عارف و راضي 

نهاية الحلم رفعت ايديها و بقت بتقرا الفاتحة معاهم 

الحلم 

صوفيا فتحت عيونها ببطء بصت حواليها بذهول و عدم فهم:- انا اي الى لبسه دا المفروض ان…. 

قامت بزعر و هى بتسال نفسها بصوت عالي:- دا مش لبسي الفستان دا جاه منين و مين الى غير لون الاوضة 

سمعت صوت صغير و بريئ جاي من برا خرجت:- ماما …. ماماا 

خرجت من الاوضة و هى بتبص حواليها شافت نفسها و هى صغيرة :- انتي مين 

الطفلة بابتسامة:- انا انتي … 

صوفيا:- بس انا كبرت 

الطفلة:- مانا هفضل معاكي على طول 

صوفيا مكنتش فاهمة حاجة ملامح الطفلة اتبدلت و اترسم على وشها انكسار و دموع صوفيا بخوف و صوت مرتعش:- مالك 

الطفلة بصتلها باحتقار:- انتي واحدة مش كويسة .

صوفيا دموعها نزلت هزت راسها بنفي:- ليه بتقولي كدا 

الطفلة شورت بصابعة:- بصي كدا 

صوفيا لفت وشها و قامت مكان ما الطفلة شورت اتجهت لاوضة كان الباب موارم فتحته شافت نفسها مع حد مجهول في وضع مش لطيف اتجمدت مكانها لفت وشها 

ابتهال السجارة في ايديها ضحكت بفخر و سخرية:- مش قولتلك هتبقي زايى .. انتي بنتي 

الطفلة أو صوفيا الصغيرة بتعيط:- ليه يا ماما ليه ازاى تعملي كدا في بابا بابا ميستاهلش منك الخيانة 

ابتهال بتضحك صوفيا لفت وشها لقت نفسها بتضحك بصوت عالي و الطفلة بتردد في كلامها 

صوفيا حطت ايديها على دونها بقت بتصرخ باعلي صوتها 

نهاية الحلم 

صوفيا قامت بهدوء مزيف :- عن اذنكم 

مستنتش الرد و جريت على اوضتها قفلت الباب سندت راسها عليه و هى بتتنفس بصعوبة درجات قلبها سريعة ايديها بتترعش وشها شاحب نن عينيها بيتحرك شمال و يمين حست بغصة بقلبها دموعها نزلت بوجع و مرارة جريت على التواليت قفلت الباب اتجهت لحوض سندت ايديها عليه بصت على انعكاسها في المرايا شافت نفسها و هى طفلة صغيرة دموعها بتنزل و ردد نفس الكلام الى في الحلم صوفيا ضربت المرايا بايديها خلعت حجابها و قعدت على الارض سندت ضهرها على السيراميك و ضمت نفسها 

برا مفيش حد من أهلها لحظ غيابها 

رامي زميلها و زوج صافي بص لصافي و قالها بصوت واطي جدا:- هى ناوية على اي قومي شوفيها بدل ما يبقا منظرنا كلنا زى الزفت 

قالها بابتسامة بين سنانه صافي بنفس الطريقة:- بطل و بعدين هى لو مش موافقة مكنتش قعدت معانا اصلا 

زوجة الاب بابتسامة خبيثة:- اومال العروسة راحت فين معقول تكون هربت دا حتي احنا لسه في الاول 

خلود بصت ليونس بعتاب و غضب على الجوازة الغريبة و بعدين بصت لزوجة الاب:- عروسة و بتدلع يا مدام مكسوفة بقا 

زوج الاب بنفس الخبث:- اصل بنات اليومين دول مش مضمونين دلوقتي معاك في نفس الثانية مع غيرك.. اكيد بتكلم صاحبها اصل اصحابها كتير اوى 

خلود وشها جاب الوان من كلام مرات حلمي مش لانها مصدقة لا هى مصدومة من جرأتها و تعبيرات وشها 

ابتهال كانت بتلعب بالسجارة صافي قامت جري على اوضة صوفيا فتحت الباب كانت صوفيا خرجت من التواليت بعد ما اخدت شور و غيرت فستانها بس برضو نفس اللون 

صوفيا قفلت باب التواليت :- مالك في اي 

صافي بغيظ و عدم فهم:- انتي الى في اي علشان تقومي ولا الى لدغتها افعي 

صوفيا بهدوء وقفت قدام المرايا سرحت شعرها و لمته حطت الطرحة على شعرها:- ولا اى حاجة بس معدتي وجعني شكلي اخدت برد … هما مشيو 

صافي ربعت ايديها:- لسه 

صوفيا اتنهدت بهدوء:- كويس 

لفت طرحتها اتجهت لباب فتحته و خرجت اتجهت ليهم قعدت مكانها يونس عينيه جت على ايديها فيها جونتي انا صوفيا ف كانت بتبص لفراغ مش سامعة غير صرخة الطفلة الى جواها و بتبص لخلود برهب 

في بيت اهل رحيم 

ريهام بدموع :- كان لازم يحصل يا خالتي 

وفاء بجبروت و رضا:- يلا اهى غارت في داهية هى و ابنها اقطع دراعي لو كانت حامل في ابن رحيم اصلا 

ريهام بابتسامة سخرية:- خالتي انتي هتكدبي الكدبة و تصدقيها اه قليلة ادب و عايزة القتل بس مش لدرجة الخيانة 

وفاء عوجت مطت شفايفها و قالت بجبروت:- لازم نصدق الكدبة علشان غيرنا يصدقها و الحمدلله ان الستات دخلت عليهم الكدبة دى اخيرا ارتحنا منها و من ارفها 

ريهام مسحت دموعها بصتلها ببعض الامل:- فكرك يا خالتي رحيم هيرجعلي هيكون ليا بعد كل دا 

وفاء ابتسمت بحنان:- اسعى يا عبد و انا اسعى معاك مش المثل بيقول كدا… البت نغشة برضو و جريئة كل الحكاية انها ضحكت عليه و عميته بميصتها و لسانها ، هو مغمي يا حبيبي و مش داري بالي بيعملوا اكيد سحرلو بس خلينا وراها لاخر ، رحيم عمروا ما حب غيرك صدقيني يا بنتي 

ريهام بدموع و اندفاع و هى حطة ايديها على راسها:- اومال ليه بيعذبني يا خالتي ليه بيعمل كدا، يوم معايا و عشرة لا ، مع ان عارف ان اكتر حد حبه هى انا الى خافت و مذل بتخاف عليه هى انا مش هى 

وفاء طبطبت عليها بحنان و حب:- الغايب حجته معاه يا حبيبتي ، صدقني رحيم بيحبك و كل الى هما فيه دا وهم سواء من ناحيتها أو ناحيته قولي يارب يا ريهام قولي يارب خلي ظنك بالله خير 

ريهام بدموع:- يارب يارب رجعلي رحيم 

في المستشفى رحيم عرف من البواب الى اتصل بيه على طول كان واقف سند ضهرو على الحيط سيندرا سندة راسها على كتف جنة الى مش فاهمه ولا عارفة حاجة 

يوسف و ياسين جم و معاهم مريم و ملك 

يوسف بعصبية:- اي الى حصل يا سيندرة ما تردي 

ياسين بعصبية هو كمان:- اخرس بقا دا وقت نتزفت فيه خلينا نشوف اي الى حصلها و بعدين اسال 

مريم كانت فرحانة الدكتورة خرجت 

رحيم اتجه ليها بلهفة و قلق:- طمنيني يا دكتورة يسرا عاملة اي عايز اشوفها 

الدكتورة بهدوء و حزن:- ربنا يعوضكم بالاحسن معرفناش ننقذ الجنين ، هى حاليا نايمة اضطرينا نديها مهدئ 

سكتت شوية اتنهدت بحزن:- للاسف حالتها النفسية مطمنش و مضمنش رد فعلها هيكون اي لم تفوق و تعرف عن اذنكم 

مريم اتنهدت بارتياح و فرح قالت لنفسها:- الحم يارب عشت و شوفت دموعك يا قادرة،  ما هو مش انا لوحدي الى مش هخلف، اه اتفاقنا مش دلوقتي بس زي،  ما تتهد عليا تتهد على الى حواليا 

جنة حضنت سيندرا الى بتحاول تكتم صوت عياطها 

جنة بصت لفراغ دموعها نزلت بوجع غصب عنها صحيح مش بيتجمعو كتير بس هما مش بنات عم لا هما اخوات و اكتر 

ملك حطت ايديها على كتف ياسين بحزن و بتمسح دموعها الى برضو نزلت غصب عنها 

مريم بحزن مزيف:- انا رايى نتصل بى بى بابا و يونس و 

سيندرا قامت بزعر و عصبية:- لا اوعي تعملي كدا ، انتي مالك اصلا انتي بتعملي اي في حياتنا، بتعملي اي غير الخراب، حتي يونس عايزة تخريبي فرحته ،  اانتي اي مش بتحسي اي يا شيخة 

جنة فاقت من سرحانها بصت ليوسف الى الغضب عميه:- و احنا في عربية الإسعاف، يسرا فاقت و حلفتنا مش نتصل بيونس ولا عمي أو خالتي دلوقتي ، مش عايزة فرحت يونس تخرب ، هى باذن الله هتكون كويسة على بالليل 

سيندرا كانت بتبص ليوسف و مريم بعيون دبلانة و حزينة رحيم دخل اوضة يسرا 

كانت الاوضة مليانة بالصمت مفيش غير صوت المحلول و الأجهزة ايديها متواصلة بالسلوك قفل الباب اتجه ليها قعد على الكرسي الى جانبها مسك ايديها قبلها دموعه نزلت رفع ايديه على شعرها بقا بيمسح عليه بحزن كان وشها بارد و شاحب و مليان كدمات :- انا اسف يا حبيبتي معرفتش احميكي، مطلعتش اد الوعد الى وعده ليكي و لاهلك  سامحيني يا يسرا 

بالليل هارون و خلود و يونس كانوا قعدين في اوضة يسرا مستنينها تفوق 

فتحت عيونها ببطء الكل جري عليها بلهفة  

خلود قلبت راسها :- حمدالله على سلامتك يا حبيبتي انتي كويسة حاسه بحاجة 

يسرا كانت بصة لفراغ ساكته و هادية و دى مش من عاداتها وشها خلي من التعبير 

هارون بقلق و ايديه على راسها:- يسرا حبيبتي فيكي اي 

يسرا مبصتش لحد فيهم غمضت عيونها بألم افتكرت الى حصلها و شكل الستات و الضرب فتحت عيونها بصت لرحيم الى مسك ايديها سحبت ايديها من ايديه قالت بصوت خلي من التعبير :- طلاقني يا رحيم انا مش عايزة اكمل معاك 

اما في بيت عمرو 

راضية كانت بترتب اوضة سيندرا دفتر وقع من الدولاب 

راضية وطت اخدته من على الارض بصتله و هى بتبتسم على  براءة بنتها:- يااه يا سيندرا لسه محتفظة بحاجات المدرسة 

كملت بفضل و حماس:- اما اشوف خط بنتي عامل ازاي 

راضية فتحت الدفتر قرات صفحتين شهقت بصدمة الدفتر وقع من ايديها ……