رواية تحت شعار العشق الفصل السابع عشر 17 – بقلم سلمى محمد شعبان

وعد شهرين على الاحداث دى وفى فترة دى اتغيرت حاجات كتير فى حياة ابطالنا……غيث وليلى اتبنى بينهم حاجز كبير……ليلى كانت بتجاهل غيث وكلامها معاه كان اضيق الحدود وبرسمية اوى وبعدت عنه لدرجة انها مابقتش بتاكل معاها وقاعدة فى اوضتها على طول ومش بتخرج منها طول ماهو فى البيت……غيث استغرب من معاملتها معاه متغيرة وبعدها عنه مش عارف عمل ايه او دايقها في ايه علشان تتعامل معاه كدا ولما يقرب منها و يسألها مالها بلاقي ليلى تديله وصلت تهزيق وبتجرح كرامته بتخليه متعصب لدرجة أنه كان هيتهور ويمد ايديه عليها بس قدر يمسك أعصابه ويتحكم فى غضبه علشان مايعملش حاجة يندم عليها بعد كدا……ليلى من ساعة اللى حصل فى النادي وبتحاول تبعده عنها بكل طرق لما يقرب منها بتقول كلام يوجع الحجر صحيح هى كانت بتنقم منه على كل اللى عمله معاها من اول ماسابها لحد مارجع اعتذرلها وقاله ان ندمان على فراقهم واللى طلع كدب بعد ما شافت ميرنا وشافت ازاى كان خايف عليها وزعقلها علشانها كل دا اكدلها أنه طلع بيضحك عليها وبيتسلي بيه وميرنا دى هى حبيبته……وفضلت ليلى طول شهر دا ماتعبرهش ولما يقرب منها تسمعه فى كلام يوجع الحجر….كل ماتشوف في عينيه نظرة وجع وعتاب و زعل صحيح كانت بترضتي كرامتها بس فى نفس الوقت بتوجع قلبها وبتزعل من نفسها…..لحد ما جى اليوم اللى غيث زهقه وتعب من الحياة معاها بشكل دا وسابلها البيت ومشي من غير حتى ما يقولها هو رايح فين أو هيرجع امتى…..ليلى افتكرت كدا أنها هترتاح بس مع الاسف كانت بتكدب على نفسها هى اتوجعت واتعذب اكتر بعد مامشي حست انه سابها تاني ورجعت لوحدها مرة تاني مابقتش تحس بأمان اللى كانت بتحس فيه وهو معاها فى نفس البيت حتى لو مش بتكلموه وزعلانه منه بس وجوده كان بيفرق معاها……الكبرياء والعند و عدم مسامحة لما يبدخلوا اى علاقة بيدمروها وبينسونا اى حاجة حلوة بينا وهو دا إللى حصل مع ليلى وغيث….ليلي مش قادرة تسامحه على إللى عمله من 10سنين ومش شايفه انه بيحبها ومقتنعة ان تفكيرها هو صح وانه عايز يتسغلها وبيحب ميرنا…وغيث مش قادر يدوس على كرامته علشانها هو من جواه بيتقطع وعايز يروح ياخدها فى حضنه ويقولها انا بحبك بس كبرياءه منعه مش عايز يقلل منه على حاسب اى حد حتى لو على حاسب نفسه وقلبه…… أما بالنسبة لكاميليا ويحيي…..يحيي هو اللى اخد اول خطوة علشان يهد الحاجز اللى بينهم بأنه خلها ترجع كليتها تانى واشترى ليها فون جديد….اقربوا من بعض اكتر يحيي عرف ان وراء قوة كاميليا وبرودها طفلة صغيرة اقل حاجة تفرحها وتخليها تضحك…….وكاميليا عرفت معنى سعادة وحب اللى كانت بتسمع عنهم فكرت انها عمرها ماهتجربهم….عرفت يعنى ايه حد بيحبك بيعامل كل حاجة علشان تبقى مسبوط…..عرفت أن لما حد يغير عليك دى بتخليكي تحسي بأنوثتك وانك احلى واحدة فى عين حبيبك…..عرفت أن الحب بيخليك تحس انك اتولدت من جديد و تعيش فى الدنيا تانية….الحب اللى بيجيلك من اخر حد تتخيله وهو دا إللي كاميليا بتعيشه دلوقتي ومع مين يحيي اخر حد كانت تتخيل انها ممكن تفكر فيه اصلا مع اكتر شخص كانت بتكرهه ومش بطيقه…..دلوقتى نفس الشخص دا هو بقى حبيبها وأبوها وصاحبها وكل حياتها يومها مش بيبدأ من غيره ومابيخلصش غير بيه….صدقت دلوقتى مثال إللى بيقول (ما محبة الا بعد عداوة) بتدعي أنه مفيش حاجة تبعدهم عن بعض ويفضل معاها لاخر يوم فى عمرها

************بقلمي سلمى محمد شعبان

فى إحدى الكافيهات بالقاهرة

كاميليا قاعدة مع سهر بيتكلموا او بمعنى اصح سهر هى كانت بتكلم إللى وكاميليا سرحانة وبتفكر فى يحيي وحياتها اللى غيرها 180درجة وسعادة إللى عمرها مادقتها غير وهى معاه بس فى وسط الفرحة دى بتحس بشك ان كل دا حلم جميل وهتصحى منه على كابوس……خرجت من سرحنها على ضربة فى دراعها من سهر

سهر بصوت عالى : يااااكاميليا

كاميليا:اى يا بنتى بتعالى صوتك ليه هو انا طرشة فرجتي علينا الناس

سهر :دا انا لو كنت بكلم طرشة هتكون معبرنى اكتر منك .

كاميليا:خلاص بقا يا سهر انا فيا اللى مكافنى ومش ناقصة هزارك

سهر: فى اى مالك ماتنطقى و خلصى

كاميليا:انا خايفة

سهر:من اى

كاميليا:من إللى جاى خايفة اكون عايشة فى حلم وصحي منه على كابوس….خايفة انى اكون بدمر حياتى بايد ……خايفة اكون اتسرعت لما سبت يحيي يقرب منى.

سهر:كاميليا متخافيش يحيي بيحبك واوى كمان

كاميليا : وانتى اى مخليكى متاكده اوى كده

سهر:فاكرة يوم اغمى عليك لما كنت عندك في بيت

كاميليا: اه

سهر:انتى لو كنت شوفتى شكله ساعتها عامل ازاى مالاقكى مغمي عليكى كنتى مستحيل تشكى فيه…..بصى يا كاميليا انتى لما حكيتلى على حكايتكم بدأت كنت مش مرتاحة ليحيي دا لحد ما شوفته يوم فى دا و شوفت خوفه وقلقه عليكى هو لو كان مش بيحبك بجد وبيتسلى بيكى ماكنش هيكون خايف عليكى بشكل دا كاميليا شيلى اوهام دى من دماغك علشان تعرفى تعيشى حياتك وبطلى نظرية المؤامرة فى كل إللى حواليك….امشى وراءك قلبك لمرة واحدة وصدقنى مش هتندمى.

كاميليا بتنهيدة:يارب كلامك يكون صح

سهر : بقولك انا رايحة الحمام ثواني وراجعة

كاميليا : تمام

بعد ما سهر سابت كاميليا بخمس دقايق

الجرسون : مدام كاميليا

كاميليا : أيوة انا

الجرسون وهو بيديها ظرف : اتفضلي يا افندم جواب دا علشان حضرتك

كاميليا باستغراب : جواب ايه دا ومين بعته

الجرسون : مش عارف يا افندم بس واحد طلب منى اوصلهلك وشاورلى على تربيزتك ومشي

كاميليا وهى بتاخده منه : تمام

الجرسون : عن اذنك يا افندم

بعد ما الجرسون مشي كاميليا بصت لجواب لاقت مكتوب عليه اسمها فتحته لاقت فيه صورة لولد صغير شايل بنت صغيرة بين ايديه

كاميليا : مين دول انا اول مرة اشوفهم

كاميليا بصت على ضهرها لاقت مكتوب عليها

( السر مدفون بقاله 20 سنة هيكتشف قريب اوى وقلبك هيكون سبب وجعك)

كاميليا : مين دول انا اول اشوفهم ويعني ايه كلام دا

سهر وهى بتقعد : سرحانة فى ايه

كاميليا : سهر بصي لصورة دى

سهر : مين دول

كاميليا : مش عارفة وبصي كلام اللى عليها غريب مش فاهمة مقصود بيه ايه حتى اللى بعتها ماشوفته الجرسون هو اللى جبها

سهر : كاميليا انتى متأكدة انك متعرفيش حد فيهم

كاميليا:والله ماعرفهم دى اول مرة اشوفهم

سهر : مش عارفة ممكن يكون فى سوء تفاهم صورة دى وصورة وصلتلك بغلط

كاميليا : بغلط ازاى بصي مكتوب لكاميليا سيف الدين سليمان المنصوري …و المنصوري دا اسم عليتي محدش يعرفوه اصلا يبقى ازاى بغلط اكيد فى سر وراء صورة دى اللى بعتها عايز يعرفني حاجة بس ايه هي وليه ماجش بنفسه يقولهالي

وبعد شوية فون كاميليا رن

كاميليا : أيوة يا يحيي …انت برة…طيب خلاص ثواني وجايلك باى

كاميليا افقلت مع يحيي وبتمل حاجاتها

سهر : فى ايه

كاميليا : انا همشي يحيي مستيني برة

سهر : تمام وهتعملي ايه بصورة دى

كاميليا وهى بتحطها فى شنطتها : هخليها معايا و حاول افهم اى سرها

سهر وهى بتحضنها : طيب بس ماشغليش بالك بيها اوى

كاميليا وهى بتخرج من حضنها : تمام عايزة حاجة

سهر : لا باي

كاميليا : باى

*****************بقلمى_سلمى_محمد_شعبان

خرجت كاميليا من الكافية لاقت يحيي واقف وسند على عربيته وهى ماشية ناحيته خدت بالها من نظرات البنات ليحيي ادايقت وحست بغيرة بس فجأة لاقت واحدة رايحة ناحيته ولابسها بنطلون جينز ضيق اوى وتى شيرت كات مبيان نص صدرها وماشية بمياصة كاميليا حست بقرف من شكلها ولابسها ومشت بسرعة لحد ماوصلت لعنده قبل ما بنت دى تقرب منه……يحيي اول ماشافها ابتسم ولسه هيتكلم لاقها رمت نفسها في حضنه وحضنته بتملك وبعدت عنه شوية وباسته فى خده

كاميليا برقة : وحشتنى اتاخرت عليك

يحيي بدهشة : هاا

كاميليا برقة : مالك يا يويو

يحيي رفع حاجبه:يويو ….طالما اقولتى يويو بتاعك دى يبقى عملتى مصيبة عملتي ايه يا كاميليا

كاميليا براءه:والله ما عملت حاجة انا حبيت ادلعك غلطت انا كده

يحيي بحده:كاميليا بطلى تقولى يويو دى واحنا في شارع انا مش عيل صغير

كاميليا بحدة وبغيرة:وانت متنزلش من عربية عايز تستنى استنى وانت قاعد فى عربيتك واقفل الازاز كمان

يحيي:انتى اتجننت يا كاميليا

كاميليا بغيرة:اه اتجننت وكمان لما تجى تاخدنى وماتلبسش حلو كده وشيك تعال متبدل.

يحيي:ناقص تقولى تعال بيجامة ومتغسلش وشك

كاميليا:تصدق فكرة

يحيي ركب عربيته:لا دا انتى اتجننتى رسمي.

كاميليا وهى بتركب:اسم الله عليك دا انت تاخد شهادة فى جنان مع مرتبة الشرف.

يحيي وهو بيسوق:دا انا ولا انتى يا بتاعة بيجامة يا شيخة اسكتى

كاميليا بغيرة:يعنى عايزنى اشوف البنات وستات بتعاكس فى رايحة وجاية وعينيهم عليك واسكت دا بيعملوا كده وانا معاك اومال وانت لوحدك بيعملوا ايه

يحيي بخبث : ااااااه اقولى انتى بتعمل كده علشان غيرانة عليا

كاميليا:مين دا لا طبعا انا بعمل كده علشاننننننن……..

يحيي بخبث :علشان اى انتى علقتى

كاميليا:اهو مزاجى كده عجبك ولا مش عجبك

يحيي حط ايديه على كتفها وشدها لحضنه وباسها من خدها

يحيي بشقاوة : لا عجبنى وبحبه وبموت فيه كمان

كاميليا ابتسمت بخجل:يحيي احنا فى شارع ركز فى طريق بدل مانعمل حادثة

يحيي وهو بيقرص من خدها بمرح: انت تومرنى يا جميل يا فراولة انت….تحبي تسمعي ايه

كاميليا : سيبنى المرة دى انا اختارلك اغنية على ذوقى

وشغلت كاميليا اغنية بتعبر عن كلام كتير جواها نفسها تقول ليحيي بس مترددة وحطت راسها على كتفه وبتدنن وراء اغنية

(حبه جنه &شيرين )

حبه جنة أنا عشت فيها قربه فرحة حلمت بيها

ده اللي بيه احلو عمري ده اللي أنا هديله عمري

ياما ليالي بستنى لقاه مهما قلتله واتحكاله

مستحيل أوصف جماله رقة الدنيا في عيونه

قلبي كان الله في عونه من اللي أنا حسيته معاه

حَبّهُ جِنَّة أَنا عِشتِ فِيها قُرْبِهِ فَرْحَة حَلَمتُ بِيهاً

ده اللَيّ بِيه أَحْلُو عُمَرِيّ ده اللَيّ أَنا هديله عُمَرِيّ

ياما لَيالِي بِسْتَنَيْيَ لَقاه مُهِمّا قلتله واتحكاله

مُسْتَحِيل أُوصَف جِمالهُ رِقَّة الدُنْيا ڤِي عُيُونهُ

قَلْبِي كانَ اللّٰه ڤِي عَوْنهُ مَن اللَيّ أَنا حِسِّيّتهُ مِعاهُ

كل يوم ألقى روحي بتنده ليه

على العموم مش هخبي وأداري عليه

إنه غيرني وسرقني وإن أنا اتعلقت بيه

اللي فات من حياتي ضايع قبليه

فيه حاجات حلوة حصلتلي على إيديه

كل لحظة تزيد غلاوته وناوي يعمل تاني إيه

لما أغمض قلبي شايفه اسمي غنوة ما بين شفايفه

صوته أجمل صوت نداني ابتسامته مطمناني

يوماتي بالي عليه مشغول

بالأمانة وبصراحة كنت عمري ما هلقى راحة

لولا بالصدفة لقيته اللي بالغالي اشتريته

منايا أعيش وياه على طول

كُلْ يَوْم أَلْقَى رُوحِيّ بتنده لَيّهُ

عَلَى العُمُوم مَشّ هخبي وَأُدارِي عَلَيهِ

إِنَّهُ غَيَّرَنِي وَسَرَّقَنِي وَإِنَّ أَنا اتعلقت بِيه

اللي فات من حياتي ضايع قبليه

فيه حاجات حلوة حصلتلي على إيديه

كل لحظة تزيد غلاوته وناوي يعمل تانيأَلْقَى رُوحِيّ بتنده لَيّهُ مَشّ هخبي وَأُدارِي عَلَيهِ

إِنَّهُ غَيَّرَنِي وَسَرَّقَنِي وَإِنَّ أَنا اتعلقت بِيه

اللي فات من حياتي ضايع قبليه

فيه حاجات حلوة حصلتلي على إيديه

كل لحظة تزيد غلاوته وناوي يعمل تاني إيه

كُلْ يَوْم أَلْقَى رُوحِيّ بتنده لَيّهُ

عَلَى العُمُوم مَشّ هخبي وَأُدارِي عَلَيهِ

إِنَّهُ غَيَّرَنِي وَسَرَّقَنِي وَإِنَّ أَنا اتعلقت بِيه

اللي فات من حياتي ضايع قبليه

فيه حاجات حلوة حصلتلي على إيديه

كل لحظة تزيد غلاوته وناوي يعمل تاني إيه

*************بقلمى_سلمى_محمد_شعبان

فى شقة غيث ساعة 10 بليل

ليلى كانت نايمة فى سريره ولبسها بنطلون بيجامة بتاعها وقميص غيث ودا حالة من ساعة ما غيث سافر بتقضي يومها بين نوم و الاكل وتليفزيون مابتعملش حاجة غيرهم وكل يوم بتفضل مستنياه أنه يرجع أو مكالمة منه بس مفيش حاجه اوضته من ساعة ماسافر وهى بتنام فيها وهدومه بتفضل لابسها علشان تحس بوجوده حواليها

صاحت ليلى من نوم علي صوت جرس الباب

ليلى بنوم:مين البارد إللى بيخبط دلوقتي….وفجأة فتحت عينيها بفرحة :معقول يكون غيث

ليلى قامت من سرير بسرعة و جريت تفتح الباب ومفكرتش انها لابسها قميصه ولا فى شكلها وشعرها منكوش ولا اي حاجة….فى اللحظة دى نسيت كل حاجة كل اللى عايزها انها هتشوف وتشبع عينيها منه وترمي نفسها فى حضنه وبس

ليلى وهى بتفتح الباب وابتسامة على وشها :غيث ان……..بس ابتسامتها راحت لما شافت ميرنا واقفة قدامها

ليلى : انتى

ميرنا : كويس انك لسه فاكرنى يا ليلى

ليلى وهى بتقفل الباب فى وشها : غيث مش موجود

ميرنا حطت ايديها على الباب:استنى انا عارفة ان غيثو مش موجود انا كنت جاية علشانك

ليلى بغضب:خير عايزة اى

ميرنا زقت الباب وزقتها ودخلت الريسبشن ليلى اقفلت الباب بغضب وبغيظ من ميرنا وراحت ليلى على الريسبشن ولاقتها قاعدة على كرسى وحطها رجل على رجل وبتصلها من فوق لتحت.

ليلى فى سرها: قاعدة ولا كأنها صاحبة البيت اهدى يا ليلى واحدة زى دى ماتساهلش عصيبتك….ليلى ربعت ايديها على صدرها وبتصلها بقرف : وبعدين هتفضلى وتبصلى كده كتير ماتخلصى تقولي جاية ليه

ميرنا باستحقار : مش عارفة غيثو كان مستحملك ازاى طول فترة دى اكيد سافر علشان مش قادر يفضل معاكى

ليلى بغيظ : استغفر الله العظيم…اسمعى بقا يا بتاعة انتى طول ما انتى قاعدة بيتى بيقى تقعدى باحترام وبكرامتك بدل ماتطلعك من غيرها.

ميرنا بسخرية : بيتك…..هههههههه

ليلى بنرفزة:اه بيتى اى هى كلمة بيتى بتضحك اوى كده

ميرنا باستهزاء : لا بضحك عليكى شكلك صدقتى ان دا بيتك وان غيث جوزك بجد

ليلى بغضب وغيرة : ايوة غيث جوزي وبيت دا بتاعى غصب عنك وامشى اطلعى برة حالا

ميرنا باستفزاز : براحة على نفسك بس يا حلوة…انا عارفة ان حقيقة صعبة بس لازم نتقبلها

ليلى : انتى مش بتفهمى بقولك اطلعى برة مش عايزة حد غريب فى بيتى

ميرنا : انا الغريب ولا انتى على اقل انا وغيث هنتجوز جوازة بجد وهنعمل فرح كل البلد تكلم عليه مش هنكتب كتابنا فى مستشفى ولا غيثو هيتجوزني تديت واجب زى الناس

ليلى : انتى عرفتى ازاى

ميرنا ببرود : من غيثو طبعا وهو اللى قالى انه اتجوزك علشان مصلحة شغله وعلشان خاطر اللواء فهمى …..اوعى تكونى فاكرها انه بيحبك لا فوقى واصحى من حلم حب المراهقة دا غيث عمره ماحبك لا وانتوا صغيرين ولا حتى دلوقتى…غيث ماحبش حد غيرى انا مش هيتجوز غيري وانتى مجرد كارت فى قضيته اول ماتخلص هيرميك برة حياته

ليلى بدموع : انتي كدابة غيث مستحيل يعمل فيا كدا

ميرنا بقسوة : دى الحقيقة بس انتى اللى عمياء مش عايزة تشوفيها

ليلي بانهيار و دموع : بس بقا كفاية اسكتي خالص مش عايزة اسمع حاجة تاني

ليلي اديت ضهرها لميرنا وحطت ايديها على ودنها وبتعيط ودموع اتجمعت مش عايزة تسمع ولا تصدق ايه كلمة قالتها ميرنا مش قادرة تصدق أن غيث حكلها كل حاجة عنهم حتى علاقتهم ببعض وهم صغيرين…….وفجأة حست بإبرة دخلت في رقبتها وثواني اتشلت من رقبتها وليلى حست بتخدر وشل فى جسمها ووقعت على الأرض وآخر حاجة شافتها قبل ما يغمى عليها وش ميرنا وهى بتضحك بشر

ميرنا بسخرية : باي يا ليلي هتوخشيني اوى يا روحي

وطلعت فونها واتصل بسيد حارس الشخصي بتاعها

ميرنا: خلصتوا شغلكم

سيد : ايوة يا هانم الكاميرات العمارة كلها اتعطلت وأمن إللى تحت العمارة تعاملنا معاهم

ميرنا : تمام اطلع انت ورجالة على شقة 305 فى الدور العاشرة ومعاكم الصندوق

سيد:امرك يا هانم

وبعد شوية وصل سيد و رجالته عند شقة غيث…وميرنا فتحلهم الباب ودخلوا وشالوا ليلى وحطوها فى صندوق وافقلوه عليها ونزلوا….ميرنا اقفلت الباب شقة وراءها ونزلت بهدوء

فى عربية ميرنا

ميرنا وهى بتكلم فى فونها : كده انا خلصت إللي عليا دور والباقى عليك انت

أمير بشر : مش هيعدى النهار عليها غير وهى مع المرحومة صاحبتها ههههههه.

********