رواية تحت شعار العشق الفصل الثامن عشر 18 – بقلم سلمى محمد شعبان

الساعة 11 بليل فى فيلا النميري

كاميليا واقفة فى التراس وفي ايديها صورة وبتص فيها بتفكير يا تري مين دول وليه عندها احساس انها شافتهم قبل كدا و بذات ولد صغير دا ملامحه مش غريبة عليها واخدت من نظرات الولد لبنوتة صغيرة كلها براءة وحب طفولي و حتى طريقة اللى حضنها بيها فيها تملك كأنه بيقول بحركة دى أنها بتاعه هو وبس

كاميليا بابتسامة : مهما كان اسمك بس بجد يا بختك عندك واحد بيحبك من وانتي فى سن دا اكيد عشيتي معاه طفولتك ومراهقتك وشبابك احلى حاجة أن حب عمرك يكون معاكي فى كل لحظة فى حياتك يبقى عارف أدق تفاصيلك ويفهمك من غير ما تكلمي كأنكم روح واحد في جسمين لو حتى زعلك اكيد عارف ازاى يصالحك ويفرحك باي وسيلة المهم عنده تفضلي معاها وجنبه بجد نوعية رجالة دى بقوا قليلين في حياتنا بس عارفة انا وانتي محظوظين زى مانتي حبيبك بيحبك….انا برضو يحيي بيحبني اوى وبيعمل اى حاجة علشان تفرحني 

وحنيته عليا دى عندى بالدنيا وما فيها…….حطت ايديها على قلبها وكملت بتنهيدة : انا بحبه اوي ونفسي اقوله بس مش عارفة ليه بحس أن فى حاجة هتحصل وتبعدنا عن بعض بحس أنه وهم هفوق منه على الواقع ويرجع يحيي بتاع زمان تاني والبيت دا اللى بقى جنة بالنسبالى خايفة يرجع سجن تاني، يارب مايتطلعش ظني صح يارب يديمه ليا وفى حياتى يارب ماتكونش انت وجعي جديد يا يحيي.

فى نفس الوقت داخل شقة بمدينة 6 أكتوبر وتحديد فى اوضة مليانة صور لبنت جميلة جدا صورها وهى لسه مولودة وصور ليها وهى بتحبي وصور تانية وهى بتمشي اول خطواتها بس فى صورة كبيرة ليها وهى عندها سنتين وفى ولد صغير عنده 12 سنة وهو شايلها وبيضحكوا بفرحة وبراءة.

يحيي لمس صورة بهدوء وحب وهو بيص فيها بعمق

يحيي بحب وحنين : 20 سنة غيرت حاجات كتير في حياتنا بس ماغيرتش حبي ليكي بالعكس دا زاد اكتر وهيفضل يزيد لحد ماموت….كان نفسي زمان يوقف بينا عند اللحظة دى وما تبعديش عني وتفضلي بين ايدي وفى حضني على طول.

************بقلمي سلمى محمد شعبان

الساعة 11.30 بليل فى شقة غيث بحى الزمالك

خرج غيث من أسانسير وهو حاسس بتعب وفى نفس مسبوط أنه هيشوفها بعد فترة دى فتح الباب ودخل لاقي مكان هادي اوى وافتكر أن ليلى نايمة شاف ان دى احسن فرصة علشان يشوفها ويشبع عينيه منها من غير ما تحس بيه ولا هو يجرح كرامته قدامها راح على اوضتها وفتح الباب ودخل بهدوء بص على سريرها لاقى فاضي وبص على الباب الحمام لاقى مفتوح وطلع من اوضتها ودور عليها فى كل حته في البيت بس مش موجودة….غيث هيتجنن راحت فين وفى وقت زى دا خايف أن يكون جرالها حاجة وهو غايب حس بغضب من نفسه أنه سابها لوحدها طول فترة دى ومن غير حتى مايحاول يتصل بيها ويطمن عليها وهو عارف ظروف اللى هما فيها وأن حياتها معرضة لخطر

غيث بغضب من نفسه : غبي غبي شوفت أخرت غباءك وصلك لايه ليلى مش موجوده والله اعلم ايه اللى حصلها و انت واقف زى عاجز مش عارف توصلها انت مسمي نفسك ضابط….وانت مش عارف تحمي اقرب ماليك يا غبي

غيث كسر كرسي اللى قدامه بغضب وغيظ من نفسه وكبرياءه اللى خلى يبعد عنها……بس فجأة لمح حاجة بتلمع على الأرض اقرب منها وماسكها لاقى سلسلة

غيث بدهشة : سلسلة دى انا هعرفها كويس دى بتاعة ميرنا معقول تكون هى الكاميرات انا ازاى نسيت اشوفهم….افقل ايديه على سلسلة بغضب وكمل بتوعد : اقسم بالله يا ميرنا لو انتي وراء اختفاءها لاندمك على اليوم اللى اتولدتي فيه

غيث راح على مكتبه وفتح لاب توب بتاعه و راجع تسجيلات كاميرات المراقبة اللى زرعها فى كل ركن فى شقته …راجع تسجيلات الكاميرات انهاردة لحد ما وصل لتسجيل من ساعتين وشاف اللى حصل من اول ما دخلت ميرنا وسمع كلامها مع ليلى لحد ماخدرتها وخطفتها اقفل غيث لاب توب بغضب واخد مسدسه ومفاتيح عربيته ونزل بسرعة وهو فى عربية اتصل ب يحيي

غيث بجدية : يحيي تعال ومعاك كل رجالة على العنوان دا بسرعة.

****************بقلمى_سلمى_محمد_شعبان

بعد نص ساعة وصل غيث لفيلا ميرنا

البواب : على فين يا باشا هى وكالة من غير بواب

غيث : افتح الزفت دا

البواب : مش فاتح غير لما اقول لهانم الكبيرة

غيث رفع مسدسه فى وشه : هتفتح بذوق ولا

البواب بخوف : حاضر يابيه ثانية واحدة وهفتحها

راح البواب يفتح البوابة بسرعة ودخل غيث بالعربية ونزل وراح يخبط على الباب بقوة وكل الخدم ودولت ام ميرنا صاحوا من نوم مفزوعين بسبب صوت

دولت : فى اى مين بخبط كده

الخدامة : مش عارفة ياهانم

دولت : انتى هتقضلى واقفة روحى شوفى مين

الخدامة راحت تفتح الباب …. غيث اول ما الباب اتفتح زق الخدامة من قدامه

غيث بزعيق:ميرناااااا….اطلعى احسنلك ياميرناااا

دولت : انت مين وعايز ايه من بنتي

غيث : ميرنا فين

دولت : ازاى تتهجم علينا فى وقت دا انت متعرفش احنا مين….اطلع برة بدل ما ابلغ عنك البوليس

غيث حك ذقنه بهدوء: اممم البوليس كده هتخلينى استخدم معاكى اسلوب مش هينفع مع سنك…….رفع مسدسه فى وشها وكمل بغضب شديد : لاخر مرة هسالك بنتك فين

دولت بخوف : والله معرفش هى بتخرج تسهر كل يوم مع اصحابها ومش بترجع غير بعد الفجر

غيث:تمام وانا هقعد مستني الهانم لحد ماتجى

دولت : طب اقولى هى عملت اى

غيث بحدة : مالكيش دعوة اقعدى مكانك وماسمعش صوتك زيك زى الكرسي لحد ماتجى … بقولك اقعدى

بعد عشرة دقايق ميرنا دخلت البيت وهى بتغني بفرحة وانتصار انها خلاص خلصت من ليلى بس اول ماشافت غيث قدامها وشها اقلب الاوان

ميرنا بتوتر : غيث اى مفاجاة حلوة دى انت رجعت امتى من سفر

غيث : وانتي عرفتي منين انى كنت مسافر

ميرنا بلعت ريقها بخوف : اصلي….

سكتت اول ما لاقت غيث قام من مكانه وبيقرب منها وهى رجعت لوراء بخوف حست انه عرف اللى عملته من شكله ونظراته مرعبة ليها ولسه بتلف علشان تجرى على الباب لاقت يحيي فى وشها ووراءه حازم تلات رجالة من الحرس

يحيي بسخرية : رايح على فين يا حلوة

ميرنا بقت محاصرها بين غيث ويحيي ومش عارفة تهرب منهم وفجاة غيث ماسكها من شعرها

غيث : ليلى فين

ميرنا : أاااه ليلى مين انا مش معرفش حد باسم دا اااه

غيث شدها من شعرها اكتر: انتى هتسعبطى يا روح امك مش عارفها

ميرنا:والله ما اعرفها

غيث وهو بيشدها من شعرها بقوة:انتى كمان بتحلفى حلو اوى…..حط مسدسه على دماغها وكمل بحدة : هاا افتكرتى ولا افضي سلاح كله فى دماغك انطقى يا بت ليلى فين

ميرنا بعيط : خلاص هقول والله بس سيبنى

غيث رمها على الارض بقوة : انطقى

ميرنا : بعد ما عرفت انك اتجوزتها دورت وراءها لحد ما عرفت بطريقتى انكم كنت عارفين بعض من زمان وكان فيه بينكم قصة حب بس سيبتوا بعض وعرفت انك اتجوزتها علشان تحميها من واحد اسمه أمير كان عايز يقتلها فضلت دور على امير لحد ماوصلته قابلته وعرفت ان اهدافنا مشتركة هو عايز يخلص منها علشان هى إللى فى ايديها حبل مشنقته وانا عايزة اخلص منها علشان….بحبك يا غيث عملت كده علشانك ومستعدة ان اعمل ايه حاجة تكون بتاعى انا

غيث ضربها بقلم على وشها بقوة وشدها من شعرها : انا ماشوفتش فى وس*ختك انتى ايه فاكرنى لعبة علشان تمليكها يا روح امك انا اقولتك بدل مرة مليون اني مش بفكر فيكي اصلا وانتى مش بتفهمى برضو عاملتك باحترام علشان انتى بنت وعلشان اعتبرك صاحبتى وزى اختي بس لما تفكرى تذيها كده يبقى انتى حكمتي على نفسك بموت وانا هعرفك ازاى تقرب منها تاني اتنيلى يلا انطقى مكان زفت دا فين

*************بقلمى_سلمى_محمد_شعبان

فى فيلا مهجورة على طريق الصحراوي

أمير قاعد على كرسي وبيشرب كأس من النبيذ وابتسامة شيطانية مرسومة على وشه وهو بيتخيل هيعمل اى فى ليلى دخل سيد ومعاه الصندوق اللى فيه ليلى

امير : هى فين

سيد : موجودة فى صندوق

امير : اطلعوها وحطوها على كنبة وامشوا

سيد:امرك يا باشا

سيد شال ليلى اللى لسه نايمة من تاثير المخدر وحطها على كنبة ومشي

امير قام من مكانه وقاعد جنبها وايديه بتلمس وشها ونظراته ليها كلها شهوانية ومقرفة

امير ابتسم بشر : معقول هسيب الجمال دا يدفن تحت تراب من غير مادوقه حتى دا كدا هبيقى حرام عليا

*****************بقلمى_سلمى_محمد_شعبان

بعد ربع ساعة فى مكان قريب من فيلا المهجورة

غيث بغضب : هفضل قاعد كده زى النسوان وهى معاه جواه

يحيي:اهدى يا غيث لازم نتأكد ان حازم ورجالة محاوطين مكان كويس علشان نعرف ندخل من غير ما حيوان دا واللي معاه يحسوا

غيث:اهو هديت لما نشوف اخرتها.

فى فيلا المهجورة

ليلى بدات تفوق من المخدر واول ما فتحت عينيها لاقت امير قاعد جنبها قامت من مكانها مفزوعة ورجعت لوراء وبصلته بخوف وامير قام وقف وحط وايديه فى جيبه وبيتفرج خوفها باستمتاع

امير بسخرية : اى يا بيبى انتى خايفة منى ولا اى كده تو تو هتخلينى ازعل منك…..ولسه هيقرب منها ليلى ضربته برجل فى بطنه وزقته وطلعت تجرى من أوضة بسرعة

امير وهو وراءها : اااه يا بت ال **** والله ما هسيبك

ليلى وهى بتجرى بتص وراءها لاقت امير جاي وراءها وفجأة خبطت فى غيث اول ما شافته حضنته بخوف

ليلى بدموع : غيث

غيث حضنها براحة : ليلى ان….

امير بتصفيق : اوووه حلو اوى المشهد الرومانسي دا البطل يجى وينفذ البطلة من الشرير زى ما بيحصل فى كل الافلام…..ورفع مسدسه فى وشهم وكمل بسخرية:بس دا فى الافلام وبس إنما هنا حكايتهم هتخلص وعلى ايدى يلا سي روميو ارمى سلاحك وانزل على ركبك

غيث خرج ليلى من حضنه ووقفها وراء ضهره ورمه سلاحه ورفع ايديه باستسلام ونزل على ركبه قدام امير

امير شد اجزاء سلاحه بشر : شطور تحبوا ابدا بمين اول بيها ولا بيك ولا اقولك خلينا نبدا بيك علشان افض لموزة دى واول ما خلص هبعتهلك هههههه

وفجاة غيث طلع من جيبه مطواة وضرب أمير بيها فى رجله بقوة وبحركة سريعة قام غيث واخد سلاح من امير حدفه بعيد وضرب امير بالبوكس وخلى يوقع على الأرض وغيث هجم عليه بشراسة وغل ونزل فيه ضرب

غيث بغل : دى علشان خطفك ليها ودى علشان فكرت فيها بطريقة وس*خة يا ابن*****……قام من عليه وضربه برجل كذا مرة فى بطنه : ودى علشان حاولت تلمسها

وفى نفس الوقت دخل يحيي ومعاه حازم

يحيي : انتوا كويسيين يا غيث

غيث : ايوة الحمدلله

يحيي : هتعمل اى فيه هتسلموه

غيث:هسلمه بس بعد ما نعمله حفلة استقبال من بتاعوا زمان فاكرهم

يحيي بخبث : هههههه دول يتنسوا برضو يا صاحبى ..حازم خدوه على المخزن عايز يتعمله حفلة استقبال ملوكي متعملش لحد قبله مش محتاج اوصيك

حازم: امرك يا باشا وبت هنعمل فيها اى

غيث : تفضل محبوسة زى ماهى فى المحزن لحد ما نربي ابن الكل*ب دا وبعد كده هسلموهم

حازم:تمام …..شالوه يا رجالة

خرج حازم ورجالته بامير اللى قطع النفس من كتر…..بعد ماخرجوا غيث اقرب من ليلى

ليلى :غيث انا

غيث شالها بين ايديه:ششششش لينا بيت نتكلم فيه يا ليلى

ليلى حطت راسها صدره وغمضت عينيها:ماشى

********************بقلمى_سلمى_محمد_شعبان

بعد ساعة فى شقة غيث

غيث وليلى وصلوا البيت واول ما غيث اقفل الباب لاقى ليلى حضنته وبتعيط وغيث حضنها وبيطبطب عليها

ليلى بدموع : انا اسفة يا غيث اسفة اووى

غيث : بتاسفى ليه يا ليلى دغ مش ذنبك

ليلى خرجت من حضنه : لا ذنبى لو ماكنتش عاملتك كده وبعدتك عنى ماكنش كل دا حصل وكنت هتفضل معايا وماسبتنيش لوحدى بس انا عملت كده علشان لما شوفتك مع ميرنا يوم النادى وزعقتلي علشانها افتكرتك مش بتحبنى وبتحب ميرنا وانا بالنسبالك مجرد تديت واجب

غيث:لا يا ليلى انتى…….

ليلى : لا انت لازم تسمعنى انا فضلت ساكتة كتير وبتعذب وماحدش حاسس بيا كل مرة انت اللى كنت بتكلم وانا بسكت بس انهاردة انت اللى هسكت وتسمعنى لاخر طول سنين دى وانا بحبك ماقدرتش انساك قلبى معرفش يحب غيرك حتى امير اللى كان خطيب عمرى فى حياتى ماحيبته وكنت هتجوز علشان هو مناسب ليا مش اكتر….وبعد كده انت رجعت لحياتى تانى حاولت ابعد عنك بس فى اخر القدر خلاني ارجعلك تانى واعيش معاك تحت سقف واحد حاولت انسي اللى فات وابدا معاك من اول واقرب منك بس انت لما زعقت فيا علشان الحرباية ميرنا ونظراتها ليك وقلقك عليها خليتنى يومها احس انى ولا حاجة بالنسبة ليك علشان كده بعدتك عنى علشان ارتاح من وجع دا بس مع الاسف ماقدرش ارتاح فى بعدك وانت معايا بحس بأمان مابخفش من بكرا وانت بعيد عني مابعرفش انام و بفضل خايفة…..بص يا غيث انا ماقولتكش الكلام دا علشان تشفق عليا بس ماكنتش افضل ساكتة كتير….سكت لثواني وكملت بجدية : ودلوقتي بعد ما اقبضت على امير مابقش فى خطر على حياتى واقدر ارجع بيتى وانت مش مابقتش مضطر تكمل فى علاقة دى كلم المأذون و……

وفجأة غيث باسها بوسة مليانة بحب وشوق وشغف ليلى فتحت عينيها بصدمة بس ماتحركتش بعد لحظات بعد عنها بصلها بحب

غيث:يارب تكونى فهمتى ردى على كل كلامك…..ليلى انا ضيعتك منى مرة وهبقى اغبى واحد فى الدنيا لو سيبتك تروحي مني تاني وتبعدني عنى يوم واحد زى مانتى اتعذبتى طول سنين انا برضو فضلت ندمان على كل لحظة عدت وانتى مش معايا ندمان على حبى اللى ضيعته من ايدي بس ربنا ادني فرصة تانية علشان ارجعلك ليا يا حبيبتى انا بحبك يا اول واخر حب فى حياتى وهفضل احبك لاخر يوم فى عمري يا قمرى

ليلى بدموع:بجد يا غيث انت بتحبنى

غيث بيمسح دموعها:بجد ياروح غيث وهعملك احلى فرح وخلي الدنيا كلها تعرف انك مراتى

ليلى حضنته بفرحة وغيث حضنها بقوة ودفن وشه فى رقبتها

ليلى خرجت من حضنه :ربنا يخليك ليا يا غيثى

غيث :ويخليكى يا قمرى

وفجاة غيث شالها ومشي بيها علي اوضته

ليلى:غيث هتودينى على فين

غيث : فى حاجات كده لازم نغيرها أولا مفيش حاجة اسمها تنامى لوحدك بعد كده دا كان فى اول بس دلوقتى هتنامى فى اوضتنا وفى سريرى وفى كمان حضنى يا قلب غيث

ليلى:اييه لا ….

غيث : لو سمعت اعترض منك هكلبشك فى سرير

ليلى : تكلبشنى انت اتجننت يا غيث

غيث : اهو هو دا اللى عندى

ليلى:هو امر واقع يعنى

غيث دخلها بيها اوضته وحطها على سريره:ايوة وكلمة كمان هيوريكى عقابك اول

ليلى وهى بتهرب منه:عقاب انت كمان هتضربنى لا كده كتير انا هروح عندى ماما احسن

غيث ماسكها من دراعها : انتى دماغك راحت انا برضو هضربك

ليلى:اومال اى عقاب دا

غيث شدها لحضنه باسها بهدوء ورقه وبعد عنها وسند جبينه على جبينها وبصلها بمكر : هو دا عقاب يا قمرى

***