رواية تحت شعار العشق الفصل الثامن 8 – بقلم سلمى محمد شعبان

فى صباح بفيلا النميرى

صبرى قاعد على السفرة بيقرا جورنال انهاردة وبيشرب قهوة وكاميليا وصفاء زميلتها فى الشغل…….بيحطتوا الأطباق أكل…….كاميليا كل شوية تبص لناحية باب اوضة سفرة بطمن أنه لسه مانزلش لحد دلوقتي من اوضة حست براحة انها مش هتشوفه على الفطار وبتدعي انه يكون خرج من بدرى متشوفه طول اليوم خصوصا بعد اللى حصل بينهم امبارح …..بس مع الاسف كل دعواتها راحت فى الهوا.

يحيي: صباح الخير يا جدي

صبري: صباح النور اقعد افطر يايحيي

كاميليا بهمس : يادى نحس ياريتنى كنت افتكرت ربع جنيه مخروم بدل منه

يحيي اول ما دخل وشافها ولاحظ توترها من ساعة مادخل عرف أن سببه اللى حصل بينهم امبارح

يحيي فى سره : امممم طلعتى بتكسفي زى بنات يا بنت سيف حلو اوى خلينا نتسلى شوية على صبح

وابتسم بخبث وفكر يستغل موقف ويدايقها اكتر……يحيي قاعد على كرسي وهى واقفة قدامه بتحط الاكل وهو بدأ بيصلها بنظرات خلتها تتوتر اكتر لدرجة أن طبق كان هيقع من ايديها ويحيي بص لجده لاقى مركز فى جورنال وبص لصفاء لاقها خرجت من اوضة ……وغمز لكاميليا وبعتلها بوسة فى هواء……كاميليا اتفاجت من اللى عمله وشها احمر من كسوف وبتصله بغيظ وحدة……رفع حواجبه ليها باستفزاز وهو بياكل

كاميليا فى سرها بغيظ : اتطفح اتطفح يارب تشرق ياسافل واخلص منك ومن سفالتك

يحيي : انتى تعالى صوبيلي قهوة

كاميليا بخبث : من عينيا يا يحيي بيه……صبتهله وكملت بابتسامة صفراء وهى بتديله القهوة : اتفضل يا يحيي بالهنا والشفا

يحيي اخدها منها وهو مش مرتاح خالص لأدب و احترام اللى طلعوا عليها فجأة وابتسامة صفراء دى حاسس ان وراءها ومصيبة.

وفجأة يحيي رمى فنجان قهوة بعد ماشرب منه شفطة واحدة منها وبيكح

صبري : مالك يا يحيي

كاميليا وهى بتديله كويبة مايه : اسم الله عليك خد اشرب مايه يايحيي بيه

يحيي بغضب : انتى عبيطة يا بت فى حد يحط ملح فى قهوة ايه عايزة تموتني

كاميليا براءة : معلش ماخدتش بالي اصل علبتين شبه بعض

يحيي : انتى هتستعبطي يابت انا متاكد انك قاصدة تعمليها

كاميليا بخبث : وانا هعمل ليه هو انت مثلا زوجي ومنكد عليا علشان اعمل فيك الفصل دا يا يحيي بيه

صبرى فهم اللى حصل وضحك بخبث: هههههههه فعلا يا يحيي هى معاها حق هتعملها قاصدة ليه ومتكبرش موضوع وكمل فطارتك

يحيي بضيق : خلاص شبعت سلام يا جدي

يحيي قام من مكانه وعد من جنبها

يحيي همس بتوعد: اتلمي يا كاميليا ولسانك حطيه فى بوقك وبلاش شغل تلقيح دا والا……

كاميليا همست بتحدى: والا ايه هاا بطل شغل تهديد علشان مابياكلش معايا شوف حاجة جديد غيره يا يحيي بااي

خرجت كاميليا من اوضة وراحت على مطبخ اول ما دخلت قعدت تضحك وحست بانتصار لما عكرتله مزاجه

كاميليا فى سرها : ولسه يا يحيي أما خليتك تقول حقي برقبتى مابقش انا كاميليا .

*******************بقلمي_سلمى_محمد_شعبان

فى إحدى كافيهات على النيل

ليلى قاعدة مع أمير بيتغدوا وامير بيتكلم معاها فى مواضيع بخصوص شقتهم وتجهيزها وهى مش معاه عقلها وقلبها وتفكيرها وتركيزها مع غيث من ساعة ماساب مستشفى وهى ماشافتوهش بقت بتفكر فيه اكتر من اول رجوع رجع ذكريات بتحاول تدفنها بقالها سنين…… قلبها لحظة حس ان برجوع هيكون فيه أمل يرجعوا لبعض من تانى بس الواقع بيقول لا مستحيل هى بقى ليها حياتها ومرتبطة بحد بيحبها وعليها مسئوليات ناحيته ابسطها انها متفكر فى غيره وهى معاه دا اللى كانت بتعمله طول فترة إللى فات بس غيث رجع واخد عقلها مرة مش بس قلبها وخلها ترجع لنقطة صفر من تاني.

امير : اى رايك يا حبيبتى ليلى انتى سمعنى

ليلى:هااا كنت بتقول حاجة

امير: كنت بقول حاجة دا انا اقولت حاجات…وبقالى ساعة قاعد بتكلم وانتى مش معايا خالص دا حتى اكل ماكلتيش مالك يا ليلى.

ليلى:مفيش يا أمير بس سرحت شوية وكمان انت عارف انى عندى ضغط كبير فى شغلى ايام دى.

امير ماسك ايديها:متأكدة ان مفيش حاجة مدايقكى

ليلى:لا مفيش اطمن

وفجأة سمعت صوت مستحيل تنساه صوت عايش جواها ومحفور فى قلبها قبل عقلها

ليلى بهمس : غيث

بصتله لاقته واقف على الستيج وفى ايديه المايك وبيصلها بشوق وحب

غيث: انا حابب أهدي اغنية دى لأول انسانة دخلت قلبى ومفيش حد هيدخله بعدها ولا حد دخله قبلها لاجمل بنت شافتها عيني …..وعايز اقولها انى اسف على كل لحظة وجعتها فيهاوعينيها نزلت منها دمعة بسببي وعايزها تعرف ان عمري مانتساها وهى دايما معايا في قلبي……بحبك وهفضل احبك لحد اخر نفس فيا يا قمري.

الناس سقفوا على كلامه وليلى سمعت همسات بنات فى ترابيزات اللى حواليها : يخبتها على كل حب دا…..ياااها هو فى لسه رجالة بتحب كدا فى زمان دا….ليلى حاسة بغلبطة فى افكارها مش عارفة تفرح ببكلامه وأن فى حد بيحبها كدا ولا تزعل على أن كلامه دا جاي متاخر اوى…..ثواني وبدأت مزيكا تشغل وغيث رفع مايك وبدأ يغني

اغنية ( كنت فى بالي & عمر دياب)

لسه إنت كنت في بالي حالاً من مفيش

من بعدي عايش ولا مش عارف تعيش

ده أنا من كثير سبتك وحاسس إنك إنت مسبتنيش

ميهمنيش مين اللي سايب فينا مين

واحدة النتيجة أنا وإنت طالعين خسرانين

وأنا مش بخير زيك وبعدك كان هيجي الخير منين

فكرة إنك رحت مني مش قابلها

شوف نهاية أنا وإنت غير دي نستاهلها

ده إنت لو هتقول نسيت وأسمعها منك

برضه هعتبرك كإنك مش قايلها

آه فكرة إنك رحت مني مش قابلها

شوف نهاية أنا وإنت غير دي نستاهلها

ده إنت لو هتقول نسيت وأسمعها منك

برضه هعتبرك كإنك مش قايلها

غيث بيغنى كل كلمة ليها هى كل كلمة بيغنيها طالعة من قلب ندمان وموجوع على فراق حبيبه ومشتاق ليه نفسه فى فرصة واحدة يصلح بيها غلطاته بس الاعتذار وندم مابفيدوش صاحبهم بعد فوات الاوان….وكمل غيث بصوت كله بحزن ووجع

في ناس كثيرة بتتهمني في حبي ليك

قالوا عشت بهمل نفسي وأنا بهتم بيك

وأنا اللي تاه بعدك وأنا برضه اللي بيدور عليك

نسياني ليك صدقني مش هقدر عليه

وإنت مقاسمني في كل حلم حلمت بيه

وأنساك بإيه وإنت مصاحبني في مية طريق وأنا ماشي فيه

فكرة إنك رحت مني مش قابلها

شوف نهاية أنا وإنت غير دي نستاهلها

ده إنت لو هتقول نسيت وأسمعها منك

برضه هعتبرك كإنك مش قايلها

آه، آه ، آه، آه

اغنية خلصت الناس سقفوا لغيث باعجاب بصوته وإحساسه…..ليلى عينيها اتجمعت فيها دموع من كلامه ونظراته وأغنية إللى عارفة انها مقصودة بيها و امير لاحظ دموعها وحطت ايديه على خدها

امير: ليلى حبيبتى انتى بتعيط ليه

ليلى:مفيش بس احساسه حلو وهو بيغنى واغنية دى انا كل ماسمعها اعيط

امير ابتسم على رقتها:انتى زى وردة يا ليلى ومشاعرك رقيقة وناعمة زيها ياروحي ….خلاص بقا متعيطش ثوانى هدفع حساب ونمشى

ليلى:ماشى

وكل اللى حصل دا شافه غيث اللى قلبه كان بيموت الف مرة هو شايفها مع غيره ونار غيرة بتاكل فى قلبه …لما امير حطت ايديه على خدها ولمسها حس انه عايز يطلق مسدسه يفضيه كله فى دماغه ويخلص منه بس عارف أنه ماينفعش يعمل كدا.

غيث فى سره:خلاص يا غيث مابقش ليك حق انك تغنى ليها……مابقش ليك حق انك تقرب منها……ولا انك تغير عليها……..ولا حتى تقولها بحبك كل دا دول مابقوا من حق حد تانى وانت السبب الوجع اللى انت فيه دلوقتى بسبب غباءك وطيشك وانانيتك اخرج من حياتها وكفاية وجع ليك وليها خليها تكمل حياتها مع اللى اختارته ومتفضلش واقف مكانك وارجع لحياتك ارجع لشغلك مع الايام وجعك هيخفف كمل حياتك يا غيث مش هتفضل طول عمرك مستنى حلم مستحيل يتحقق خلاص كده حكايتكم خلصت واتقفلت

غيث بصلها لاخر مرة وعينيهم اتقابلت لثوانى وبيودعها بنظراته وابتسم ليها بحزن وخرج من كافية ومقرر بينه وبين نفسه أن دى هتكون آخر مرة يشوفها فيها.

******************بقلمي_سلمى_محمد_شعبان

فى عربية أمير

ليلى:امير روحنى على البيت حاسة انى تعبانة ومحتاجة ارتاح

امير:حاضر

ليلى سندت رأسها على الشباك وغمضت عينيها و افتكرت شكله ونظراته ليها وهو بيغنى كانت مليانة بوجع وحزن وندم

ليلى فى سرها : معقول يكون فعلا ندمان بس هو لسه فاكر يندم دلوقتى بعد 10سنين افتكر لا انا مش هتخسر علاقتى بامير علشانه كفاية خسارة لحد كده قلبى اللى خسرته بسببه كفاية احساسي بذنب ناحية امير احساسى انى معاه وبفكر وبحب غيره هو مايستاهلش مني كدا…… علشان حياتى مع أمير لازم ادوس على قلبى واشيلك منه يا غيث.

********