رواية جبروت حماة الجزء الثاني 2 الفصل العاشر 10 – بقلم نورا فريد

لشاب بيبص ليسرا بخوف و رجاءا انها مش تبلغ عنه:- بس بتكون متخدرة شايفة كل حاجة بس تبقا مش عارفه ولا قادرة تتحرك و ان كمان اصورها و ابعت الصور لاهلها علشان يشوفو بنتهم الى طالعين بيها السماء وطت راسهم والله العظيم هو دا الى حصل انا حتي مسجل ليهم ساعة ما جم ليا علشان يتفقوا معايا 

ريهام ضربت على وشها وفاء حست بجردل ماية ادلق عليها رحيم بيسمع بعدم تصديق و فهم يمكن مش عايز يسمع أو يصدق حاجة واقف متسمر مكانه بصدمة 

في بيت هارون 

كان في صمت و توتر 

هارون بص ليونس الى كان حرفيا ميعرفش حاجة و مصدوم 

خلود بصت لمريم بحزم و حادة:- و هو يصح ولا من الأصول اننا نتجسس على غيرنا و نسخر منهم …

يوسف بص لمريم بخذلان:- امي 

خلود رفعت ايديها:- اسكوت اانت… ااسمعو بقا دا بيتي فاهمين الى يقعد فيه يقعد بادب غير كدا شكرا انا و هارون مكتفين ببعض … قلت ادب و ذوق تتعمل برا البيت مش هنا 

خلود بصت لمريم باحتقار لاول مرة :- و بعدين يا مريم مانتي فيكي كوارث و محدش اتكلم ولا عاب فيكي من عاب ابتلى 

مريم وشها كام الوان شاورت على نفسها بدموع:- انا يا امي 

خلود باندفاع و عصبية و بقت بتعد على صوابعها :- اقولك فيكي اي سليطت لسان متبترة على عيشتك عايزة الكل يكون مهتم بيكي بالعربي عايزة بس تبقي انتي الى في اللقطة و بعدين مانتي سنانك مش مظبوطة اي هنتريق على خلقة ربنا تاني مرة قبل ما تتريقي على عيوب الناس بصي لعيوبك الكلام لجميع 

مريم لفت وشها اخدت شطنتها و اتجهت لباب الشقة فتحته و خرجت 

يوسف بص لخلود الى قالت بأمر:- حصل مراتك يا يوسف… و ياريت بلاش تسيبها مع دماغها كتير 

يوسف قام بكسوف من تصرف مراته و راح وراها 

ملك بصت لياسين بخوف من حماتها 

خلود بصت ليونس بعتاب و حادة خفيفه:- و انت من امتي بتخبي علينا حاجة 

يونس ببساطة و احراج:- لانى معرفش تاني حاجة مش معقول هسيب المصيبة و اركز على حاجة ملهاش ذنب فيها 

اسامة بهدوء:- بصراحة يا طنط انتوا مكبرين الموضوع 

ياسين:- انا من وجهة نظري ان طالما البنت كويسة يبقا خلاص ملناش دعوه باهلها ولا بجزمتها 

خلود بصت لملك:- شوفتيها يا ملك 

ملك بمزح و.دون وعي:- طبعا يا عمتو و دى حاجة تفوتني قمر احلي منك بصراحة 

حياة حطت ايديها على راسها:- بتقولي اي 

ياسين بمزح هو كمان:- احلي حاجة في كل دا اننا هنتعالج ببلاش 

هارون بص ليونس بهدوء و حكمة:- اوع تكون فاكر ان حاجة زى دى تعيبها أو موضوع اهلها انت نفسك كنت ممكن تتولد و تعيش في بيئة اصعب 

رجع بص لياسين:- عايز رقم ابو البنت دى 

خلود بابتسامة و دون وعي:- و اخيرا هخلص منك يا اول فرحتي اقصد هفرح بيك 

يونس استغراب رد فعل خلود و هارون كان بيحسب انه هيقولو كلام الافلام ابعد عنها ازاى تتجوز واحدة زى دى و غيره مكنش يتوقع ان هيفرحو بيها مريم كان قصدها تشوه صورة صوفيا و تكره يونس و اهلو فيها لكن حصل العكس تقريبا خلود حبت صوفيا حتي ملك و حياة حبوها 

في بيت صوفيا 

كانت لبسه بجامتها السودة و نايمة على السرير بتغمض و تفتح في عينيها نفخت بضيقه و قامت قعدت على السرير:- و بعدين بقا في جيران الهناء دول مش بيتهدو ليه رزع رزع السقف هيقع على دماغي .. حتي مينفعش اطلع اهدها عليهم 

سكتت شوية و قامت رجعت شعرها لوراء بعصبية:- عايزة انام عندي شغل يالي منكم لله مش بتتهدو ليه 

الباب خبط صوفيا اخدت الفون من جانبها:- اووف كل دا الساعة تلاتة ؛ و مين الحيوان الى بيخبط على بابي دلوقتي 

قامت لبست الاسدال و لفت حجابها و خرجت الصالة اتجهت لباب بصت من العين السحرية لقت شاب لفت وشها و رجعت اوضتها تاني :- مع نفسك بقا 

الخبط ذات رغم خوفها من طريقة الخبط المخيفة لكن مهتمتش رجعت سريرها و نامت برضو الاسدال لونه اسود 

سمعت صوت بواب العمارة:- خير يا بيه في حاجة 

الجارة باستغراب:- اي قلت الذوق دى بقلي ساعة بخبط و مفيش حد فتح 

البواب بثبات:- ما برضو يا مدحت بيه مش من الاصول تخبط على حد في الوقت دا بالطريقة دى تلقي الجماعة نايمين … انت عايز حاجة 

الجار بضيقة:- تلاجتي بايظة و معنديش ماية ساقعة ف قولت الجيران لبعضيها اي المشكلة هو انا هكلهم 

البواب بثبات و سخرية:- ههه لا ازاي دا انت سمعتك زى الجنية الدهب شوف اكتب طلباتك و انا عيني ليك بس بلاش تخبط على الشقة دى بالتحديد 

بص شمال و يمين قال بهمس و خوف مزيف:- اصلها مسكونة اللهم ما حفظنا 

مدحت اتجمد مكانه قال بصوت مهزوز و متقطع:- ي يعني اي فيها عفريت 

البواب هز راسه بنعم :: الى فيها اصلا جنية مش بنادمة و اى حد بيخبط على الباب بتاخد معاها للعالم الاخر و 

مدحت رفع ايديه بخوف:- متكملش متكملش يا عربي توبت 

مدحت طالع جري على شقته بينهج و مرعوب 

البواب بيشرب الشاي ببرود:- ناس عجيبة و مزعجة ربنا يجعل كلامي خفيف عليكي يا ست صوفيا…. دا انا يا ست صوفيا اوعي تنسي تكتبي ليا الطلبات الى محتاجها علشان اجبهلك الصبح تصبحي على خير 

قالها بصوت عالي جوا صوفيا كانت سامعة كل حاجة ابتسمت غصب عنها لم افتكرت يونس غطت وشها و نامت 

في بيت اهل رحيم 

وفاء بلعت ريقها:- رحيم 

رحيم بهدوء:- الكلام دا حقيقي 

وفاء مسكت ايديه رحيم شد ايديه من ايديها بعصبية و جنون:- ردي عليا يا امي الى سمعته دا حقيقي 

وفاء لسانها اتلجم وطت وشها في الارض رحيم رجع لوراء خطوة بص لريهام بعتاب:- ليه…. ليييه انا عمري ما اذيتك في حاجة

ريهام دموعها نزلت بوجع:- ليه دا ليه و ليه انت المفروض تكون جوزي انا المفروض دلوقتي اكون معاك و مع عيالنا هي خدتك مني فاكر عمي و بابا قالوا اي هنخلص الثانويه و نتجوز لكن سيدك عملت اي روحت و اتجوزت طفلة غبية مراهقة من غير عقل 

رحيم بص ليها نظرة رعبتها وفاء وقفت جانب ريهام:- انا عمري ما حبيتك ولا هحبك لانكي خطفتيه و كسرتي قلب بنت زيك كل ذنبها انها حبيته بجد 

رحيم بص لوفاء:- انسي ان ليكي ابن 

وفاء هزت راسها بنفي رحيم مسك ايد يسرا بصلهم بغضب ممزوج بوجع و خذلان لف وشه 

وفاء بدموع:- لو خرجت معاها تنسا ان ليك ام و قلبي و ربي غضبانين عليكم ليوم الدين 

رحيم ابتسم بوجع و سخرية خرج من الشقة و يسرا في ايديه نزلو من البيت ركبو العربية كانت بتبصله و هى حاسه بذنب و الندم حطت ايديها على كتفه:- انت كويس 

رحيم بهدوء و هو مركز في الطريق:- كويس يا يسرا كويس اي رايك نروح عند اهلك 

يسرا:- دلوقتي 

رحيم بص ليها بوجع مداري:- اه 

كمل بمزح:- و كمان علشان ابوكي يعرف ان مفيش استيراد 

يسرا تنحت سندت راسها على كتفه و ضحكت غصب عنها:- 

دا انت قلبك اسود اوى ياخي مكنش كلمة الى قالها 

بعدت عنه ضربته في كتفه بخفة و مزح:- اخص عليك يا رحيم.. لا في استيراد عادي 

رحيم ضمها له و هو بيضحك في ثانية نسي عمايل وفاء و ريهام ضمها له و رجع يسوق يسرا سندت راسها عليه بفرح و حب 

بعد وقت في بيت هارون يوسف و مريم رجعوا تاني و مريم اعتذرت ليهم بعدم رضا كان الباب مفتوح يسرا دخلت و نادت على امها بعلو صوتها:- مامااا انا جيت 

قلعت جزمتها و جريت على اوضة ابوها دخلت من غير ما تخبط كانت خلود قعدة حطة ايديها على جبينها بصداع:- اهلا باخر صبري 

يسرا قعدت جانبها بمزح و فردت ايديها:- دا اي يختي طريقة مرات الاب دى اااع 

خلود ضربتها بالشبشب:- لمي لسانك شوية هاا انا على اخري 

يسرا بتلج رجليها بصت لامها بعفوية:- اي يا امي الهزار دا براحة شوية خفي ايدك انا زى بنتك برضو 

خلود بتزقها بغيظ و نفذ صبر:- قومي من وشي 

يسرا بعفوية و دون وعي:- يا ولية براحة عليا انا حامل و مش قدك ارحميني 

خلود نزلت شبشبها:- قولتي اي 

يسرا:- هو اي الى قولت اي هو حد قالك انى مش هخلف ولا هقعد سنيني من غير عيال مالك يا امي اتصدمتي و اكني عملت مصيبة 

خلود نفضت دماغها من الأفكار و حضنتها بفرح و دموع :- الف مبروك يا حبيبتي كبرتي يا يسو و بقيتي مسؤولة 

يسرا باستغراب و ابتسامة:- طب انتي بتعيطي ليه دلوقتي انا قولت انكي هتفرحي بس مش لدرجة العياط 

خلود بعدتها عنها مسحت دموعها:- انا مش بعيط دى دموع الفرح يا روحي يعني اخوكي من شوية قرر يتجوز و دلوقتي انتي حامل كبرتني و هتخليني تيته 

يسرا سندت راسها على كتف امها :- حبيبتي يا مامتي متقلقش بكرا لم اولد هرمي عيالي عندك تربيهم انتي و بابا و اهو تسلو نفسكم و حاجة و يبقا في حاجة تكملو مع بعض علشانها ولا يرضيكي العيال تتمرمط في المحاكم 

خلود نن عينيها اتحرك شمال و يمين بعدت يسرا عنها:- بتفولي عليا و على ابوكي لاااا يكون في علمك و علم اخواتك الى جيتو قلبتو حياتي فوضى انا و ابوكم قبل ما تيجو كونا اخر روقان ١٧ سنة محدش سمع قوتنا أو مشاكل ف اظبطي 

يسرا :- ذليني بقا و بعدين ياسين هو بتاع المشاكل مش انا انا غلبانة و دايما ضايع حقي… صحيح الواد يونس هيتجوز مين 

خلود اتنهد بهدوء و تعب منهم:- البنت الى كانت هتتخطف و نقذها 

يسرا وقفت على السرير و زغرطت خلود تنحت يسرا نزلت من على السرير و خرجت جري ليهم اتجهت ليونس و عطيته الكارت الى في رقم ابو صوفيا اتجهت له:- رقم ابو الننوسة صحيح اسمه حلمي الجريتلي صاحب شركة استيراد وتصدير و عنده معرض عربيات متجوز مرتين مرة سابقة و مرة حاليا عنده ولادين و بنت من مراته التانية بس مش سالكة خاالص ولا عيالو سالكين 

الكل تنح و مندهش 

ياسين سقف و صفر هو و يوسف:- الله الله 

يوسف:- جبتي تاريخ ابوها كمان 

يسرا قعدت جانب رحيم بفخر:- و تاريخ جدها مهران الجريتلي راجل بسيط جدا كان يصح بدري يجري على اكل عيشه عنده ولادين مراته ماتت و هى بتولد هى و بنته قده عمروا في تربية العيال الى هما حلمي و حافظ  طبعا علمهم و كبرهم بس حافظ سافر برا اختار الغربة و مذل فيها … اتجوز واحدة اجنبية و مخلف منها ولاد بس و حياتهم هادية و مستقرة اما حلمي ف خلص ف فضل مع ابوه كبر شغله و فتح معرض عربيات بعد ما كان عندهم ورشة صغيرة يدوبك تعيشهم اتجوز بنت الجيران الى هى ابتلا 

يونس بصلها يسرا وعيت لكلامها:- ابتهال بس كان غصب عنه و عنها خلفو صوفيا و دا اسم ستها صحيح قعدو مع بعض يجي خمس سنين بعدين قرروا الانفصال بس دى كل حاجه عن حلمي اما بالنسبة طنط ابتلا اقصد ابتهال ف ست يعجب ليها و العجب جميلة جدا بس مرووشة حبتين طايرة منها يعني اتجوزت غصب عنها علشان تخلص من سجن ابوها و لم لقت ان مش حبة الموضوع قررت تنفصل عن جوزها 

يسرا كانت بتتكلم بحذر و محكتش كل الحقيقة هارون كان بيبصلها باستغراب و تراقب ممزوجين بغيظ و فخر 

حياة:- يخرب عقلك لحقتي تعرفي كل دا اوام صحبتيها 

يسرا:- تو بس انا حبيت اعرف التاريخ صحيح ابو ابتهال كان خضري اد الدنيا في السوق مكنش حد بيشتري الا منه رغم ان حاجاته اوقات بتكون دبلانة ارزاق بقا صح ابو ابتهال اتجوز امها أو اتعرف عليها في السوق فضل وراها لحد ما اتجوزها اعمل اي الفضول كان هيموتني 

ملك:- ما هو باين ياختي 

يسرا :- مفيش مبروك يا جماعة ولا اي مش انا حامل 

خلود خرجت بعد ما لفت طرحتها اتجهت ليها وقعدت جانبها الكل بقا يبارك ليسرا و رحيم بفرح هارون كان واقف بيتفرج عليهم على اد ما هو فرحان على اد ما هو مش مصدق نفسه و افتكر زمان لم كل الدكاترة قالوا ان مستحيل خلود تخلف 

تاني يوم في شركة الجريتلي في مكتب حلمي ابو صوفيا 

كان قعد على المكتب و الكاس في ايديه :- سامعك 

يونس كان مصدوم:- هو حضرتك بتشرب 

حلمي بثبات:- تجرب 

يونس رفع ايديه برفض:- مش بشرب 

حلمي بإصرار:- جرب صدقني هتنبسط 

يونس بص له من فوق لتحت ببعض الحدة و الغضب:- ندخل في الموضوع ولا اي استاذ حلمي 

حلمي و في ايديه التانية السجارة:- ايوة اي هو الموضوع ثم ان اول مرة اشوفك 

يونس بتوتر و هدوء:- انا مهندس عندي شركة خاصة بيا 

حلمي بتركيز و انبهار:- برافو عليك… احب انا الشخص الى يكبر و هو صغير بس خد بالك لازم تحافظ على الى عندك …. كمل عايز توصل لاي 

يونس اتنهد بنفذ صبر:- انا جاي اطلب من حضرتك ايد الآنسة صوفيا بنتك على سنة الله ورسوله 

حلمي بدون وعي:- صوفيا مين الى معنديش بنات لجواز بنتي لسه صغيره… انتي جاي تشتغلني انت عارف ان دى جريمة يعقب عليها القانون بنتي لسه مخلصتش اعدادي تقول جواز 

يونس سكت و فهم أنه مش في وعيه حتي طريقة صوته اتغيرت و مش مدرج هو بيقول اي ولا بيكلم مين كلامه مش مظبوط 

حلمي حط ايديه في شعره:- صحيح انا عندي واحدة كبيرة اسمها صوفيا شال ايديه من على راسه بص ليونس بهدوء:- بعد يومين تجي على العنوان دا و معاك اهلك 

يونس بفرح:- يعني موافق 

حلمي ببساطة:- حبيبي انا مينفعش اقول موافق أو لا الراي لصوفيا بس تعال اهو نتعرف على بعض انا واثق انها هتوافق اشرب قهوتك 

عد يومين و فعلا يونس و اهلو راحوا بيت صوفيا الى عايشة فيه و كانت قعدة لطيفة بس مش اوى حلمي كان ذوق جدا 

ابتهال بتعالي و جبروت:- بس مش قليل شقة ثم انت شايف مستوي الى بنتي عايشة فيه 

خلود كانت هتتكلم هارون مسك ايديها قبلها 

ابتهال غضبها ذات 

هارون:- والله يا مدام هما احرار ان شاء الله يسكونو في المريخ حياتهم و هما احرار 

حلمي بدعم كلام هارون:- صحيح هما احرار زي ما انتي حرة في حياتك 

زوجه الاب بابتسامة:- و بعدين الى يشوفك يقول ان قلبك عليها يا ماما انتي بتشوفيها صدفة 

صوفيا خرجت من المطبخ و هى شايلة صينية المشروبات 

زوجة الاب بسخرية بصوت واطي:- الارملة حضرت 

صافي:- بتقولي حاجة يا طنط مش سامعة 

زوجة الاب:- بقول عقبال عيالك يختي 

زوجة الاب بصتلها بغموض اول ما صوفيا قربت منهم فردت رجليها صوفيا اختل توازنها بقت على وشك الوقوع 

اما في بيت رحيم 

يسرا حطت الطرحة على شعرها و راحت فتحت الباب و هي بتغني و فرحانة فتحت الباب اتفجات بستات قدامها:- انتوا مين 

الست:- انتي يسرا 

يسرا بصتلهم بخوف:- ايوة انا انتوا عايزين اي 

الست دخلتها و دخلت و وراها باقي الستات:-  عايزين نربيكي ياروح اهلك ستات انتشروا 

يسرا جريت اخدت الفون من على التربيزة الست شدت منها الفون اتخبط في الحيط و اتكسر مسكت يسرا من شعرها زقتها على الارض و بقا بيضربو فيها…..