رواية تحت شعار العشق الفصل العشرون 20 – بقلم سلمى محمد شعبان

وعد شهرين على الاحداث دى كاميليا اختفت من ساعتها وماحدش عرف هى راحت فين……ويحيى من يومها وهو اتغير 180 درجة ومع الأسف تغير دا لاسوء بقى قاعد فى شقته وافقل فونه ومنعزل عن الدنيا…..اهمل نفسه وشغله ومبياكلش غير اللى بيخليه عايش وطول ليل ونهار بيشرب الخمر بس مش علشان ينسيها لا علشان يقدر يشوفها قدامه يتخيلها معاه وفى حضنه ويتكلم معاها ولما ميشوفهش بيقعد يعيط زى عيل صغير اللى امه ضاعت منه….فى كل ثانية بيتعذب فى بعدها عنه….وشها اللى اتعود يصحي عليه….حضنها اللى كان مبيعرفش ينام غير فيه…عينيها وضحكتها و ريحتها وصوتها وكل حاجة فيها ضاعت منه وبايديه……ندمان على غباءه اللى دمر حياته وحرمه منها ندمان على كل لحظة وجعها فيها ندمان على حب عمره اللى اتحرم منه بس الندم مفيش فايدة منه دلوقتي لا هو يقدر يرجع بزمن يغير اللى قاله ولا يقدر يواجهها ويطلب سماح بعد اللى عمله……ربنا لما بيدينا نعمة لازم نحفظ عليها ونحميها مش ندوس ونتكبر عليها لان ساعتها ربنا عقابه بيكون كبير اوى وهو دا اللى حصل مع يحيي ربنا ادله نعمة من اجمل النعم وهى الحب بس هو كان غبي ومشي وراءه كراهيه و دس على قلبه وحبه برجله……ودلوقتي هو عرف قيمتها بس بعد ما راحت منه ربنا عقابه بعذاب وندم فى كل ثانية على تفطيرته فى نعمته……..اما غيث وليلى سعادة وفرحة وحب سيطرة على حياتهم و فى فترة دى بداوا يجهزوا لفرحهم.

*******************بقلمى_سلمى_محمد_شعبان

في مدينة القاهرة بليل وتحديد بشقة يحيي في منطقة 6 اكتوبر

يحيي كالعادة نايم على الارض وحواليه ازايز الخمر فاضية فى اوضة مفيش فيها غير كرسي…..وفجاة صاح مفزوع بسبب مايه اتكعبت عليه

يحيي بخضة : بسم الله الرحمن الرحيم اى فى اى

غيث : صحى النوم يا باشا

يحيي بدهشة : انت اللى جابك وعرفت مكانى ودخلت ازاى

غيث بغرور : عيب عليك يا ابن خالتي انا ماخدتش اسم فهد المخابرات من فراغ

يحيي بضيق : انا مصدع مش فايقلك خالص

غيث : ماطبيعى تبقى مصدع من مخزون الخمر اللى انت بتشربه دا امتي وانت بتشربها اصلا

يحيي : غيث فكك مني ومالكش دعوة

غيث : لا ليا لما لاقيك بتضيع نفسك يبقى لازم ادخل وافوقك

يحيي : من الاخر كدا انت جيت ليه وعايز اي

غيث : عايزك تقوم تنضف شوية وتبقى زى بني ادمين وتلبس ترجع البيت جدي عايز يشوفك

يحيي وهو رايح اوضته : اطلع بره يا زفت وسيبى انام واقولي لجدي اني مش راجع

غيث بخبث : انت مش عايز ترجع البيت علشان بيفكرك بكاميليا صح

يحيى وقف اول ماسمع اسمها وابتسم بانكسار و همس بحنين : انا مانستهش اصلا علشان افتكرها

غيث حط ايديه على كتف يحيي : طالما انت بتحبها اوى كده ليه سيبتها تروح منك من اول

يحيي غمض عينيه بوجع وحزن ومردش

غيث : ليه ماسمعتش كلامي اقولتك هتندم فى الاخر ومصدقتنيش وغلطت نفس غلطة وضيعتها من ايديك زي زمان

يحيي حس أنه هينفجر لو ماتكلمش لف لغيث وبعد ايديه عن كتفه بغضب

يحيي بعصيبة : عشان غبى انا اغبى واحد فى الدنيا…سيبتها تروح منى اقولتها كلام مهما حاولت اعتذرلها عليه مستحيل تسامحنى سعادة كانت بين أيدي وضيعتها….وعايش ندمان على كل حاجة عملتها غلط فى حقها وفى حق نفسى.

غيث : بس مش هينفع تفضل كده يا يحيي انت مش شايف نفسك بقيت ازاى انت فاكر ضعفك دا اللى هينفعك او هيقلل إحساسك بالذنب لا انت كده بتزيده وهتفضل طول حياتك ندمان مش بس على خسرتك ليها لا وعلى عمرك اللى ضيعته وانت واقف محلك سر وحطت ايدك على خدك وبتقول ياريت اللى جرا ماكان……الندم عمره مابيرجع زمان ولا بيفيدك بحاجة بالعكس دا بيتعبك اكتر….اقوم يلا وارجع يحيي النميرى بتاع زمان اللى بيفضل واقف زى الجبل قدام المصايب ارجع لحياتك وشغلك وبيتك….انت لسه قدامك وقت دور عليها لحد ماتلاقيها وافضل وراءها لحد ماتسامحك ماتياسش……وخلي حبك ليها يقويك مش يضعفك يا صاحبى سلام.

خرج غيث من الشقة وساب يحيي بيفكر فى كل كلمة قالها غيث وفعلا هو معاه حق من امتى هو ضعيف…الضعف عمره ماكان فى قاموسه

يحيي باصرار : خلاص مفيش ندم ولا ضعف ولا وجع ولا انتقام تانى من انهاردة هتكون بداية جديدة فى حياتى علشاني وعلشانك يا كاميليا…..وبص حواليه على صورها إللي ملياية كل حطية فى اوضة سرح فيهم كل صور فيها ذكري ليهم مع بعض صورتهم وهى بين أيديه أول ما اتولدت وصورتهم فى عيد ميلادها اول و اخر صورة ليهم مع بعض وهما صغيرين وسعادة وفرحة وبراءة موجوده في عينيهم وضحكتهم واقرب من صورة كبيرة متعلقة على حيطة لكاميليا وهى بتضحك يحيي صورلها لما كانوا فى المنصورة ولمسها باصبعه باشتياق و حب : انا سبتك تبعدي عنى مرتين…… 20 سنة ضعيتهم وانتي بعيدة عنى بس ومعنديش استعداد اضيع اللى باقي من عمري ومن غير ماتكوني معايا مش هسيبك يا كاميليا وهرجعك ليا مهما كان تمن……عارف انك هطلعي عيني لحد مالاقيكى وتسامحنى بس مش مهم…..المهم اشوفك قدامى واخدك فى حضنى وارجع اشوف ضحكتك يا مهرتى شرسة.

طلع يحيي فونه اتصل ب حازم

حازم : اومرني يا يحيي باشا

يحيي :حازم عايزك تلقب الدنيا على كاميليا متسبش مكان فى مصر الا وتدور فيه حتى قائمة المسافرين فى مطارات ولا القطر….مش مهم عدد الرجالة اللى هتحتاجهم المهم انك تلاقوها سامع.

******************بقلمى_سلمى_محمد_شعبان

فى صباح اليوم التالى فى شقة 6 اكتوبر

يحيي صاح لاول مرة من تلات شهور بنشاط….دخل الحمام اخد شاور وحلق دقنه وبعدها غير هدومه ولابس بدلة كلاسيكة بلون رمادي وتحتها قميص ابيض وسرح شعره وحط بريفوم ولبس ساعة ايديه وبعدها لبس جزمة بلون أسود ونزل من شقته وركب عربيته وطلع على شركة.

بعد ساعة فى شركة النميرى

يحيي خرج من اسانسير وماشي فى الكوريدور اللى موجوده مكتبه

نجلاء سكرتيرة اول ماشافته وقفت باحترام : صباح الخير يا مستر يحيي

يحيي وهو داخل مكتبه : صباح النور نجلاء حضرلى اجتماع مع كل رؤساء اقسام

نجلاء : بس يامستر اجتماع دلوقتى شغال فى قاعة اجتماعات

يحيي وقف قدام مكتبها وبصلها باستغراب : اجتماع ومين اللى عمله

نجلاء:رئيس مجلس الادارة يا افندم

يحيي : تمام كملى انتى شغلك

نجلاء:حاضر يا افندم

فى قاعة اجتماعات

دخل يحيي قاعة من غير مايخبط وفى باله أن جده هو اللى جوا بس اول ما فتحت الباب ودخل شاف اخر حد يتخيل يشوف فى مكان دا وقاعد على كرسي رئيس مجلس إدارة ومتراس اجتماع

يحيي بصدمة:كاميليا