رواية لم يكن لي الفصل الثالث 3 – بقلم هنا محمود
الساعة بقت خمسة الفجر و أنا لِسه منمتش عقلي رافض النوم مَشهد قُرب حَسن و ليلي مِش طالع من راسي لما هتفت بأسمة ليلي بعدت خطوة و إبتسمت ليا بخفه وقالت..:
_كُنت بسلم علي حَسن عشان بقالي كتير مشوفتهوش..
ملامحي كانت ثابته و انا ببادلها الإبتسامة لَكن عقلي لاء!…حسيت بتغزه في قَلبي من قُربهم و أن هي سلمت علية أصلًا ؟!….
كان حقي أني أعاتب و أظهر غيرتي لكني خُفت!…
خُفت يفهمني غَلط أو يفتكر أني بغير مِنها ، أكتفيت أني عطية جراب الموبيل بإبتسامة و طلعت البيت
طول عُمري كُنت بَغير مِن ليلي ، مامتها أتوفت و هي صُغيرة ماما أتولت مهمه الأم ليها و نستني!…
لما كِبرت فهمت أن الحاجز الي كان بيني وبينها بسبب غيرتي مِنها ، جميلة ، شاطرة وناجحة في أي حاجة الكُل بيحبها أوقات كُنت بتمني فشلها عشان يلاحظوني!….
أنا كِده وحشه؟!….
___________________
صحيت تاني يوم بوجهه شاحب و صُداع مداهم لراسي بِحِده و زي العادة ليلي كانت جت بدري عشان تفطر معانا بعد ما بابها راح الشُغل….
القيت التحية وقعدت بهدوء و أنا مقررة أني مخليش أفكاري تسيطر عَليا و أتعامل عادي …
_جيبي العيش يا هَنا…
سبت الشوكة وقولت بضيق..:
_مقولتليش لليلي ليه ما هي كانت واقفة؟…
شرزتني بِحده ..:
_عشان هي جاية تعبانا أنما أنتِ لا شُغلة ولا مَشغلة..
_و جيه تعبانا من أية بقا ؟…ما هي مورهاش شُغل…
سحبت ماما كورسي الي جمبها عشان “ليلي” تقعد و قالت ..:
_هو أنتِ متعرفيش؟…مِش ليلي بدأت شُغل بشهادتها؟….
_بجد مبروك يا ليلي…
قولت تعليقي بهدوء و انا بتسحب للمطبخ عشان أجيب الي محتاجينه و رُغمًا عَني راودني شعور غريب و كأني ولا حاجة مليش أهمية !…فاشلة مفيش إنجاز واحد عملة حَتي الشُغل؟….
و غصبًا عني حسيت بالغيرة مِنها!…، بس مش عايزاها تفشل لاء عايزة أبقا زيها أشوف الفخر في عيون ماما ليا …
مَر أسبوع و أرتباكي لسه موجود بس رجع تاني تجمعي بصحابي أكتر بيجولي البيت زي زمان و نسهر سوا قُربي رجع تاني مع ميرنا….
بَعد محايلة علي حسن وافق أن كُلنا نخرج سوا
كان سايق بهدوء و انا مركزه مع الناس برا
شوفت بنت لابسة شنطة زي بتاعت ليلي فقولت بسرحان..:
_تعرف أن ليلي بدأت شُغل؟…
التفت ليه في نهاية كلامي و شوفت ضيق ممزوج بالتعجب علي محياه فقال..:
_شُغل؟!..و ده مِن أمتي ؟…وفين؟….
و بكُل هدوء زحت بوشي النحية التانية بتابع حركات الناس ، رفعت كتفي ونزلة دلالة علي عدم معرفتي ..:
_مسألتهاش عن التفاصيل…
و كأني كُنت بحاول أقطع الحوار قبل ما يظهرلي حاجات أنا مَقدرش أتخطها ، معنديش ثقة في نَفسي ولا في حُبه ليا؟!…
ترجلت من العربية بخفة و وقفت جَمبة حَاولت أعلمة بهدوء فا مسكت ايدة وقولت بإبتسامة بارزة غمزاتي..:
_لما نروح مكان سوا المفروض تمسك ايدي قبل ما ندخول ….
بص لتشابك ايدينا لثواني معدودة حسيت بعدها بكفة و هو بيضم ايدي و أبتسامة الخافة ….
قربنا مِنهم كانت ميرنا قاعدة هي و آدم و ليان و خطيبها كانت نزولة هادية من غير زحمة….
طلبنا أكل و بدأت ناكل في هدوء لكني حسيت بنظرات “آدم ” ليا!….كانت غيونك مليانة ضيق نحيتي….
بدأنا نتشارك الحوار سوا لحد ما اتكلمة عَن الشُغل…
قال حسن و هو بيرتشف من عصيرة..:
_انا مش حابب مراتي تشتغل الصراحة نهائي…
أيدة عصام خطيب ليان لكن قاطعة “آدم” لما علق وقال..:
_احب طبعا مراتي متشتغلش بس ده في الاول والاخر أختيارها هي ، بس انتَ عليك تشجعها تشتغل في فترة الخطوبة عشان يبقا عندها خبرة و النضج الكافي لفتح بيت….
نفي “حَسن ” ليه وقال..:
_لا انا أحب اخدها كِده معندهاش خبرة و أنا أعلمها كُل حاجة ، يعني هَنا مَثلا عُمرها ما أشتغلت..
بلعت ريقي بتوتر و انا بعدل حِجابي عيونة بقت مركزة عَليا أكتر فوجه كلامه ليا مدعي التفاجئ..:
_و الله؟!..مشتغلتش قبل كده؟…طب و رأيك ايه بقا يا أنسه هَنا في كلامة…
رطبت شفايفي و انا بتجنب النظر ليه ، كُنت لسه هتكلم لكن تدخل ميرنا منعني و هي بتنبس بمرح…:
_هَنا مِش مع الشُغل عشان كده مشيت برأيها و رفضت اشتغل لما عرضت عَليا …
مالت علي كتفة و أسترسلت بمُشاكسة..:
_انا هقعد في البيت و انتَ هتجبلي كُل انا عايزة حَتي لو بمليون جنية مِش صح يا هَنا؟…
كُنت عايزة اعبر عن رأي و اوضح وجهه نظري بأني أقول عكس الي هي عايزاة لكني خوقت يشفوني بحاول ألفت النَظر فأكتفيت أني احرك راسي بِخفة….
بعد وقت وقفنا انا و ميرنا بعيد عنهم ..
_انا مِش فاهمة ازاي ليه عين يكلملك تاني انتو سبتو بعض من زمان و ، كمان اتخطبتى خلاص…
زفرت ميرنا انفاسها بخنق و هي بتضم دراعتها ليها .:
_مش عارفة يا هَنا لما كلمني تاني حاجة جوايا أتغيرت مقدرتش احددها مُمكن تكون إشتياق ليه؟!..
حركت راسي بالنفي بحده وقولت..:
_اسمة عبط الي انتِ فية ، ميرنا أنتِ خلاص مخطوبة فاهمه يعني ايه؟!…اي حاجة قديمة انسيها و اقفليها نهائي…نسيتي علي عملك ايه زمان؟..
شاورت علي تليفونها بعد ثواني صمت وقولت..:
_أختاري نفسك المره دي ، قربة ليكي مش كويس انتِ مستريحتش معاه ، ابعدي عنه و رجعيلة كُل حاجة منه ليكي أحنا بنكبر مش بنصغر يا ميرنا علي الحركات دي …سبية يروح بعيد عنك…
حركت كفها بين خِصلاتها بسخط و هي بتتأفئف بتشتت ..:
_هحاول يا هَنا ، هروح الحمام وارجع …
همهمت ليها بهدوء وانا بتوجة للمرر الي جنب الحمام محستش اني عايزة ارجع الترابيزة تاني ، بقيت مضغوطة !….
رفعت عيوني بعد ملاحظت جزمة كلاسك بتقرب مِني و كان “آدم” غصبًا عَني عيوني ارتجفت من طلته الموهيبة ، ابتسمت ليه بخفة و انا ببعد بخطواتي عشان اطلع من الممر…
لكنه فاجئني لما قرب مني و عيونة فيها غضب ليا …
قولت بتوتر من شكلة..:
_في حاجة يا أستاذ آدم؟….
ارتفع طرف شفتاة بسُخرية وقال..:
_طلاما قولتي أستاذ يبقا فاكراني زي ما أنا فاكرك…
وقفت حركتي لما ضهري خبط في الحيطة فقال بقسوة..:
_ابعدي عن حياتي انا و ميرنا و مطلعيش حقدك علينا بسبب علاقة حُبك الفاشلة انتِ و خطيبك ، عايزاها تسبني و تشوف حياتها؟…
نهاية كلامة عرفتني انه سمع كلامي الاخير و اكيد افتكرة علية ، لكن قسوة كلماتة مخلتنيش ادافع عَن ذاتي ..:
_غيرتك و حقدك خليها بعيد عن حياتي و متمثليش أنك صحبتها المُخلصة ، لو شوفتك قريبة مِنها هقول لخطيبك انك بتشتغلي من وراه….
يُتبع….
تفاعلكم قل أوي ليه كده؟…
ياريت تتفاعلة و تكتبو رأيكم بلاش تم عشان تشجعوني أنزل بقيت الأجزاء..
رأيكم في شخصية هَنا؟…
وشخصية آدم؟…
و حَسن؟..
توقعتكم اية؟…
•تابع الفصل التالي “رواية لم يكن لي” اضغط على اسم الرواية