رواية جبروت حماة الجزء الثاني 2 الفصل التاسع 9 – بقلم نورا فريد

في بيت رحيم 

فتح الباب اتسمر مكانه بدهشة كانت مديه ضهرها و بتلف حوالين الكرسي بجبروت ضربت الكرسي برجليها قعدت على الكرسي الى قصاده حطت رجل على رجل:- تو كدا تبهدلي الاسدال اخص عليك يا سوسن 

الشاب بيبصلها بخوف و دهشة ممزوجين برجاء دموعه نزلت 

يسرا ببرود :- تو هتاثر كدا قدام دموعك… هفكك و امري لله بس علشان انا حنينة و قلبي طيب بس عارف لو لمحتك حتي لو في الاحلام ورحمة عمتي سحر إلى ما بحلف بيها كدب هكرهك في عيشتك … اكسب صحتك المرة دى سليم المرة الجاية هتبقا على قبرك عدل فاهم يروح امك 

الشاب هز راسه بموافقة و خوف كان فاكرها فريسة سهلة لكن بقا هو الفريسة يسرا  اتنهدت و قالت بطريقة برينسة:- اهي طيبة جلبي دى الى مشندلة حالي يلا قوما ل جوزي يجي و يبقا شكلك يكسف دا انا مكسوفلك والله 

يسرا قامت شالت الزق من على بؤه و فكيته الشاب وقع من على الكرسي و برعب و رهب كانت مكسرله صف سنانه و وشه مليان كدمات زارقة ايديه شبه مكسورة 

يسرا لفت وشها اتفجات برحيم الشاب زحف على رجله بص لرحيم الى في ثانية مسكه من هدومه بغضب جحيمي كفيل يحرق المكان ضربه بوكس في انفه :- ااانت مين يا ابن الكلب و بتعمل اي في بيتي 

الشاب مكنش قادر يتكلم من كتر الضرب حرفيا هياغمو عليه يسرا جريت وقفت بينهم حاوطت وشه بايديها:- حبيبي سيبه والله انا كويسة مفيش حاجه … دا حرامي غلبان 

بصت لشاب بتحذير:- مش انت حرامي برضو 

الشاب هز راسه و جري على برا بسرعة 

يسرا حاوطت رقبته بطمن و حب :- حتي و انت متعصب قمر يختي …. خلاص بقا يا رحيم مفيش حاجة علشان تقلق عليا انا والله كويسة قدامك اهو فك بقا بلاش التكشيرة دى 

رحيم حاوط وشها:- انتي كويسة 

يسرا هزت راسها بنعم رحيم حضنها و قبل راسها يسرا مسكت فيه دموعها نزلت بوجع و قهرة 

فلاش 

كانت في التواليت سمعت صوت جاي من اوضتهم قفلت الماية و لبست الاسدال بسرعة ذكر الله على لسانها لفت طرحة الاسدال و جريت على المطبخ فتحت الدولاب طالعت الشنطة بتاعتها طالعت مفك و سلاح خبيتهم بسرعة و خرجت اتجهت لاوضتهم و هى بتترعش و هتموت من الخوف:- اقوى يا يسرا لو شاف خوفك هتروحي فيها اوية بيك يارب  …. بت هارون متخافش.. على راي عمتي الى ياذيني اكره في عيشته و امرارها 

حطت ايديها على اوكرة الباب بتردد و فتحته كان مستخبي يسرا بصت حواليها بتراقب وقفت قدام المرايا بتمثيل طالع شاب اتسعت عينيها من المنظر نن عينيها بيتحرك شمال و يمين واقف وراها رفع ايديه و لسه هيحط المناديل على انفها ضربته بكوعها المناديل وقع منه كانت بتفتكر تدريبات اخواتها و تعمل الحركات الى اتعلمتها منهم صح هى برضو كانت بتلعب كاراتيه بس عند مدربة مش مدرب بقت بتضربه بمهارة و غل عطيته بوكس قوي في بؤه كسرت صف سنانه وقع على الارض مسكت المفك و اتجهت له مايلة عليه و فضلت تضربه بالمفك بقوة في ايديه  

باك 

مسكت في رحيم اكتر و بتعيط في صمت و ارتجاف شالت قناع القوة و حرفيا كانت هتموت من الخوف رحيم ضمها له اكتر حست ان الرؤية منغنشة وشها اصفر 

رحيم حس بيها :- يسرا مالك 

يسرا غمضت عيونها اغمو عليها بين ايديه 

اما عند سيندر 

حست ان العيادة بتميل بيها وشها باهت ابتسمت بوجع:- كانسر 

الدكتورة بهدوء:- بس الطب اطور كتير و له علاج طبيعي مرض زى اى مرض لم بيتلحق بدري بيروح 

سيندر بتسأل وجع:- و ممكن ميروحش كدا كدا ميته بيه أو من غيره ف مش فارقة 

الدكتورة بخوف:- بتقولي اي لا طبعا مفيش الكلام دا سيندر انتي لازم تتعالجي و حالا 

سيندر هزت راسها بابتسامة موجوعة:- لا يا دكتورا انا مش عايزة اتعالج. مش عايزة الدنيا دى مش عايزها ولا عايزة الى فيها ارجوكي بلاش تضغطي عليا انا مش هعيش اكتر من عمري ولا هعيش اقل عن اذنك 

سيندر سندت على التربيزة و قامت مشيت كام خطوة فتحت الباب و خرجت نزلت من العيادة بتبص حواليها بحزن فضلت تمشي و هى بتحاول تكون هادية بتحاول تمنع دموعها من انها تنزل فضلت ماشية مش عارفه رايحة فين ولا تقول لمين مش زعلانة من المرض بس كان نفسها تعيش حياة عادية بيت هادي زوج بيحبها و بيقدرها اب سند و امان اخوات حنينة و يسالو عليها ام قوية تحميها لكن للاسف معندهش دا قعدت على الرصيف اتنهدت بمرارة دموعها نزلت:- طب اشكي لمين انا.. اروح لمين اشكيلو همي اقول لمين انى موجوعة .. ليه يارب مكنش هارون هو الى ابويا أو عامر ليه عطتني ام ضعيفة و سلبية ليه انا الى استحمل كل دا لوحدي 

دموعها نزلت حطت ايديها على وشها و انهارت في العياط بقهرة 

في بيت عامر 

سليم بعصبية:- لا ما هو مش بمزاج امك ل مؤخذة 

عامر ببرود:- عيب يا سليم 

سليم قام بعصبية:- والله و مش عيب ان بنتنا كل يومين غضبانة و دموعها على خدها ليه يا خويا وخدها من الشارع لا قولي وخدها من الشارع ولا حكاية اهلك اي حد غصبك عليها 

جمال بص لهدير:- يا طنط قولي حاجة ابوس ايدك 

هدير بصت لعامر و لسليم بعدين بصتله بجبروت:- والله بنتي مش عايزك اي اغصبها دا حتي عيبة في وشنا.. 

جمال قام اتجه لاوضة جنة فضل يخبط عليها بقوة:- افتحي يا جنة .. افتحي متخلنيش اكسر الباب عليكي انا عارف انكي صاحية و مش عايزة تشوفيني بس والله العظيم انا ندمان ندمان و فهمت كل كلامك … جنة افتحي علشان خاطري وحياتك عندي هتغير بس ادني فرصة 

سليم قام اتجه له لفه ليه :- اهو اتاكد بنفسك انها مش عايزك مش طيقك خلي عندك كرامة و طلاقها 

جمال قعد على الارض سند راسه على الباب جوا جنة كانت قعدة وراء الباب و سندة راسها عليه ساكته مفيش كلام ولا دموع و اكن دموعها خلصت من كتر البكاء غمضت عيونها بألم و هى بتسمع بينادي عليها برجاء و ندم 

في شقة عمرو 

حازم بعصبية:- يعني اي خرجت هى فاكرة ان هتتحما فيكم دا اي البجحة دى 

عمرو مستحملش قام اتجه لحازم مسكه من هدومه بغضب:- بجحة مين يالا هاا بجحة مين 

عمرو ضربه كف على وشه الكف اتحول لكفوف راضية قامت بسرعة اتصلت بادم و نوح الى طالعو بعدو ابوهم عن حازم و نزلو فيه ضرب 

هارون طالع على الصوت اتجه لادم و نوح بعدهم عن حازم قال بحادة:- اي الى بيحصل 

عمرو بعصبية:- خلاص يا حازم خلصت بنتي مش هتكمل معاك تاني 

نوح بامر لحازم:- و دا بمزاجك او غصب عن اهلك ساامع يا حيلتها 

حازم اتجه له بس هارون زقه بعيد علشان الموضوع ميكبرش:- بس بقا عيب 

حازم لهارون بجنون:- انا مش سامع يا عمي بيقولوا اي بنتهم هربت و مش عجبهم … 

حازم بص لعمرو و قال باعلى صوته بسخرية و غضب:- طالما انت واثق في بنتك اوى اومال كنت بتشك فيها و تراقبها ليه هااا بتضربها ليه طالما واثق فيها الا لو شوفت منها حاجة 

ابتسم بانتصار و سخرية:- صحيح سيندر مكنتش بتخبي عني حاجة حتي خناقاتك مع طنط و طردك لادم زمان انا بعمل زى ما بتعمل 

عمرو وقف مكانه بصدمة حاسس ان الدنيا اتهدت فوقيه هارون بص لحازم و ضربه كف زقه:- اطلع برا يا كلب و تطلق بالذوق ياما اقسم بالله تكره عمرك يلا غور من هنا امشي 

هارون زقه على برا و قفل الباب في وشه عمرو وقع على الارض اغمو عليه 

هارون اتجه له نزل لمستواه بخوف  :: عمرو .. مالك عمرو فوق 

الباب خبط راضية فتحت الباب كان عامر و سليم و هدير و خلود و يونس الى طالعو على الصوت 

ادم و يونس و سليم سندو عمرو اتجهو لاوضة عمرو  حاولوا يفوقوه لحد ما فاق 

عامر اتنهد بهدوء:: اهو فاق اهو 

هارون بقلق:: انت كويس اتصل بالدكتور 

عمرو كان بصص لفراغ و ساكت راضية دموعها بتنزل في صمت و عدم تصديق معقول بنتهم تطلع اسرار بيتهم معقول تفضحهم و تطلع سلبياتهم قدام الغريب و القريب 

ادم قرب من عمرو بقلق:- حضرتك كويس يا بابا 

عمرو من غير ما يبصله:- كويس 

نوح بهدوء:- بعد اذنكم عايز حاجة يا بابا 

راضية بصتله بسخرية و حسرة:- كتر خيرك يا ابني… تقدر تنزل معلش ضيعنا من وقتك و كدا لارا هانم تزعل 

نوح متكلمش بصلها بهدوء و خرج من الاوضة اتجه لباب الشقة فتحه و نزل جوا 

عمرو بصوت خلي من التعبير :- حصل اخوك 

ادم برفض و ثبات :- مينفعش انا هقعد معاكم لحد ما 

عمرو قطع كلامه:- سمعت قولت اي. انا كويس سبني ارتاح 

ادم خرج من الاوضة راح البلكونة و سليم وراه طالع علبة السجائر من جيبه اخد سجارة منها ولعه و بقا بيشرب 

سليم باستغراب:- انت بتشرب من امتي 

ادم بشرود:- سبني في حالي يا سليم 

سليم و هو بيبص على الطريق :- مكنش ينفع الى حصل مكنش ينفع تضربوه من غير ما تفهمو 

ادم اتنهد بحزن:- انا معرفش اى حاجة غير ان ابن الكلب دا يتربة … انا بفكر اسافر اطلع برا البلد كدا احسن.. اصفي شركتي و ابيع الشقة و اغور مرجعش 

سليم اتصدم بصلو:- و تسيب ابوك و امك 

ادم ببرود:- ما هو ياما سيبنا صحيح عايش معانا بس سيبنا … كل ما نكبر كل ما يبقا قاسي افتكر اخر مرة شوفنا منه حنية كان من زمان اوى… مش عارف بس حاسس ان مش عايزهم .. و بعدين يا سليم انت هتنصحني و انت عايش في محافظة تانية بتشوفهم تلات مرات على الايد 

سليم هز راسه بهدوء:- صحيح بس انا علشان شغلي و لم بيكون في وقت بجي ليهم .. مش فوقي و اعملهم ولا اكنهم موجودين 

ادم ضرب ايديه على السور بعصبية:- و هو امتي اعتبرنا موجودين في حياته أو حس بينا امتي قرب مننا و اتكلم معانا متقولش كلام انت مش فيه علشان تنفذه … سيندر هربت من جحيم لجحيم و كله بسببه 

سليم بحدة و ثبات:- وطي صوتك و راعي ان ابوك مش في حالة تسمح انك تهلل و تجادل. مهما حصل هو ابوك و ياما استحملك و شاف منكم و لو قاسي ف من خوفو عليكم 

ادم باندفاع:- بذمتك انت مصدق نفسك.. طب ما عمك اهو خمس عيال رغم كدا ربهم و كبرهم ولا مرة شوفته بيعمل في عيالو إلى ابويا و ابوك بيعملوا طالما مش اد المسؤلية و الزفت بيتجوزو و يخلفو ليه… حلو كدا و احنا مدمرين واحدة مش ساوية نفسي بتخاف من خيالها و التاني مسالم دماغه لمراته الى هدمره مخليه ياخد قروض بالهبل و هو ولا على باله مفكرش مره يتصل أو يشوفنا بنعمل اي كل همو يخلص مننا قبل ما كل واحد يجبله مصيبة قولي يا سليم بتتكلم عن انهي اب 

سليم متكلمش كان بيبصله بشفقة و حزن طبطب على كتفه و هو هيموت من قهرته على اخته اما في بيت رحيم و يسرا 

يسرا قعدة على السرير و سندة راسها على كتفه:- مش قادرة يا رحيم صدقني مش قادرة حاسه اني هرجع لو اكلت أو شربت 

رحيم بحنية و بساطة :- عادى رجعي و انا انضف ولا يهمك وشك اصفر 

يسرا بتعب و وش دبلان :- دا من الخضة… بين و بينك لم سمعت صوت الكركبة اتخضيت و لم شوفته خوفت اكتر معرفش جلي قلب و القوة ازاي ان اضربه و اربطه 

قالتها بابتسامة بهتانة بعدت عنه بصتله :- بس لم افتكرت انى بنت هارون خوفي راح مني .. كنت مستني اقول علشان مراتك.. اه بحبك و احلي حاجة في حياتي لا انت احلي حاجة في حياتي بعد بابا و ماما و اخواتي… عيشت معاهم عمرا بحالو و لسه باعيش و انا معاك و معاهم بحبك اوى يا رحيم 

قالتها بدموع رحيم مسح دموعها و ضمها له اكتر و هى بيبتسم بحب أما في بيت عمرو ادم فتح الباب كانت سيندر واقفة 

ادم بصلها بهدوء و تفحص:- كنتي فين 

سيندر دخلت من غير ما تبصله :- كنت مع اصحابي 

سيندر دخلت اوضتها قفلت الباب اتجهت لسرير قعدت عليه و هى بتفك طرحتها باختناق خلعت الطرحة دموعها نزلت بوجع قامت قربت من المرايا وقفت قدامها و هى بتلمس شعرها بتاخد نفسها بالعافية قربت من سريرها اخدت الفون فتحته و اتصلت بحازم 

حازم بلهفة و غضب:- اخيرا تكرمتي و رديتي انتي اي الى هببتيه دا بتهربي مني يا سيندر انا الى محبتش حد قدك و انطقي قولي حاجة مش بتتكلمي ليه 

سيندر اتنهد بحزن قالت بابتسامة باكية:- انا بحبك يا حازم بحبك اوى … سامحني لو زعلتك في حاجة 

سيندر قفلت الفون و دفنت وشها في المخدة بتحاول تكتم صوت عياطها أما في بيت جمال 

عفاف بحنية و حزن:- ولا تزعل يا حبيبي بكرا اجوزك ست ستها 

جمال شال وشه من ايديه بصلها بعيون حمراء و حزينة:- بس مش كل البنات زى جنة يا امي لا في جدعنتها ولا حنيتها … ليه يا امي 

عفاف بعدم فهم و استغراب:- ليه اي مالك يا حبيبي 

جمال اخد الفون بتاعها فتحه و فتح الرسالة عفاف اتجمدت مكانها جمال ابتسم بوجع و سخرية قفل الرسالة:- لدرجة دى مستكترة عليا اكون مبسوط 

عفاف بتوتر:- د دى كدابة تلقي مراتك الى متفقة معاها علشان 

جمال قاطع كلامها بجنون و هو بيحدف الفون:- ما كفاية بقاا مش بتزهقي…. بتجهضي مراتي طب ليه لييييه يا امي ليييه 

عفاف بصتله دموعها نزلت:- علشان خدتك مني نسيتك امك انت مش بتشوف نفسك و انت معاها بتكون ازاى خدتك مني و 

جمال قام بعصبية:- بسسس بقا كفاية حجج كدابة 

عفاف شورت على نفسها:- انا كدابة يا جمال 

جمال دموعه نزلت غصب عنه :- ولا كلمة اسف انى فهمتكم متاخر..ظ بيتي اتخرب بسببك انتي محبتيش جنة بسسس تعملي فيها كدا ليه اذيتك في اي انتي متداخلة في حياتنا زيادة عن اللزوم رغم كدا ساكتني علشان امي ساكتين علشان متزعليش مننا في الاخر تكسرينييي انا اتكسرت يا امي و بسببك… بس مش هسيبها سواء خلفت أو لا و عيالي هيكونو من جنة مش ست غيرها … من النهاردة كان عندك ابن و مات 

عفاف هزت راسها بدموع و حسرة:- لا يا جمال ا انا مليش غيرك والله من خوفي عليك 

قالتها و هى بتقرب منه جمال بعد عنها اتجه لباب فتحو و خرج اتنفضت من صوت رزعه لباب عفاف قعدت على الركنة حطت وشها بين ايديها و انهارت في العياط 

بالليل في العيادة 

كانوا قعدين قدام الدكتورة على المكتب 

الدكتورة:- ممم انت بنت الراجل و مراته الى كان بقلهم ١٦سنة مخلفوش ااايوة انتي بنت هارون الكئيب و خلود ام صوت مسرسع 

يسرا و رحيم بصو لبعض قالت بانبهار:- ايوة انا بنتهم بسم الله ماشاء الله عليكي رغم ان كبرتي بس بتفتكري اكتر مني 

الدكتورة:- قومي اطلع برا بطولت لسانك… طلاقها و النفقة عليا و اجوزك اعقل منها 

رحيم:- اطلق اي يا دكتور و انا بقلي سنين صابر علشان اشوفها… انا جوزها صحيح 

الدكتورة:- طبيعي جوزها اومال خطيبها ههههه بضحك معاكم 

يسرا ضربت كفها في كف الدكتورة و بيضحكو رحيم بيحاول يكون هادى:- طب يا دكتورا نفك من الهزار و ألبوم حماقي و ركزي معايا يسرا عندها اي 

الدكتورة:- يسرا مين مين يسرا 

يسرا:- انا يا دكتورا…. دا حتي بابا مسميني على اسمك باين بيحبك اوى اقصد زى امو أو جدته 

الدكتورة:- خد الطفلة دى و روح لغير الدكاترة على قفاه مين يشيل 

يسرا:- أطلق لو روحت لغيرك دا احنا اهل يا دكتورا مش فضلتي مع اهلي ١٦ سنة كملي المشوار معايا قوليلي بقا امى و ابويا مكنش بيتخنقو قدامك ولا مرة 

الدكتورة هزت راسها بنفي و بتغني:- حبيتك يوم ما تلقيني لم حكينا اول كلام ترررر تررررر تررررر 

رحيم بصوت واطي:- استغفر الله العظيم يارب صبرني 

رحيم:- طب يا دكتورا معلشي انا واحد نكدي للاسف… اطمن على مراتي الاول و غني زى ما انتي عايزة 

الدكتورة بصت ليسرا:- مالك يا حبيبتي 

يسرا:- لا هو المفروض اعرف مالي منك 

الدكتورة:- شكلي هحبك ايوة كل ما تطبلي هحبك قولتي اسمك اي يا شاطرة 

يسرا صوتت:- يختيييييي 

رحيم مسك ايديها:- مفيش متابعة مع الست دى يلا يا بت 

يسرا بضحك و دلال:- خلينا شوية علشان خاطري يا رحيم 

يسرا بصت لدكتورة:- طب يا دكتورة بلاش اسمي الى هو زي اسمك 

الدكتورة:- طب مانا عارفة حد قالكم اني خرفت… اترزع ولا روح برا متخنقنيش معاكم 

رحيم ضرب كف على كف بنفذ صبر:- الله ما طولك يا روح يا دكتورا انا واحد بينام بدري عندي شغل الصبح و دلوقتي الساعة دخلة على تلاتة ساعتين و نص بتكشفي ليه 

الدكتورة بصت ليسرا:- اخلعيه و فلوس المحامي عليا 

يسرا بصتله بحب و بعدين قالت له بصوت خلود:- اموت من غيرو يا دكتورة 

الدكتورة بهدوء:- طب قومي كدا اطلعي برا 

يسرا:- هموت ولا اي 

الدكتورة:- لا بس اتخنقت ما تفرد وشك يالا اي مش عجبك 

يسرا بسرعة:- لا احنا نقدر نستغنا عن حضرتك و صوتك الى من دهب بس هو مضغوط و تعبان مش كدا يا حياتي 

رحيم نفخ بضيقة :- يارب نخلص 

الدكتورة بهدوء:- مبروك يا حبيبتي انتي حامل يلا قومي و ابقي سلميلي على ماما 

يسرا:- هى مين الى حامل 

الدكتورة لفت وشها يمين و شمال بسخرية؛- ما هو مفيش غيركم مش معقول يعني يكون جوزك 

رحيم ضرب ايديه في الحيط:- يااارب.

الدكتورة:- اي مش عجبك عموما انا مش طيقك معرفش ليه 

رحيم بص ليسرا الى قامت مسكت ايديه برجاء:- علشان خاطري يا رجيم 

الدكتورة بنفذ صبر:- ما تلمي نفسك هو انا مش ملية عينيكي اي قلت الادب دى صحيح هتجبيه من برا بنت خلود هتكوني اي 

الدكتورة بتقلد خلود و هى بتتكلم:- وحياتي يا بيبي خلينا شوية 

يسرا باعتراض:: لا يا دكتورة بيبي دى لم تكون في مصيبة ف بتهديه الاول و بعدين تقول المصيبة ف بتقول قبلها بيبي 

الدكتورة:- ايوة فعلا بيبي دى فى المصايب عمري ما سمعتها تقوله بيبي… وحياتي عندك يا روحي خلينا شوية 

كملت بجدية:- كانوا بيمشو من عندي قبل الفجر بشوية 

رحيم كور ايديه الاتنين و هو على وشك الانفجار فيهم :- طب يا دكتورا انا واحد متخلف مراتي مالها 

الدكتورة بهدوء:- حامل حامل يا ابني قولتها مليون مرة 

رحيم بص لدكتورة:- دكتورا ارجوكي ركزي 

الدكتورة:- هو حد قالكم انى عيلة صغيرة ولا دكتورة فاشلة كبرت اه لكن فاهمة و وعية بقول اي و يلا بقا من هنا لان دحروج صدع و عايز ينام ايوة يا حبيبي هيمشو اهو متزعلش 

يسرا بفرح:: يعني انا حامل 

الدكتورة:- انا كدا اتاكدت انكي بنت خلود 

يسرا قامت رحيم مسك ايديها و خروجو و هما مش مصدقين نفسهم خرجوا برا العيادة قال بفرح:- انا مش مصدق نفسي اخيرا هبقا اب 

يسرا بعفوية:- ما تنقي كلامك اي اخيرا دى قصدك اي يا رحيم 

رحيم قبل راسها بفرح:- مش قصدي يا روحي بس انا مش مصدق انى اتجوزتك فضلت احلم بيكي سنين من قبل ما تتولدي على امل انكي في ثانوي 

يسرا حاولت متضحكش بصتله و قالت:- مامتك هتفرح اوى 

رحيم بحماس:- انا هتصل بيها 

يسرا مسكت ايديه بسرعة و فرح:- تو هنروحلها نبات معاها و نقولها الخبر وش لوش اي رايك 

رحيم قبل ايديها:- رايى انكي احسن ست في العالم و حقيقي هطير من الفرحة يلا 

نزلو من العيادة ركبو العربية و اتحرك يسرا فتحت الفون بتاعها و بقت بتلعب فيه بعد وقت في بيت هارون 

هارون بفرح:- مفيش مرواح هتباتو معانا النهاردة ولا زهقت مننا يا اسامة 

اسامة باحترام و ابتسامة::- بالعكس يا عمي انتوا وحشيني اوى بس 

خلود خرجت من المطبخ :- من غير بس هتباتو معانا يعني هتباتو معانا بقلنا كتير مقعدنش مع بعض 

قالتها و هى بتقدم ليهم الحلويات حطت الصينية على التربيزة و قعدت جانب هارون كالعادة 

يونس:- بيم ان كلكم موجودين ف انا عايز انى قررت اتجوز 

خلود بفرح:- بجد يا يونس 

يونس بابتسامة:- بجد يا ست الكل ابنك قرر يفرحكم بيه 

ياسين:- ايوة بقا و اقعد في اوضك براحتي بصي يا امي اول ما يونس يتجوز هجيب حاجاتي انا و لوكة و نجي نقيم عندكم 

يونس بص له بطرف عينيه:- طب لو جدع اعملها 

ملك بفرح:- مبروك يا يونس 

حياة:- اخيرا انا قولت خلاص هتخلل جانبنا 

مريم:- و يا تري مين العروسة 

يوسف بابتسامة:- كلنا عارفين مين بس هنسيبه يقول 

خلود بفضول و حماس:- قول بقا مين حد نعرفه 

يونس بابتسامة:- شبهك يا امي بشوفك فيها نفس حنيتك 

هارون؛- دا تثبيت يا حبيبي مش شهادة قول بقا خنقتنا 

يونس بحب:- هى دكتورة اسمها صوفيا.  فاكرة يا امي الحادثة الى حصلت زمان 

خلود:- الله لا يعود دا يوم 

هارون فهم:-: البنت الى انقذتها 

خلود بصت لهارون بصدمة:- ايوة يا حبيبي بس دى دى كنت هتحرم منك بسببها 

هارون بهدوء :- كله مكتوب يا خلود و لو كويسة يبقا ليه لا 

خلود بصت لابنها شافت الفرح في عينيها ابتسمت غصب عنها:- الى تشوفو هو هارون 

مريم بصت لشنطة الى جيبها معاها طالعت منها كرتونة فتحت الكرتونة و قامت فتحت الكرتونة طالعت منها الجزمة عطتها لخلود:- اي رايك يا مامي في الجزمة دى 

خلود بهدوء:: جميلة يا حبيبتي 

مريم :؛ دى هدية مني لسلفتي الجميلة 

مريم طالعت الفردة التانية:: دى مقاس تلاتة و تلاتين و دى مقاس خمسة و تلاتين 

الكل بصلها باستغراب و عدم فهم 

ملك بين سنانها:: خلاص شليها 

مريم بصت لهارون و خلود و بعدين بصت ليونس:: اي دا انتي مكسوفة تقولي ان سلفتك المستقبلية مقاس جزمتها فردة و فردة رجل طويلة و رجل صغيرة تو اخص عليك يا يونس كدا متقولش لاهلك انها عندها فرق طول…. و اهلها منفصلين كمان …….. 

اما في بيت اهل رحيم 

وفاء بتمثل الفرح:- مبروك يا حبيبتي ربنا يقومك بالسلامة 

ريهام الدموع اتجمعت في عينيها:- مبروك يا رحيم مبروك يا يسرا 

يسرا بصتلها من فوق لتحت:- شكرا يا طنط 

رباب بحماس و فرح:- لو جت بنت سموها على اسمي يا رحيم 

يسرا بابتسامة:- ما هو دا الى هيحصل باذن الله 

الباب خبط 

وفاء باستغراب:- و دا مين الى جاي الساعة دى 

رحيم:-  خليكي يا امي انا هفتح الباب 

رحيم قام فتح الباب 

الشاب:- الشلام عليكم ممتن ادخل 

يسرا فتحت تلفونها:- طالع يا سوسن انت مش غريب يعتبر من العيلة 

رحيم بعد عن الباب الشاب دخل 

يسرا فتحت التسجيل الى سجلته لشاب و هو بيعترف على ريهام و وفاء 

قفلت الفون ريهام قامت من مكانها يسرا مسكت ايديها:- على فين يا طنط السهرة حتي لسه هتبداء 

الشاب شارو على ريهام و وفاء:- دول الى اتفقوا معايا ان اعتدي على مراتك و تبقا متخدرة مفتحة عينيها بش مش في وعيها ……