رواية كارثه في العسكر الفصل الرابع 4 – بقلم صباح عبد الله
في أوضة من أوض الكتيبة.. زينة نايمة على السرير، باين عليها التعب.. يدخل زياد لابس لبس ظابط جيش.
زياد بابتسامة
طمنيني عليكي عاملة إيه دلوقتي؟
زينة بحنق
إنت ليك عين تسأل بعد اللي عملته فيا؟ عدي اطلع بره يلا من غير مطرود.
زياد بغيظ
هو أنا في بيت أهلك بتطرديني؟ ثم إحنا ما اتصلحنا إمبارح واعتذرتلك وبقينا سمنة على عسل، إيه لازمة قلبت المزاج دي على الصبح؟
زينة بحنق
ده عند أم التيتي لو تعرفها. وإوعي تفكر اللي إنت عملته فيا ده هيعدي بالساهل. ده أنا زينة زين الزتونة اللي مافيش راجل ولا ست في الحارة قدروا عليّا، وإنت يا معفن تحبسني في غن زي الفار الميت اللي مش لاقي أهل يدوروا عليه.
زياد يبص لها باستغراب ويسكت شوية وبعدين يقول.
زياد
إنتي مجنونة ولا إيه؟ ولا إيه الهبل اللي بتقولي ده؟ يعني إيه زينة زين زتونة دي؟ ده لقب ولا اسم عيلتك ولا إيه بالظبط؟ ثم إنتي اتحبستي بسبب طولت لسانك وقلة أدبك والجنان اللي عندك ده. إنتي لازم تفهمي إنك في جيش مش في حضانة خالتك ولا شارع الحارة علشان تقولي وتعملي اللي إنتي عاوزاه. أنا كنت جاي أطمن عليكي وفكرتك إنك ممكن كوني عقلتي شوية بعد اللي حصل، بس ده شغل جنان وراثة في العيلة ومش هخلص منه. ويلا قومي جهزي نفسك، التدريب بعد عشر دقايق.
زينة تبص له بغيظ وبعدين تقول وهي بتمثل التعب.
زينة
تدريب إيه بس؟ هو أنا قادرة أدوس على رجلي؟ ده حتى مش قادرة أتكلم قدامك أهو.
زياد يرفع حواجبه باستغراب وهو بيقول.
زياد
أمال القطر اللي كان شغال من شوية ده مين؟ لا تكون أمك اللي كانت عاملة تشردح ليا من شوية.
زينة تقوم فجأة وهي بتقول بغضب.
زينة
واد إنت، أنا من ساعة ما شوفتك وإنت مش نازلي من زوري وبعصر على نفسي لمون وأسكت، بس تجيب سيرة أمي على لسانك المعفن ده اللي ما سمحش لك بيه، وممكن أفرم عضْمك لو سيرتها تيجي على لسانك ده تاني، إنت فاهم؟
زياد بزهق
بغض النظر عن الهبل اللي بتقولي ده.. طالما قدرتي تقفي على رجلك وصحتك بومب، حصّليني على ساحة التدريب يلا.
زينة ركَبها تتهز وتمثل إنها هتقع وهي بتقول.
زينة
آه آه يا ني يا ركبي، أنا حاسة إن مفاصلي كلها فِكّة وسيبة كده، محتاجة أرتاح شهر ولا سنة على ما تربط تاني، وأبقى أحصلك. روحت إنت شوف شغلك علشان ما تتعطلش، والناس اللي وقفه مستنياك بره تجفف من الشمس دي.
زياد بسخرية
عارفة الغن اللي إنتي لسه طالعة منه إمبارح؟ لو ما نزلتيش ساحة التدريب كمان خمس دقايق هرجعك فيه تاني لحد ما ركَبك ومفاصلك تربط براحتها، إيه رأيك؟
زينة تقف فجأة وهي بتقول.
زينة
مفاصل وركب إيه يا بابا اللي محتاجة تربط؟ ده أنا زينة زين الزتونة اللي مافيش راجل ولا ست في الحارة قادر عليّا.
(تتحرك علشان تطلع وهي بتقول)حصّلني يا أبو ركب على التدريب يلا.
زينة تمشي، وزياد يحط إيده على راسه وهو بيقول بزهق.
زياد
أنا عارف إنها سنة سودا ومطينة بطينة.
زينة تقف عند الباب وهي بتقول باستغراب.
زينة
مش هتجي يا أبو منقار ولا إنت جاي تقرف أهلي على الصبح وخلاص؟
زياد يخلع الجزمة ويرميها في وشها وهو بيقول بغضب.
زياد
أنا جبت آخري منك..يابت انتي..
زينة تجري وهي بتصوت، وزياد وراها.
زياد بغضب
خدي يابت إنتي، هو مين أبو منقار ده؟ إنتي من الصبح عاملة تطبشي وأنا ساكتلك بمزاجي.
زينة بصويت
يا لههوي الحقوني يا هوووو الحقوني يا خلق الله، تور سوسري مطلوق ورايا.. عصعوصي مش هيستحمل…
زياد بغضب
استنى عندك يابت إنتي، هو مين اللي تور سوسري…
————
في مكتب زياد
قاعد زياد وإيهاب مع بعض.
زياد بحنق وزعيق
اتصرف يا إيهاب وخلصني من البت دي بأي شكل مهما كان، أنا بجد هتجنن بسببها.
إيهاب يضحك وبعدين يقول.
إيهاب
هو إنت مش ملاحظ إنك اتجننت فعلاً؟ حد يعمل عميلك ده؟ إنت معلق البت من صباحت ربنا زي العجل المسلوخ، في إيه يا عم ما تهدى شوية؟ مش كفاية كنت هتخلص عليها امبارح وتودينا في ستين داهية.
زياد بغضب
أعمل إيه؟ هي اللي هتجنن أهلي، بت لسانها يلفها عشر مرات وكلامها غريب كده مش مفهوم،(يقول باستغراب) وبالمناسبة هو يعني إيه تور سوسري ده؟
إيهاب ينفجر في الضحك، وزياد يقول بغضب.
زياد
إنت بتضحك على إيه يا زفت إنت كمان؟
إيهاب بضحك
إنت مش فاهم بجد يعني إيه تور سوسري.
زياد بغيظ
لو كنت فاهم هسألك ليه يا فالح؟
إيهاب
طيب اسمع يا عم، تور سوسري يعني عجل مستورد…
زياد بصدمة
أنا عجل مستورد؟
إيهاب يضحك
يا لهوي هموت مش قادر، إنت بقيت مسخرة خالص يا صاحبي.
زياد يبص له بغضب ويمسك إزازة مية يرميها في وشه وهو بيقول.
زياد
قوم ياض غوري من هنا، أنا مش ناقصك إنت كمان.
————
في ساحة التدريب
زينة متعلقة في العمود، راسها تحت ورجليها فوق. واقف جنبها شويش شنبه كبير.
زينة بحنق
منه الله الحمار اللي كتب اسمي في الشهادة، اللهم يا رب ييجي له شلل في ظُفره، حقي التعليقة السودة اللي أنا متعلقة دي.. وإنت يا زياد الكلب، اللهم يجيبلك مغص في حواجبك وقملتين في مصرينك، وتمشي زي الحمار المقلوب والعيال تجري وراك بالطوب ويقولوا المجنون أهو المجنون أهو.
الشويش بضحك
يا بنتي اسكتي بقى، هتموتيني من كتر الضحك وهتخربي بيتي، حرام عليكي..
زينة بحنق
وإنت مالك يا عم الحج إنت كمان؟ هو الدعاء بقى بفلوس؟ ما تقف وإنت ساكت لا أدعي عليك يجيلك إمساك وإسهال لمدة شهرين تلاتة وترجع تقول حقي بركبتي.
الشويش باستغراب
هو في إمساك بييجي مع إسهال؟
زينة
هو مش ربنا قادر على كل حاجة؟
الشويش
ونعم بالله العلي العظيم وأتوب إليه، أيوه يا ستي ربنا سبحانه وتعالى قادر على كل حاجة.
زينة
وأنا بقى بدعي ربنا وهو قادر يبليك بمرض الإمساك والإسهال ويصغّطك لخنفسة كمان، اقف ساكت بقى أحسن لك.
الشويش بضحك
طيب يا ستي الشيخة أنا هقف ساكت بدل ما يتخرب بيتي بسببك.
زينة بحنق
الشخشيخة دي تديها لأمك..
الشويش بحنق
بت إنتي ما تلمي نفسك ولا علشان بضحكلك يعني تقلي أدبك.
زينة
يا عم غور بشكلك اللي يقطع الخلف ده.
الشويش بغضب
بت إنتي، أقسم بالله أجيب خرزانة أسلخك بيها وإنتي متعلقة زي السحلية كده.
زينة
سحلية ما تدخلك من رجل البنطلون تطلعلك من السوستة، قادر يا كريم.. منك الله يا زياد الكلب شمّت فيا أبو شنابته زي قرون الشيطان ده.
ييجي زياد وإيهاب.
زياد بغيظ
لسه برضه لسانك زي ما هو، أعمل فيكي إيه علشان تقصريه وتحترمي نفسك؟
زينة بغيظ
إنت جاي تعمل إيه؟ العجل اللي إنت بتشويه على الشمس لسه ما استواش جنابك.
إيهاب باستغراب
إنتُم إيه حكاية العجول معاكم النهارده؟
زياد وزينة يقولوا مع بعض بغضب
— اسكت يا زفت مش ناقصاك إنت كمان..
زياد وزينة يبصّوا لبعض بغيظ، وإيهاب يبص لهم بخوف ويسكت. زياد يبص لشويش
زياد بزهق
نزلها يا بني.. وانت حصلني على ساحة التدريب اليوم راح في الفاضي بسيبك
زينة بصوت مش مفهوم
زينة
لا حوش انت مقطع السمكة من ديلها يعني.
زياد باستغراب
انتي بتهبلي بتقولي ايه كده..
زينة
هو انا اتكلمت انت عندك حاسة السمع السابعة ولا ايه؟ (تبص للشويش بغيظ) انت مش معانا على الكوكب يا عم انت ولا ايه؟ مش سامع التور بيقولك كفاية شوي في السحلية ونزلها.. ما تخلص تتنيل تنزلني نفوخي عامل أرير على الضهر.
زياد بغيظ
انا تور…
زينة بقلق
مالك يا عم هو حد جه جنبك ما تغور تروح تشوف انت رايح على فين بجسمك اللي عامل زي جسم أبو قرن ده. هو انت بتاكلوا ولا بتعمل ايه علشان نافخ عضلاتك علينا كده؟
زياد يبص لها بغضب جامد.. ايهاب يبص لهم يقلق.
ايهاب
طيب انا عايز هامشي دلوقتي اشوف ورايا ايه يلا سلام عليكم.
ايهاب يسيبهم ويجري وهو بيقول.
ايهاب
يخربيت لسانك مودّيك في داهية.
زينة تبص لايهاب باستغراب.
زينة
هو ماله ده عامل زي اللي شايف عفريت بيتنطط قدامه.
تبص لزياد.. زياد بيفك حزام البنطلون..
زينة بقلق
انت هتطرّط علينا زي كلاب الشوارع ولا ايه انت كمان؟
الشويش بحنق
ده انتي هتتنفخي بس اصبري على رزقك.
زينة بغيظ
يا عم ما تغور بخلقتك اللي تقطع الخميرة من العجين دي
زياد بغضب
سمعني تاني كده كنتي بتقولي ايه؟ علشان ما سمعتش حلو.
زينة
ليه الطرش جالك..
وفجأة تصرخ وزياد يضربها بالحزام وهو بيقول بزهق.
زياد
ده انا هنفخك وخلي طولت لسانك اللي عايز حش ده ينفعك.
•تابع الفصل التالي “رواية كارثه في العسكر” اضغط على اسم الرواية