رواية تحت شعار العشق الفصل التاسع عشر 19 – بقلم سلمى محمد شعبان

بعد اسبوع فى مكتب يحيي بشركة النميري

يحيي قاعد على كرسي مكتبه باسترخاء وحط رجل على رجل وفي ايديه مجموعة من أسهام وبيرميهم واحد وراء تاني بتركيز على صورة موجودة فى حيطة قدامه فضل يرميهم لحد ما ماخلص كل اسهام على وش صاحبة الصورة…..قام من مكانه ووقف قدامها ولمس ضحكة صاحبة بصبعه وبصلها بعمق وتوعد

يحيي بغموض : ماكنتش عايز أن دا يحصل بس انتي ما سبتليش اختيار غير دا.

وفجأة فون يحيي رن فطلعه من جيبه ورد

يحيي : عايز اى يا حسنى

حسنى سواق كاميليا بتوتر :يحيى بيه كاميليا هانم

يحيي:مالها كاميليا متنطق على طول

حسنى بسرعة: كاميليا هانم مش فى الكلية

يحيي بيزعق: نعم يعنى مش فى كليتها اومال انت لازمتك اى

حسنى:يا بيه انا…….

يحيي بحدة : اخرس خالص حاسبك معايا بعدين

يحيي قفل فى سكة فى وشه واتصل عليها اكتر من مرة بس فونها مقفول

يحيي : لو نزلتي لسبع ارض هجيبك يا كاميليا ما هو مش بعد اللي عملته تجي انتي تهربي مني

**************بقلمي سلمى محمد شعبان

بعد نص ساعة فى عربية يحيي

يحيي وهو بيكلم حازم فى فون : عملت اى يا حازم

حازم : سألنا صاحبتها وقالتى ان كاميليا هانم ماجتش الكلية انهاردة واتاكدت من سجلات حضور الطلبة أنها فعلا ماراحتش وبعت واحد من رجالة على عنوان شقتها القديمة بس برضو مش موجودة

يحيي بحدة : اقلبوا الدنيا عليها متكلمنيش غير لما تكون لاقيتها

حازم:امرك يا باشا

اقفل يحيي مع حازم وضرب ايديه في الدريكيسون بغضب

يحيي بتوعد : بقى بتهرب مني انا ماشي يا بنت سمية ورحمة امي ما هرحمك

بعد خمس دقائق فون يحيي رن ماسكه لاقى كاميليا بتصل دس على الفرامل بسرعة ووقف العربية ورد عليها

يحيي بعصيبة : انتى فين يا هانم واقفلها الزفت اللى معاكي دا ليه ايه روحتى فين من غير ماتقوللى هتفضلى ساكته كده كتير متردى

كاميليا:ههههههه طب هرد ازاى وانت مش مدينى فرصة اتكلم

يحيي بحدة:كاميليا انطقى انتى فين

كاميليا : انا فى العزبة

يحيي:بتعملى اى هناك

كاميليا : تعال وانت هتعرف

واقفلت من غير ما تسمع رده

يحيي بضيق : ماشى لما نشوف اخرتها معاكي يا بنت سمية

يحيي اتصل بحازم

يحيي : ايه يا حازم….وقفوا البحث انا خلاص لاقيتها

*****************بقلمى_سلمى_محمد_شعبان

بعد ساعتين فى المنصورة

دخل يحيي الفيلا بس استغرب ان لاقى الباب مفتوح وكمان مفيش حد من الخدم موجود غير البواب وبيدور بعينيه على كاميليا فى المكان

يحيي : كاميليا انتى فين يا كاميليا

وفجاة لاقي طرحة بتلف حوالين عينيه

كاميليا وهى بتربطها : أثبت علشان أعرف اربطها

يحيي بضيق : اى يا كاميليا شغل عيال دا

كاميليا : شغل عيال وعلى أساس لما انت عملتها شغل كبار….ماشى يا عم يحيي مقبولة منك امشى معايا بقا

كاميليا اخدته من ايديه وطلعوا السلم لحد ماوصلوا للتراس.

يحيي بزهق : متخلصى بقا يا كاميليا انا زهقت من بتاعة دى

كاميليا : خلاص اهو وصلنا

كاميليا سابت ايديه وبعدت عنه ويحيي اول ما بعدت شال طرحة وفتح عينيه لاقى نفسه فى التراس وقدامه لوحة محطوطة على حامل بتاعها ومرسومة فيها صورته بطريقة محترفة جدا وحوالينها على الأرض في شموع و ورد وفجأة سمع صوتها من وراءه بصلها لاقها جاية ناحيته ولابسها فستان قصير بلون النبيتى و اكمام قصيرة من دانتيل عليه بعض نقوش و شعرها مفروض على كتفها وحط ميك اب رقيق جدا مخليها اجمل وعينيها عسلية اللى بتلمع بعشق وابتسامتها جميلة منورة وشها

كاميليا وهى بتقرب منه وفى ايديها تورتة وبتغني : Happy birthday to you Happy birthday to Yahia Happy birthday to you

يحيي أول ماشافها كدا هو واقف زى مسحور من جمالها وعينيه منزلش من عليها ولا ثانية…..نظرة عينيها وضحكتها وملامحها وجمالها كل حاجة فيها بتخليه ضعيف و مش مركز ومسحور بيه طول ماهو معاها عقله بيكون فى غيبوبة وقلبه وهي بيتحكموا فيه ضحكة منها بتفرحه بتخليه يحس كأنه ملك الدنيا وما فيها….فاق من سحرها اول ما لمست ايديها ايديه

كاميليا وهي بتصله بحب : اكيد مستغرب عرفت ازاى بصراحة جدو صبرى هو إللى قالى من اول امبارح وانا فكرت اعملك مفاجأة واحتفل انا وانت مع بعض……بص عارفة انك زعلان منى علشان مروحتش الكلية واسفة اني عملت كدا وخليتك تقلق عليا بس انا كنت عايز افرحك واخلي اول عيد ميلاد ليك واحنا مع بعض مميز يا حبيبي…..ولفت ايديها حوالين رقبته وكملت بابتسامة : كل سنة وانت معايا وحبيبى وعمرى وحياتى كلها وبالمناسبة دى عايزة اقولك اني…..ووقفت على طراتيف صوابع رجليها واقربت من ودنه وهمست بعشق ورقة : بحبك يا اللى ماعرفتش معني الحب ولا جربته غير معاه بحبك اوى يا يحيي……وباسته فى خده برقة ونعومة تدوب الحجر وحضنته.

يحيى فى لحظة دى اسعد واحد فى الدنيا علشان اخيرا سمعها منها ونفسه ياخدها فى حضنه بس مايقدرش ينسى عملته أمها ولا ينسي الوعد اللى عاهد بيه نفسه أنه ياخد حقه و حق أمه لسه نار الانتقام بتولع فى قلبه مش هتهدى غير لما يكسرها وينتقم منها….وغمض عينيه و افقل على ايديه بقوة وغضب من نفسه و بيمنع نفسه ان يضعف قصادها تاني

يحيي فى سره:اياك تضعف يا يحيي اياك خلاص فرصتك وجت لحد عندك لازم تنهى حكاية دى دلوقتى

كاميليا استغربت من أنه ماحضنهاش ومن سكوته غريب….خرجت من حضنه وحط ايديها على خده

كاميليا:مالك ياحبيبى …. وهو انت مش مبسوط من مفاجأة

يحيي فتح عينيه وبعدها عنه بقرف وبصلها ببرود

يحيي بسخرية : لا بالعكس انا مبسوط و مسبوط اوى كمان جدا ….. بس مش هبل اللى انتي عامله دا تو مسبوط أن خطتى مشت زى منا رسمتها ويمكن اكتر شوية

كاميليا ابتسامتها راحت وعقدت حاجبها باستغراب من حاله اللى بدل فجأة وبتدعي أن يكون بيهزر مايكنش اللى فى بالها

كاميليا بهدوء : اقصدك اى

يحيي ادها ضهره ببرود : قصدى انتي فاهمة كويسة واللى كنت خايفة منه حصل…..كل دا كانت مجرد لعبة علشان انتقم منك يعنى كل عاشنا مع بعض فترة اللى فات ومشاعري ناحيتك وكلامي ليكي و طلبي فرصة تانية لجوازنا كل دول كانوا كدب فى كدب وانتى زى غبية صدقتني انى بحبك هههههههه وبقيتي بتلبسي وتدلعي زى البنات علشان تعجبني هبلة انتي لو مهما لبستي هتفضلي فى نظري حتة جرسونة معفنة مستناضفش اخليها تمسح عربيتى مش احبها واخليها مراتي بجد….انا مش بكره حد فى حياتى اقدك يا بنت سمية.

كاميليا مصدومة من كل كلمة قالها إللى قدامها مش يحيي حبيبها مستحيل يكون هو بعد ما كان راحتها يبقى هو وجعها مافكرتش أن يحيي عدوها اللى اقلب حياتها من ساعة دخلها ممكن يرجع تاني بقسوته وكلامه اللى بيكوي وبيوجع قلبها….بس ماضعفتش قدامه مابينتش ان كلامه اثر فيها و ربعت ايديها على صدرها بتصله بجمود: وايه سبب اللى مخليك كرهنى اوى كده وعايز تنتقم منى يا ابن النميرى

يحيي لف ليها ووقف قدامها وبصلها بكراهية وحقد : سمية امك هى سبب حياتي ادمرت وعيشت يتيم طول عمري بسببها…..امك خانت ثقة امى فيها وسرقت جوزها وقعته فى غرامها وخليته يهرب معاها….خربت بيتنا وحرمتنى من ابويا وكسرت قلب امى إللى كانت كل يوم بتنام ودمعتها على خدها كنت بشوف امى بتموت بطيي قدام عينيا وانا مش عارف اعملها حاجة لحد ماتت بحسرتها على نفسها وعلى جوزها وصاحبتها اللى خانوها ومن ساعتها حلفت انى اخد حق امى من امك بس هى كان حظها حلو وربنا اخدها قبل ما اقدر اوصلها عايشها اضغاف وجع إللى امى عشته بسببها…..بس شوفتى بقى بعد 8 سنين من موت امك اقابلك واعرف انك بنتها….. بس عارفة لولا اللى انتى عملتى معايا لما شوفتك اول مرة كنت ممكن اسامحك وماخديكش بذنب امك بس…..وماسك ايديها وضغط عليها بقوة وكمل بقسوة : انتى عملتى اللى مفيش حد قدر يعمله ومديت ايديكى دى عليا وخليتى حسابك معايا دوبل يا سمية

كاميليا بسخرية : وانت بقا عرفت ازاى اني بنت سمية اى بتشم على ضهر إيدك ولا مخاوى

يحيي بكره : من بطاقتك اللى وقعت منك يومها يا روح امك……افتكر انى هكسرك واذلك لما تعيشى خدامة ليا بس معرفتش اذلك كل ما اعمل حاجة علشان اذلك واكسر مناخيرك اللى مش عارف رفعها لسماء على اى……بس كل مرة القيكى اقوى واعند من اول

كاميليا بسخرية : علشان كده فكرت تكسرنى وتكسر قلبى بتمثيلية الحب بتاعك مش كده لا بجد عبقري

وفجاة كاميليا بدات تضحك بطريقة هستيرية ويحيي استغراب من رد فعلها دايما بتفاجئه بردود أفعالها.

يحيي بغيظ : بتضحكي على اى

كاميليا وهى بتهدى من ضحكها : ماكنتش اعرف انى شاطرة اوى فى تمثيل

يحيي ماسكها من دراعها بغضب:اقصدك ايه

كاميليا بعدت ايديه عنها بقرف وابتسمت باستفزاز وبتصله باستهزاء

كاميليا ببرود : اقصدى انى مش غبية اوى كده علشان اصدق لعبة رخيصة مايعملهش غير واحد رخيص وضعيف زيك

يحيي ضربها بقلم على وشها : اخرسى رخيصة هى امك

كاميليا حطت ايديها على خدها و ابتسمت بسخرية : معلش انا عذراك اكيد هتموت بغيظك بسبب خسرتك قدامى و مقهور على خطتك العظيمة اللى فشلت ايه كنت فاكرنى هحبك لا كمان هتقدر تكسرلي قلبي ههههه يبقى انت لسه ماتعرفينش يا ابن النميرى…اى واحدة مكانى بمجرد ماتعمل عليها تمثيليتك دى هتصدقك…. إنما انا لا علشان فاهمك صح وحسيت من أول لحظة انك ناويلى على مصيبة علشان كدا لعبت معاك بنفس طريقتك عيشت دور معاك لحد ماعرف اخرك ايه وليه انت بتكرهنى كدا واديني اهو عرفت كل اللى عملته معايا دا علشان تنتقم من امى فيا….امى اللى عمرى فى حياتى ماشوفتها امى اللى سبتنى لعمتى وانا لسه ماكملتش سنتين امى اللى طول سنين دى معرفش هى سبتنى ليه ولا اذا كانت عايشة ولا ماتت بس انت اهو عرفتنى دلوقتى هى سبتنى ليه علشان راجل تانى وعلشان فلوسه……انا متشرف ان دى واحدة رخيصة زى دى تكون امى…..انا امى هى عمتى سامية الله يرحمها وبس….وشكرا على كل حاجة يا يحيي شكرا ان علمتنى اكبر الدرس فى حياتى كلها.

كاميليا اول ما لفت وشها ناحية الباب ماقدرتش تمسك نفسها ونزلت دمعة من عينيها غصب عنها مقدرتش تفضل واقفة اكتر من كدا فى مكان هو فيه بقت كارها ايه حتة وهو فيها وبذات المكان دا وخرجت كاميليا من تراس ومن فيلا كله وهى بتجري بسرعة

*****************بقلمى_سلمى_محمد_شعبان

يحيي بعد ما كاميليا مشت بص حواليه على كل حاجات اللى عملتها علشانه

يحيي باستهزاء وحسرة : اى كنت فاكرها هتعيط او تنزل دمعة قدامك……مبسوط دلوقتى بكسرتها وكسرت قلبها بسببك وبسبب انتقامك……شوفت نار انتقام لما حرقت حرقتك انت وقلبك الاول مبسوط دلوقتى لما خسرتها وخسرت قلبك معاها…..قلبك اللى عمره مادق ولا عشق غيرها هى وبس…..وكسر كل حاجة حواليه بغضب وعتاب لنفسه: اااه انت ماتساهلش ان حد يحبك…. ماتساهلش حد يبقى معاك انت هتعيش لوحدك وتموت لوحدك….شوفت اخرت غباءك وانتقامك خسرت اقد ايه خسرتك قلبك وخسرت كاميليا للابد

*****************بقلمى_سلمى_محمد_شعبان

فى واحد من الشوارع المنصوره

الدنيا كانت بتشتي والناس كلهم بيستخبوا من مطرة و برد شتاء بس هى مش حاسة بحاجة لا بمطر ولا برد ماشية زى تايهة مش عارفة هى رايحة فين…..دموعها بتنزل بوجع وبحسرة على قلبها وغباءها اللى خلها تصدقه وتحبه وهو بكرهها بسبب واحدة عمرها ماشافتهش ووقفت وبتص للسماء بضياع وحزن وصرخت بوجع من حرقة وكسرة قلبها

كاميليا: يااااااااارب.

**