رواية تحت شعار العشق الفصل الحادي والعشرون 21 – بقلم سلمى محمد شعبان

بقلمى_سلمى_محمد_شعبان

يحيي واقف زى التمثال ساكت مش سامع ولا حس بحاجة حواليه مش مصدق انها قدامه تلات شهور وهو محروم من مهرته ودلوقتي قدامه ومفيش فصل بينهم غير تربيزة اجتماع عينيه منزلش من عليها بياكل ملامحها بيهم بنظراته اللى كلها عشق واشتياق……وفاق يحيي من سرحنه فيها على صوت كاميليا

كاميليا ببرود: هتفضل واقف زى صنم كده كتير يلا اطلع برة

يحيي بصدمة : انتى بتكلمنى انا

كاميليا : لا خيالك اطلع برة خلينا نكمل شغل

يحيي: كاميليا انتي بتقولي ايه انتي مالك بشغل وبتعملي ايه هنا اصلا

كاميليا بتكبر : كاميليا هانم لما تكلم مع رئيسة مجلس ادارة مجموعة تبقى تتكلم بحترام

يحيي بسخرية: هانم ….انتى بتهزرى ولا بتسعبطى….رئيسة ايه انتى شاربة حاجة على صبح

كاميليا وقفت وضربت ايديها على تربيزة بغضب:احترم نفسك وانت بتكلم معايا ماتنسش نفسك

يحيي بغضب : لا شكلك انتى نسيتى انا مين يا بنت سمية

كاميليا قعدت على كرسي وحطت رجل على رجل بتصله باستهزاء

كاميليا بتكبر : هتكون مين يعنى انت مجرد موظف عندى زيك زى غيرك

يحيي بغضب : كاميلياااااا اتضبطى وتكلمى عدل بدل ما….

كاميليا ببرود : بدل ما اى هاااا انت مفيش فى ايديك حاجة تعملها اسهام اللى ليك فى شركة مجرد 10% وانا اسهامي 70% يعنى انا متحكمة فى كل حاجة هنا مش كدا يا متر

يحيي : 70% ازاى انتي اصلا مالكيش اى اسهام ولا حاجة فى شركة

كاميليا : ماتكلم وتفهم استاذ يا كامل

كامل محامي كاميليا حط ملف قدام يحيي وكمل بعملية : يحيي بيه ملف اللى قدامك بيثبت فيه أن كل اسهام سيف الدين بيه وسامية هانم سليمان مكتوبة باسم كاميليا هانم من اكتر 20 سنة…نسبتهم 30 % من إجمالى اسهام الشركة دا غير أن صبري باشا عمل توكيل ليها بإدارة الشركة واسهام بتاعه وهى 40 % وعلى حسب بنود وسياسية الشركة أن رئاسة مجلس إدارة بتكون لصاحب اكبر نسبة و بكدا كاميليا بقت رئيسة مجلس إدارة بنسبتها فى شركة وبعد ما باقي مساهمين وافقوا عليها

يحيي ماسك ملف بيقرا وبيتاكد من كلام كامل وفعلا كلامه صح كل أوراق متسجلة فى شهر عقاري حتى توكيل مضدي بخط صبري.

يحيي فى سره : انا هتجنن ليه جدي عملت كدا معقول عايز تعقبني علشان اللى حصل بيني وبينها

خرج يحيي من دوامة افكاره على صوتها بصلها لاقها بتصله من فوق لتحت بسخرية وشماتة

كاميليا ببرود : مش اتاكدت يا استاذ يحيي أن أوراق مضبوطة….ودلوقتى ارجع على مكتبك وشوف شغلك بدل ما اخصملك من مرتبك دوبل علشان تاخيرك على مواعيد الشغل ودخولك من غير استأذن وتعطيلك لاجتماع

يحيي جاب آخره مقدرش يتحكم فى أعصابه اكتر من كدا رمى ملف فى وش كامل وماسك الكرسى اللى قدامه و حدفه عليها من غيظه بس ماجش فى كاميليا وجى في الشباك….وكل الموجدين فى قاعة اتصدموا من عمله يحيي وماحدش كان يتخيل أنه يشوفه فى حالة غضب وعصيبة دى….وكاميليا لسه قاعدة فى مكانها ولا كان فى حاجة حصلت ومبتسمة ببرود

يحيي بعصيبة : تخصملى كمان انتى اتجننتى يا بنت سيف

كاميليا بحدة : الكل يطلع برة حالا

**************بقلمى_سلمى_محمد_شعبان

فى قاعة اجتماعات

بعد ما كل الموجودين فى قاعة خرجوا بما فيهم كامل محامي……كاميليا قامت من مكانها ومشت ناحية الباب بهدوء وببرود……يحيي اخد باله من هدومها اللى كانت عبارة عن قميص ازرق واول زورين منه مفتوحين وجيبة بلون اسود قصيرة فوق ركبتها وضيقة ومفصلة تفاصيل جسمها وجزمة بكعب عالى من نفس لون جيبة…..يحيي استفزوه لابسها وحس بنار غيرة بتولع فى قلبه لما عرف أن الناس شافتها كدا…….كاميليا عدت من جنبه ولا كانه موجود بس هو ماسكها من دراعها قبل ما تخرج من اوضة

يحيي بغيرة : اى انتى لابسها دا

كاميليا شدت ايديها منه وبتصله ببرود:وانت مالك

يحيي بغضب : مالي انا جوزك….

كاميليا ببرود : كنت

يحيي باستغراب : كنت ازاى انتي لسه على ذمتي يا بنت سيف

كاميليا ابتسمت باستهزاء وقربت من ودنه وهمست باستفزاز : روح على مكتبك وانت هتعرف يا ابن فاروق.

*****************بقلمى_سلمى_محمد_شعبان

فى مكتب يحيي

يحيى رايح جاي وبيكسر اى حاجة قدامه بغضب

يحيي بغيظ:ااااه انا يتعمل فيا كده قدام الموظفين وكمان منك ماشى يا بنت سيف….. وجدي يعملها توكيل بنصيبه انا خلاص حاسس اني هنفجر

وفجاة الباب خبط

يحيي بصوت عالى:مش عايز اشوف حد

نجلاء من وراء الباب بخوف :اسفة يا مستر بس فى محضر من محكمة عايز حضرتك

يحيي باستغراب: محضر ودا عايز اى على صبح

نجلاء : مش عارفة بس هو مصمم يقابلك

يحيي : هو يوم بيان من اوله خلاص دخليه

يحيي راح قعد على كنبة بيحاول يهدي نفسه وبيشرب الماية……ثواني ودخل المحضر

المحضر:صباح الخير يا افندم

يحيي : انجز عايز اى

المحضر طلع ورقة من دفتر بتاعه : دى دعوة لقضية طلاق رفعها عليك مدام كاميليا سيف الدين سليمان

يحيي اول ماسمع اسمها قام من مكانه فجاة ووقف قدام المحضر بهدوء ما قبل العاصفة : سامعني كدا تاني قضية اى

المحضر وهو بيمدله ايديه بالورقة : طلاق يا افندم ممكن حضرتك تمضلى هنا باستلام

يحيي اخد من ورقة طلاق منه وبص فيها وبيقرا اكتر من مرة كلام مش مصدقة أنها فكرت تعمل كدا

المحضر : يا باشا امضلي باستلام علشان ورايا شغل

يحيي : أخفى من وشي احسنلك

المحضر : بس …..

يحيي بعصيبة : بقولك أخفى من قدامي

المحضر خاف من غضبه وخرج من مكتبه بسرعة

يحيي وهو خارج من مكتبه بغضب : هى وصلت معاكي لمحاكم يا بنت سيف ورحمتك ابوكي ماهسيبكى انهاردة

***************بقلمى_سلمى_محمد_شعبان

فى مكتب صبرى

كاميليا كانت قاعدة بتكلم صبرى فى فون

كاميليا : كل حاجة ماشية زى ماخطتنا يا جدو وزمان المحضر وصله

صبرى : تمام خلى بالك من نفسك يحيي لما بيتعصب ما بيشوف قدامه

كاميليا : متخافش عليا انا عارفة ازاى هوقف عند حده

وفجاة سمعت يحيي بيزعق باسمها : كاميليااااااااااااا

كاميليا : جدو هقفل معاك دلوقتى سلام

يحيي دخل مكتب زى إعصار وعفاريت الدنيا كلها بتنطط فى وشه ونظراته لكاميليا لو بتقتل كان زمانها ماتت بسببها……وكاميليا هادية جدا ورسمت البرود على وشها ورجعت ضهرها على كرسى وحطت رجل على رجل وبتصله من فوق لتحت بتكبر وقرف

يحيي حط ورقة على مكتب : ايه دا

كاميليا ببرود : شايف اى قدامك دعوة لقضية طلاق

يحيي ضرب الكرسي برجله بغيظ: يا بجاحتك وليكى عين تقوليها كمان

كاميليا ببرود مستفز : وفيها اى انا طلبت منك الطلاق كتير وانت رفضت واقولت مابتطلقش……فحيبت اساعدك وبدل ماتنزل كلمتك الارض هخلي المحكمة هى اللى طلقنى منك

يحيى بغيظ: دا لما تشوفى حلمت ودنك يا بنت سيف مش يحيي النميرى اللى مراته ترفع عليه قضية وطلاق مش هتطلقك…..اقرب منها وشدها من دراعها وقفها قدامه وكمل بتملك : انتى ملكى انا كل حاجة فيكى بتاعى مستحيل اطلقك واسيبك لغيرى و القرف اللى انتى لابسها دا انا هعرف اعقابك عليه صح

كاميليا شدت ايديها منه وبتصله بتحدي وعند : انا مش ملكك ولا عمرى هكون ليكى يا يحيي…..وانا حرة البس اللى يعجبنى وانت مالكش حكم عليا……احنا كل اللى ربطتنا ببعض هو عقد جوازنا وكلها كم يوم واخلص منك ومن ربطة دى

يحيي زقها على حطية اللى وراءها وحط ايديه على رقبتها وضغط عليها بغضب وكاميليا غرست ضوافرها فى ايديه بقوة علشان تقدر تاخد نفسها بس هو زى الصخر وماتحركش

يحيي همس فى ودنها بتملك : انتى من ساعة مامضيتى على عقد جوازنا وانتى بقيت بتاعى فكرة ان اطلقك دى انسيها ولو اطربت السما على الارض مستحيل اطلقك انتى مراتى وبتاعي انا بمزاجك بقا او غصب عنك ومش هسيبك حتى لو موتى هموت وراءكى….انا قدرك اللى مش هتعرفى تهربى منه ابدا يا بنت سيف

يحيي باسها بقسوة وتملك بيطلع فيها كل غضبه منها……وكاميليا بتضربه فى صدره وبتحاول تبعده بس هو مش حاسس بحاجة غير انها بين ايديه بعد شوق وحنين استمر لاكتر من شهرين وبعد ايديه عن رقبتها ودخلها في شعرها و ايديه تاني حطها على وسطها واقربها منه بتملك عاشق واتغير قبلته من قبلة كلها قسوة بيعقبها بيها على كل كلمة قالتها لقبلة مليانة بعشق واشتياق وشغف….وكاميليا بطلت تقاومه وغمضت عينيها وحست بضعف معاه مش قادرة تضحك على نفسها اكتر من كدا وتنسي انها لسه بتحبه ويمكن اكتر من اول……بس فجأة كلامه ليها من شهرين رجع بيرن فى عقلها وخالها تفوق من داومة مشاعر وفتحت عينيها وزقته و رفعت ايديها وضربته بقلم بقوة

كاميليا بتحذير : اياك تقرب منى تانى انت مالكش حق تلمسنى ولا تقرب منى و قدامك حاجة من اتنين يا تحفظ كرامتك وتطلقنى بذوق يا هخلعك وتبقى مخلوع يحيي النميرى سامع اشوفك فى محكمة يا مخلوع

خرجت كاميليا من مكتب بسرعة واول ما دخلت الأسانسير وهى بتنهج زى اللى كان بيجرى فى سباق بتص لنفسها فى مراية لمست شفايفها وابتسمت.

*************بقلمى_سلمى_محمد_شعبان

الساعة 10 بليل فى قصر النميرى

يحيي دخل القصر زى التور الهايج وغضب وعصيبة مسيطرين عليه من اللى كاميليا عملته فيه انهاردة ولو شافها قدامه دلوقتى هيقتلها عايز يطلع غضبه فى كيس الملاكمة لحد ما يهدي وهو طلع لاوضته سامع صوت صبري من وراءه

صبرى بسخرية : اهلا بالبيه اللى غايب بشهرين ومافكرش يسال علي جده ولا مرة

يحيي غمض عينيه وبيحاول يهدى نفسه علشان ما يفقدش اعصابه قدام صبرى.

صبرى : مترد ولا اطرشت

يحيي:جدى بالله عليك سيبنى فى حالى انا مش طايق نفسى اصلا

صبرى بسخرية :مفاجاة كانت صعبة مش كده

يحيي بدون وعي : صعبة دى طلعت من نفوخى.

صبري : هههههههه احسن

يحيي : استنى هنا انت ازاى عرفت انى راجع شغل انهاردة

صبرى: هو انت فاكر اني طول شهرين اللى فاتوا معرفش انت فين ولا بتعمل اى

يحيي : واخرت مراقبتك ليا اى ولا كأنى عيل صغير ودلوقتى بتعقبنى بكاميليا صح …. وانت اديتلها نصيب أبوها فى شركة وكمان تعملها توكيل باسمك وتخليها رئيسة عليا علشان تطلع عليا قديم وجديد مش كده

صبرى : اى مش حقها اللى اتحرم منه معرفتش أنه موجود اصلا بسببك ونصيبها من اسهام سيف مكتوبين ليها من زمان وانت عارف اما بالنسبة لنصيب فانا حر فيها اكتبه لانا عايزاه

يحيي : انا مش فاهمك وهو مين فينا حفيدك انا ولا هى…..يعنى انت هتكون مبسوط لما تشوفنى متبهدل وتعبان بسببها

صبرى :احسن خليها تربيك علشان تعرف تلعب لعبتك رخيصة دى تانى…..متعرفش انت نزلت ازاى من نظرى من ساعة عملته

يحيي:ياجدى انا…..

صبرى ضربه بقلم على وشه…يحيي اتصدم من جده اللى عمره مارفع ايديه عليه.

صبرى بحزم : اخرس خالص انت اثبتلى انى معرفتش اربي وانك مش راجل اقولتك مليون مرة كاميليا مالهش ذنب فى اللى عملته امها بس انت تسمع كلامى ليه لازم تمشي وراء دماغك شوفت اخرتها……حصل ايه ياريت تكون ارتاحت باللى عملته مع انى متاكد انك عمرك ماهترتاح ولا تعيش زى باقي الناس طول مانت ماشي وراء اوهامك ودماغك. 

**********************بقلمى_سلمى_محمد_شعبان

فى اوضة يحيي

بعد ما صبري ساب يحيي ومشي…يحيي طلع على أوضته و اول مادخلها لاقها زى ماهى متغيرش فيها حاجة حس انها لسه موجوده فيها ريحتها ملياية المكان صوت ضحكتها لسه بترن فى ودنه…..وشاف ذكرياتهم مع بعض بتمرر قدام عينيه زى شريط السينما ابتسم بوجع على سعادته اللى ضيعها بايديه….عايز يدي نفسه بمليون جزمة لدرجاتي اتعمى وماشاف سعادة اللى هو كان عايشها معاه علشان غلطت حصلت لا كانت بايديه ولا بايديها لدرجاتى كراهية لما تسيطر على عقل و قلب حد بتخلي ينسي اى حاجة حلوة عاشها مع اللى حواليه فى سبيل أنه ينتقم منهم ويرضى غروره….لكن دايما اللى بيزرع شوك لازم يحصد شوك يعرف جزاء الكراهية و الحقد هو وجع وعذاب ضمير وحسرة على الناس اللى بيحبهم ومابيعرفش قيمتهم غير بعد فوت أوان.

وخرج يحيي من دوامة افكاره على صوت اغانى جاى من اوضة اللى جنبه بضبط

يحيي باستغراب: ايه دا اغاني وكمان جاية من اوضة دى مين فتحها وقعد فيها دى مقفولة بالقها سنين.

يحيي راح عند اوضة وحاول يفتحها بس لاقي الباب مقفول….خبط عليه مرة مرتين بس مفيش رد ولسه هيخبط لمرة تالتة بس لاقى الباب اوضة اتفتح…ثواني يحيي بيحاول يستوعب مين قدامه

يحيي:انتى…………..