رواية تحت شعار العشق الفصل السابع 7 – بقلم سلمى محمد شعبان

ساعة 10 بليل فى فيلا النميرى

رجع يحيي فيلا بعد ما وصل غيث لشقته وهو طلع على السلم وقف اول ما سمع صوته

صبرى:يحيي

يحيي فى سره: يخربيتك يا غيث دا انت وجدى لو متفقين مش هيحصل كدا اثبت يايحيي و اتصرف عادى جدا هو مستحيل يعرف حاجة اصلا

يحيي بصله لاقى قاعد على الكرسى كبير موجود فى ريسبشن….نزل من على السلم واقرب منه وباس ايديه باحترام

يحيي :حمد الله على السلامة يا جدى انت جيت امتى

صبرى:من ساعة والله يسلمك

يحيي:نورت يا جدى يارب يكون الجو فى العزبة ريحى أعصابك

صبري بخبث: اه طبعا ارتحت جدا بس انا من ساعة ما جيت حاسس ان الجو فى القصر اتغير وفيه حاجة جديدة.

يحيي:احم اتغير ازاى مفيش حاجة اتغير كل حاجة زى ما……

وفى نفس الوقت دخلت كاميليا ومعاها قهوة لصبرى ويحيي اول ماشافها شتمها فى سره وغمض عينيه بضيق

يحيي فى سره:ايه إللى جابك مش وقتك خالص

صبرى ابتسم بخبث: واضح ان مفيش حاجة اتغيرت مش كده يا يحيي

كاميليا باحترام:اتفضل حضرتك القهوة

صبرى:شكرا انتى شكلك جديدة هنا صح

كاميليا:اه

صبرى:اسمك اى

كاميليا:كاميليا

صبري: اسمك جميل عزيز عليا جدا

كاميليا : دا شرف ليا يا افندم

صبري : وشاغلة هنا من امتى

كاميليا:من 9ايام

صبري: امممم مستريحة فى شغل هنا يا كاميليا

كاميليا : اه الحمد لله يا افندم

صبري : عارفة انتى فيكى شبه اوى من….

يحيي : تصبح على خير يا جدى هطلع على اوضتى……وبص لكاميليا بقوة بمعنى أنها تتطلع وراءه وكمل من تحت ضرسه:روحى اعمليلى قهوة دلوقتى وطلعيها على اوضتى يلاااا

*****************بقلمى_سلمى_محمد_شعبان

يحيي طلع اوضته وكاميليا راحت عملت القهوة بعد ما خلصتها وطلعت أوضته اول مادخلت لاقته قاعد على كنبة……حطت قهوة على الترابيزة

يحيي : اوقفي مكانك

كاميليا: خير يا يحيي بيه على ما اظن انا جبتلك قهوة عايز اى تاني

يحيي : اقعدى عايزة اتكلم معاكى فى موضوع

كاميليا اديته ضهرها وهى ماشية ببرود: سورى اصلي مش فاضية ورايا حاجات اهم

وفجأة لقت يحيى شدها من ايديها وزقها على الباب وماسكها من كتفها

كاميليا بغضب: فى ايه انت عايز منى اى

يحيي بغيظ : وراكي ايه يا روح امك اهم منى

كاميليا : مالكش دعوة ووسع كدا انا مش طايقة اشوفك مش كفاية اللى عملتوه امبارح

يحيي: بت انتى اسكتى وخلينى اتكلم بدل ما أعقابك بنفس طريقة امبارح هااا

كاميليا بعدت ايديه عنها وماسكته من ياقت قميصه بغيظ:بت اما تبتك انت فاكرنى بلعب معاك فى شارع علشان تقولى بت وبعدين انت استحلتها ولا ايه اوعى بقا بدل ما اضربك

يحيي وهو بيعد ايديها عنه:متجوز فتوة انا وتضربى مين هااا انتى فاكرة علشان سكتلك قبل كده هسكتلك تانى ولا فوقى يا ختى

كاميليا:لا فوق انت انا اللى مش هسكتلك لو عملتها تانى سامع

يحيي ابتسم بخبث واقرب منها اكتر وسند جبينه على جبينها وحط ايديه على خدها وبص فى عينيها بنظرة غريبة مقدرتش كاميليا تفهمها

يحيي بمكر: هتعملى اى

كاميليا بارتباك:انااااا..

يحيى:انتى اى هاا كملى

كاميليا بتوتر:هقول لجدك

يحيي حطت ايديه على خصرها واقربها منه اكتر ومابقش فاصل بينهم غير أنفاسهم

يحيي: والله اقوليه

كاميليا:مش خايف منه

يحيي لمس شفايفها باصبعه:هخاف من اى انتى مراتى يا غبية

كاميليا:يحيي ابع…..

اسكتها بقبلة مليئة بشغف وشوق ضمها يحيي لحضنه اكتر وفك توكة مو شعرها و دخل ايديه فيه وكاميليا مابعدتش عنه ولاقت نفسها غمضت عينيها وحست أنها زى مسحورة مش قادرة تعمل حاجة قدام كمية احاسيس ومشاعر اللى سيطرة عليها فى لحظة دى احاسيس عمرها ماحست بيها ولا فكرت انها ممكن تعيشها…..يحيي تعمق فى قبلته لها اكتر لما لاقى مفيش مقاومة منها لحد ما حس أنفاسهم بتروح منهم….ابعد عنها وبصلها لاقى وشها احمر من كسوف ولاقى نفسه بيقرب من خدودها باسهم برقة وبعدهم عينيها ونزل لشفايفها واخدهم برقة دوبت قلب كاميليا دوبت واخر ذرة مقاومة ولاقت نفسها من غير ماتحس بنفسها رفعت ايديها ولفتهم حوالين رقبته وبتدله بهدوء

فى اللحظة دى عقلهم ماكنش معاهم فى اللحظة دى قلبهم مشاعرهم هى اللى اتحكم فيهم…….فى اللحظة دى كاميليا نسيت ان هو شخص اللى دمرلها حياتها وغصبها على جواز منه وحبسها فى بيت خلها خدامها وغصب عنها……وأنه هانها وهان أنوثتها.

ويحيي نسي انها اكتر حد بيكرهه فى حياته وعايز ينتقم منها…….بس فجاة كاميليا رجعت لوعيها وزقت يحيي وبصوا لبعض لمدة دقيقة بصدمة لشكلهم اللى اتبهدلت من عملوا…..كاميليا شدت توكة شعرها من ايديه خرجت من اوضة ونزلت بسرعة لتحت وهى بتربط شعرها بتوكة ودخلت اوضتها واقفلت الباب وسندت عليه

كاميليا:يا نهار اسود اى اللى انا عملته دا المفروض كنت ابعده او اصوت مش ابوسه الله يخربيت كاميليا ويخريبت غباءك دلوقتى هو هيفكر فيا ازاى الله يخربيت يا يحيي كان يوم اسود يوم ما شوفتك انت السبب.

*****************بقلمى_سلمى_محمد_شعبان

نروح عند يحيي بعد ما كاميليا مشت اقفل الباب بقوة وغضب

يحيي ضرب ايديه فى الحيطة بغضب وبص فى مرآية:تانى يا يحيي عملتها تانى يخربيت غباءك يا اخى انت المفروض كنت تخوفها مش تبوسها ولا كأنها مراتك وحبيبتك…….. قلبه : طب ماهى مراتى وعادى اللى عملته دا حقى….. عقله بغيظ :جت كسر حقك يا شيخ انت هتحن ولا ايه انت نسيت انت اتجوزتها ليه فوق بقا من شغل المراهقين وشوف انت هتنتقم منها وتذلها ازاى

وفجأة الباب اتفتح ودخل صبري

يحيي:جدى

صبرى : اى مالك

يحيي:ماليش انا تمام

صبرى بصله من فوق لتحت وابتسم بسخرية:ماهو واضح أنك تمام من شكلك

يحيي:احم احم ماله شكلى

صبرى:ماله شكلك كده ….شعرك منكوش وقميصك متبدله ولا كانك جاى من خناقة

يحيي افتكر اللى حصل ومن غير مايحس ابتسم وهمس : من ناحية خناقة فهي خناقة عسل

صبرى:نعم

يحيي اخدت باله وهو قال اى:احم اقصدى انى…..تصبح على خير انا عايز انام طرقنا بقا يا حج

صبرى وهو خارج من اوضة:انت بتطرودنى ماشى يا ابن فاروق يلا روح اتنيل انام

يحيي اقفل الباب وراءه:وانت من اهله.

راح على سريره وكل ما يغمض عينيه يشوفها كاميليا ويفتكر اللى حصل بينهم من شوية لحد ماراح فى نوم

وكاميليا فضلت تتقلب على سريرها كل شوية بتفكر فى اللى عملته و بتحس بخجل من نفسها ومش عارفة ازاى هتوريه وشها أو هتقف فى وشه ازاى وحطت ايديها على دماغها من كتر تعب بتفكير

كاميليا: بسسسسس اهدى يا كاميليا موضوع مش كبير لدرجة دى دا جوزك فى اخر مش حد غريب اهدى كده ونامى وكبرى دماغك من حوار دا لو فكر يعملها تانى اديه بأقرب حاجة تكون جنبك علشان يحرم هو استحلها بس على جثتي لو خليته يقرب منى تاني يارب خلي الليلة دى تخلص بقا انا تعبت حسبي الله ونعم الوكيل فيك يا يحيي.

*************