رواية حتى التقينا الفصل السادس 6 – بقلم اروى
جريت على اوضتة علشان اطلع ليه قميص سماوي فتحت الباب و دخلت بس الصدمة اني لقيت صوري انا و يحيى لما كنا صغيرين متعلقة في كل حتى في الاوضة وقفت ابص عليها و جه يحيى من ورايا و كان بيزعق
-اي دة؟…
-انتِ ازاي تدخلي؟….
ابتسمت و فضلت اتمشى في الاوضة و ابص على كل صورة و افتكر مناسبتها لحد ما لقيت صورة لبسيط اللي كنت مدهالو انا و صغيرة متعلقة جمب الدولاب
ضحكت و قولت
-لا… بتهزر… انا قولت رميتها من بدري
فضل ساكت قربت منهُ و ضربتو في كتفه بخفة
-ليه مقولتش ليا قبل كدة على الصور دي
بس هو رد بضيق و هدوء
-مش خلصتي فُرجة في الاوضة… اطلعي لو سمحتي
-طيب…. بس متنساش تغير القميص
طلعت برة استنيتو…. عدة وقت لحد ما طلع و كان لابس القميص اللي قولت عليه طلع برة و انا طلعت وراه و ناديته
-يحيى.. تعالى نتصور شكلنا حلو
مدتلهوش فرصة يتكلم و طلعت التلفون و اتصورنا
-الصورة دي هتعتبر ذكرى لصالحنا و بداية صفحة جديدة…. مع اني مش عارفة انت كنت بتعاملني كدة ليه بس تمام
-في حاجة تاني؟…
هزيت راسي بنفي و نزلنا اخدنا جدو اللي كان معاه عمتو و إبراهيم و روحنا لبيت روان
و دخلت معاها الاوضة و قعدنا شوية لحد ما مامة روان نادتها تطلع…. طلعت روان و بعديها طلعت و شوفت الفرحة في عيونها هي و إبراهيم فرحت لفرحتهم و قعدت جمب جدو لحد ما قرينا الفاتحة و كل حاجة مشيت تمام و باركت لروان و إبراهيم و مشينا
و صلنا للبيت و قعدت مع يحيى و جدو لحد ما دخل نام و فضلنا انا و يحيى في البلكونة
-هو انت ليه حاطت الصور دي في اوضتك؟
-عادي… بتفكرني بالطفولة
-دة على اساس ان ايام الطفولة كانت حلوة اوي يعني
قولت كدة و ابتسم
عدة الوقت و فضلت اتكلم مع يحيى علشان نحاول نرجع اصحاب زي زمان
تاني يوم…
نزلت مع يحيى و روحت الشغل و قعدت مع يحيى و كالعادة جات ملك و اخدتو من جمبي و راحو كمله شغل
بعد ما يحيى اكد عليا اني متحركش من مكاني
فضلت قاعدة مكاني و كنت ماسكة الورق بقلب فيه بملل رجعت حطيتو مكانو و فتحت التلفون اشغل نفسي في اي حاجة لحد ما رجع يحيى بعد وقت
قولت بعصبية
-لو هتفضل كل شوية تجيبني اقعد هنا معملش حاجة يبقى تروحني
-مش انتِ اللي قولتي عايزة تشتغلي؟
-و انت مش بتخليني اشتغل يا يحيى… وبعدين انا مش حابه المكان دة عايزة ارجع للشركة
-حد ضايقك؟…
هزيت راسي بنفي
-أمال ايه اللي اتغير؟…. دة انا كنت فاكرك حبيتي المكان و كونتي اصحاب
قال كدة و بص على عمر
-عمر مجرد زميل بس…. و بعدين انا بتكلم معاه بس في الشغل و بيعلمني حاجات
بصلي بعدم تصديق
-بجد
-ليه بتبصلي كدة؟
كشرت وهو رجع بص في اللاب توب و كمل شغله و رجعت بصيت في تلفوني لحد ما يحيى خلص شغل
رجعنا البيت و دخلت قعدت مع جدو و كانت روان قاعدة و يحيى طلع ينام
عدة شهر…
فيهم كنت بطمن على ماما كل يوم و بحاول انا و يحيى نبقى متفاهمين على قد ما نقدر
كنت قاعدة انا و يحي و قربنا نخلص المشروع الموجود في الموقع البنائي و قفنا قدام العمال و احنا بنشوفهم بس لحد دلوقتي محدش عرف اننا متجوزين و بنتعامل قدام الناس اننا عيال عم
جات ملك و وقفت مع يحيى كالعادة كل ما بتقرب من يحيى و تكلمو بحس اني مليش اعتبار اضيقت و بعدت عنهم و يحيى لاحظ دة قرب مني
-شهد انتِ كويسة؟
قولت انا و مكشرة
-اة
سكت شوية و بعدين قولت بعصبية
-هو انت ليه كل ما بتشوف ملك بتروح تقعد معاها و تسيبني
-هو انا لازم اخدك؟
صرخت في وشه من الغيظ و كنت همشي بس مسك ايدي و هو بيضحك
-طيب.. طيب مش هسيبك بس انا بكون بشتغل و عارف انك لسا معندكيش خبرة في الشغل فبسيبك بس لو الموضوع مضايقك هقعد معاكي
حسيت قلبي بيدق حطيت ايدي على قلبي و باخد نفسي بسرعة
-انتِ كويسة يا شهد
يصيت ليه بطرف عيني و بعدت ايدي اللي كان ماسكها وقولت
-اةة
جريت دخلت على الحمام بصيت نفسي في المراية و غسلت وشي
طلعت و لقيت يحيى قاعد في المكان اللي بنقعد فيه مرديتش اروح اقعد معاه و فضلت اتمشى و رنيت على ماما اطمن عليها
كنت بكلم ماما و مش واخدة بالي من الطريق و اني بعدت من المكان لحد ما خلصت المكالمة و اكتشفت اني توهت في نص الصحرة حاولت ارجع من الطريق اللي جيت منو بس مكنتش واخدة بالي انا جيت من انهي طريق بسبب المكالمة وقفت مكاني للحظة و اول حاجة خطرت في بالي ان ارن على يحيى بس مكنش بيرد
حسيت اني هبكي في الوقت دة و فضلت ارن عليه كتير بس مكنش في رد قعدت على طوبة و كنت بهدي نفسي و رجعت اتصلت بيحيى لحد ما رد
قولت بعصبية
-مش بترد ليه يا يحيى؟
-مكنتش جمب التلفون… انتِ روحتي فين؟
بلعت ريقي و قولت بهدوء
-يحيى… انا مش عارفة انا فين
-يعني ايه مش عارفة؟
-والله مش عارفة…. انا كنت بكلم ماما و مخدتش بالي اني ببعد عن المكان لحد ما خلصت و….
مكملتش كلامي و لقيت يحيى
-يعني توهتي يختي؟
-تقريباً..
-شوفي بقى مين هيجيبك؟..
-متهزرش يا يحيى بجد…. تعالى خدني
-يا بنتي لازم تعرضي نفسك للخطر مينفعش تترزعي جمبي و تقعدي ساكتة
-خلص يا يحيى هتيجي و لا هشوف غيرك
-اوصفي الزفت اللي قاعدة فيه
-انا قاعدة في مكان… فيه رملة و طوب
-نعم؟…. الصحرة ايه غير رملة و طوب متجننيش يا شهد
-انت اللي قولت اوصفي
-قصدي في حاجة مميزة في المكان
-لا
-طيب انتِ مشيتي من انهي اتجاه
-اممم… معرفش بقولك كنت بتكلم مش واخدة بالي
فضل يستغفر علشان ميغلطش فيا و قتها
-خليكي فاتحة التلفون ها
-تمام
فضل معايا على الخط علشان يطمني و بعد ساعة لقيتو جه و كان معاه قزازة ماية
جريت عليه ووقفت قدامة و زعق ليا بصوت عالي و اخدت منهُ الماية و شربت
-خلاص يا يحيى… قولت ليك كنت بتكلم في التلفون
نفخ بضيق.. مسك ايدي زي الطفلة علشان متحركش من جمبيه و فضلنا نمشي بس تعبت من كتر المشي و وقفت شوية
-هو انا كنت ماشية كل دة ازاي؟…. انا تعبت
قولت كدة و فلت ايدي و قعدت على الرملة واخدت نفسي
بس هو جه من ورايا وقالي بعصبية
-قومي يا شهد
لفيت وشي بعصبية وقولت
– مش هتحرك من هنا روح انت وشوفلنا اي خرابة اركبها
قولت كدة بس لقيت نفسي اترفعت
بصيت ليه بصدمة لأنه شالني
بص عليا وضحك وقال بهدوء
-اقفلي بوقك
-نعم؟..
-اقفلي بوقك شكلك عبيط
قفلت بوقي وقولت بهدوء
-افرض حد شافنا
-محدش هيشوفنا لأن احنا في صحرة زي ما انتي شايفة
فضل شايلني و عدة خمس دقايق و قولت بهدوء
-نزلني….
نزلني براحة
-قادرة تمشي….
هزيت راسي بهدوء و رجع مسك ايدي و كملنا مشي لحد ما وصلنا قربت ملك مننا و شافت ايدينا اللي ماسكة بعض و بصت ليا
-حمد لله على السلامة.. مهندس يحيى قال ليا انك توهتي
ابتسمت و فلت ايد يحيى و قعدت في مكان بسبب التعب و جه يحيى قعد جمبي لحد ما رجعنا البيت
دخلنا لشقة جدو بس لما دخلنا شوفنا مرات عمي هالة
قاعدة مع جدو و مع عمتو اول ما شافها يحيى تعابير وشه اتمسحت و سلم على جدو و عمتو و طلع لفوق و انا فضلت ابص للموقف لحد ما اتلكم جدو و وجه كلامه ليا
-تعالي يا شهد سلمي على مرات عمك
فضلت باصة عليها و كنت مقدرة شعور يحيى اتجاها حتى انا مبقتش احبها ليه يا جدو تحطني في الموقف دة…..مرديتش اكسر كلمته و قربت منها و حاولت ارسم لوشي بسمة و مديت ايدي اسلم وقفت و سلمت عليا
و حضنتني
-كبرتي ياشهد… ما شاءلله عليكي اخر مرة شوفتك
كنتي عيلة صغيرة
مرديتش عليها و اكتفيت اني اهز راسي
رد جدو و وجه ليا كلام
-مرات عمك بتاجي لينا من فترة لتانية لما تنزل مصر
كنت عايزة امشي بس هي فضلت ماسكة فيا و قالت
-جدك قالي انك انتي و يحيى اتجوزتو مبارك ليكم
رديت بهدوء
-الله يبارك فيكي…
مسكت كتفي و قالت
-كنت عايزة اتكلم معاكي كلمتين… دة بعد اذنك يا عمي
بصيت لجدو وهز راسه و بعدين اخدتني للبلكونة
بصيت للشارع و هي فضلت ساكتة كام دقيقة و اتكلمت
-مش عارفة انتِ فاكراني او لا…. لأن يعتبر مقدعناش مع بعض فترة كبيرة
بصيت ليها بطرف عيني من غير ما ابص عليها و هزيت راسي و قولت بهدوء
-فكراكي
ابتسمت و كملت كلامها
-لما انتِ و اهلك مشيتو من هنا انا ساعتها حسيت بذنب لأن كدة يحيى هيبقى وحيد علشان لما مشيت و سيبتو كنت متأكدة انك هتبقي معاه و ترعيه زي ما وعدتيني لو فاكره…. بس اول ما عرفت من عمي انك مشيتي كنت متأكدة ان يحيى هيبقى في حالة وحشة رنيت على عمي و قولت ليه اني عايزة اجي اخد يحيى وقتها هو رفض بشدة و كان زعلان مني مش هو بس كلكم انا متأكدة انكم زعلانين مني حتى انتِ
رجعت و قولت تاني و تالت اني عايزة اجي اخد يحيى بس عمي كل شوية يرفض و لما شافني مصّرة اني اخده قالي انهُ هيفتح الموضوع مع يحيى و يشوف رأيه
بس يحيى موافقش فضلت ارن على عمي علشان بس اتكلم او اسمع صوت يحيى بس هو يحيى كان بيرفض لحد ما جيت اول مرة كان البيت هادي و ملهوش صوت و يحيى فضل حابس نفسة في الاوضة و فضلت واقفة قدام الباب اتحايل عليه بالساعات بس هو مفتحش ولا ردي يتكلم معايا مشيت وقتها و حسيت بأني مستحقش ابقى ام و فضلت اسأل نفسي انا ازاي سبت ابني و ازاي وصلته لدرجة انهُ كارهني و في سنو كدة عرفت وقتها اني خسرت ابني
مسحت دموعها و كملت كلامها
-دي المرة الخامسة اجي فيها و يحيى حتى مبيرداش يبص عليا….. وحشني بس اخدو في حضني او اتكلم معاه… عارفة اني غلطانة بس والله ندمت و بحاول اصلح غلطتي و اقرب يحيى تاني ليا
حسيت من كلامها انها بتكلم بصدق و قلبي و جعني عليها و مسكت ايدي بهدوء و قالت
-ممكن تساعديني اخلي يحيى يسامحني….
سكت شوية و بعدين بصيت ليها و قولت
-اظن انك مش محتاجة مساعدة مني… يعني لازم انتِ ترجعي تخلي يحيى يثق فيكي تاني و لو انهُ الموضوع صعب بس لو فعلا عايزة يحيى يسامحك متيأسيش
انا مش عارفة انتِ كنتي بتفكري في ايه لما سبتي يحيى حتى لو دلوقتي ندمانة اوقات كنت بقول لنفسي لو انا مكان يحيى كان هيحصلي ايه لأنك زي ما انتِ قولتي انا فعلا مش عايزة اتلكم معاكي و رغم كدة مأذيتنيش… تخيلي بقى يحيى اللي أذيتي
فلت ايدي و قولت بهدوء من غير ما ابص عليها
-انا مش هقدر اساعدك…. اسفة… بس هحاول افتح الموضوع مع يحيى و اعمل اللي عليا
سيبتها و طلعت فتحت باب الشقة و فضلت ادور على يحيى بس ملقتهوش و فتحت اوضتو و ملقتهوش طلعت من الشقة و طلعت السطح لقيته كان واقف ساند على السور و باين عليه انهُ بيبكي
مهما كبر عمره ما هينسى الوجع و الكسرة اللي حصلت ليه مرديتش ادخل لأنه عايز يقعد لوحدو نزلت تاني للشقة و عملت عصير موز بالبن و كبيت ليا كوباية و ليحيى كوباية و رجعت دخلت السطح و قبل ما اقرب منهُ كحيت و هو مسح وشه…. قربت منهُ و مديت ايدي بالكوباية
-اي دة؟
-عصير موز بالبن اكيد مش هيبقى نفس اللي ماما كانت بتعملهولنا احنا و صغيرين بس مقبول… عملت لنفسي كوباية و قولت اجيب ليك كوباية انت زي ابن عمي بردو
ابتسم
-لسا فاكرة
-طبعاً…. هي دي ذكريات تتنسي لما كنت بنقذك من اللي بيضيقوك و اديلك العصير بتاعي
-هتفضلي تذليني بسبب انك كنتي بتاجي تاخدي حقي انا و صغير
-متنكرش اني كنت بنقذك
– بتعرضي حياتنا احنا الاتنين للخطر و تقولي بتقذيني
-اتصدق انك بارد و مش بترد الجميل
سندت على السور و هو ضحك
-مقولتش اي رأيك في العصير؟
-وحش
-والله؟… طيب هات
مديت ايدي اخدو بس هو بعد
-عيل رخم…
قولت كدة و اخدت شفطة من العصير
تحت نظرات يحيى اللي فضل يضحك
و في اللحظة دي بس عرفت اني اخيرا ارجع علاقتي مع يحيى و نرجع تاني اصحاب و كأننا لسا عيال صغيرة
عدة اليوم و جه تاني يوم روحنا انا و يحيى الشغل و محصلش حاجة جديدة و لما رجعنا طلع يحيى ينام و انا قعدت مع جدو اللي فتح معايا موضوع يحيى
-يعني الست تيجي و تمد ايديها علشان تساعديها و أنتِ تقولي لا
-جدو انا ماشية بمقولة من افسد شيئ وجب عليه إصلاحه
-ما هي بتحاول تصلحه
اتنهدت بهدوء و كملت كلامي
-انا ما صدقت علاقتي انا و يحيى رجعت حلوة مش عايزة اخربها بأيدي
-و انك ترجعي علاقته مع والدته يبقى كدة بتخربي علاقتكم
-جدو…. يحيى… يحيى صعبان عليا… لما كنت بشوفوا و احنا صغيرين مش بيعرف يرد للعيال اللي بيضيقوا لأن هما كاسرين عينه بموضوع مامته كنت براقبه وقت طويل اوي علشان اشوف هيعمل ايه بس في الاخر كان بيسكت…. بيسكت يا جدو… تقدر تقولي لو هي رجعت دلوقتي ممكن تعوض يحيى ازاي؟… مش هقدر ارد نيابة عنهُ بس هو لو سامحها اكيد مش هيسامحها بسهولة و لما طلبت مني اني اساعدها اول حاجة جات في دماغي لما يحيى كان بيسكت….
من وجهه نظري لو هي فعلا عايزة يحيى يسامحها تتعب لوحدها
عدة يومين مرات عمي كانت بتكلمني فيهم كل شوية علشان بس اخلي يحيى يسمعها و بالرغم اني مش عايزة ادخل في الموضوع بس صعبت عليا انها حتى لو غلطت متستحقش كدة و على الاقل تسمع صوتوا وافقت اني اساعدها بس هي اللي تنفذ و فعلا بدأت اقولها تعمل ايه و حطيت الموضوع قي دماغي و كنت بعمل دة لله علشان اجمع ام مع ابنها بغض نظر عن المكافأة اللي هاخدها من مرات عمي و جدو لو خليت يحيى يتكلم مع امه بس نرجع و نقول كله لله
صحيت تاني يوم اللي كان الجمعة و اجازة قومت الساعة ستة الصبح اتوضيت و صليت و قومت اخبط على باب اوضة يحيى اصحي بس هو مفتحش
فتحت الباب و فتحت الشباك و دخلت الضوء اللي ازعج يحيى و فتح عينيه بصعوبة قربت منهُ و هزيتو
-قوم يا يحيى
فرك عينيه و بص للساعة اللي في التلفون
-انهاردة اجازة يا شهد…. ليه بتصحيني بدري
قعدت على ركبتي و قربت وشي بهدوء و قولت ببرأة مصتعنة
-مين هيساعد مراته في التنظيف؟…
لقيتو مسك مخدة من جمبي و رماها عليا
-غوري يا شهد من وشي….
رجع البطانية لوشه
قعدت جمبية و فضلت افكر اعمل ايه سيبتو و رجعت و مسكت الصفارة اللي جبتها من اوضتي و فضلت آصفر بيها
قام يحيى و كان باين عليه الضيق و قال بصوت عالي
-خلاص…. وقفي زفته دي
ابتسمت كأنو ولا لسا مزعقلي و قولت بهدوء
-صباح الخير
-اللهم إني لا أسألك ردَّ القضاء ولكني أسألك اللطف فيه
-قصدك اني ابتلاء يا يحيى؟
حاولت اهدي نفسي علشان الخطة متبوظش
-عايزة ايه؟
-اممم…. عايزاك تقوم تفطر معايا و بعدين ننظف الشقة مع بعض علشان في ضيوف جاية
بص ليا بأستغراب
-ضيوف؟…
-انت لسا هتكلم دقيقتين و اللاقيك ورايا
طلعت و دخلت المطبخ اعمل فطار و خلص يحيى صلاة و جه فطر
-ضيوف مين اللي جاية؟
حطيت صباعي على بوقي بتفكير مصتنع
-اقولك؟….. لا لا.. خليها مفجأة
-خلصي يا شهد
-تنظف معايا و بعدين اقولك
قولت كدة و بعدين قومت بدأت تنظيف و يحيى كان بيساعدني لحد ما خلصنا
-استنى استنى…. رايح فين
-مش شايفة شكلي عامل ازاي؟… هدخل استحمى
-استنى نتصور الاول
-بالمنظر دة
هزيت راسي و ابتسمت
-علشان تبقى ذكره و بعد سنيييين افتح الصورة بالصدفة و اشوفها و اضحك و اقول ياااه فين ايام ما كان يحيى بينظف معايا
خلصت كلامي و فتحت الكاميرة و قربت من يحيى و اتصورنا و بعدين بصلي
-بس انتِ مش واخدة بالك انك بتصوريني في اسوء حالاتي يعني مرة ايدي كانت فيها جبيرة و دلوقتي وانا بنظف
ضحكت على كلامه و بعدين سكت و قولت
-مصورتش لما توهت يا يحيى…
طب طب على كتفي بهدوء
-معلش
-نروح للمكان اللي توهت فيه و نتصور هناك
رد بتريقة
-عيني حاضر و بدل ما تبقي انتِ اللي تايهة يبقى انا و ياكي و نتصور بقى لذكرى ديي
-اتصدق فكرة… بس بطل تريقة بتكلم بجد
-حاضر
-احلى حاجة فيك يبني انك بتاخدني على قد عقلي
-اصل بحاول اطلع شهادة معاملة اطفال…
-هو انت بتهزقني.؟
فضل يضحك و دخل يستحمى و انا نزلت لجدو نظفت الشقة و بدأت اعمل اكل و نزل يحيى
و سلم على جدو و قعد جمبي على السفرة و انا بقطع السلطة سحب خيارة و وجه كلامه لجدو
-ضيوف مين اللي جاية؟
-ضيوف ايه… لا دي….
كان هيكمل كلامه بس انا برقت ليه و قال جدو بأرتباك
-لا محدش هيجي…. ضيوف… هو في ضيوف هياجو انهاردة يا شهد؟
خبطت وشي من اداء جدو اللي هيكشفنا
بصيت ليحي و ابتسمت
-انت مستعجل ليه كلها ساعة و هياجو
بعلت ريقي بسبب نظرات يحيى اللي تقريباً شك في حاجة….. كملت اكل و بعدين طلعت استحمى و غيرت هدومي و نزلت
قعدت في شقة جدو و كانت مرات عمي لسا موصلتش و كنت بفكر اي هيعمل يحيى لما هيشوف مامته داخلة و دخل في دماغي اكتر من سيناريو و بدأت اني اقلق لحد ما قاطع تفكيري صوت خبط الباب و دخلت والدتة يحيى و هي بتقول
-السلام عليكم……
•تابع الفصل التالي “رواية حتى التقينا ” اضغط على اسم الرواية